1 - ايدان 9 - ايعا دەيىن شينجياڭنىڭ ادەتتەگى الەۋمەتتىك مەجە ەسەپ كىرىسى ％9. 15 ارتتى
ارتۋ قارقىنى بۇكىل ەلدىڭ الدىڭعى قاتارىنا ءوتتى
2022.10.14 16:27 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 10 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، بيىل 1 - ايدان 9 - ايعا دەيىن اۆتونوميالى رايوننىڭ ادەتتەگى مەجە ەسەپ كىرىسى جيىنى 137 ميلليارد 560 ميلليون يۋان بولىپ، بىلتىرعى سول تۇستاعىدان 18 ميلليارد 880 ميلليون يۋان كوبەيىپ، تابيعي ولشەم بويىنشا ەسەپتەگەندە سايكەس مەزگىلدەگىدەن ％9. 15 ارتقان، سالىقتى ىركىپ دولايلاستىرۋعا قالدىرۋ فاكتورىن شىعارىپ تاستاعاننان كەيىن، سايكەس مەزگىلدەگىدەن ％3. 33 ارتقان، ارتۋ قارقىنى ۇزدىكسىز بۇكىل ەلدىڭ الدىڭعى قاتارىندا بولعان.
”بيىل جىل باسىنان بەرى، اۆتونوميالى رايون ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتىڭ ەكونوميكانى ورنىقتىرۋداعى ءبىر قىدىرۋ ساياسات - شارالارىن جاپپاي دايەكتىلەندىرىپ، تياناقتاندىرىپ ءارى اۆتونوميالى رايوننىڭ ءىس جۇزىندىك جاعدايىمەن ۇشتاستىرا وتىرىپ، كاسىپورىنداردى قيىنشىلىق قىسپاعىنان قۇتىلۋىنا كومەكتەسۋ، ەكونوميكانىڭ ورنىقتى ارتۋىن جەبەۋ سياقتى ءبىر قىدىرۋ ساياسات - شارالار شىعارىپ، كورنەكتى ونىمدىلىككە قول جەتكىزىپ، قازىنالىق كىرىستىڭ ارتۋىنا تاماشا نەگىز قالادى“، - دەدى اۆتونوميالى رايوندىق قازىنا مەڭگەرمەسىنىڭ ورىنباسار باستىعى جۋ جيە.
مۇنان سىرت، كومىر، شيكى مۇناي سياقتى بايلىق تۇرىندەگى كوپ تۇتىنىلاتىن تاۋارلاردىڭ باعاسىنىڭ جوعارى دەڭگەيدەگى اينالىمىن ساقتاپ، رايونىمىزدىڭ ەنەرگيا بايلىعى باسىمدىعىن بىرتىندەپ ەكونوميكالىق باسىمدىققا اينالدىرىپ، قاتىستى سالىق كىرىستەرىنىڭ ارتۋىنا باستاماشىلىق ەتتى.
ساناققا قاراعاندا، 1 - ايدان 9 - ايعا دەيىن اۆتونوميالى رايوننىڭ بايلىق سالىعى سايكەس مەزگىلدەگىدەن 6 ميلليارد 320 ميلليون يۋان كوبەيىپ، ％6. 84 ارتىپ، ادەتتەگى مەجە ەسەپ كىرىسىنىڭ 3. 5 پايىز ءوسۋىن جەبەگەن. كاسىپورىنداردىڭ تابىس سالىعى سايكەس مەزگىلدەگىدەن 6 ميلليارد 690 ميلليون يۋان كوبەيىپ، ％7. 54 ارتىپ، ادەتتەگى مەجە ەسەپ كىرىسىنىڭ 6. 5 پايىز ءوسۋىن جەبەگەن.
سونىمەن بىرگە اۆتونوميالى رايون ورتالىقتىڭ زور كولەمدەگى ارتقان قۇن سالىعىن ىركىپ، دولايلاستىرىپ سالىق قايتارۋ سياقتى قولداۋ ساياساتىن جاپپاي تياناقتاندىردى، 1 - ايدان 9 - ايعا دەيىن ارتقان قۇن سالىعىن ىركىپ دولايلاستىرىپ قايتارۋ بويىنشا جيىنى 48 ميلليارد 40 ميلليون يۋان سالىق قايتارىپ، كاسىپورىنداردىڭ قارجى قىسىمىن ءونىمدى جەڭىلدەتىپ، كومەسكى سالىق قاينارى مەن كەيىنگى سالىق قاينارىن جەتىلدىرۋگە سەرپىندى كۇش ازىرلەدى.
تانىستىرۋعا قاراعاندا، بيىل جىل باسىنان بەرى رايونىمىزداعى جەر - جەر، تاراۋلار ۇكىمەت بايلىعىن، مال - مۇلكىن ۇزدىكسىز جانداندىرىپ، كىرىستى ارتتىرۋدىڭ كومەسكى كۇشىن ۇزدىكسىز اشقاندىقتان، كەن بايلىعى ارناۋلى كىرىسى، مال - مۇلىكتى جايعاستىرۋ كىرىسى، جاڭادان ارتتىرىلعان قۇرىلىسقا پايدالانىلاتىن جەرلەردى اقىلى پايدالانۋ اقىسى كىرىسى جانە سۋ بايلىعى اقىسى كىرىسى تۇگەل زور دارەجەدە ارتىپ، مەملەكەت مەنشىگىندەگى بايلىقتى (مال - مۇلىك) اقىلى پايدالانۋ كىرىسى بىلتىرعى سول تۇستاعىدان 6 ميلليارد 250 ميلليون يۋان كوپ بولعان.
جۋ جيە مىنانى ءبىلدىردى: ”سونىمەن بىرگە ءار دارەجەلى قازىنا تاراۋلارى كاسىپورىنداردىڭ جۇمىستى، ءوندىرىستى قالپىنا كەلتىرۋى، ساۋدانى، بازاردى قالپىنا كەلتىرۋ جانە كاسىپورىنداردىڭ قيىنشىلىقتان ارىلۋىنا كومەكتەسۋ سياقتى ءتۇرلى ساياسات - شارالاردىڭ تياناقتانۋىن بەلسەنە ىلگەرىلەتىپ، قازىنالىق شىعىس قارقىنىن تەزدەتۋ ارقىلى بازاردىڭ سەنىمىن پارمەندى تۇردە سەرپىلتتى“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
