ۋاڭ چيشان قازاقستاننىڭ زۇڭتۇڭى توقايەۆپەن كەزدەستى ءارى ازياداعى ءوزارا سەلبەستىك جانە سەنىم شارالارى جونىندەگى كەڭەستىڭ 6 - رەتكى باسشىلار ماجىلىسىنە قاتىناستى
2022.10.14 16:55 كەلۋ قاينارى : حالىق تورابى
10 – ايدىڭ 13 – كۇنى قازاقستاننىڭ زۇڭتۇڭى توقايەۆ استانادا مەملەكەت ءتوراعاسىنىڭ ورىنباسارى ۋاڭ چيشانمەن كەزدەستى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگى، 10 – ايدىڭ 13 – كۇنى، استانا (تىلشىلەر ليۋ بين، جاڭ جييە). 10 - ايدىڭ 13 - كۇنى قازاقستاننىڭ زۇڭتۇڭى توقايەۆ استانادا جۇڭگونىڭ مەملەكەت ءتوراعاسىنىڭ ورىنباسارى ۋاڭ چيشانمەن كەزدەستى.
ۋاڭ چيشان ءتوراعا شي جينپيڭنىڭ توقايەۆكە جولداعان ىقىلاستى سالەمىن جانە ىزگى تىلەگىن جەتكىزدى. ول بىلاي دەدى: ءتوراعا شي جينپيڭ وتكەن ايدا قازاقستاندا ساپاردا بولدى، ەكى ەل باسشىلارى ۇرپاقتان - ۇرپاققا جالعاسقان دوستىق، وسكەلەڭ سەنىمدىلىك، قۋانىش - جۇبانىشى ءبىر جۇڭگو - قازاقستان تاعدىرلاس ورتاق تۇلعاسىن قۇرۋدى ىلگەرىلەتۋدى اقىلداسىپ بەلگىلەپ، جاڭا جاعدايدا جۇڭگو - قازاقستان قاتىناسىنىڭ دامۋ بەتالىسىن بەلگىلەدى. تاياۋ جىلداردان بەرى ءتوراعا شي جينپيڭ مەن توقايەۆ زۇڭتۇڭنىڭ ستراتەگيالىق جەتەكشىلىگىندە جۇڭگو مەن قازاقستاننىڭ دوستىعى باستان - اياق بولاتتاي بەرىك بولىپ كەلەدى، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قارىم - قاتىناسى جوعارى دەڭگەيدەگى اينالىمدى ساقتادى. جۇڭگو قازاقستانمەن بىرگە ەكى ەل باسشىلارىنىڭ ورتاق تانىمىن ويداعىداي تياناقتاندىرىپ، ءبىر - ءبىرىنىڭ وزەكتى مۇددەسىن ۇزدىكسىز باتىل قولداپ، دامۋ ورايىنان بىرگە يگىلىكتەنىپ، ورتاق ستراتەگيالىق حاۋىپسىزدىك پەن دامۋ مۇددەسىن ويداعىداي قورعاۋدى قالايدى.
ۋاڭ چيشان مىنالاردى دارىپتەدى: الدا اشىلاتىن ج ك پ - نىڭ 20 - قۇرىلتايى − جۇڭگونىڭ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنىڭ شەشۋشى ساتىندە اشىلاتىن توتەنشە ماڭىزدى قۇرىلتاي. بۇل رەتكى قۇرىلتاي شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جۇڭگوشا وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ىلگەرىلەتىپ، جۇڭگونىڭ الداعى 5 جىلداعى، ءتىپتى ونان دا ۇزاق ۋاقىتتاعى نىسانالىق مىندەتتەرىنە ورنالاستىرۋ جاسايدى. جۇڭگونىڭ بۇكىل پارتياسى، بۇكىل ەل حالقى وتكەن 10 جىلدا پارتيا مەن مەملەكەت ىستەرىندە قول جەتكەن كەلەلى تابىستاردىڭ تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىندەگى ۇيىتقىلىق ورنىن، بۇكىل پارتياداعى ۇيىتقىلىق ورنىن تۇراقتاندىرۋدا، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋدا ەكەنىن تەرەڭ تانىپ جەتتى. پارتيانىڭ جاڭا ءداۋىر، جاڭا جورىقتاعى بورىشى مەن مىندەتىن ارقاۋ ەتىپ، «ەكىنى تۇراقتاندىرۋدىڭ» شەشۋشى ماڭىزىن اناعۇرلىم تەرەڭ ءتۇسىنىپ، «ەكىنى قورعاۋدى» اناعۇرلىم سانالى تۇردە ورىنداپ، ىنتىماقتاسا كۇرەس جۇرگىزىپ، الدىڭعىلاردىڭ ءىزىن باسىپ، بولاشاققا جول اشىپ، جۇڭگو كوممۋنيستىك پارتياسىنىڭ 20 - قۇرىلتايىندا جاسالعان ايبىندى جوبانى بىرتىندەپ رەالدىققا اينالدىرامىز.
توقايەۆ ۋاڭ چيشان ارقىلى ءتوراعا شي جينپيڭگە ىقىلاستى سالەمى مەن ىزگى تىلەگىن جەتكىزىپ، جۇڭگونىڭ ازياداعى ءوزارا سەلبەستىك جانە سەنىم شارالارى جونىندەگى كەڭەستىڭ سەلبەستىگىندەگى ماڭىزدى رولىن ايرىقشا القادى. ول مىنانى ءبىلدىردى: ج ك پ - نىڭ 20 - قۇرىلتايى − ءداۋىر بولگىش مانگە يە سالتاناتتى جينالىس، جۇڭگودا جاپپاي سوتسياليستىك وسىزاماندانعان مەملەكەت قۇرۋدىڭ جاڭا پاراعىن باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىن باستايدى. جۇڭگومەن قارىم - قاتىناستى دامىتۋ باستان - اياق قازاقستاننىڭ الدىمەن ەسكەرىلەتىن ماڭىزدى ديپلوماتيالىق بەتالىسى بولىپ كەلەدى، ءتوراعا شي جينپيڭنىڭ تاريحي ساپارى ەكى ەل قارىم - قاتىناسىنىڭ دامۋ تاريحىنداعى جاڭا بەلەسكە اينالدى. قازاقستان جاق «ءبىر بەلدەۋ، ءبىر جولدى» باتىل قولداپ، جۇڭگو جاقپەن بىرگە قازاقستان مەن جۇڭگونىڭ ماڭگىلىك جالپى بەتتىك ستراتەگيالىق سەرىكتەستىك قارىم - قاتىناسىن ۇزدىكسىز بەكەمدەيدى.
10 – ايدىڭ 13 - كۇنى ۋاڭ چيشان ازياداعى ءوزارا سەلبەستىك جانە سەنىم شارالارى جونىندەگى كەڭەستىڭ 6 - رەتكى باسشىلار ماجىلىسىنە قاتىناستى ءارى ءسوز سويلەدى. ول مىنالاردى ءبىلدىردى: ازياداعى ءوزارا سەلبەستىك جانە سەنىم شارالارى جونىندەگى كەڭەس ىنتىماقتاسا سەلبەسۋدى كۇشەيتىپ، سىن - سايىسقا ۇيلەسىمدى توتەپ بەرىپ، ازيانىڭ تاعدىرلاس ورتاق تۇلعاسىن قۇرۋعا كۇش سالۋى كەرەك. ءوزارا قۇرمەت ەتۋدە، ءوزارا سەنىم ارتۋدا تاباندى بولىپ، دۇنيە جۇزىلىك حاۋىپسىزدىك باستاماسىن تياناقتاندىرىپ، ورتاق، كەشەندى، سەلبەسكەن، باياندى حاۋىپسىزدىككە تالپىنىپ، ازيا ءوڭىرىنىڭ بەيبىتشىلىگىن، ورنىقتىلىعىن قورعاۋ؛ ءوزارا تيىمدىلىك جاساۋدا، ءوزارا پايدا جەتكىزۋدە تاباندى بولىپ، دۇنيە جۇزىلىك دامۋ باستاماسىنىڭ تياناقتانىپ ونىمدىلىك كورسەتۋىن ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرىپ، ازيا ەلدەرىنىڭ دامۋىن، گۇلدەنۋىن جەبەۋ؛ ءوزارا ۇيرەنۋدە، ءوزارا ۇلگى الۋدا تاباندى بولىپ، يدەولوگيا جانە قوعامدىق ءتۇزىم پارقىنان اتتاپ ءوتىپ، ازيا وركەنيەتىنىڭ جاراسىمدى قاتار ءومىر ءسۇرۋىن دارىپتەۋ؛ ادىلدىكتە، تۋراشىلدىقتا تاباندى بولىپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولداپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، ناعىز كوپ جاقتىلىقتى دارىپتەپ، ازيا مەملەكەتتەرىنىڭ ورىندى ۇقىق - مۇددەسىن قورعاۋ كەرەك.
ۋاڭ چيشان بىلاي دەپ دارىپتەدى: جۇڭگو جاق ازياداعى ءوزارا سەلبەستىك جانە سەنىم شارالارى جونىندەگى كەڭەستىڭ دامۋىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى، قاتىستى سالالارداعى سايكەستىرۋشى ەلدىك رولىن ويداعىداي ساۋلەلەندىرىپ، اۋىل شارۋاشىلىعى، جاسىل دامۋ، فينانس، اقىل - پاراسات قويماسى سياقتى سالالارداعى اۋىس - كۇيىس قيمىلدارىن ويداعىداي وتكىزىپ، ءار جاقپەن بىرگە ازياداعى ءوزارا سەلبەستىك جانە سەنىم شارالارى جونىندەگى كەڭەستىڭ سەلبەستىگىنىڭ تىڭ ساتىعا كوتەرىلۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
