جىجياڭ ولكەسى چۇن – ان اۋدانى شياجياڭ قىستاعى كورشى قىستاقپەن بىرگە بايۋعا قادام تاستادى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» ءتىلشىسى دوۋ حاۋ، حالىق تورابىنىڭ ءتىلشىسى ۋاڭ ليۋەي
2022.10.12 15:32 كەلۋ قاينارى : حالىق تورابى
بۇلاق سۋى سىلدىراپ اعادى، الىستاعى تاۋ مۇنارتىپ كورىنەدى، كۇز مەزگىلىندەگى جىجياڭ ولكەسى چۇن - ان اۋدانى فىڭشۋليڭ قالاشىعى شياجياڭ قىستاعىنىڭ كورىنىسى كوز تارتادى.
شاي مايى، قاۋىن قاعى، قىزىل كاۋلەن اراعى... بيىلعى مەملەكەت مەرەكەسى دەمالىسىندا شياجياڭ قىستاعىنىڭ تاڭداۋلى تۇرعىن ءۇي قونالقىلارىندا كورمە - ساۋدا جايمالارى سالىنىپ، «ۇلكەن شياجياڭ» دەگەن جازۋ باسىلعان ەرەكشەلىككە يە اۋىل شارۋاشىلىق ونىمدەرى كوپتەگەن ساياحاتشىنى تاڭداپ ساتىپ الۋعا باۋرادى.
«پارتيانىڭ 20 - قۇرىلتايى جەڭىسپەن اشىلۋ الدىندا تۇر، ءبىز ەرەكشە جەلپىندىك». شياجياڭ قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جياڭ ليجۋان بىلاي دەدى: «قازىر ساياحاتشىلار كوبەيدى، كىرىسىمىز ارتتى، اۋىلداستاردىڭ تۇرمىسى بارعان سايىن جاقساردى، ءبىز ءتىپتى دە بىلەك سىبانىپ، قايراتتانا ىستەۋىمىز كەرەك».
شياجياڭ قىستاعى − شي جينپيڭ جولداس جىجياڭ ولكەلىك پارتكومنىڭ شۋجيى بولعان كەزدەگى نەگىزگى ساتىداعى بايلانىس ءتۇيىنى. شي جينپيڭ جولداستىڭ تىكەلەي كومەگىندە شياجياڭ قىستاعىندا بۇرىن - سوڭدى بولماعان قۋانارلىق وزگەرىستەر تۋىلدى. «تام ءۇي، جەتكىلىكسىز استىق، وتىن جاعۋ، كورشى قىستاقتىڭ قىزدارى شياجياڭ قىستاعىنا كەلىن بولىپ بارۋدى قالاماۋ» سىندى «لاس، بىلىققان، كەدەي قىستاقتان» بارلىق ادام قىزىعاتىن «جاسىل، باي، كورىكتى قىستاققا» دەيىن، جاسىل دامۋ جولىنا تۇسكەن شياجياڭ قىستاعىنىڭ 2021 - جىلعى جان باسىندىق يگەرىلمەلى كىرىسى 46 مىڭ 959 يۋانعا جەتىپ، 2001 - جىلداعىنىڭ 20 ەسەسىنەن استام بولدى.
پارتيا قۇرىلىسى ارقىلى جەتەكشىلىك ەتۋدە تاباندى بولىپ، قىستاقتى الۋەتتەندىرۋ نىساناسىنان جازبادى، 2019 - جىلى 6 - ايدا شياجياڭ قىستاعى توڭىرەكتەگى 20 نەشە اكىمشىلىك قىستاقپەن بىرلەسىپ، «ۇلكەن شياجياڭ اۋىل - قىستاقتى گۇلدەندىرۋ بىرلەستىگىن» باستاماشىلدىقپەن قۇرىپ، تۇعىردى بىرگە قۇرۋدى، بايلىقتان بىرگە يگىلىكتەنۋدى، ماركانى بىرگە سومداۋدى جولعا قويىپ، كورشى قىستاقتارمەن قول ۇستاسا بىرگە بايۋعا قادام تاستادى.
«ۇلكەن شياجياڭ وڭىرىندەگى مايلى شاي ۇرىعىن ءۇزىپ الۋعا تۋرا كەلەدى، ءبىز بىرىككەن تۇلعا تۇعىرىنان پايدالانىپ، ۇلكەن شياجياڭدى دامىتۋ سەرىكتەستىگى ەسىك الدىنا كەلىپ ساتىپ الىپ، ءبىر تۇتاس مانەرلەپ شاي مايىنا اينالدىرماقشىمىز». تاياۋدا جياڭ ليجۋان قىستاق تۇرعىندارىنىڭ ۇيلەرىندە بىرگە اۋقاتتانۋدىڭ جاڭا شارالارىن ۇگىتتەۋمەن قاربالاس بولدى.
بىرنەشە كيلومەتر شالعايداعى جوۋجياچياۋ قىستاعىنداعى وتباسىلىق ەگىس الاڭىندا قىستاق تۇرعىنى لياۋ لۇڭجيان دا قاربالاستىققا ءتۇستى، جۇپار جاڭعاق بازاسىنىڭ 180 مۋ جەرى تەرۋ مەزگىلىنە ءوتتى. «ءونىمنىڭ قورابىندا ءوز تاۋار ماركامىزدان سىرت، ‹ۇلكەن شياجياڭ› ماركا بەلگىسى دە بار، وسىلاي بولعاندا ساتۋ جولى ءتىپتى دە كەڭەيەدى، كىرىس ءتىپتى دە جوعارىلايدى». لياۋ لۇڭجيان بىلاي دەدى: «اۋىل - قىستاقتى گۇلدەندىرۋ بىرىككەن تۇلعاسى قۇرىلعاننان بەرى قىستاقتاعى جاڭا وزگەرىستەردى كورگەن كوپشىلىك قاتتى قۋاندى».
شياجياڭ قىستاعىنىڭ ماڭىندا قىستاقتى قول ۇستاسا الۋەتتەندىرىپ، حالىقتى اۋقاتتاندىرۋدىڭ جاڭا كورىنىسى جارىققا شىقتى: ۇلكەن شياجياڭ سۋ زاۆودى، شاي زاۆودى سياقتى «بىرگە اۋقاتتانۋ شەبەرحاناسى» سالىنىپ بولدى؛ قۇرىلىس كولەمى 25 مىڭ شارشى مەتر كەلەتىن ۇلكەن شياجياڭ مادەنيەت - ساياحات قوناق ءۇيى ىشكى جاقتى اشەكەيلەۋگە ءوتتى، ۇلكەن شياجياڭ وڭىرىندەگى 25 اكىمشىلىك قىستاقتىڭ ءتۇرلى بايلىعىن بىرىكتىرەتىن پارتيا قۇرىلىسى تاربيەسى ورتالىعى، كورمە ورتالىعى، ساياحاتشىلاردى جيناۋ - جونەلتۋ ورتالىعى جانە اۋىل شارۋاشىلىق جاسامپازدىعى، مادەنيەت جاسامپازدىعى، عىلىم - تەحنيكا جاسامپازدىعى كورمەگە قويۋ - ساتۋ ورتالىعى ىركەس - تىركەس ىرگە تەپتى ...
«مادەنيەت - ساياحات قوناق ءۇيى سالىنىپ بولعاننان كەيىن جايما ورنىن الاسىزدار، ادام سانى ءتىپتى دە ارتا تۇسەدى». جياڭ ليجۋان وتباسىلاردى ارالاعاندا يگىلىك جاراتۋ تىلەگى بار شارۋالارمەن اڭگىمەلەسىپ، ولاردى ەرەكشەلىككە يە نىساندارمەن ىرگە تەبۋگە شابىتتاندىردى.
«ىرگەنىڭ وزىندە مىڭ يۋانعا تاياۋ ءونىم ساتۋعا بولاتىنىن ويلاماپپىن». دايۋان قىستاعىنىڭ 70 جاستاعى تۇرعىنى يۇي شيڭدا ۇيلەرىنىڭ الدىنا 600 جىڭنان استام اسقاباق جيناپ قويعان، وزدەرى جەپ بولا المايدى، ءبىر مەزەت ساتىلماي تۇردى. «ءبىز سىزگە كومەكتەسىپ سۋرەتكە تارتىپ جولدايىق، ۇلكەن شياجياڭ اۋىل شارۋاشىلىق ونىمدەرىن ساتۋ ورتالىعى ءبىر تۇتاس ساتىپ كورسىن». دايۋان قىستاعىنىڭ ستۋدەنت قىستاق كادرى چىن تيڭ قول تەلەفونىن الىپ، يۇي شيڭداعا توراپ تۇعىرىندا مەڭگەرۋ ءوتىنىشىن قالاي ورىنداۋعا بولاتىنىن كورسەتتى. تاياۋدا ءجۇرىس - تۇرىسى قولايسىز قارت قىستاق تۇرعىندارى قاۋىمىنا قاراتا، ۇلكەن شياجياڭ اۋىل - قىستاقتى گۇلدەندىرۋ بىرلەسكەن تۇلعاسى جەلىگە شىعارىپ، زەردەلى قولدانىستى ىسكە قوسىپ، ولاردىڭ وسى ارقىلى كىرىسىن ارتتىرۋىنا مۇمكىندىك جاسادى.
بيىل الدىڭعى 9 ايدا ۇلكەن شيجياڭ وڭىرىندەگى 20 نەشە كوللەكتيۆتىڭ تيجارات كىرىسى 11 ميلليون 630 مىڭ يۋانعا جەتىپ، سايكەس مەزگىلدەگىدەن %71.8 ارتتى. 2021 – جىلى ۇلكەن شياجياڭ وڭىرىندەگى قىستاقتاردىڭ جان باسىندىق يگەرىلمەلى كىرىسى 34 مىڭ يۋانعا جەتىپ، 2018 - جىلداعىدان %37.3 ارتتى.
شياجياڭ قىستاعىنىڭ الاڭىنداعى «ارمان باستالعان جەر» دەگەن ۇران تاقتاسى ەرەكشە كوز تارتادى. «ءبىز قول ۇستاسا بىرگە بايۋعا قادام تاستاۋدامىز، اۋىل - قىستاقتى گۇلدەندىرۋ جولىندا، ءسوز جوق، ارماندى جۇزەگە اسىرۋدىڭ اناعۇرلىم كوپ، اناعۇرلىم تارتىمدى حيكايالارى شەرتىلەتىن بولادى» دەدى جياڭ ليجۋان نىق سەنىممەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
