مەملەكەتتىك ساياسي كەڭەس كەڭسەسى، ج ك پ ورتالىق كوميتەتىنىڭ بىرلىكساپ ءبولىمى، مەملەكەتتىك كەڭەستىڭ مۇھاجىرلار كەڭسەسى، مەملەكەتتىك كەڭەستىڭ شياڭگاڭ، اۋمىن ىستەرى كەڭسەسى، مەملەكەتتىك كەڭەستىڭ تايۋان ىستەرى كەڭسەسى، جۇڭگو مۇھاجىرلار بىرلەستىگى مەملەكەت مەرەكەسىن قۇتتىقتاۋ قوناعاسىسىن بىرلەسىپ وتكىزدى
ۋاڭ ياڭ ءسوز سويلەدى
2022.09.28 16:35 كەلۋ قاينارى : حالىق تورابى
«حالىق گازەتى»، 9 – ايدىڭ 27 – كۇنى، بەيجيڭ. مەملەكەتتىك ساياسي كەڭەس كەڭسەسى، ج ك پ ورتالىق كوميتەتىنىڭ بىرلىكساپ ءبولىمى، مەملەكەتتىك كەڭەستىڭ مۇھاجىرلار كەڭسەسى، مەملەكەتتىك كەڭەستىڭ شياڭگاڭ، اۋمىن ىستەرى كەڭسەسى، مەملەكەتتىك كەڭەستىڭ تايۋان ىستەرى كەڭسەسى، جۇڭگو مۇھاجىرلار بىرلەستىگى 9 - ايدىڭ 27 - كۇنى حالىق سارايىندا مەملەكەت مەرەكەسىن قۇتتىقتاۋ قوناعاسىسىن بىرلەسىپ وتكىزىپ، جۇڭحۋا حالىق رەسپۋبليكاسى قۇرىلعانىنىڭ 73 جىلدىعىن قۇتتىقتادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ قاتىناستى ءارى ءسوز سويلەدى.
ۋاڭ ياڭ بىلاي دەپ اتاپ كورسەتتى: جاڭا جۇڭگو قۇرىلعاننان بەرگى 73 جىل جەر - كوكتى جاڭعىرتقان، جەر - كوكتى ءدۇر سىلكىندىرگەن 73 جىل بولدى. ج ك پ - نىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن ج ك پ ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايىن جانە دۇنيە جۇزىندە ءجۇز جىلدان بەرى بولماعان زور وزگەرىستەردى ءبىر تۇتاس جوسپارلاپ، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەنى شەشىپ، ۇزاق بولاشاققا ساياتىن كوپتەگەن ءىرى، ماڭىزدى ءىستى ىستەپ، ەل ءىشى - سىرتىنداعى ءتۇرلى حاۋىپ - قاتەر مەن سىن - سايىسقا توتەپ بەرىپ، جۇڭگو جولى بارعان سايىن كەڭەيىپ، جۇڭگونى جونگە سالۋ بارعان سايىن كەمەلدەنىپ، جۇڭگونىڭ جونگە سالۋى بارعان سايىن كورنەكتىلەندى.
ۋاڭ ياڭ مىنالاردى دارىپتەدى: بيىل − پارتيا مەن مەملەكەتتىڭ دامۋ ۇردىسىندەگى كەلەلى تاريحي مانگە يە ءبىر جىل، بۇكىل ەل نازار اۋدارىپ وتىرعان، كۇللى دۇنيە ءجۇزىن جالت قاراتقان جۇڭگو كوممۋنيستىك پارتياسىنىڭ 20 - قۇرىلتايى اشىلۋ الدىندا تۇر. بۇل رەتكى تاريحي سالتاناتتى جينالىس پارتيا مەن مەملەكەت ىستەرىندە بۇرىنعىعا مۇراگەر بولىپ، كەيىنگىگە جول اشۋعا، جۇڭگوشا سوتسياليزمنىڭ بولاشاق تاعدىرىنا، جۇڭحۋا ۇلتىنىڭ ۇلى گۇلدەنۋىنە سايادى. ءبىز ج ك پ - نىڭ 20 - قۇرىلتايىنىڭ رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، مۇرات - سەنىم تۋىن بيىك ۇستاپ، جۇدىرىقتاي جۇمىلعان ۇلى كۇشتى ۇيىستىرىپ، باتىلدىقپەن، تاباندىلىقپەن ىستەيتىن تاباندىلىقتى ساقتاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋىمىز كەرەك.
ۋاڭ ياڭ بىلاي دەپ دارىپتەدى: ىنتىماق − كۇش، كۇرەس ارقىلى بولاشاققا جول اشۋ كەرەك. ىنتىماقتاسا كۇرەس جۇرگىزۋ − جۇڭحۋا ۇلتىنىڭ قات - قابات قيىن وتكەلدەن ءوتىپ، شۇعىلالى تابىستار جاراتۋىنىڭ ماڭىزدى كەپىلى، سونداي - اق جۇڭگو كوممۋنيستىك پارتياسى مەن جۇڭگو حالقىنىڭ جاڭا ءداۋىر، جاڭا جورىقتا تاريحي ۇلى ىستەردى جاراتۋدا، ءسوزسىز، باسىپ وتەتىن جولى. ءبىز ۇلى ىنتىماق پەن ۇلى بىرلەستىكتە تاباندى بولىپ، ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بارلىق جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، ءبىر جاعادان باس، ءبىر جەڭنەن قول شىعاراتىن جاندى جاعداي قالىپتاستىرۋىمىز كەرەك. باس شۋجي شي جينپيڭنىڭ شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ءتۇسىنىپ، «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرىپ، ورتالىقتىڭ ەرەكشە اكىمشىلىك رايوندى جاپپاي باسقارۋ ۇقىعىن تياناقتاندىرىپ، «وتانشىلداردىڭ شياڭگاڭدى جونگە سالۋىن»، «وتانشىلداردىڭ اۋمىندى جونگە سالۋىن» تياناقتاندىرىپ، ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋىن، شياڭگاڭنىڭ، اۋمىننىڭ وزگەشە ورنى مەن ابزالدىعىن ساقتاۋىن، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىن بار كۇشپەن قولداۋ كەرەك. جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن ىشكەرىلەي دايەكتىلەندىرىپ، ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، «ەكى جاعالاۋداعىلار − ءبىر شاڭىراقتىڭ ادامى» ۇستانىمىن ۇستانىپ، ەكى جاعالاۋ قاتىناسىنىڭ بەيبىت دامۋىن، توعىسپالى دامۋىن ىلگەرىلەتۋ كەرەك. وتاننىڭ تۇتاستىعى بوگەۋ بەرمەيدى، «شەتەل كۇشتەرىنە ارقالانىپ دەربەستىكتى كوزدەۋدىڭ» شىعار جولى جوق، «تايۋانمەن جۇڭگونى شاۋجايلاۋ»، ءسوز جوق، جەڭىلىسكە ۇشىرايدى. پارتيا مەن مەملەكەتتىڭ مۇھاجىرلار ىستەرى ساياساتىن جاپپاي دايەكتىلەندىرىپ، تياناقتاندىرىپ، مۇھاجىرلاردىڭ تىلەگىن اناعۇرلىم ويداعىداي ۇيىستىرىپ، اقىل - پاراساتىن شوعىرلاندىرىپ، مۇھاجىرلاردىڭ كۇشىن ساۋلەلەندىرىپ، مۇھاجىرلاردىڭ مۇددەسىن قورعاپ، دۇنيە ءجۇزىنىڭ جۇڭگونى كوبىرەك تۇسىنۋىنە جانە قۇپتاۋىنا، جۇڭگو ارمانى مەن دۇنيە ءجۇزى ارمانىن ءوزارا توعىستىرۋعا مۇمكىندىك جاساۋ كەرەك.
قوناعاسىنى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى باسقاردى. بەيجيڭدەگى ج ك پ ورتالىق كوميتەتى ساياسي بيۋروسىنىڭ ءبىر ءبولىم مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى باسشى جولداستار، ءار سالاداعى شياڭگاڭدىق، اۋمىندىق، تايۋاندىق مۇھاجىرلاردىڭ 700 دەي ۋاكىلى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
