شينجياڭ ۇيعۇر اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى
كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
ما شيڭرۇي ءماجىلىستى باسقاردى
2022.09.26 16:16 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 9 - ايدىڭ 23 - كۇنى كەشتە كەڭەيتىلگەن ءماجىلىس اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، كەزەكتەگى ىندەتتەن ساقتانۋ - تىزگىندەۋ جاعدايىنا ىشكەرىلەي تۇجىرىم جاساپ، ولقىلىقتارعا، ءالسىز تۇستارعا جانە ورىن تەپكەن ماسەلەلەرگە تالداۋ جاساپ، يدەيالىق تانىمعا ونان ارى بۇرىلىس جاساۋ، ساياساتتىق شارالاردى جاقسارتۋ، قىزمەت قابىلەتىن كۇشەيتۋ، قارابايىرلىق ىستەۋ، ”ءبارىن ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سياقتى ماسەلەلەردى باتىل تەجەپ، ىندەتتەن ساقتانۋ - تىزگىندەۋدىڭ عىلميلىعىن، دالمە - دالدىگىن، باعىتتامالىلىعىن ۇزدىكسىز جوعارىلاتىپ، ەكونوميكالىق، قوعامدىق دامۋدى ءبىر تۇتاس جوسپارلاپ ويداعىداي ىستەۋ سياقتى قىزمەتتەردى اقىلداستى، ورنالاستىردى، جاقسارتتى، كەمەلدەندىردى، دەڭگەيىن جوعارىلاتتى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ماجىلىستە ما شيڭرۇي ءىشىنارا ايماق، وبلىس، قالالارمەن، اۋدان، قالا، رايوندارمەن بەينەبايلانىس جاساپ، ىندەتتەن ساقتانۋ - تىزگىندەۋ قىزمەت ورنالاستىرۋى، شۇعىل جاعدايعا توتەپ بەرۋ بويىنشا ءبىر جاقتى ەتۋ، قابىلەت قۇرىلىسى جانە زاتتىق ماتەريالدار قامتاماسىزدىعى، دارىگەرگە كورىنۋ - ەمدەلۋ، شينجياڭنان اتتانىپ مەكتەپكە قايتۋ، كۇزگى جيىن - تەرىن، كۇزگى جەر جىرتۋ، كۇزگى تۇقىم سەبۋ سياقتى قىزمەتتەردىڭ ورىستەتىلۋ جاعدايىن تاپتەشتەي سۇراپ ۇعىسىپ، كوپشىلىكپەن بىرگە جاعداي ماسەلەسىنە تالداۋ جاساپ، تالقىلاپ، ءتۇيىندى تاكتيكا شارالاردى اقىلداستى. ءماجىلىس مىنالاردى اتاپ كورسەتتى: وسى رەت ىندەت تۋىلعاننان بەرى اۆتونوميالى رايوندىق پارتكوم مەن ۇكىمەت ايرىقشا ءمان بەرىپ، ىلگەرىندى - كەيىندى پارتكوم تۇراقتى كوميتەتى ءماجىلىسى، باسشىلىق گرۋپپاسى (قولباسشىلىق شتابى) ءماجىلىسى، ماماندار اڭگىمە ءماجىلىسى، بەينە ەكراندا ورنالاستىرۋ ءماجىلىسى سياقتى ءبىر قىدىرۋ ءماجىلىس اشىپ، ساقتانۋ - تىزگىندەۋدىڭ ءتۇيىندى قىزمەتتەرىنە جان - جاقتى، جۇيەلى ورنالاستىرۋ جاسادى، اۆتونوميالى رايوننىڭ پارتيا، ۇكىمەت نەگىزگى باسشىلارى كوپ رەت ءار دارەجەلى ىندەتتەن ساقتانۋ - تىزگىندەۋ قولباسشىلىق شتابى، الەۋمەتتىك اۋماق سياقتى نەگىزگى ساتى الدىڭعى شەبىنە بارىپ تەكسەرۋ جۇرگىزدى، تەكسەرىپ - زەرتتەدى، كوپتەگەن ولكە دارەجەلى باسشىلار ءتۇيىندى وڭىرلەرگە بارىپ قۋزاۋ - جەتەكشىلىك ەتتى؛ ءار دارەجەلى پارتكوم جانە ۇكىمەت، ءارقايسى تاراۋلار، مەكەمە - ورىندار، ءار جاق دەرەۋ ىسكە كىرىستى، قالىڭ ەمدەۋ قىزمەتكەرلەرى، اۋرۋدى تىزگىندەۋ قىزمەتكەرلەرى قاتارلى كاسىپتىك كۇشتەر بار كۇشتەرىمەن ات سالىستى، ءار ۇلت بۇقاراسى سانالىلىقپەن بۇيسۇنىپ، ءتۇسىنىپ، قولداپ، بەلسەنە سايكەسىپ، ىندەتتەن ساقتانۋ - تىزگىندەۋدەن قامال الۋ شايقاسىن ويداعىداي جۇرگىزۋگە، جەڭىسىنە جەتۋگە قاجىرلىلىقپەن قۇلشىنىس جاساپ، تۇتاس رايوننىڭ ىندەتتەن ساقتانۋ - تىزگىندەۋ قىزمەتىندە بەلسەندى ونىمدىلىكتەرگە قول جەتكىزۋىن، ساقتانۋ - تىزگىندەۋ جاعدايىنىڭ جالپى جاقتان ورنىقتى بولۋىن، جاقسارۋىن ىلگەرىلەتتى. سونىمەن بىرگە، وسى رەتكى ىندەتتەن ساقتانۋ - تىزگىندەۋدە كوپتەگەن ماسەلە مەن ولقىلىقتار دا بايقالدى، ءىشىنارا وڭىرلەردىڭ ساقتانۋ - تىزگىندەۋ قىزمەتىندە ءالى دە قيىن جاعداي بەلەڭ بەرۋدە، ساقتانۋ - تىزگىندەۋ قىزمەتىندە ءالى دە كۇردەلىلىك، مۇشكىلدىك، قايتالامالىلىق جانە تۇراقسىزدىق ورىن تەبۋدە. مەملەكەت مەرەكەسى دەمالىسى تاياپ قالدى، پارتيا 20 - قۇرىلتايى اشىلۋ الدىندا تۇر، ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ جاۋاپكەرشىلىگى اۋىر، استە بوساڭسۋعا، سالعىرتسۋعا بولمايدى. باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ىندەتتەن ساقتانۋ - تىزگىندەۋدى ويداعىداي ىستەۋدىڭ جاۋاپكەرشىلىك سەزىمىن، كوكەي تەستىلىك سەزىمىن ونان ارى كۇشەيتىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ جالپى تاكتيكاسىن جانە ”يكەمدى نولگە ءتۇسىرۋ“ جالپى باعىتىن تاباندىلىقپەن تياناقتاندىرىپ، 9 - نۇسقاداعى ساقتانۋ - تىزگىندەۋ جوباسىن جانە ”توعىزعا جول قويماۋ“ تالابىن قاتاڭ اتقارىپ، ستراتەگيالىق تاباندىلىقتى ساقتاپ، سەنىمدى، بەكىمدى بەكەمدەپ، شىندىقتى ءىس جۇزىنەن ىزدەپ، شىنايى يگەرىپ، ناقتى ىستەپ، يدەيانى ازات ەتۋ، كوزقاراسقا بۇرىلىس جاساۋ، ديالەكتيكالىق ويلاۋ قابىلەتىن كۇشەيتۋ، جاعدايعا تالداۋ جاساۋدى، تۇجىرىمداۋدى كۇشەيتۋ، زاڭ بويىنشا عىلمي، دالمە - ءدال ىندەتتەن ساقتانۋ - تىزگىندەۋ دەڭگەيىن جوعارىلاتۋ سياقتى جاقتاردا ءتىپتى دە زور كۇش سالىپ، ساقتانۋ - تىزگىندەۋدىڭ ءتۇيىندى مىندەتتەرىن تىڭعىلىقتى ىلگەرىلەتىپ، ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ءماجىلىس مىنالاردى باسا دارىپتەدى: يدەيالىق تانىمعا شىن مانىندە بۇرىلىس جاساپ، ىندەتتەن ساقتانۋ - تىزگىندەۋدىڭ عىلميلىعىن، دالمە - دالدىگىن، باعىتتامالىلىعىن جوعارىلاتۋ ”يكەمدى نولگە ءتۇسىرۋ“ جالپى باعىتىنا تاباندى بولۋدىڭ ءتيىستى ءمانى ءارى ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋدىڭ قاجەتتى تالابى ەكەندىگىن تەرەڭ ءتۇسىنۋ جانە يگەرۋ كەرەك، مۇندا تۇرلىشە ءوڭىردىڭ تۇرلىشە جاعدايىنا قاراتا، قارابايىرلىق ىستەۋ، ”ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سياقتى ادىستەردى قولدانۋعا بولمايدى، سونداي - اق ساقتانۋ - تىزگىندەۋدى ۇيلەسىمسىز بوساڭسىتىپ، ىندەتتىڭ قايتا بەلەڭ بەرۋىن تۋدىرۋعا، اۋەلى، قول جەتكەن ناتيجەلەردى سەلگە كەتىرۋگە بولمايدى، ءسوز جوق، زاڭ بويىنشا، عىلمي، دالمە - ءدال، جوعارى ءونىمدى بولۋعا تاباندى بولىپ، ىندەتتى ءبىر جاقتى ەتۋدە باتىل، جەدەل بولۋدى، ساقتانۋ - تىزگىندەۋ شارالارى ەگجەي - تەگجەيلى، ءدال بولۋدى، قىزمەت وتەۋ، باسقارۋ تىڭعىلىقتى، پارمەندى بولۋدى ورىنداپ، ىندەتتەن ساقتانۋ - تىزگىندەۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك. ءتۇرلى ساقتانۋ - تىزگىندەۋ شارالارىن جوعارى ءونىمدى تياناقتاندىرىپ، ساقتانۋ - تىزگىندەۋدىڭ تۇيىندەرىن كورنەكتىلەندىرىپ، شەشۋشى بۋىنداردى يگەرىپ، ەرتە، تەز، ەگجەي - تەگجەيلى، ناقتى بولۋدان جازباي، تەكسەرۋ، ەپيدەميولوگيالىق تەكسەرۋ، تاسۋ، اۋاشالاۋ، باسقارۋ - تىزگىندەۋ سياقتى بۋىنداردىڭ، تۇتاس تىزبەكتىڭ جىكسىز قابىسۋىنىڭ ساپاسى مەن ونىمدىلىگىن كۇش سالا جوعارىلاتىپ، بارلىق حاۋىپ - قاتەر تۇيىندەرىنىڭ، قاتەرلى ادامداردىڭ بىردە - ءبىرىن قالدىرماي باسقارىپ - تىزگىندەۋگە شىنايى كەپىلدىك ەتىپ، باتىل تۇردە تارالۋ جولىن توسىپ، ىندەتتىڭ ورشۋىنەن ساقتانۋ كەرەك. رايونعا، دارەجەگە ءبولىپ باسقارۋ دەڭگەيىن جوعارىلاتىپ، عىلمي تۇجىرىمداۋدى كۇشەيتىپ، ەپيدەميولوگيالىق تەكسەرۋدى، تەگىن تەكتەۋدى كۇشەيتىپ، ناۋقاستىڭ نەمەسە بەلگىسى جوق جۇعىمدالۋشىنىڭ قيمىل جاساعاندا جۇرگەن جولدارىنا، سونداي - اق ىندەتتىڭ تارالۋ حاۋىپ - قاتەرىنىڭ كوپ - ازدىعىنا قاراي، دالمە - ءدال تۇرگە ايىرىپ، جوعارى، ورتا، تومەن حاۋىپ - قاتەرلى وڭىرلەردى عىلمي بەلگىلەپ، قاتىستى باسقارۋ - مەڭگەرۋ، باسقارۋ تالاپتارىن قاتاڭ تياناقتاندىرىپ، سول جەردىڭ جاعدايىنا قاراي ىستەپ، حاۋىپ - قاتەر دارەجەسىن جانە تاكتيكالىق شاراسىن يكەمدى رەتتەپ، باسقارۋعا تيىستىلەرىن باتىل باسقارۋدى، تياناقتاندىرۋعا تيىستىلەرىن تۇبەگەيلى تياناقتاندىرۋدى، كۇشىنەن قالدىرۋعا تيىستىلەرىن باتىل كۇشىنەن قالدىرۋدى ورىنداۋ كەرەك. بۇقارانىڭ جۇرەك ۇنىنە قۇلاق اسىپ، قيىنشىلىقتارىن، تالاپ - تىلەكتەرىن شەشىپ، ءار ۇلت بۇقاراسىنىڭ اماندىعىن، مۇڭ - مۇقتاجىن باستان - اياق كوكەيدە ساقتاپ، بۇقارانىڭ ويلاعان، ارمانداعان، ۋايىمداعان، اڭساعان ىستەرىنە مۇقيات قۇلاق ءتۇرىپ، تالاپ - تىلەك اڭىس ەتۋ ارناسىن ىركىلىسسىزدەندىرىپ، جۇمىستانۋ، وقۋ، كىرىس، جالاقى، اۋىل شارۋاشىلىعى ونىمدەرىن جيناۋ، ساتۋ سياقتى شۇعىل، قيىن، ۋايىمداعان، ءزارۋ ماسەلەلەرىن بار كۇشپەن، دەن قويا، سۇيىسپەنشىلىكپەن ويداعىداي شەشىپ، حالىق تۇرمىسىن زاتتىق ماتەريالدارمەن قامداۋدى بەلسەندىلىكپەن، ىرىقتىلىقپەن، ىجداعاتتىلىقپەن، سابىرلىلىقپەن، مەيىرمەن ويداعىداي ىستەپ، بۇقارانىڭ، اسىرەسە، ەرەكشە ادامدار شوعىرىنىڭ ناۋقاس كورسەتۋ، ەمدەلۋ سۇرانىسىن كوپ ارنامەن قامتاماسىز ەتىپ، اۋا رايىنىڭ سۋىتۋى سياقتى فاكتورلاردى ءبىر تۇتاس جوسپارلاپ ويلاستىرىپ، حىسۋان تەكسەرۋ سياقتى قىزمەتتەردى ويداعىداي ىستەپ، ىندەتتەن ساقتانۋ - تىزگىندەۋدىڭ مىعىم بىرىككەن كۇشىن ۇيىستىرۋ كەرەك. نەگىزدىك ساقتانۋ - تىزگىندەۋ قابىلەتى قۇرىلىسىن كۇشەيتىپ، ىندەتتەن ساقتانۋ - تىزگىندەۋدەگى ولقىلىقتارعا قاراتا، اۆتوماتتى تەكسەرۋ جابدىعىن ورنالاستىرۋ، قىزمەتكەر تاربيەلەۋ، وڭىرلەردى ءبىر تۇتاس جوسپارلاۋ سياقتى قىزمەتتەردى كۇشەيتىپ، ءتارتىبىن جاقسارتىپ، ساپاسىن مەڭگەرۋدى قاتايتىپ، حىسۋان تەكسەرۋ قابىلەتىن ارتتىرۋدى، جىلدامدىعىن تەزدەتۋدى شىن مانىندە ىلگەرىلەتۋ؛ كوپ شارانى قاتار قولدانىپ، اۋاشالاۋ تۇيىندەرىنىڭ قامداۋىن جانە ساقتىق قورىن ارتتىرىپ، ىندەتتى ءبىر جاقتى ەتۋ سۇرانىسىنا جەتكىلىكتى كەپىلدىك ەتۋ؛ ەپيدەميولوگيالىق تەكسەرۋ، تەگىن تەكتەۋ، اۋاشالاۋعا اپارۋ، قىزمەت وتەۋدى قامتاماسىز ەتۋ سياقتى شەشۋشى بۋىندارعا كاسىپتىك كۇش ازىرلەۋدى كۇشەيتىپ، ىندەتتەن ساقتانۋ - تىزگىندەۋدەن قامال الۋ شايقاسىن جەڭىستى جۇرگىزۋگە پارمەندى تىرەك ازىرلەۋ كەرەك. قوعامدىق پىكىرمەن جەتەكتەپ، تاماشا ورتا ازىرلەۋدى كۇشەيتىپ، ىندەت ينفورماتسياسىن دەركەزىندە، ءدال، اشىق جاريالاپ، ينتەرنەت جەلىسىن، ينتەرنەت جەلىسىنەن تىسقارىنى، ەل ءىشىن، حالىقارانى، ۇلكەن ءىستى، كىشى - گىرىم ءىستى ءبىر تۇتاس جوسپارلاپ، قاتىستى ساياسات - شارالاردى ۇگىتتەۋ، ءتۇسىندىرۋ قىزمەتىن كۇشەيتىپ، بۇقارانى تۇسىنۋگە، قولداۋعا، ىندەتتەن ساقتانۋ قىزمەتىنە بەلسەنە سايكەسۋگە جەتەكتەپ، سەنىمدى ۇزدىكسىز كۇشەيتىپ، جۇرت جۇرەگىن جىلىتىپ، جۇرت تىلەگىن ۇيىستىرىپ، بىرلەسىپ ساقتانىپ، بىرلەسىپ تىزگىندەۋدىڭ، جۇمىلا ساقتانىپ، جۇمىلا تىزگىندەۋدىڭ بەرىك قورعانىس شەبىن بەكەمدەۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار ساياسي جانە جالپى جاعداي تۇرعىسىنان ىندەتتەن ساقتانۋ - تىزگىندەۋ قىزمەتىن جوعارى دەڭگەيدە ويداعىداي يگەرىپ، ”ءتورت جاقتىڭ جاۋاپكەرشىلىگىن“ قاتايتىپ، قىزمەت ستيلىنە بۇرىلىس جاساپ، قابىلەت دەڭگەيىن جوعارىلاتىپ، جاۋاپكەرشىلىكتى ارقالاۋ باتىلدىعىمەن، عىلمي ساقتانۋ - تىزگىندەۋ اقىل - پاراساتىمەن، ءبىر تۇتاس جوسپارلاپ تەڭ ءمان بەرۋ تاسىلىمەن، ۇيىمداستىرىپ، اتقارۋ قابىلەتىمەن ءتۇرلى شارالاردىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. ءارقايسى ايماق، وبلىس، قالالارداعى، اۋدان، قالا، رايوندارداعى نەگىزگى جاۋاپتى جولداستار تىكە ورنالاستىرۋ جاساپ، الدا تۇرىپ قولباسشىلىق ەتىپ، سايكەستىرىپ، جالپى جاقتان يگەرۋ، جاۋاپتى باسشىلار ءوز جاۋاپكەرشىلىكتەرىن ارقالاپ، جاۋاپكەرشىلىك وتەپ، مىندەتتەرىن ادا ەتۋ، قاتىستى تاراۋلار ءوز كاسىبىنىڭ، ءوز جۇيەسىنىڭ، ءوز سالاسىنىڭ ىندەتتەن ساقتانۋ - تىزگىندەۋىن تىڭعىلىقتى، ويداعىداي ىستەۋ كەرەك. قىزمەت وي جەلىسى مەن ءتاسىلىن شىن مانىندە جاقسارتىپ، فورماشىلدىقتى، تورەشىلدىكتى باتىل جويىپ، تەرىس كەتكەندى دەر كەزىندە تۇزەتىپ، قارا دۇرسىندىكپەن جاۋىپ تاستاپ اياقسىز قالدىرۋدان، توقتاتىپ تاستاپ اياقسىز قالدىرۋدان باتىل اۋلاق بولىپ، بۇقارانىڭ مۇددەسىن زياندايتىن، بۇقارانىڭ اۋىرتپالىعىن ارتتىراتىن، بۇقارانىڭ نارازىلىعىن تۋدىراتىن ادىستەردەن باتىل ساقتانۋ كەرەك. ”قابىلەت داعدارىسىن“، قابىلەتى جەتپەۋ ماسەلەسىن كۇش سالا شەشىپ، باسشى كادرلاردىڭ ساياسي قابىلەتىن، تەكسەرۋ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادان قامال الۋ قابىلەتىن، شۇعىل جاعدايعا توتەپ بەرۋ، توسىن جاعدايدى ءبىر جاقتى ەتۋ قابىلەتىن، بۇقارالىق قىزمەت قابىلەتىن جانە تياناقتاندىرۋدى يگەرۋ قابىلەتىن ۇزدىكسىز جوعارىلاتىپ، ىندەتتەن ساقتانۋ - تىزگىندەۋگە پارمەندى كەپىلدىك ازىرلەۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، ”ەكىنى ءبىر تۇتاس جوسپارلاۋعا“ تاباندى بولىپ، ”التىنى ورنىقتىرۋدى“، ”التىنى قامتاماسىز ەتۋدى“ تىڭعىلىقتى ىلگەرىلەتىپ، زات اينالىمىنىڭ ىركىلىسسىزدىگى، تىزبەكتى ورنىقتىرىپ قامداۋ، اۋىل شارۋاشىلىعى ءوندىرىسى، نەگىزگى حالىق تۇرمىسى، قيىنشىلىق قىسپاعىنان قۇتىلدىرۋ سياقتى قىزمەتتەردى ويداعىداي ىستەپ، قاتەرلى حيميالىق بۇيىمدار، كەن، قاتىناس، ءورت ءسوندىرۋ، ورتتەن ساقتانۋ، قۇرىلىس، تابيعي گاز، باقشا رايونى سياقتىلارداعى حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرىپ، رەتتەۋ - تۇزەتۋ قىزمەتىن جالپى بەتتىك كۇشەيتىپ، قوعام ورنىقتىلىعى، قايشىلىقتاردى جويۋ، اپاتتان ساقتانۋ - تىزگىندەۋ سياقتى قىزمەتتەردى ءبىر تۇتاس جوسپارلاپ ويداعىداي ىستەپ، ءتۇرلى حاۋىپ - قاتەرلەردى، كومەسكى كىناراتتاردى دەر كەزىندە الاستاپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
