سىچۋان ولكەسى نىسانداردى بار كۇشپەن يگەرىپ، قارجى قوسۋدى جەبەپ، ەكونوميكانى ورنىقتىردى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى لين جىبو، ۋاڭ ميڭفىڭ
2022.10.11 16:16 كەلۋ قاينارى : حالىق تورابى
قاتار - قاتار تىزىلگەن جالاڭ كريستالدى پەش جوعارى قارقىنمەن اينالىمعا ءتۇستى، الدىن الا توڭازىتىپ ءبىر جاقتى ەتكەننەن كەيىن جاڭا شىققان جالاڭ كريستالدى كرەمني تاياقشاسى كۇمىس ساۋلە شاشۋدا. سىچۋان ولكەسى لىشان قالاسى جيڭيۇنتۇڭ جاڭا ماتەريالدار عىلىم - تەحنيكا شەكتى سەرىكتەستىگىنىڭ 1 - مەرزىمدىك 12 گەگاۋاتتىق جالاڭ كريستالدىق تاياقشانى كەسۋ نىسانى مىعىم كۇشپەن وندىرىسكە قوسىلدى.
«نىساننىڭ 1 - مەرزىمدىك قۇرىلىسى قازىر وندىرىسكە تولىق قوسىلدى، ءبىز 2 - مەرزىمدىك نىساننىڭ الدىڭعى مەرزىمدىك قىزمەتىن الدىن الا ورىستەتىپ، جۇمىس باستاۋ، ءوندىرىس جۇرگىزۋ نىساناسىن ەرتەرەك ورىنداۋعا قۇلشىنامىز». لىشان جيڭيۇنتۇڭ سەرىكتەستىگى باس ديرەكتورىنىڭ ۇنەمىلىك ىستەرگە جاۋاپتى ورىنباسارى جاڭ پىڭ بىلاي دەدى: «2 - مەرزىمدىك نىسان قۇرىلىسى باستالعاننان بەرى قالا، رايون 2 دارەجەلى ورىن ەلەكتردەن پايدالانۋ، جۇمىسشى ىستەتۋ سياقتى ماسەلەلەردى شەشۋگە كۇش سالىپ، جۇمىسىمىزدى تولىق قامتاماسىزداندىردى».
قىزمەت وتەۋ تەبىنى ارتتىرىلىپ، ماشينالار قاربالاس جۇمىس ىستەپ، تاپسىرىس كوبەيدى. بيىل جىل باسىنان بەرى لىشان قالاسى ارتۋدى ورنىقتىرىپ، ءوندىرىستى جەبەۋگە، نىساندارعا قارجى قوسۋدى كەڭەيتۋگە قاتىستى ساياساتتىق شارالاردى ىركەس - تىركەس شىعارىپ، نىسانعا قارجى قوسۋدىڭ تياناقتانۋىن مىقتى يگەرىپ، كاسىپ تىزبەگىن، قامداۋ تىزبەگىن ورنىقتىرۋمەن بىرگە، بازار تۇلعالارىنىڭ سەنىمىن دە كۇشەيتتى. بيىل 1 - ايدان 8 - ايعا دەيىن بۇكىل قالاداعى كريستال كرەمني فوتوۆولت كاسىبىنىڭ ءونىم قۇنى 37 ميلليارد 370 ميلليون يۋانعا جەتىپ، سايكەس مەزگىلدەگىدەن زور مولشەردە ارتتى.
نىسان قۇرىلىسىنا كۇش سالىنىپ، كاسىپورىنداردىڭ ءوندىرىس تەبىنى ارتتى. سىچۋاننىڭ بايتاق دالاسىن ارالاعاندا، سىچۋاننىڭ جەر - جەرى وندىرىسكە قاۋىرت كۇش سالىپ، نىسانداردى يگەرىپ، قارجى قوسۋدى جەبەۋگە شىنايى كۇش سالىپ، ەكونوميكانىڭ، قوعامنىڭ ساپالى دامۋىن بار كۇشپەن ىلگەرىلەتىپ، ءىس جۇزىندىك ارەكەتتەرى ارقىلى پارتيانىڭ 20 - قۇرىلتايىنىڭ جەڭىسپەن اشىلۋىن قارسى الىپ جاتقانىن بايقايسىز.
«ءبىر مەزگىلدەن بەرى سىچۋان قات - قابات قيىنشىلىقتارعا، ءتۇرلى حاۋىپ - قاتەرگە ۇشىراپ، ەكونوميكانىڭ ورنىقتى ارتۋىنا ءبىرشاما زور سوققى بولدى». سىچۋان ولكەلىك دامۋ جانە رەفورما كوميتەتىنىڭ مەڭگەرۋشىسى جىڭ بەي مىنانى ءبىلدىردى: كەلەلى نىسانداردىڭ ءبىر جاعى سۇرانىسقا، ەندى ءبىر جاعى قامداۋعا سايادى، ول ءونىمدى سۇرانىستى كەڭەيتۋدە، قامداۋ قۇرىلىمىن ساپالىلاندىرۋدا، ەكونوميكانىڭ ارتۋىن ورنىقتىرۋدا ماڭىزدى رول اتقارادى. قاتىناس - تاسىمال، اۋىل - قىستاقتى گۇلدەندىرۋ، قالانى جاڭالاۋ، ەلەكتر ەنەرگياسى، كاسىپ سالاسىن دامىتۋ سياقتى ءتۇيىندى سالالارداعى كەلەلى نىسانداردى ارقاۋ ەتكەن سىچۋان ولكەسى ارناۋلى كەزەكشىلىكتى قاداعالاپ، سوڭىنا دەيىن يگەرىپ، ونىڭ جەبەۋ ونىمدىلىگىن تولىق ساۋلەلەندىردى.
سىچۋان ولكەسىنىڭ ءتۇيىندى قۇرىلىس نىسانى − تيانفۋ حالىقارالىق مۋلتفيلم ورتالىعىنىڭ قۇرىلىس ورنىنا باردىق، كوز الدىمىزدا مۇنارالار قاز - قاتار ءتىزىلىپ، ماشينا - جابدىقتار گۇرىلدەپ تۇر. جۇمىستى، ءوندىرىستى بۇكىلدەي قالپىنا كەلتىرۋدەن بۇرىن، چىڭدۋ قالاسى چىڭحۋا رايونى ەكى ارناۋلى توپ قۇرىپ، جۇمىستى، ءوندىرىستى قالپىنا كەلتىرۋ جانە ىندەتتەن ساقتانۋ - تىزگىندەۋ قىزمەتىنە كومەكتەسىپ، جەتەكشىلىك ەتتى ءارى ماتەريالمەن قامداۋشىلارمەن الدىن الا ۇشتاسىپ، قۇرىلىس جۇرگىزۋشىلەردى جۇمىس ورنىنا الىپ كەلۋگە سايكەستىردى. سىچۋان لۇيتۋو ەرتەگىلەر الەمى ساياحات اشۋ شەكتى جاۋاپكەرلىك سەرىكتەستىگىنىڭ باس القاسى شيە جيا - ي بىلاي دەدى: «قۇرىلىس ماتەريالدارى الاڭعا جەدەل كىرگىزىلدى، 3 كۇندە قۇرىلىس جۇرگىزۋشىلەر 50 ادامنان 400 نەشە ادامعا كوبەيىپ، قۇرىلىس قارقىنىنا شىنايى كەپىلدىك ەتىلدى».
سىچۋاننىڭ جەر - جەرى ۋاقىت كەستەسىن جاساپ، تەز ىلگەرىلەۋ تەتىگىن باسىپ، كەڭەس نىساندارىنىڭ تەز ارادا تياناقتانۋىن، قول قويىلعان نىسانداردىڭ ەرتەرەك جۇمىس باستاۋىن، سالىنىپ جاتقان نىسانداردىڭ جەدەل ىلگەرىلەۋىن، سالىنىپ بولعان نىسانداردىڭ ءوندىرىس ونىمدىلىگىنە جەتۋىن كۇش سالا ىلگەرىلەتىپ، اناعۇرلىم كوپ ناقتى قىزمەت مولشەرىن قالىپتاستىرىپ، نىساندارعا قارجى قوسۋدىڭ ۇدەۋىن قالىپتاستىردى.
ميانياڭ قالاسى فۋچىڭ رايونى لينگاڭ ەكونوميكالىق دامۋ رايونىندا جالپى 12 ميلليارد يۋان قارجى قوسىلعان چۋاڭميڭ جاڭا ەنەرگيا نىسانىندا «كەلىسىمگە قول قويىلىسىمەن جۇمىس باستاۋ» ىسكە اسىرىلدى. «بۇل نىساندا ەكى جاق ۇشتاسىپ، كەلىسىمگە قول قويىسۋعا، جۇمىس باستاۋعا دەيىن نە ءبارى 83 كۇن عانا ۋاقىت كەتتى». جۇمىس باستاۋ الاڭىندا شىنجىن قالاسى چۋاڭميڭ جاڭا ەنەرگيا جارنا شەكتى سەرىكتەستىگىنىڭ باس القاسى مىڭ جىچىڭ مىنانى ءبىلدىردى: «ءبىز دۇنيە ءجۇزى بويىنشا بىرەگەي دوڭگەلەك دىڭگەك فورمالى ليتي باتەرياسىن ءوندىرۋ، جاساۋ بازاسىن كۇش سالا قۇرىپ، ءوندىرىس اياقتاعاننان كەيىن جىلدىق ءونىم قۇنىن شامامەن 30 ميلليارد يۋانعا جەتكىزەمىز».
9 - ايدىڭ سوڭىنا دەيىن سىچۋاندا بيىل ءتۇيىندى نىساندارعا 626 ميلليارد 150 ميلليون يۋان قارجى قوسىلىپ، قارجى قوسۋدىڭ ورىندالۋ شاماسى %97.2 كە جەتتى.
سىچۋان ولكەلىك پارتكومداعى نەگىزگى جاۋاپتى جولداس مىنانى ءبىلدىردى: پارتيانىڭ 20 - قۇرىلتايى اشىلۋ الدى دا تۇر، سىچۋان ولكەسى نىساندارعا قاراجات قوسۋدى قازىرگى ەكونوميكالىق قىزمەتتەگى ەڭ ماڭىزدى ورىنعا قويىپ، مىقتى يگەرىپ، «كۇتپ تۇرۋعا بولمايدى» دەيتىن شۇعىلدىق سەزىممەن، «كەشىكتىرۋگە بولمايدى» دەيتىن حاۋىپ - قاتەر سەزىمىمەن، «وتىرا الماۋ» دەيتىن جاۋاپكەرلىك سەزىمىمەن ۋاقىتپەن تالاسىپ نىسان قۇرىلىسىن مىقتى يگەرىپ، ۇتىمدى قارجى قوسۋدى امالدىڭ بارىنشا كەڭەيتىپ، ەكونوميكانىڭ نەگىزگى جاعدايىن بار كۇشپەن ورنىقتىرىپ، تۇتاس جىلدىق جوسپار - مىندەتتەردى قۇلشىنا ورىنداپ، بۇكىل مەملەكەتتىڭ جالپى جاعدايىنا كوپتەپ ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
