شاڭحاي قالالىق قوعام حاۋىپسىزدىگى مەكەمەسىنىڭ بۇرىنعى باستىعى گۇڭ داۋ - اننىڭ پارا الۋ دەلوسىنا ءبىرىنشى سوتتا ۇكىم شىعارىلدى
2022.09.23 15:35 كەلۋ قاينارى : حالىق تورابى
2022 ـ جىلى 9 ـ ايدىڭ 21 ـ كۇنى، حىبەي ولكەسى تاڭشان قالالىق ورتا دارەجەلى حالىق سوت مەكەمەسى شاڭحاي قالالىق ۇكىمەتتىڭ بۇرىنعى ورىنباسار قالا باستىعى، قالالىق قوعام حاۋىپسىزدىگى مەكەمەسىنىڭ بۇرىنعى باستىعى گۇڭ داۋ - اننىڭ پارا الۋ دەلوسىنا اشىق ۇكىم شىعارىپ، ايىپكەر گۇڭ داۋ - انعا پارا الۋ قىلمىسى بويىنشا مەرزىمسىز قاماق جازاسىن بەرىپ، ساياسي ۇقىعىنان ومىرلىك ماحرۇم ەتتى، وعان قوسا بارلىق جەكە مال ـ مۇلكىن ءمۇساتىرالادى؛ گۇڭ داۋ - اننىڭ پارا الۋ قىلمىسىنىڭ تابىسى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى.
تەكسەرىپ قاراۋ ارقىلى مىنانى تۇراقتاندىردى: 1999 - جىلدىڭ سوڭعى جارىمىنان 2020 – جىلى 7 – ايعا دەيىن، ايىپكەر گۇڭ داۋ - ان حۋبەي ولكەسى جيڭجوۋ قالالىق قوعام حاۋىپسىزدىگى مەكەمەسىنىڭ ورىنباسار باستىعى، حۋبەي ولكەلىك قوعام حاۋىپسىزدىگى مەڭگەرمەسى قىلمىستىق ىستەردى بارلاۋ باس اترەتى ءىرى دەلولاردى بارلاۋ - تەكسەرۋ باسقارماسىنىڭ باستىعى، ەكونوميكالىق قىلمىستى بارلاۋ باس اترەتىنىڭ باستىعى، حۋبەي ولكەسى شياننيڭ قالالىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، قالالىق قوعام حاۋىپسىزدىگى مەكەمەسىنىڭ باستىعى، قوعام حاۋىپسىزدىگى مينيسترلىگى تەحنيكالىق بارلاۋ مەكەمەسىنىڭ ورىنباسار باستىعى، مەكەمە باستىعى، شاڭحاي قالالىق ۇكىمەت پارتيا باسشىلىق گرۋپپاسىنىڭ مۇشەسى، ورىنباسار قالا باستىعى، قالالىق قوعام حاۋىپسىزدىگى مەكەمەسىنىڭ باستىعى قاتارلى مىندەتتەردى وتەگەن كەزىندە، قىزمەت قولايلىلىعى جانە سول كەزدەگى ءوزىنىڭ قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ قاتىستى ورىندار مەن جەكەلەردىڭ كاسىپورىن تيجاراتى، قۇرىلىستى كوتەرەگە الۋ، دەلونى ءبىر جاقتى ەتۋ، مىندەتىن ءوسىرۋ جاقتارىنا كومەكتەسەدى. قاتىستى ادامداردان قابىلداعان زاڭسىز مال – مۇلكى حالىق اقشاسىنا سىندىرعاندا 73 ميلليون 430 مىڭ يۋاننان اسادى.
تاڭشان قالالىق ورتا دارەجەلى حالىق سوت مەكەمەسى ايىپكەر گۇڭ داۋ - اننىڭ ارەكەتى پارا الۋ قىلمىسىنا جاتادى دەپ قارادى. گۇڭ داۋ - اننىڭ پاراعا العان سوماسى ەرەكشە كوپ، باسقالاردىڭ مىندەتىن ءوسىرۋدى جوسپارلاپ، قىزمەت ۇقىعىنان پايدالانىپ دەلونى ءبىر جاقتى ەتۋگە كيلىككەن، زاڭ بويىنشا قاتاڭ جازالاۋ كەرەك. گۇڭ داۋ - ان دەلو تۋىلعان سوڭ ءوزىنىڭ قىلمىسىن قاز – قالپىندا ايتىپ بەرىپ، دەلونى ءبىر جاقتى ەتۋ ورگاندارى ءالى يگەرە قويماعان ءبىر ءبولىم پارا الۋ قىلمىس فاكتىلەرىن ىرىقتىلىقپەن تاپسىردى، قىلمىسىن تانىپ رايىنان قايتتى، ارام اقشا مەن ارام زاتتى تۇگەل قايتارىپ بەردى، زاڭ بويىنشا جەڭىل جازالاۋعا بولادى. سوندىقتان سوت جوعارىداعى ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
