مەملەكەتتىك ساياسي كەڭەس «جۇڭگو كوممۋنيستىك پارتياسىنىڭ ساياسي كەڭەس قىزمەت ەرەجەسىن» ۇيرەنۋ اڭگىمە ءماجىلىسىن اشتى
ۋاڭ ياڭ ءماجىلىستى باسقاردى ءارى ءسوز سويلەدى
2022.09.22 17:09 كەلۋ قاينارى : حالىق تورابى
«حالىق گازەتى»، 9 - ايدىڭ 21 - كۇنى، بەيجيڭ (ءتىلشى فىڭ چۇنمەي). مەملەكەتتىك ساياسي كەڭەس 9 - ايدىڭ 21 - كۇنى بەيجيڭدە «جۇڭگو كوممۋنيستىك پارتياسىنىڭ ساياسي كەڭەس قىزمەت ەرەجەسىن» ۇيرەنۋ اڭگىمە ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى.
ۋاڭ ياڭ بىلاي دەپ اتاپ كورسەتتى: ج ك پ ورتالىق كوميتەتىنىڭ ساياسي كەڭەس قىزمەتىن ارناۋلى ارناعا تۇسىرگەن پارتيا ىشىندەگى زاڭدىق ەرەجە رەتىندە، ەرەجە شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ ساياسي كەڭەس قىزمەتىنە ايرىقشا ءمان بەرىپ جانە پارمەندى باسشىلىق ەتىپ وتىرعانىن ايگىلەدى. ەرەجەگە ۇزاق ۋاقىتتان بەرگى، وتە - موتە، ج ك پ 18 - قۇرىلتايىنان بەرگى ساياسي كەڭەس قىزمەتىنىڭ باي امالياتى مەن تابىستى تاجىريبەلەرى شوعىرلانعان، بۇل − ساياسي كەڭەس قىزمەتىن ويداعىداي ىستەۋدىڭ نەگىزگى تياناعى، جاڭا داۋىردەگى جۇڭگو كوممۋنيستىك پارتياسىنىڭ بيلىكتى عىلمي، دەموكراتيالى، زاڭ بويىنشا جۇرگىزۋىنىڭ ماڭىزدى بەينەسى، پارتيانىڭ جاپپاي باسشىلىق ەتۋىن كۇشەيتۋدە، وتانشىلدىق بىرلىكساپتى بەكەمدەۋدە جانە دامىتۋدا، جالپى بارىستىق حالىق دەموكراتياسىن دامىتۋدا، مەملەكەتتى جونگە سالۋدىڭ وسىزاماندانۋىن ىلگەرىلەتۋدە كەلەلى ءمان الادى.
ۋاڭ ياڭ بىلاي دەپ اتاپ كورسەتتى: 3 ايدان استام ۋاقىت ۇيرەنۋ ارقىلى كوپشىلىك حالىق ساياسي كەڭەسىنىڭ ساياسي كەڭەسۋىنىڭ باي مازمۇنىن دۇرىس ءتۇسىنىپ جانە يگەرىپ، حالىق ساياسي كەڭەسىنىڭ سيپاتى مەن ورنىندا تاباندى بولىپ، حالىق ساياسي كەڭەسىنىڭ تۇزىمدەنگەن ساياسي كەڭەس تۇعىرى بولۋ رولىن كۇشەيتىپ، جۇڭگو كوممۋنيستىك پارتياسىنىڭ حالىق ساياسي كەڭەسىندە ورىستەتكەن ساياسي كەڭەسىن مۇقيات ۇيىمداستىرىپ، ساياسي كەڭەستىڭ كەڭەس دەموكراتياسى قۇرىلىسىنا باستاماشىلىق، جەتەكشىلىك ەتۋ رولىن اناعۇرلىم ويداعىداي ساۋلەلەندىرىپ، ارناۋلى كەڭەس قۇرىلىمى قۇرىلىسىنىڭ جالپى تۇلعالىق ساپاسىن جوعارىلاتۋى كەرەك. كەڭەسۋ ارقىلى ورتاق تانىمدى ۇيىستىرۋدا، ورتاق تانىم ارقىلى ىنتىماقتى بەكەمدەۋدە تاباندى بولىپ، حالىق ساياسي كەڭەسىنىڭ ساياسي كەڭەسى ارقىلى پارتيانىڭ قۋاتتاماسى مەن لۋشيان، باعىت، ساياساتتارىن حالىق ساياسي كەڭەسىنە قاتىناسقان پارتيا - توپتار مەن ءار ۇلت، ءار سالا قايراتكەرلەرىنىڭ كەڭ كولەمدى ورتاق تانىمىنا اينالدىرىپ، ىنتىماقتاسا كۇرەس جاسايتىن قۇدىرەتتى كۇش توپتاۋى كەرەك.
ۋاڭ ياڭ بىلاي دەپ دارىپتەدى: ەرەجەنى ۇيرەنۋ، دايەكتىلەندىرۋ − حالىق ساياسي كەڭەسىنىڭ ماڭىزدى ساياسي مىندەتى. ساياسي كەڭەستىڭ پارتگرۋپپاسى پارتيانىڭ حالىق ساياسي كەڭەسىنىڭ ساياسي كەڭەس قىزمەتىنە باسشىلىعىن جۇزەگە اسىرۋ ساياسي جاۋاپكەرلىگىن سانالى تۇردە ارقالاپ، جالپى ءماجىلىستى جەتەكشى، ارناۋلى تاقىرىپتا ۇكىمەت ءىسىن كەڭەسۋ سيپاتىنداعى تۇراقتى كوميتەت ءماجىلىسى مەن ارناۋلى تاقىرىپتاعى كەڭەس ءماجىلىسىن ماڭىزدى ءتۇيىن، ءتۇرلى كەڭەس اڭگىمە ماجىلىستەرىن ۇدايىلىق جاعداي ەتكەن حالىق ساياسي كەڭەسىنىڭ ساياسي كەڭەس جاعدايىن ۇزدىكسىز كەمەلدەندىرىپ، ءتۇيىندى كەڭەسۋ مەن ۇنەمىلىك كەڭەسۋدىڭ ءبىرىن - ءبىرى تولىقتاۋىن، ءبىرىن - ءبىرى جەبەۋىن جۇزەگە اسىرىپ، قىزمەت امالياتى مەن ءتۇزىمىنىڭ كەمەلدەنۋى مەن ءبىرىن - ءبىرى جەبەۋىن ىلگەرىلەتۋى كەرەك. ەرەجەنى ۇيرەنۋدى، ۇگىتتەۋدى، كۋرستان وتكىزۋدى ويداعىداي يگەرىپ، حالىق ساياسي كەڭەسىنىڭ ساياسي كەڭەس ءتارتىبى بۋىندارىن قاتاڭ ارناعا ءتۇسىرىپ، كەڭەس جوسپارىن عىلمي جاساپ، ناقتى قىزمەت جوباسىن اشالاپ، كەڭەسۋ قۋاتى قۇرىلىسىن كۇشەيتىپ، پارتيالى مۇشەلەردىڭ ساياسي جەتەكشىلىك رولىن ساۋلەلەندىرىپ، ج ك پ ورتالىق كوميتەتىنىڭ ساياسي كەڭەس قىزمەتى جونىندەگى باعىت - ساياساتتارى مەن شەشىم - ورنالاستىرۋلارىنىڭ ناقتى تياناقتانۋىنا كەپىلدىك ەتۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ۋان گاڭ، لي بين، جىڭ جيانباڭ جانە شاڭ فۋلين، ۋاڭ ۋەيگۋاڭ، سۇن چيڭجۇي، لين ي - فۋ، جاڭ شۋحۋا قاتارلى جولداستار پىكىر اۋىستىرىپ، ءسوز سويلەدى. مەملەكەتتىك ساياسي كەڭەس ءتوراعاسىنىڭ ورىنباسارلارى ليۋ چيباۋ، لۋ جانگۇڭ، ما بياۋ، چىن شياۋگۋاڭ، باتىر، سۋ حۇي، گۋ شىڭزۋ، حى ۋەي، شاۋ حۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
