بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ چيشان 2022 – جىلعى حالىقارالىق بەيبىتشىلىك كۇنىن ەسكە ءتۇسىرۋ قيمىلىنا قاتىناستى

2022.09.22 17:10     كەلۋ قاينارى : حالىق تورابى

  «حالىق گازەتى»، 9 - ايدىڭ 21 - كۇنى، بەيجيڭ (ءتىلشى ۋاڭ شياۋبو). 9 - ايدىڭ 21 - كۇنى مەملەكەت ءتوراعاسىنىڭ ورىنباسارى ۋاڭ چيشان بەينە ەكران تاسىلىمەن 2022 – جىلعى حالىقارالىق بەيبىتشىلىك كۇنىن ەسكە ءتۇسىرۋ قيمىلىنا قاتىناستى ءارى ارقاۋ ءسوز سويلەدى.

  ۋاڭ چيشان مىنانى ءبىلدىردى: حالىقارالىق بەيبىتشىلىك كۇنى دۇنيە جۇزىندەگى ءار ەل حالقىنىڭ بەيبىتشىلىك پەن تىنىشتىققا دەگەن شىنايى ءۇمىتىن ارقالاپ وتىر. قازىر دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ءتوراعا شي جينپيڭ ادامزاتتىڭ بولاشاعى مەن تاعدىرىن جانە حاۋىپ - قاتەرىن، باقىتىن كوكەيدە ساقتاپ، دۇنيە جۇزىلىك حاۋىپسىزدىك باستاماسىن العا قويدى. وسى ماڭىزدى باستاما حالىقارالىق قوعامنىڭ دۇنيە ءجۇزىنىڭ بەيبىتشىلىگىن قورعاۋ، ورتاق دامۋدى جەبەۋ سىندى جالپىلىق تىلەگىن بەينەلەپ، بەيبىتشىلىك قىزىل سيفرىن جويىپ، حاۋىپسىزدىك قيىنشىلىعىن شەشۋگە جۇڭگونىڭ اقىل - پاراساتىن ارناپ، جۇڭگو جوباسىن ازىرلەدى.

  ۋاڭ چيشان بىلاي دەپ دارىپتەدى: جۇڭگو حالىقارالىق قوعاممەن بىرگە دۇنيە جۇزىلىك حاۋىپسىزدىك باستاماسىن بىرگە جۇزەگە اسىرۋدى قالايدى. ءبىز ءوزارا قۇرمەت ەتىپ، ىنتىماقتى، سەلبەستىكتى كۇشەيتىپ، مەملەكەتتىڭ حاۋىپسىزدىگىنە، يەلىك ۇقىعىنا جانە دامۋ مۇددەسىنە، ءسوز جوق، قۇرمەت ەتۋىمىز، ءار ەلدىڭ ىشكى ىسىنە ارالاسپاۋىمىز كەرەك. ءبىز ورتاق، كەشەندى، سەلبەسكەن، باياندى حاۋىپسىزدىك كوزقاراسىن ۇستانىپ، بەينەت پەن زەينەتتى بىرگە كورۋدەن جازباي، ورتاق حاۋىپسىزدىكتى قورعاۋىمىز كەرەك. ءبىز پىكىرلەسۋدە، كەڭەسۋدە تاباندى بولىپ، بەيبىت قاتار تۇرۋدى جۇزەگە اسىرىپ، داعدارىستى بەيبىت جولمەن شەشۋگە ءتيىمدى بارلىق قۇلشىنىستى تۋدى ايقىن ۇستاي وتىرىپ قولداۋىمىز كەرەك. ءبىز تار جول، تايعاق كەشۋلەردەن بىرگە ءوتىپ، دۇنيە جۇزىلىك جونگە سالۋدى كەمەلدەندىرىپ، زورەكەرلىك، وكتەمدىك ارەكەتتەرىنە باتىل قارسى تۇرىپ، ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاپ، ءار ەلدىڭ دامىپ، گۇلدەنۋىن جەبەۋىمىز كەرەك.

  ۋاڭ چيشان بىلاي دەپ اتاپ كورسەتتى: تاريح بىزگە بەيبىتشىلىك ادامزاتتىڭ ورتاق ءىسى ەكەنىن ۇعىندىردى. جۇڭگو قاشان دا بەيبىت دامۋ جولىمەن جۇرۋدە تاباندى بولىپ، دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى. جۇڭگو دۇنيە جۇزىندەگى بەيبىتشىلىكتى سۇيەتىن بارلىق ەلمەن جانە حالىقپەن قول ۇستاسا بىرگە بولىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋدى قالايدى.

  بىرلەسكەن مەملەكەتتەر ۇيىمىنىڭ باس حاتشىسى گۋتتەرەس، نەپالدىڭ زۇڭتۇڭى بانداري قاتارلىلار بەينە ەكران تاسىلىمەن ماجىلىسكە قاتىناستى. ماجىلىسكە قاتىناسقان شەتەلدىك قايراتكەرلەر مىنانى ءبىلدىردى: دۇنيە جۇزىلىك حاۋىپسىزدىك باستاماسى ءار ەل حالقىنىڭ ورتاق تىلەگىنە ۇيلەسىپ، بەيبىت، حاۋىپسىز جانە گۇلدەنگەن دۇنيە ءجۇزىن قۇرۋعا ماڭىزدى قوزعاۋشى كۇش قوستى.

  مەملەكەتتىك ساياسي كەڭەس ءتوراعاسىنىڭ ورىنباسارى، جۇڭگو حالىقتىڭ بەيبىتشىلىككە قول جەتكىزۋى جانە اسكەر قىسقارتۋ قوعامىنىڭ باستىعى ما بياۋ ەسكە ءتۇسىرۋ قيمىلىنا قاتىناستى ءارى ءسوز سويلەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار


سول جەردىڭ ۋاقىتى بويىنشا 9 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ سامارحان مەملەكەتتىك قوناق ۇيىندە رەسەيدىڭ زۇڭتۇڭى پۋتينمەن، موڭعۇليانىڭ زۇڭتۇڭى حورەلسۋحپەن جۇڭگو، رەسەي، موڭعۇليا 3 ەل مەملەكەت باسشىلارىنىڭ 6 - رەتكى كەزدەسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن


سول جەردىڭ ۋاقىتى بويىنشا 9 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ سامارحان مەملەكەتتىك قوناق ۇيىندە رەسەيدىڭ زۇڭتۇڭى پۋتينمەن ەكى جاقتى كەزدەسۋ وتكىزىپ، جۇڭگو - رەسەي قاتىناسى جانە ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە پىكىر الماستىردى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن