پارتيانىڭ 20 – قۇرىلتايىنا قاتىناساتىن ۋاكىلدەر ۇيىرمەلەرىنىڭ بارلىعى تىزىمدەلىپ بولدى
2022.10.15 14:48 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 14 – كۇنى، بەيجيڭ. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر وتانىمىزدىڭ جەر - جەرىنەن استانا بەيجيڭگە جينالدى. 10 - ايدىڭ 14 - كۇنىنە دەيىن وسى رەتكى قۇرىلتايعا قاتىناساتىن ۋاكىلدەر ۇيىرمەلەرى تۇگەلدەي قۇرىلتايعا تىزىمدەلىپ بولدى.
ايبىندى بورىش پەن قاسيەتتى قىزمەت جاۋاپكەرلىگىن ارقالادى، ۋاكىلدەر پارتيانىڭ 18 - قۇرىلتايىنان بەرگى 10 جىلدا جەر - جەردىڭ، سالالاردىڭ سوتسياليستىك وسىزامانداندىرۋ قۇرىلىسىندا قول جەتكىزىلگەن كورنەكتى ناتيجەلەردى قۋانىشپەن جەتكىزدى.
«اۋىل - قىستاقتىڭ وزگەرىسى وراسان زور بولدى!» گۋاڭشي جۋاڭزۋ اۆتونوميالى رايونى رۇڭشۇي مياۋزۋ اۆتونوميالى اۋدانى جياڭمىن قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ياڭ نيڭ بىلاي دەدى: كەدەيلىكتەن ارىلتۋدان قامال الۋ شايقاسىن باستاعاننان بەرى، قىستاق تۇرعىندارى بيىك تاۋدا جەمىس - جيدەك جانە ەكولوگيالىق كۇرىش ەگىپ، اۋىل شارۋاشىلىق ونىمدەرىندە ماركا جاراتىپ، قالتالارىن قامپايتتى. جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىلدى، جياڭمىن قىستاعىنداعى بۇقارا دا باسقا جەرلەردەگى كەدەي بۇقارا سياقتى كەدەيلىكتەن ءساتتى ارىلىپ، جاقسى تۇرمىس كەشىردى.
ۋاكىل، بەيجيڭ قالالىق ەكولوگيالىق ورتانى باقىلاۋ - ولشەۋ ورتالىعىنىڭ پارتكوم شۋجيى، مەڭگەرۋشىسى ليۋ باۋشيان بىلاي دەدى: «بەيجيڭ قالا اسپانىنىڭ تازارۋىن ىسكە اسىردى، قالا تۇرعىندارىنىڭ ەكولوگيالىق ورتاداعى تابىس سەزىمى بارعان سايىن كۇشەيدى. اتموسفەرانىڭ لاستانۋىن جونگە سالۋداعى باستان كەشىرۋشى، امالياتتا ايگىلەۋشى، ات سالىسۋشى رەتىندە مەن وسى تابىسپەن پارتيانىڭ 20 - قۇرىلتايىنا قاتىناسقانىمدى ەرەكشە ماقتانىش ەتەمىن. 10 جىلدان بەرى ەلىمىزدىڭ ەكولوگيالىق ورتاسىن جونگە سالۋدا، اسىرەسە، اتموسفەرانىڭ لاستانۋىنان ساقتانۋدا كورنەكتى ونىمدىلىككە قول جەتىپ، ەكولوگيالىق وركەنيەت ۇستانىمى جۇرت جۇرەگىنە تەرەڭ ۇيالادى».
ۋاكىل، جىجياڭ ولكەسى حۋجوۋ قالالىق پارتكومنىڭ شۋجيى چىن حاۋ بىلاي دەدى: «دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ءبىز ءدوپ كەلگەن جاعداي اناعۇرلىم كۇردەلى دە قاتاڭ بولۋدا. باس شۋجي شي جينپيڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە جوبا جاساپ، جول باستاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇزاق ۋاقىتتان بەرى شەشىلمەگەن كوپتەگەن قيىن ماسەلەنى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى ىستەپ، جۇڭگوشا وسىزامانداندىرۋدى ءساتتى ىلگەرىلەتتى جانە كەڭەيتتى. وزگەشە ون جىل دۇنيە ءجۇزى حالقىنا شي جينپيڭ جاڭا ءداۋىر جۇڭگوشا سوتسياليزم يدەياسىنىڭ قۇدىرەتتى اقيقات كۇشىن تولىق ايگىلەدى».
ۋاكىلدەر ءبىر اۋىزدان بىلاي دەپ قارادى: 10 جىلدان بەرگى پارتيا مەن مەملەكەت ىستەرىنىڭ وزگەشە تابىستارى پارتيانىڭ شي جينپيڭ جولداستىڭ پارتيا ورتالىق كوميتەتىندەگى ۇيىتقىلىق ورنىن، بۇكىل پارتياداعى ۇيىتقىلىق ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەگەنىن تولىق دالەلدەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋدە شەشۋشى مانگە يە.
پارتيانىڭ 20 - قۇرىلتايى الداعى 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن عىلمي جوبالايدى، وعان جالپى جۇرت ءۇمىت ارتىپ، كۇللى دۇنيە ءجۇزى جالت قارادى. ۋاكىلدەر مىنانى ءبىلدىردى: پارتيا 20 - قۇرىلتايىنىڭ ۋاكىلى رەتىندە بورىشىمىز داڭقتى، جاۋاپكەرلىگىمىز اۋىر، ءسوز جوق، مىندەتتى مۇقيات اتقارىپ، بۇل جولعى قۇرىلتايدى ىنتىماق قۇرىلتايى، جەڭىس قۇرىلتايى، ەكپىندەي ىلگەرىلەۋ قۇرىلتايى ەتىپ اشامىز.
«جاڭا داۋىردەگى 10 جىلدا مەن تاۋلى وڭىردەگى كوپتەگەن بالانىڭ ءبىلىم قۋىپ تاۋلى وڭىردەن ۇزاپ شىعىپ، جەكە ارماندارىن جۇزەگە اسىرعاندارىن، مەملەكەت پەن حالىققا ءتيىستى ۇلەستەرىن دە قوسقانىن كوزىممەن كوردىم». ۋاكىل، گۇيجوۋ ولكەسى ۋاڭمو اۋدانى تاجىريبە ورتا مەكتەبى پارتيا باس ياچەيكاسى شۋجيىنىڭ ورىنباسارى، مەكتەپ مەڭگەرۋشىسىنىڭ ورىنباسارى ليۋ شيۋشياڭ بىلاي دەدى: «مەن ۋاكىلدىك جاۋاپكەرلىگىمدى ادالدىقپەن وتەپ، قۇرىلتايدىڭ ءتۇرلى كەڭەستىك تارتىپتەرىنە مۇقيات قاتىناسىپ، تاۋلى ءوڭىر وقۋ - اعارتۋىندا 10 جىلدان بەرى تۋىلعان جاڭا وزگەرىستەردى ويداعىداي بايانداپ، تاۋلى ءوڭىر وقۋ - اعارتۋىنىڭ ساپالى دامۋىن ىلگەرىلەتۋگە بەلسەندىلىكپەن اقىل - كەڭەس بەرىپ، وقۋ - اعارتۋدا قۇدىرەتتى ەل قۇرۋعا بار زەيىن - زەردەمدى، كۇش - قۋاتىمدى اياماي جۇمسايمىن».
چيڭحاي ولكەسى شينيڭ قالاسى چىڭدۇڭ رايوندىق حالىق سوتى مەكەمەسىنەن كەلگەن ۋاكىل چىن جىشيۋ قونالقى جەرگە جەتكەننەن كەيىن قاربالاستىققا ءتۇسىپ، قۇرىلتايدان بۇرىن نەگىزگى ساتىدا جۇرگىزگەن تەكسەرۋ - زەرتتەۋ ماتەريالدارىن تاعى دا رەتتەپ، قۇرىلتايعا قاتىناسۋعا تولىق دايىندالدى. ول: «حالىقتىڭ تىلەگى − پارتيانىڭ تىلەگى. پارتيا 20 - قۇرىلتايىنىڭ ۋاكىلى رەتىندە مەن حالىق بۇقاراسىنىڭ ادىلدىك پەن ادىلەتتىلىككە دەگەن تىڭ ارمان - تىلەگىن كوكەيىمدە بەرىك ساقتاپ، بۇكىل ىنتا - پەيىلىممەن مىندەتىمدى اتقارىپ، پارتيا مەن حالىقتىڭ سەنىمى مەن ماڭىزدى تاپسىرىعىن ورىندايمىن» دەدى.
«اۋىل – قىستاقتى گۇلدەندىرۋ شياۋگاڭ قىستاعىنىڭ جاڭا جورىعىن باستادى». ۋاكىل، انحۇي ولكەسى چۋجوۋ قالاسى فىڭياڭ اۋدانى شياۋشيحى قالاشىعى شياۋگاڭ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ چۇنجى بىلاي دەدى: «مەن قۇرىلتايعا بار زەيىنىممەن ويداعىداي قاتىناسامىن، اۋىلداستاردىڭ اناعۇرلىم تاماشا تۇرمىسقا دەگەن تالپىنىسىن قاز – قالپىندا جەتكىزۋگە قۇلشىنامىن، كوپشىلىك ىنتىماقتاسا كۇرەس جۇرگىزگەندە، بىرگە بايۋدىڭ داڭعىل جولىمەن العا تارتا بەرەتىن بولادى».
زەيىن - زەردەنى شوعىرلاندىرىپ، ۇلى ءىس جاراتىپ، جۇدىرىقتاي جۇمىلىپ، بولاشاققا بەت الۋ كەرەك.
ۋاكىلدەر ءبىر اۋىزدان مىنانى ءبىلدىردى: پارتيانىڭ 20 - قۇرىلتايى، ءسوز جوق، جۇڭگونىڭ بولاشاقتاعى دامۋ ۇلى جوباسىن سومداپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋداعى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداعى قۇدىرەتتى كۇشىن اناعۇرلىم ۇيىستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
