چيڭحاي ولكەلىك پارتكومنىڭ بۇرىنعى تۇراقتى مۇشەسى، ولكەلىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەڭگەرۋشىسى لي جيەشياڭ تارتىپكە، زاڭعا اۋىر قايشىلىق جاساعاندىقتان پارتيادان شىعارىلدى جانە قىزمەتتەن ايدالدى
2022.09.23 15:40 كەلۋ قاينارى : حالىق تورابى
تاياۋدا ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى چيڭحاي ولكەلىك پارتكومنىڭ بۇرىنعى تۇراقتى مۇشەسى، ولكەلىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەڭگەرۋشىسى لي جيەشياڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنانى انىقتادى: لي جيەشياڭ مۇرات - سەنىمىنەن ايرىلىپ، اۋەلگى ماقساتتان، بورىشتان بەزىپ، ساياسي ورايشىلدىق ىستەۋگە بەرىلگەن، قىزمەت مىندەتىن ءوسىرۋ ءۇشىن ساياسي بارىس - كەلىس جاساپ، مەملەكەت مەنشىگىندەگى كەن بايلىقتارىنان پايدالانىپ ساياسي ساۋدا جۇرگىزگەن، ۇيىمدىق تەكسەرۋگە قارسى تۇرىپ، ساياسي بۇركەنىشپەن شۇعىلدانعان، قۇدايعا تابىنۋ، سوقىر سەنىم قيمىلىمەن شۇعىلدانعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ – ەسكەرمەگەن، تۇرپايى «اراق داستارقانى مادەنيەتىنە» بەرىلىپ، استا – توك ءىشىپ - جەپ، بەلگىلەمەگە قايشىلىق جاساپ تارتۋ – تارالعى العان؛ جەكە باسىنا قاتىستى ىستەردى بەلگىلەمە بويىنشا مالىمدەمەگەن، كادرلاردى تاڭداپ ءوسىرۋ، مىندەتكە تاعايىنداۋ بارىسىندا باسقالارعا پايدا جەتكىزگەن؛ قىزمەت ۇقىعىنان نەمەسە قىزمەت ىقپالىنان پايدالانىپ تۋىس - تۋعاندارىنىڭ تيجارات قيمىلدارىنا كومەك كورسەتكەن؛ ءادىليا قيمىلدارىنا، بازار شارۋاشىلىعى قيمىلدارىنا ەرەجەگە قايشى كيلىككەن؛ ٴمورالدىق جاقتان ازعىنداعان؛ ءتارتىپ پەن زاڭنىڭ شەكتەمەسىن ەلەپ – ەسكەرمەگەن، ءمانساپتى ءارى باي بولعىسى كەلگەن، تۋىس - تۋعان، دوس - جاراندارىنىڭ ساۋدامەن شۇعىلدانۋىن قورعاعان، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالارعا قۇرىلىستى كوتەرىپ الۋ، نىساندى اشۋ سياقتى جاقتاردا پايدا جەتكىزگەن ءارى زاڭسىز قوماقتى مال - مۇلىك العان.
لي جيەشياڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، سونداي ـ اق پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان جازالاۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنە بەكىتتىرۋ ارقىلى لي جيەشياڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ پارتيا 19 ـ قۇرىلتايىنىڭ ۋاكىلى تولىمدىلىعىن توقتاتتى؛ ونىڭ تارتىپكە، زاڭعا قايشى تابىسىن تاركىلەدى؛ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، ساياتىن مال ـ مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
