شيزاڭ گاۋجىڭ قۇرىلىس ماتەريالدارى شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى دانزىڭ دۇنجۋ
قاجىرلىلىقپەن ىزدەنىس جاساپ، اتويلاپ الدا ءجۇردى (20 – قۇرىلتاي ۋاكىلدەرىنىڭ كەلبەتى)
حالىق گازەتىنىڭ ءتىلشىسى شىن لين، يۋان چۋان
2022.10.10 16:10 كەلۋ قاينارى : حالىق تورابى
سۋرەتتە: دانزىڭ دۇنجۋ (سولدا) مەن قىزمەتتەستەرى جۇمىستى تالقىلاۋدا. شينحۋا اگەنتتىگى تاراتقان
ءوندىرىستى ساناققا الۋشى، قامبانى باسقارۋشى، سەمونت جاساۋدى باسقارۋشى، شيكىزات مەڭگەرۋشى قاتارلى ءبىرىنشى شەپتەگى قىزمەتكەردەن سەرىكتەستىكتىڭ ورىنباسار باس ديرەكتورى ءارى جاساۋ سەحنىڭ مەڭگەرۋشىسى بولعان دانزىڭ دۇنجۋ ءورىس اشا جاڭالىق جاراتىپ، شيزاڭ گاۋجىڭ قۇرىلىس ماتەريالدارى شەكتى جاۋاپكەرشىلىك سەرىكتەستىگى جالعاستى بىرنەشە جىل بويى ەكونوميكالىق ونىمدىلىك پەن جۇمىسشى – قىزمەتكەرلەردىڭ كىرىسى سىندى ەكى جاقتا مول ونىمگە قول جەتكىزدى.
جاساۋ سەحى — سەمونت وندىرىسىندەگى ەڭ سوڭعى ساپا وتكەلى. جاساۋ سەحىنىڭ مەڭگەرۋشىسى مىندەتىن اتقارعاننان بەرى، دانزىڭ دۇنجۋ كوپ ءتۇرلى ءوندىرىس تەحنيكاسى مەن جابدىقتاردى تەحنيكالىق جاقتان وزگەرتۋ قىزمەتىن ورىنداۋعا باستاماشى بولىپ، سەرىكتەستىكتىڭ جابدىقتارىنىڭ اينالىمعا ءتۇسۋ جاعدايىن جىل سايىن جوعارىلاتتى. سەرىكتەستىكتىڭ جابدىقتار ءبولىمىنىڭ باستىعى جوۋ جيە: سەرىكتەستىكتىڭ «مەيلى، شۇعىل ءوندىرۋ مىندەتى بولسىن، الدە، جەدەل جوندەۋ مىندەتى بولسىن، ول پارتيا مۇشەلەرىنەن قۇرالعان ەكپىندىلەر اترەتىن باستاپ، اتويلاپ الدا ءجۇردى، ول بىزگە جەتەكشىلىك ەتىپ، ءىس تىندىراتىن ‹سەركەمىز›»، — دەدى.
2015 – جىلى، دانزىڭ دۇنجۋ ۇگىتۋ ماشيناسىنىڭ جالاڭ قوندىرعىلى جۇيەسىنىڭ اينالىم مولشەرىن %100 كە جەتكىزۋ سىندى تاريحي رەكورد جاراتتى، سول جىلى سەرىكتەستىككە جابدىقتى جوندەۋ قاراجاتىنان ميلليون يۋاننان استام قاراجات ۇنەمدەپ بەردى.
2017 – جىلى، دانزىڭ دۇنجۋ سەحتا شاڭ شىعۋ جانە شاڭ – توزاڭ جينالىپ قالۋ جاعدايى بايقالعانىن ۇعىسادى. «بۇل تەك ورتاعا ىقپال ەتىپ قالماستان، جۇمىسشىلار دا شاڭ – توزاڭدى تازالاۋعا ۋاقىت جانە كۇش جۇمسايدى، جابدىقتاردان كىلتيپان شىعۋ مولشەرى دە ارتا تۇسەدى». وسىلايشا، ول جۇمىسكەرلەردى باستاپ، تەحنيكالىق جاڭعىرتۋ جۇرگىزۋ جوباسىن تالقىلاپ، سەحتا ءبىر ىستەگەندە 20 كۇننەن استام ۋاقىت جۇمىس ىستەپ، تەك شاڭ – توزاڭ شىعۋ، شاڭ - توزاڭنىڭ جينالىپ قالۋى ماسەلەسىن شەشىم ەتىپ قالماستان، توك سارىپ ەتۋ مولشەرىن دە ازايتادى.
2018 – جىلدىڭ باسىندا، دانزىڭ دۇنجۋ جاساۋ سەحىنداعى جابدىقتاردىڭ تەحنيكالىق جۇيەسىنە ءبىرقىدىرۋ تەحنيكالىق جاقسارتۋ جۇرگىزىپ، جابدىقتاردان بايقالعان كىناراتتار ازايىپ، جۇمىسكەرلەردىڭ ەڭبەك كۇشەمەلىلىگى باسەڭدەپ، جۇيەدەگى كىلتيپاندار ازايىپ، اينالىم مولشەرىن جوعارىلاتتى.
2020 – جىلى 6 – ايدا، اينالىم مولشەرىنىڭ %98 كە جەتۋىنە كەپىلدىك ەتۋ العى شارتىندا، سەرىكتەستىك 400 مىڭ توننا سەمەنت ءوندىرىپ، سەرىكتەستىك قۇرىلعاننان بەرگى ءبىر ايدا سەمەنت ءوندىرۋ مولشەرىنىڭ رەكوردىن جاراتتى.
دانزىڭ دۇنجۋ ۇنەمى: «سەحتى باسقارۋدىڭ ءونىمدى ءتۇزىمى — باسەكەنىڭ قاجەتى بولىپ قالماستان، سەرىكتەستىكتىڭ دامۋى دا وسىنى قاجەت ەتەدى»، — دەيدى. دانزىڭ دۇنجۋ «جاساۋ سەحىنداعى جۇمىس ورنى ءتۇزىمى» قاتارلى ىشكى جاقتاعى تۇزىمدەرگە وزگەرىس ەنگىزىپ، كەمەلدەندىرىپ، كەمەلدى شابىتتاندىرۋ مەحانيزمىن جولعا قويۋ، ىشكى جاقتاعى جۇمىس ونىمدىلىگىن باعالاۋ، جۇمىس ورنىنداعى قىزمەتتىك جاۋپكەرشىلىكتى اداقتاۋ قاتارلى ادىستەردەن پايدالانىپ، جۇمىسشىلاردىڭ بەلسەندىلىگى مەن ىنتالىلىعىن جوعارىلاتىپ، «ءاربىر ءىستى باسقاراتىن ادام بولۋدى، ءاربىر ءىستى تياناقتاندىرۋدى» ىسكە اسىردى.
«ءوندىرىس حاۋىپسىزدىگى ماڭگى ساپاردا، تەك العا ىلگەرىلەۋ بار، توقىراۋ جوق. ءبىز ءار كۇنى ءبىر رەت ىشكى جاقتا حاۋىپسىزدىك ءماجىلىسىن اشىپ، ءاربىر كەزەكتەگى قىزمەتكەرلەرگە جۇمىسقا شىعۋ الدىندا 5 مينۋت تاربيە بەرەمىز، وسى ارقىلى قىزمەتكەرلەردىڭ ءوز جۇمىس ورنىنا قاتىستى حاۋىپسىزدىك بىلىمدەرىن قانىق بىلۋىنە، حاۋىپتى جاعدايلاردى بايقاسا، دەر كەزىندە رەتتەۋىنە شارت – جاعداي ازىرلەيمىز»، — دەيدى دانزىڭ دۇنجۋ. حاۋىپسىزدىككە ساياتىن جاۋاپكەرشىلىكتى تياناقتاندىرۋدى كۇشەيتكەندىكتەن، سەرىكتەستىكتىڭ جاساۋ سەحى جالعاستى 6 جىل بويى ءوندىرىس حاۋىپسىزدىگى جاعىندا شىرعالاڭ تۋىلماۋ سىندى ناتيجەنى جاراتتى.
دانزىڭ دۇنجۋ 2021 – جىلى مەملەكەتتىك 1 – مامىر ەڭبەكشىلەر وردەنىنە يە بولعان، بيىل 6 – ايدا پارتيا 20 – قۇرىلتايىنىڭ ۋاكىلى بولىپ سايلانعان. قازىرگى تاڭدا، سەرىكتەستىكتىڭ ورىنباسار باس ديرەكتورى مىندەتىن اتقاراتىن دانزىڭ دۇنجۋ سەرىكتەستىكتىڭ بولاشاقتاعى دامۋى جونىندە وي جۇگىرتۋدە. دانزىڭ دۇنجوۋ: «بۇدان بىلايعى قىزمەت بارىسىندا، ءبىز وسى سالاداعى جەتەكشى كاسىپورىنداردى كوزدە ۇستاي وتىرىپ، كاسىپورىننىڭ باسەكەلىك قۋاتىن جوعارىلاتۋدامىز»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
