ەستۋ قۋاتىنا زيان جەتكىزەتىن 10 ءتۇرلى كۇندەلىكتى ادەت، سىزدە بۇل ادەتتەردىڭ قايسىلارى بار؟
2022.09.26 17:09 كەلۋ قاينارى : حالىق تورابى
9 – ايدىڭ 25 – كۇنى حالىقارالىق ساڭىراۋلار كۇنى، 2021 – جىلى دۇنيە جۇزىلىك دەنساۋلىق ساقتاۋ ۇيىمى جاريالاعان «دۇنيە جۇزىلىك ەستۋ قۋاتى جونىندەگى مالىمەتكە» قاراعاندا، قازىر دۇنيە ءجۇزى جان سانىنىڭ بەستەن ءبىرىنىڭ ەستۋ قۋاتى زاقىمدالعان، ەستۋ قۋاتىنىڭ زاقىمدالۋى دۇنيە ءجۇزى بويىنشا ءبىر ميلليارد 500 مىڭنان استام ادامعا ىقپال ەتۋدە. ەڭ جاڭا ساندى مالىمەتكە قاراعاندا، ەلىمىزدە ەستۋ قۋاتى جاعىندا مۇگەدەك سانالاتىن ادام سانى 20 ميلليون 540 مىڭ ادامنان اسقان، ەستۋ قۋاتى مەن سويلەۋ قۋاتى جاعىندا مۇگەدەك سانالاتىن ادام سانى كورۋ قۋاتى، قول – اياعى، رۋحي الەمى جانە زەيىن – زەردەسى جاعىندا مۇگەدەك سانالاتىنداردان اسىپ ءتۇسىپ، بەس ءتۇرلى مۇگەدەكتىكتىڭ ءبىرىنشى ورنىندا تۇرعان. ساناققا قاراعاندا، ەلىمىزدە كەزدەيسوق ساڭىراۋلىقتىڭ تۋىلۋ مولشەرى جۋىرداعى جىلداردان بەرى ارتۋ بەتالىسىن ساقتاعان، ونىڭ ۇستىنە، بارعان سايىن جاستارعا قاراي بەتتەگەن. ەڭ جاڭا ەپيدەميولوگيالىق تەكسەرۋ ساندى مالىمەتىنە قاراعاندا، قازىر ەلىمىزدە جىلىنا جاڭادان ارتقان اۋىر دارەجەدەگى شۇعىل ساڭىراۋلىققا شالدىققان ادام سانى 30 مىڭ ادامنان اسقان.
زەرتتەۋگە قاراعاندا، قوعامدىق ريتىمنىڭ تەزدەۋىنە بايلانىستى، كەزدەيسوق ساڭىراۋلىق اۋرۋىنىڭ جاستاردان بايقالۋ بەتالىسى ارتقان، ونىڭ ۇستىنە، اۋرۋعا شالدىعۋ مولشەرى دە ارتۋ بەتالىسىن بايقاتقان، ەلەكتروندى ونىمدەردى پايدالانۋدى ازايتۋ، كوڭىل – كۇيدى كەڭگە سالىپ، قىسىمدى جەڭىلدەتۋ، ءبىرشاما جەتكىلىكتى ۇيقىعا كەپىلدىك ەتۋ — كەزدەيسوق ساڭىراۋلىقتان ءونىمدى ساقتانۋدىڭ جولدارى. كەزدەيسوق ساڭىراۋلىققا شالدىققانى بايقالعان جاعدايدا، دەرەۋ ەمدەلۋ كەرەك، ادەتتە 7 – 10 كۇن ىشىندە ەمدەلگەندەردىڭ ساۋىعۋ مولشەرى %60 تەن %70 كە دەيىن بولادى. ەگەر سوزباقتاتا بەرىپ، 3 ايدان اسىپ كەتسە، ماڭگىلىك ساڭىراۋلىققا دۋشار ەتۋى مۇمكىن.
مۇنان سىرت، دۇنيە جۇزىلىك دەنساۋلىق ساقتاۋ ۇيىمىنىڭ ساناعىنا قاراعاندا، دۇنيە ءجۇزى بويىنشا جاستار مەن ورەندەردەن شامامەن ءبىر ميلليارد 100 ميلليون ادام زەردەلى قولفوندى جانە وعان سايكەستى تىڭداعىش سياقتى اسپاپتاردى حاۋىپسىز دەڭگەيدە قولدانا الماعاندىقتان، ەستۋ قۋاتى زاقىمدالۋ حاۋپىنە ءدوپ كەلۋدە. مامانداردىڭ ايتۋىنشا، قۇلاقتىڭ ىشىندەگى تۇك كلەتكالارىنىڭ سانى تۇراقتى، شامامەن 12 مىڭنان 15 مىڭعا دەيىن بولادى، بۇل تۇك كلەتكالارىنىڭ ءوسۋ قۋاتى جوق، بىرەۋىنەن ايرىلعان سايىن بىرەۋى كەمىپ وتىرادى، ەستۋ قۋاتىنىڭ اقاۋسىزدىعى — ءومىر بويى كوڭىل بولەتىن ءىس.
كۇندەلىكتى تۇرمىستاعى مىناداي 10 ءتۇرلى ادەت ەستۋ قۋاتىن زيانداۋى مۇمكىن
ەندەشە، تۇرمىستاعى قانداي ادەتتەر ەستۋ قۋاتىن زيانداۋى مۇمكىن؟ بۇل ارادا كۇندەلىكتى تۇرمىستاعى ەستۋ قۋاتىن زياندايتىن 10 ءتۇرلى ادەت قورىتىندىلانعان، وقىرمانداردىڭ وزدەرىندە مۇنداي ادەتتەردىڭ بار – جوعىن تەكسەرىپ كورۋىنە بولادى.
بىرىنشىدەن، مەترو جانە اۆتوبۋس قاتارلى شۋىلدى ورتادا ۇزاق ۋاقىت بويى تىڭداعىش قولدانۋ؛
ەكىنشىدەن، ۇزاق ۋاقىت بويى تەلەفونمەن سويلەسۋ؛
ۇشىنشىدەن، ۇنەمى شاراپحانا قاتارلى داۋىس ءبىرشاما زور ورىندارعا بارۋ؛
تورتىنشىدەن، قاتتى زاتتارمەن قۇلاقتى شۇقۋ؛
بەسىنشىدەن، ۇشاققا وتىرعان كەزدە، ارەدىك جۇتىنىپ وتىرۋعا كوڭىل بولمەۋ؛
التىنشىدان، بار كۇشتى سالىپ ءسىڭبىرۋ، ماڭقانى تارتۋ؛
جەتىنشىدەن، تۇماۋ، مۇرىن قابىنۋى، جۇتقىنشاق قابىنۋى قاتارلى ورتاڭعى قۇلاقتىڭ قابىنۋى اۋرۋىن وڭاي تۋدىراتىن اۋرۋلارعا كوڭىل بولمەۋ؛
سەگىزىنشىدەن، باكتەرياعا قارسى ءدارى - دارمەكتەردى الباتى پايدالانۋ؛
توعىزىنشىدان، شەكتەن تىس شارشاۋ، پسيحيكالىق قىسىمنىڭ شەكتەن اسۋى؛
ونىنشىدان، ۇزاق ۋاقىت بويى كوڭىلسىز ءجۇرۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
