«قۇدىرەتتى ۇيىمداستىرۋ قۋاتى مەن جۇمىلدىرۋ قۋاتى بار» (شەتەل ساياسي پارتيالارىنىڭ ساياسي قايراتكەرلەرى مەن دوس قايراتكەرلەردىڭ نازارىنداعى جاڭا داۋىردەگى جۇڭگو كوممۋنيستىك پارتياسى)
«حالىق گازەتىنىڭ» ءتىلشىسى لي بيڭشين
2022.09.29 16:41 كەلۋ قاينارى : حالىق تورابى
«جۇڭگو كوممۋنيستىك پارتياسى باستان - اياق حالىقتى ماڭداي الدى ورىنعا قويىپ، جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىنا قاراي قادام تاستادى. ءبىز جۇڭگونىڭ حالىقتى وزەك ەتكەن دامۋ يدەياسىن ەرەكشە قۇپتايمىز، بۇل يدەيا جۇڭگونىڭ دامۋىنىڭ بارلىق جاعىندا بەينەلەنەدى». بيرما ۇلتتار ىنتىماعى پارتياسىنىڭ ءتوراعاسى حان رۇي تاياۋدا ءتىلشىمىزدىڭ ارناۋلى سۇحپاتىن قابىلداعاندا مىنانى ءبىلدىردى: «وتكەن 40 نەشە جىلدا جۇڭگو 700 ميلليوننان استام ادامدى كەدەيلىكتەن ءساتتى ارىلتىپ، دۇنيە ءجۇزىنىڭ كەدەيلەردى ازايتۋ ىستەرىنە ۇلەس قوسىپ، ءبىز بۇعان سۇيىنەمىز».
81 جاستاعى حان رۇي جۇڭگونىڭ قول جەتكىزگەن دامۋ جەتىستىكتەرىن ءوز تۇرعىسىنان باقىلاپ، وي جۇگىرتىپ وتىرادى. «مەن يۇنناننىڭ كۇنميڭىندە ساپاردا بولعانمىن، ول ارانىڭ جەدەل دامۋى ماعان تەرەڭ اسەر بەردى. ۇشاق قونىسىمەن - اق وسىزاماندانعان اۋەجاي كوزگە تۇسەدى، كەڭ دە تەگىس جول، ەكى جاعىندا اشىلعان گۇل، وسىزاماندانعان عيمارات مەنىڭ كىتاپتان وقىعانىمنان دا كوركەم كورىنەدى. مەن جۇڭگو كوممۋنيستىك پارتياسى بەلگىلەگەن دۇرىس دامۋ بەتالىسى، جەرگىلىكتى جاعدايعا قاراي جاسالعان دامۋ جوباسى جۇڭگونىڭ ەكونوميكالىق، قوعامدىق دامۋىن، العا باسۋىن ىلگەرىلەتۋدىڭ تەتىگى ەكەنىن بىرتىندەپ تانىپ جەتتىم» دەدى حان رۇي.
كەدەيلىكتى ازايتۋ − وركەندەپ كەلە جاتقان ەلدەر جاپپاي ءدوپ كەلىپ وتىرعان مىندەت. حان رۇي مىنانى ءبىلدىردى: بيرمانىڭ كەيبىر رايوندارى ءالى دە ءبىرشاما كەدەي، بۇقارانىڭ تۇرمىس ورەسىن جوعارىلاتۋعا تۋرا كەلەدى. بيرما جۇڭگونىڭ تاجىريبەسىنەن ۇلگى الىپ، وڭىرلىك سايكەستى دامۋ ارقىلى ورتاق اۋقاتتانۋدى ىلگەرىلەتە الادى. بيرما ۇلتتار ىنتىماعى پارتياسى بۇرىن بيرما سوتسياليستىك باعدارلاما پارتياسى بولاتىن. 2013 - جىلى وسى پارتيانىڭ ۋاكىلدەر ۇيىرمەسى ج ك پ ورتالىق كوميتەتى سىرتپەن بايلانىس جاساۋ ءبولىمىنىڭ ۇسىنىسى بويىنشا جۇڭگوعا تۇڭعىش رەت ساپارلاي بارعاننان بەرى ەكى پارتيانىڭ اۋىس - كۇيىسى، ءوزارا ساپارى جيىلەي ءتۇستى. «جۇڭگو كوممۋنيستىك پارتياسى پارتيالار ارا قارىم - قاتىناسقا ايرىقشا ءمان بەرەدى، ءبىز جۇڭگو كوممۋنيستىك پارتياسىمەن قارىم - قاتىناستى جانە دوستىقتى شەكسىز قاستەرلەيمىز، جۇڭگو كوممۋنيستىك پارتياسىنان ەل باسقارۋ تاجىريبەلەرىن ۇيرەنۋدى اڭسايمىز» دەدى حان رۇي.
حان رۇي «شي جينپيڭ ەل باسقارۋ جونىندە» اتتى كىتاپتى قايتا - قايتا وقىپ، تەرەڭ شابىت الدى. «جۇڭگو كوممۋنيستىك پارتياسى حالىقتى بارىنەن جوعارى قويۋدا، ءومىردى بارىنەن جوعارى قويۋدا باستان - اياق تاباندى بولدى، بيرما ۇلتتار ىنتىماعى پارتياسى دا جۇمىسشىلار مەن شارۋالاردىڭ مۇددەسىنە ايرىقشا نازار اۋدارادى». حان رۇيدىڭ قاراۋىنشا، جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدەگى شاراسى − حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولۋدىڭ ناقتى بەينەسى. «جۇڭگو كوممۋنيستىك پارتياسىنىڭ ۇيىمداستىرۋ قابىلەتى مەن جۇمىلدىرۋ قابىلەتى كۇشتى، جۇڭگو ەل ىشىندەگى ىندەتتى الدىمەن تىزگىندەۋمەن بىرگە، باسقا ەلدەردىڭ ىندەتپەن كۇرەسۋىنە قىرۋار زاتتىق ماتەريال ازىرلەپ بەردى، سونداي - اق جاڭا تيپتى ايدارشا ۆيرۋس ۆاكسيناسىن حالىقارالىق الەۋمەتتىك ءونىم ەتىپ، جاۋاپتى ءىرى ەلدە بولۋعا ءتيىستى جاۋاپكەرلىكتى ايگىلەدى».
«جۇڭگونىڭ كومەگى بيرمانىڭ ىندەتتەن ساقتانۋ - تىزگىندەۋىندە توتەنشە ماڭىزدى». حان رۇي مىنانى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن بيرما مەن جۇڭگو ءوزارا قارايلاسىپ، قيىنشىلىقتى بىرگە جەڭدى. جۇڭگو تۇتقيىل تۋىلعان ىندەتكە تاپ بولعاندا بيرما جۇڭگونىڭ ۋحانىنا كۇرىش سياقتى زاتتاردى جىلۋعا اتادى؛ بيرمانىڭ ىندەتپەن كۇرەسۋىنىڭ شەشۋشى كەزەڭىندە جۇڭگو قىرۋار ەمدەۋ كەرەك - جاراعىن كومەككە بەرىپ قانا قويماي، ەمدەۋ ماماندارى گرۋپپاسىن بيرماعا كومەككە جىبەرەدى. بيىل 3 - ايدىڭ اياق شەنىندە بيرما مەن جۇڭگو سەلبەسكەن جاڭا تيپتى ايدارشا ۆيرۋس ۆاكسيناسىن وندىرەتىن زاۆود بيرمادا رەسمي وندىرىسكە قوسىلدى. 5 - ايدىڭ باسىنان باستاپ بيرما مەن جۇڭگو سەلبەسىپ وندىرگەن تۇڭعىش توپتاعى ءبىر ميلليون جاڭا تيپتى ايدارشا ۆيرۋس ۆاكسيناسى بيرما بۇقاراسىنا ەگىلدى.
«باس شۋجي شي جينپيڭ بىلاي دەپ اتاپ كورسەتتى: ‹حالىق ءۇشىن دامىعاندا عانا، دامۋدىڭ ءمانى بولادى؛ حالىققا سۇيەنۋ ارقىلى دامىعاندا عانا، دامۋ قوزعاۋشى كۇشكە يە بولادى›. ەل ءىشىن جونگە سالۋ بولسىن، الدە دۇنيە ءجۇزىن جونگە سالۋ بولسىن، ەڭ ماڭىزدىسى حالىقتىڭ تۇتاس بارىسقا ات سالىسۋىنا مۇمكىندىك جاساپ، حالىققا پايدا جەتكىزۋ كەرەك. بۇل جاعىندا جۇڭگو كوممۋنيستىك پارتياسى بۇكىل دۇنيە جۇزىندەگى ساياسي پارتيالارعا ۇلگى بولدى». حان رۇي مىنانى ءبىلدىردى: مەن باس شۋجي شي جينپيڭنىڭ دەموكراتيا جونىندەگى پايىمداۋلارىن ەرەكشە قۇپتايمىن. دەموكراتيا قاي ءبىر ەلدىڭ پاتەنتى ەمەس، قايتا ءار ەل حالقىنىڭ ۇقىعى. دەموكراتيانى جۇزەگە اسىرۋدىڭ الۋان ءتۇرلى تاسىلدەرى بار، ءبىرىڭعاي بولۋى مۇمكىن ەمەس. «بۇل بىزگە دە شابىت بەردى، ءبىر مەملەكەتتىڭ دەموكراتيا اياق الىسىن ىلگەرىلەتۋىنىڭ ءوز ەلىنىڭ ءىس جۇزىندىگىنەن الشاقتاۋىنا بولمايدى».
حان رۇي جۇڭگونىڭ دۇنيە ءجۇزىن جونگە سالۋعا بەلسەنە ات سالىسقانىن ايرىقشا القادى. ول بىلاي دەدى: جۇڭگو العا قويعان دۇنيە جۇزىلىك دامۋ باستاماسى وركەندەپ كەلە جاتقان ەلدەردىڭ گۇلدەنىپ - كوركەيۋىنە، دامۋىنا ءتيىمدى، دۇنيە جۇزىلىك دامۋدى جونگە سالۋدى كەمەلدەندىرۋدىڭ ءونىمدى جوباسى. بيرمانى مىسالعا الساق، بيرما مەن جۇڭگونىڭ ەكونوميكالىق ءدالىزى قۇرىلىسى بيرمانىڭ جان - جاقتى دامۋدى جۇزەگە اسىرۋىنا وراسان زور وراي اكەلدى، بيرما جۇڭگو دامۋىنىڭ جۇردەك پويەزىنا وتىرىپ، جۇڭگونىڭ دامۋ پايداسىنان تەڭ يگىلىكتەنەدى. «‹ءبىر بەلدەۋ، ءبىر جولدى› بىرگە قۇرۋعا ات سالىسۋ ارقىلى دۇنيە جۇزىلىك دامۋ باستاماسىن تياناقتاندىرۋدى ءۇمىت ەتەمىن، ءبىز جۇڭگومەن، سونداي - اق باسقا دا توڭىرەكتەگى ەلدەرمەن بىرگە دامۋدى جۇزەگە اسىرا الامىز».
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى اشىلۋ الدىندا تۇر. حان رۇي مىنانى ءبىلدىردى: مۇنىڭ جۇڭگونىڭ بولاشاق دامۋى ءۇشىن نىسانا بەلگىلەپ، بەتالىستى ايقىنيتىن سالتاناتتى قۇرىلتاي بولاتىنىنا، جۇڭگونىڭ جاپپاي سوتسياليستىك وسىزاماندانعان مەملەكەت قۇرۋى جونىنەن كەلەلى ءمان الاتىنىنا، سونداي - اق دۇنيە ءجۇزىن جونگە سالۋدى كەمەلدەندىرۋگە جانە ءار ەلدىڭ بىرگە دامۋىن جەبەۋگە تەرەڭ ىقپال جاسايتىنىنا سەنەمىن، «بيرما ۇلتتار ىنتىماعى پارتياسى قۇرىلتايدىڭ تولىق تابىستى بولۋىن شىن جۇرەكتەن تىلەيدى!».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
