شي جينپيڭ جاپونيانىڭ باس ءۋازىرى انتيان ۋىنشيۇڭمەن جۇڭگو مەن جاپونيانىڭ ديپلوماتيالىق قاتىناسىنىڭ قالىپقا تۇسكەنىنىڭ 50 جىلدىعىنا بايلانىستى ءوزارا قۇتتىقتاۋ تەلەگرامماسىن جولدادى
لي كىچياڭ انتيان ۋىنشيۇڭمەن ءوزارا قۇتتىقتاۋ تەلەگرامماسىن جولدادى
2022.09.30 16:10 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 29 - كۇنى، بەيجيڭ. 9 - ايدىڭ 29 - كۇنى مەملەكەت ءتوراعاسى شي جينپيڭ جۇڭگو مەن جاپونيانىڭ ديپلوماتيالىق قاتىناسىنىڭ قالىپقا تۇسكەنىنىڭ 50 جىلدىعىنا بايلانىستى جاپونيانىڭ باس ءۋازىرى انتيان ۋىنشيۇڭمەن ءوزارا قۇتتىقتاۋ تەلەگرامماسىن جولدادى.
شي جينپيڭ بىلاي دەپ اتاپ كورسەتتى: 50 جىلدىڭ الدىنداعى بۇگىنگى كۇنى جۇڭگو مەن جاپونيانىڭ اعا بۋىن باسشىلارى اۋقىمدى باعامداپ، بيىكتە تۇرىپ الىستى بولجاپ، جۇڭگو مەن جاپونيانىڭ ديپلوماتيالىق قاتىناسىن قالىپقا ءتۇسىرۋ كەلەلى ساياسي شەشىمىن جاساپ، ەكى ەل قارىم - قاتىناسىنىڭ تىڭ پاراعىن اشتى. 50 جىلدان بەرى ەكى ەل ۇكىمەتى مەن ەكى ەل حالىقتارىنىڭ بىرگە قۇلشىنۋىندا، ەكى جاق ىلگەرىندى - كەيىندى 4 ساياسي قۇجاتتى قابىلداپ جانە ءبىرقىدىرۋ ماڭىزدى ورتاق تانىمعا كەلىپ، ءار سالاداعى اۋىس - كۇيىس پەن سەلبەستىكتى ۇزدىكسىز تەرەڭدەتىپ، ەكى ەلگە جانە ەكى ەل حالىقتارىنا ماڭىزدى باقىت جاراتتى، سونداي - اق ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن دامۋىن دا جەبەدى.
شي جينپيڭ بىلاي دەپ دارىپتەدى: مەن جۇڭگو - جاپونيا قارىم - قاتىناسىنىڭ دامۋىنا ايرىقشا ءمان بەرەمىن، باس ءۋازىر انتيان ۋىنشيۇڭمەن بىرگە ەكى جاقتى ديپلوماتيالىق قاتىناستىڭ قالىپقا تۇسكەنىنىڭ 50 جىلدىعىن وراي ەتىپ، اعىمنىڭ جالپى اۋقىمىنا سايكەسىپ، جاڭا ءداۋىردىڭ تالابىنا ۇيلەسەتىن جۇڭگو - جاپونيا قارىم - قاتىناسىن ورناتۋعا بىرگە كۇش سالۋدى قالايمىن.
انتيان ۋىنشيۇڭ مىنانى ءبىلدىردى: 50 جىلدىڭ الدىندا جاپونيا مەن جۇڭگونىڭ اعا بۋىن باسشىلارى ستراتەگيالىق وي جەلىسى مەن ساياسي باتىلدىقتى ۇستانىپ، جاپونيا - جۇڭگو قاتىناسىنىڭ جاڭا تاريحي بارىسىن اشتى. 50 جىلدان بەرى جاپونيا مەن جۇڭگونىڭ ەكونوميكا، مادەنيەت، ادامدار بارىس - كەلىسى سياقتى كەڭ سالاداعى سەلبەستىگى باياندى دامىدى. ەكى جاقتىڭ جاپونيا - جۇڭگو قارىم - قاتىناسىنىڭ جاڭا بولاشاعىن قول ۇستاسا اشۋى ماڭىزدى مانگە يە. جاپونيا جۇڭگومەن بىرگە كەلەسى 50 جىلدى كوزدە ۇستاپ، سىندارلى، ورنىقتى جاپونيا - جۇڭگو قاتىناسىن ورناتۋدى ىلگەرىلەتىپ، ەكى ەلدىڭ، ءوڭىردىڭ جانە دۇنيە ءجۇزىنىڭ بەيبىتشىلىگى مەن گۇلدەنۋىن بىرگە جەبەۋدى قالايدى.
سول كۇنى مەملەكەتتىك كەڭەستىڭ زۇڭليى لي كىچياڭ انتيان ۋىنشيۇڭمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو مەن جاپونيانىڭ جەرى جاقىن، مادەنيەتى توعىسقان، ەكەۋى دە − وڭىردەگى جانە حالىقارالىق قوعامداعى ماڭىزدى ەلدەر. جۇڭگو جاپونيامەن بىرگە بەيبىتشىلىككە، دوستىققا، قاتار تۇرۋعا كۇش سالىپ، ەكى ەل قاتىناسىنىڭ ساياسي نەگىزىن قورعاپ، ءار سالاداعى اۋىس - كۇيىستى، سەلبەستىكتى تەرەڭدەتىپ، قايشىلىقتار مەن الاۋىزدىقتاردى ۇيلەسىمدى تىزگىندەپ، جۇڭگو - جاپونيا قاتىناسىنىڭ قالىپقا تۇسكەنىنىڭ 50 جىلدىعىن جاڭا باستاما ەتىپ، باياندى، اقاۋسىز، ورنىقتى قاداممەن العا باسۋدى ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
