فۋجيان ولكەسىنىڭ شىشى قالاسى بازار ارقىلى ساتىپ الۋ ساۋداسى سياقتى رەفورمالاردىڭ سىناق ءتۇيىنى پايداسىن تاراتىپ، وسىزاماندانعان ساۋدا قالاسىن قۇرۋدى جەدەلدەتتى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى جياڭ شىڭياڭ، ليۋ شياۋيۇي
2022.09.30 16:17 كەلۋ قاينارى : حالىق تورابى
كورمە سارايىندا الدىن الا قوراپتالعان اۋىل شارۋاشىلىق ونىمدەرى سىرەسىپ تۇر؛ ساۋدا قالاسىنىڭ توڭىرەگىندەگى جولداردا جۇك تاسيتىن اۆتوموبيلدەر ارلى – بەرلى اعىلۋدا؛ شىحۋ پورتىنىڭ تەڭىز تاسىمالى كەمەجايىندا تيەۋىش قوراپتى كران قاربالاستىققا تۇسكەن ... پارتيانىڭ 20 - قۇرىلتايى اشىلۋ قارساڭىندا فۋجيان ولكەسى چۋانجوۋ قالاسى شىشى قالاسى سىندى تەڭىز جاعالاۋىنداعى شاعىن ساۋدا قالاسىندا كادرلار مەن بۇقارا اسقاق جىگەرمەن سىرتقى ساۋدانىڭ جاڭا قالىبىن، جاڭا ۇلگىسىن جەدەل دامىتىپ، سىرتقى ساۋدانىڭ جاڭا قوزعاۋشى كۇشىن جەتىلدىردى.
«ليانجياڭ بالىق دومالاعى 200 جاشىك، انشي شايى مىڭ قوراپ، فارفور ىدىستار 300 ءجۇرىس ...» شىشى قالاسىنىڭ شىعىس وڭتۇستىك ازيا ساتىپ الۋ، جيناۋ - تاراتۋ ورتالىعىنىڭ قىزمەتكەرى گو يۋەلي تاپسىرىس قاعازدارىن رەتتەۋمەن قاربالاس بولۋدا.
«پارتيانىڭ 20 - قۇرىلتايىن قۋانا قارسى الامىز، ءبىز بىلەك سىبانىپ ءتىپتى دە قۇلشىنا ىستەۋىمىز كەرەك». گو يۋەليدىڭ قايراتى تاسقىنداي ءتۇستى، «بازار ارقىلى ساتىپ الۋ ساۋداسىن تۇيىندە سىناق ەتۋگە سۇيەنىپ، تاپسىرىسقا قاراي زاتتى دەر شاعىندا ازىرلەپ، جونەلتەمىز، ەكسپورتتىڭ جالپى اينالىم مەرزىمى وتكەندەگى 3 ايدان ءبىر كۇنگە قىسقاردى، تاپسىرىس قاعازىن ءبىتىرۋ تەز ءارى جاقسى بولدى» دەدى ول.
2018 - جىلى 11 - ايدا شىشى قالاسى فۋجيان ولكەسىنىڭ تۇڭعىش بازار ارقىلى ساتىپ الۋ ساۋدا ءتاسىلىن تۇيىندە سىناق ەتۋدى بەكىتتى، تۇراقتاندىرىلعان بازار شوعىرلانعان وڭىرلەردە شارتقا ۇيلەسەتىن تيجاراتشىلار زات ساتىپ العاندا، «ءبىر رەتتە مالىمدەۋ، ءبىر رەتتە تەكسەرۋ، ءبىر رەتتە وتكىزۋ»، سونداي - اق ارتقان قۇن سالىعىن كەشىرىم ەتۋ، قايتارماۋ ساياساتى اتقارىلدى. سونىمەن بىرگە، «ساتىپ الۋ ورنى مالىمدەۋ، بۇكىل ولكەدەگى شەكارا وتكەلدەرى تەكسەرىپ وتكىزۋ» سىندى ءبىر تۇلعالانعان كەدەننەن ءوتۋ ۇلگىسى ادەتتەگى ساۋدا كەدەنىنەن ءوتۋ ۇلگىسىمەن سالىستىرعاندا، ءار ساندىقتا ورتا ەسەپپەن مىڭ يۋاننان استام قاراجات ۇنەمدەلدى.
ەكسپورت ەتۋ تاسىلىندە قارقىن تەزدەپ، وزىندىك قۇن تومەندەدى، بۇل جاي ساۋدامەن 20 نەشە جىل شۇعىلدانعان شۇي ۋىنجيننىڭ جاڭا ورايدى قولعا كەلتىرۋىنە مۇمكىندىك جاسادى. 9 - ايدىڭ 9 - كۇنى بازارداعى ساتىپ الۋ ساۋداسىنا ارناۋلى قىزمەت وتەيتىن «ليانجياڭ بالىق دومالاعىن كورمەگە قويىپ ساتۋ سارايى» شىشى حالىقارالىق ازىق - تۇلىك ساۋدا سارايىندا بوي كوتەردى. «بالىق دومالاعى شەتەلدەگى اۋىلداستار اراسىندا ەرەكشە قارسى الۋعا بولەندى. بازار ساتىپ الۋ ساۋداسىنىڭ پەريودى قىسقاردى، سۋىق بالىق دومالاعى شەتەلدىڭ داستارقاندارىنا ءتىپتى دە تەز جەتەدى». قۇرىلعانىنا ءبىر اي بولماي جاتىپ، شۇي ۋىنجين فۋجوۋدىڭ ليانجياڭ اۋدانىنان 6 رەت زات تولىقتادى، «جىل سوڭىندا باتىس فۋجياننىڭ تاۋ وڭىردەگى زاتتارىن ەنگىزىپ، دۇنيە جۇزىندەگى الارماندارعا ‹باقىت ءدامىن› تاتقىزۋدى ويلاپ وتىرمىن» دەدى ول.
سىرتقى ساۋدانىڭ ساۋدا ورتاسىن ساپالىلاندىردى، شىشى قالاسى كوپ ءتۇرلى شارانى قاتار قولدانىپ، ۇزدىكسىز كۇش سالدى. 2021 - جىلى 9 - ايدا شىشى قالاسى 20 ميلليون يۋان قارجى قوسىپ، ۆاليۋتا باعامىنداعى حاۋىپتەن ساقتانۋ ونىمدەرىنە بايلانىستى ۇكىمەتتىڭ «الەۋمەتتىك كەپىل التىن كولشىگىن» قۇرىپ، ورتا، شاعىن، ۇساق كاسىپورىندارعا «كەپىل اقشا كەشىرىم ەتىلەتىن» ۇزاق ۋاقىتتىق سىرتقى پەرۆود ەسەبىن جابۋ، ساتۋ جاعىنان قىزمەت وتەدى. بيىل 9 - ايدىڭ سوڭىنا دەيىن 76 كاسىپورىننىڭ سىرتقى ساۋدا تاپسىرىسىن حاۋىپتەن اراشالاپ، 23 ميلليون كەپىلدىك اقشانى يۋان كەشىرىم ەتتى.
شىشى قالالىق ساۋدا مەكەمەسىنىڭ باستىعى سۋ جينفا مىنانى ءبىلدىردى: بازار ساتىپ الۋ ساۋداسىن تۇيىندە سىناق ەتۋ سىرتقى ساۋدا، كەدەنگە مالىمدەۋ، زات ۋاكىلەتتىگى، كەمەجاي زات اينالىمى، حالىقارالىق تەڭىز تاسىمالى سياقتى جاقتاردا جاڭادان 12 مىڭنان استام ادامدى جۇمىستاندىردى. قازىرگە دەيىن شىشى قالاسىنداعى سىرتقى ساۋدامەن شۇعىلداناتىن نەگىزگى تۇلعا سىناق ءتۇيىنى بولۋدىڭ الدىنداعى ءبىر مىڭ 200 دەن كوبەيىپ 9 مىڭنان استامعا جەتىپ، جاڭا كاسىپ كۇيىندەگى 328 سىرتقى ساۋدا سەرىكتەستىگى تىڭنان قوسىلدى.
شىشى قالاسى جينشاڭ قالاشىعىنداعى چۋانجوۋ پىڭتاي كيىم - كەشەك شەكتى سەرىكتەستىگىنىڭ ءوندىرىس سەحىندا زەردەلى كيىم - كەشەك جەتكىزۋ جەلىسى جۇرتتىڭ نازارىن اۋداردى. سەرىكتەستىك باس ديرەكتورىنىڭ ورىنباسارى جاۋ ۋىنحۇڭ جونىنەن العاندا، بۇل زەردەلى جابدىق سىرتقى ساۋداداعى قيىن ماسەلەنى شەشتى، ءونىم «مولشەرى كوپ، ءتۇرى جالاڭ» بولۋدان قالىپ، «دارالىق ەرەكشەلىككە يە، تاپسىرىس بويىنشا ازىرلەنەتىن، جوعارى دەڭگەيلى» بولۋ جاڭا جولىنا تۇسە باستادى، بۇل كاسىپورىننىڭ جەكە ونىمدەرىنىڭ قوسىمشا قۇنىن %30 تەن استام جوعارىلاتتى. «بازار ارقىلى ساتىپ الۋ ساۋداسى بولعاندىقتان، ‹مولشەرى از، ءتۇرى كوپ، باعاسى جوعارى بولۋ› جاڭا اعىمعا اينالىپ، كاسىپورىننىڭ تيبىن وزگەرتىپ، دارەجەسىن جوعارىلاتۋىن ىلگەرىلەتتى» دەدى جاۋ ۋىنحۇڭ.
جاقسى ونىمدەردە ءتىپتى دە جاقسى ساتىلدى. 9 - ايدىڭ 15 - كۇنى تۇستەن بۇرىن ءبىر تيەۋىش قوراپ كەمەسى شىشى قالاسىنىڭ شىحۋ كەمەجايىنان اتتاندى، بۇل چۋانجوۋدىڭ ەۆروپاعا توتە باراتىن 2 - ارناسىنىڭ باستالعانىن اڭعارتادى. «ەل ىشىندەگى ۇلكەن اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاسسا، ءتىپتى دە كوپ چۋانجوۋدا وندىرىلگەن ءتىپتى دە كوپ ءونىمنىڭ دۇنيە ءجۇزىنىڭ جەر – جەرىنە كوپتەپ ساتىلارىنا سەنەمىن» دەدى كەمەجايدىڭ جاۋاپتى جاعى، ۋودفي تەڭىز تاسىمالى (شياڭگاڭ) شەكتى سەرىكتەستىگىنىڭ باس مەڭگەرۋشىسى يۇي ياڭ.
ساناقتا كورسەتىلۋىنشە، 2018 – جىلى 11 - ايدان قازىرگە دەيىن شىشى قالاسىنىڭ بازارداعى ساتىپ الۋ ساۋداسىندا ەكسپورت ەتىلگەن زات قۇنى 120 ميلليارد يۋاننان اسقان. بيىل 1 – ايدان 8 - ايعا دەيىن شىشى قالاسىنىڭ ەكسپورت ەتىلگەن زات قۇنى 33 ميلليارد 717 ميلليون يۋان بولىپ، سايكەس مەزگىلدەگىدەن %39.93 ارتقان.
«شىشى قالاسى ساۋدا ارقىلى ونەركاسىپتى جەتەكتەۋدە، ساۋدا مەن ونەركاسىپتى بىرلەستىرۋدە تاباندى بولىپ، بازار ارقىلى ساتىپ الۋ ساۋداسى سياقتى رەفورما سىناق ءتۇيىنىنىڭ پايداسىن تولىق اشىپ، وسىزاماندانعان ساۋدا قالاسىن جەدەل قۇرىپ، پارتيانىڭ 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الادى» دەدى شىشى قالالىق پارتكومداع نەگىزگى جاۋاپتى جولداس.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
