ەل ءىشى - سىرتىمەن تۇتاسىپ، شىعىس، ورتا، باتىس بولەكتەردى شارپىدى
حىنان ولكەسى زات اينالىمى ارناسى تورابىن جەدەل قۇردى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى گۇڭ جينشيڭ، ما يۋەفىڭ، ۋاڭ جى
2022.09.22 17:12 كەلۋ قاينارى : حالىق تورابى
كۇز سامالى ەسىپ، قايراتتانا العا ۇمتىلۋدىڭ ومىرشەڭدىك كۇشى ورتا جازىقتىڭ بايتاق دالاسىندا تاسقىندادى. جىڭجوۋ - شي - ان جوعارى قارقىندىق تاس جولىنىڭ شۋاڭلۇڭ - شيشيا بولىگىنىڭ قۇرىلىس ورنىندا جول بەتىنە اسفالت توسەۋ جانە كوپىرلەردى تۇتاستىرۋ جۇمىسى اياقتاۋ كەزەڭىنە ءوتتى، تاس جول جىل ىشىندە پايدالانۋعا بەرىلەدى؛ شاحى وزەنىنىڭ لوحى - پيڭديڭشان سۋ تاسىمالى ينجەنەرياسى قاربالاس جۇرگىزىلۋدە، جىل سوڭىنان بۇرىن سالىنىپ بولۋعا كەپىلدىك ەتىلىپ، شايىڭ وزەنىنىڭ پيڭديڭشاننان ولكە شەكاراسىنا دەيىنگى 273 كيلومەترلىك 4 - دارەجەلى سۋ جولىنىڭ تۇتاس جەلىسىندە قاتىناۋ جۇزەگە اسىرىلماق ... سوڭ قاتىناس تورابىنىڭ جاڭا ابزالدىعى قالىپتاستى، حىنانداعى قالىڭ كادرلار مەن بۇقارا تاسقىنداعان جىگەرمەن ءىس تىندىرىپ، يگىلىك جاراتىپ، ءىس جۇزىندىك ارەكەتتەرى ارقىلى پارتيانىڭ 20 - قۇرىلتايىنىڭ جەڭىسپەن اشىلۋىن قارسى الۋدا.
9 - ايدىڭ 16 - كۇنى تاڭ سارىدە جىڭجوۋ سولتۇستىك ۆوگزالىندا جۇڭگو - ەۆروپا كەزەكشى پويەزى (جىڭجوۋ) باياۋ كىرىپ، ورتا جولدا بۇرىلىس جاساۋدى جەدەل جۇزەگە اسىردى. ءبىر ساعاتتان استام ۋاقىتتان كەيىن X9021 كەزەكشى پويەزى ءدال ۋاعىندا قوزعالدى، ول قورعاس وتكەلى ارقىلى مەملەكەت قاقپاسىنان شىعىپ، زاتتاردى ورتا ازيا وڭىرىنە جەتكىزەدى. رەتتەۋ بولمەسىندە كەزەكشىلىك پۋنكتىنىڭ باستىعى تان جىيۇڭ ەكرانعا قاداعالاي نازار اۋدارىپ، قولىنداعى تىلدەسكىشپەن ۇزدىكسىز بۇيرىق ءتۇسىردى. «ءبىز، ءسوز جوق، باس شۋجي شي جينپيڭنىڭ ‹شەكارا ءىشى - سىرتىمەن تۇتاساتىن، شىعىس، ورتا، باتىس بولەكتەرگە ىقپال جاسايتىن زات اينالىمى ارناسى تورابىن قۇرۋ› جونىندەگى ماڭىزدى نۇسقاۋىن ىشكەرىلەي دايەكتىلەندىرىپ، تياناقتاندىرىپ، ءاربىر جۇڭگو - ەۆروپا كەزەكشى پويەزىنىڭ جىڭجوۋ سولتۇستىك ۆوگزالىندا گرۋپپانى ءساتتى قۇراستىرۋىنا كەپىلدىك ەتىپ، ءتىپتى دە كوپ ‹جۇڭگو جاساۋ كاسىبىنىڭ› دۇنيە جۇزىنە بەت الۋىنا مۇمكىندىك جاسايمىز» دەدى تان جىيۇڭ.
«قازىر جۇڭگو - ەۆروپا كەزەكشى پويەزدەرىنىڭ (جىڭجوۋ) زات جيناۋ كولەمى بۇكىل ەلدىڭ 4/3 ءوڭىرىن شارپىدى، شەكارا سىرتىندا 30 نەشە مەملەكەتتىڭ 130 نەشە قالاسىنا جەتەدى». حىنان ولكەلىك دامۋ جانە رەفورما كوميتەتىنىڭ مەڭگەرۋشىسى ما جيان بىلاي دەدى: «ءبىز ‹سيفرلى كەزەكشى پويەز›، ‹تۇراقتى تەمپەراتۋرالى كەزەكشى پويەز›، ‹تاسىمال مەن ساۋدانى ءبىر تۇلعالاندىرۋ› سياقتى حىناننىڭ ابزالدىققا يە ەرەكشە تانىسقىسىن كۇش سالا قالىپتاستىردىق. 2013 - جىلى 7 - ايدان قازىرگە دەيىن جۇڭگو - ەۆروپا كەزەكشى پويەزدەرىنىڭ (جىڭجوۋ) جالپى قاتىناۋ مولشەرى 6 مىڭ رەتتەن استى، بىلتىر كەزەكشى پويەزدەردىڭ زات قۇنى، جۇك سالماعى سايكەس مەزگىلدەگىدەن جەكە - جەكە %40.1، %41.2 ارتتى. جۇڭگو - ەۆروپا كەزەكشى پويەزدەرىنىڭ ساپاسىن جوعارىلاتىپ، ونىمدىلىگىن ارتتىرۋىنىڭ استارىندا حىنان ولكەسىنىڭ ابزالدىقتى قايتا سومداۋ ستراتەگياسىن اتقارىپ، قاتىناس وڭىرلىك ابزالدىعىنىڭ توراپتىق ەكونوميكالىق ابزالدىققا بۇرىلىس جاساۋىن ىلگەرىلەتىپ، ساپالى دامۋدىڭ جاڭا قوزعاۋشى كۇشىن قالىپتاستىرۋداعى قاجىماي - تالماي قۇلشىنۋى جاتىر.
وتكەن جىلدان بەرى «حىنان ولكەسىنىڭ ‹14 – بەسجىلدىق› كەزىندەگى وسى زامانعى جالپىلىق قاتىناس - تاسىمال جۇيەسى مەن توراپتىق ەكونوميكانى دامىتۋ جوباسى»، «حىنان ولكەسىنىڭ امبەباپ سترەولدى قاتىناس تورابى جوباسى (2021 − 2035 – جىلدار)» ىركەس - تىركەس جاريالانىپ، قاتىناس جاعىندا كۇشتى ولكە قۇرۋدى جەدەلدەتۋ جول كارتاسىمەن جانە قۇرىلىس جۇرگىزۋ كارتاسىمەن قامدالدى.
ۇلكەن ارنا سالىپ، مىعىم توراپ قۇردى. «حىنان قاتىناس تورابىنىڭ قۋاتىن ۇزدىكسىز جوعارىلاتىپ، ‹تەمىر جول، تاس جول، ۇشاق، سۋ جولى› ءىرى نىساندارىنان ءبىر توبىن ورنالاستىردى». حىنان ولكەلىك قاتىناس - تاسىمال مەڭگەرمەسىنىڭ جاۋاپتىسى بىلاي دەپ تانىستىردى: جىڭجوۋدى وزەك ەتىپ، ورتا بولىكتى قامتىعان، بۇكىل ەلگە ىقپال جاسايتىن نۇر شاشقان جۇلدىز فورمالى جوعارى قارقىندى تەمىر جول تورابى سالىنىپ بولدى؛ جىڭجوۋ - ليۋكسەمبۋرگ «اۋەدەگى جىبەك جولى» 2014 - جىلى اشىلعاننان قازىرگە دەيىن جىڭجوۋ اۋە جولىنان ليۋكسەمبۋرگكە جيىنى 4 مىڭ كەزەكتەن استام جۇك تاسىمالى ۇشاعى ۇشتى؛ جوۋكوۋ پورتى مەملەكەت بويىنشا ءتۇيىندى دامىلاتىن 36 ىشكى وزەندەگى نەگىزگى پورتقا ەنگىزىلدى. قازىر ورتا جازىقتىڭ بايتاق دالاسىندا تەمىر جول جەلىسى كەڭەيىپ، اۋەجاي ورتالىعى نىعايىپ، تاس جول تىعىزدىعى جوعارىلاپ، سۋ تاسىمالى وزەن - داريالاردى تۇتاستىردى.
ءىرى زات اينالىمىن دامىتىپ، ۇلكەن اينالىمدى جەبەدى. حىنان ولكەسى اۋە - تەمىر جول بىرلەسپە تاسىمالىنان ۇلگى كورسەتۋ ينجەنەرياسى سياقتى كەلەلى نىسانداردى اتقارىپ، شەكارا ءىشى – سىرتىمەن تۇتاساتىن، شىعىس، ورتا، باتىس بولەكتەرگە ىقپال جاسايتىن وسى زامانعى سترەولدى قاتىناس جۇيەسى مەن زات اينالىمى ارناسى تورابىن كۇش سالا قالىپتاستىردى. بيىل الدىڭعى جارتى جىلدا حىناننىڭ قوعامدىق زات اينالىمىنىڭ جالپى سوماسى 8 تريلليون 500 ميلليارد يۋانعا جەتىپ، سايكەس مەزگىلدەگىدەن %4.3 ارتتى؛ زات اينالىمى كاسىبىنىڭ جالپى كىرىسى 373 ميلليارد 330 ميلليون يۋان بولىپ، سايكەس مەزگىلدەگىدەن %6.3 ارتتى.
شاڭچيۋ قالاسىنىڭ وڭىرلىك ابزالدىعىنا جانە تىعىز توقىلعان تەمىر جول، تاس جول تورىنا سۇيەنىپ، يەلەگەن جەرى 2 مىڭ 100 مۋ كەلەتىن شاڭچيۋ اۋىل شارۋاشىلىق ونىمدەرى ورتالىعىنىڭ تولايىم بازارى تاياۋ جىلداردان بەرى جەدەل ەڭسە كوتەرىپ، قازىر حىنان، شاندۇڭ، جياڭسۋ، انحۇي سىندى 4 ولكەنىڭ شەكارالاسقان وڭىرىندەگى ماڭىزدى اۋىل شارۋاشىلىق ونىمدەرىن جيناۋ - جونەلتۋ ورتالىعىنا، زات جەتكىزۋ ورتالىعىنا اينالدى. «مەنىڭ وسى ءبىر كۇندەگى ساۋدام 200 مىڭ يۋاننان استى، قاتىناس قولايلى بولدى، تۇرمىسىم ءتىپتى دە جاقساردى» دەدى بازار ساۋداگەرى حى چاۋجيە قۋانىشپەن.
ءىرى كاسىپتەردى جەتىلدىرىپ، ءىرى ورتالىق قالالاردى سومدادى. جىڭجوۋ اۆياتسيا پورتى ەكونوميكالىق جالپىلىق تاجىريبە رايونى ءدارى - دارمەك، ازىق – تۇلىككە پايدالانىلاتىن سۋ جانۋارلارى سياقتىلاردى تاسىمالداۋ رۇقساتىن الىپ، اۆياتسيا زات اينالىمى، جوعارى دەڭگەيلى جاساۋ جانە وسى زامانعى قىزمەت وتەۋ كاسىبى سىندى 3 ۇلكەن جەتەكشى كاسىپتى ارقاۋ ەتىپ، زەردەلى تەرمينال ەلەكتروندىق ينفورماتسيا وزىق جاساۋ كاسىبى شوعىرىن جەتەكشى ەتكەن كاسىپ جۇيەسىن العاشقى ادىمدا قالىپتاستىردى.
«ىشكى قۇرلىقتى اشىق ۇستاۋدىڭ جاڭا بەلەسىن جەدەل قالىپتاستىرۋ ولكە بويىنشا جوعارىدان تومەنگە دەيىن كەڭ كولەمدى ورتاق تانىمعا، حىناننىڭ ساپالى دامۋىنىڭ جاڭا قوزعالتقىشىنا اينالدى. ‹14 – بەسجىلدىق› كەزىندە حىنان ولكەسى جالپىلىق قاتىناس قۇرىلىسىنا 940 ميلليارد يۋان قارجى قوسۋدى جوسپارلادى، وسى زامانعى زات اينالىمى جۇيەسى قارىشتاپ دامىدى» دەدى حىنان ولكەلىك پارتكومداعى نەگىزگى جاۋاپتى جولداس.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
