قىزمەت ورنىمىزدى تياناق ەتىپ، ىسكەرلىك كورسەتىپ، جاڭا داۋىردە ەرلىكپەن ەسە قوسامىز
− شينجياڭنىڭ جەر - جەرىندەگى كادرلار مەن بۇقارا ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الدى
□ انار بۇلت \ شينجياڭ گازەتىنىڭ تىلشىلەرى
2022.09.26 16:15 كەلۋ قاينارى : شينجياڭ گازەتى
پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى الىپ وتىرعان ساتتە، رايونىمىزدىڭ جەر - جەرىندەگى كادرلار مەن بۇقارا قىزمەت ورىندارىن تياناق ەتىپ، شىنايى يگەرىپ، ناقتى ىستەپ، اناعۇرلىم قىزۋ سۇيىسپەنشىلىكپەن جانە اناعۇرلىم مىعىم قايرات - جىگەرمەن قىزمەتكە كىرىسىپ، ءىس جۇزىندىك ارەكەتتەرى ارقىلى ءداۋىر ەمتيحان جاۋابىن جازدى.
”بيىل 7 - ايدا باس شۋجي شي جينپيڭ شينجياڭعا كەلىپ كوزدەن كەشىردى، بۇل شينجياڭ ءۇشىن زور ءىس، قۋانىشتى ءىس بولدى. ءبىز باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ ءۇشىن كەسكىندەگەن جوباسىن باتىلدىقپەن جۇزەگە اسىرامىز“. تارباعاتاي ايماقتىق پارتكومنىڭ ورىنباسار باس حاتشىسى، شاۋەشەك قالاسى شەكارا ەكونوميكالىق سەلبەستىك رايونى پارتيا قىزمەت كوميتەتىنىڭ شۋجيى شياۋ زۋ - ۋىن بىلاي دەدى: پارتيا 20 - قۇرىلتايىنىڭ جەڭىسپەن اشىلۋىن قارسى الۋدا باس شۋجيدىڭ ىقىلاستى تاپسىرماسىن جىگەرلەنە العا باسۋدىڭ قۇدىرەتتى قوزعاۋشى كۇشىنە اينالدىرۋ كەرەك. ءبىز باستان - اياق نازاردى شينجياڭ تارباعاتاي ءتۇيىندى اشۋ، ەسىك اشۋ سىناق رايونىنداعى 27 ءتۇرلى ءتۇيىندى مىندەتكە شوعىرلاندىرىپ، كەلەلى نىسان مىندەتى، كەلەلى تۇزىمدىك جاسامپازدىق، كەلەلى ساياسات - شارالار سىندى ءۇش تىزىمدىكتى تۇتقا ەتىپ، تۇتاس جىلدا تۇراقتى مۇلىككە 3 ميلليارد يۋان قارجى قوسۋ، ساۋداگەر شاقىرىپ قارجى ەنگىزۋدە تياناقتانعان قارجىنى 3 ميلليارد 500 ميلليون يۋانعا جەتكىزۋ نىساناسىن ورىنداپ، جوعارى ساپالى دامۋدىڭ جاڭا جاعدايىن قۇلشىنا اشامىز.
”ءتوراعا شي جينپيڭنىڭ 7 - كەزەكتى جۇڭگو − ازيا - ەۆروپا كورمەسىنە جولداعان قۇتتىقتاۋ حاتىندا، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسى جاعىندا قول جەتكىزگەن ناتيجەلەرىن تولىق تۇراقتاندىرۋى ءبىزدىڭ كەلەشەكتەگى دامۋ سەنىمىمىزدى اناعۇرلىم ارتتىردى“. قاشقار ايماقتىق اكىمشىلىك مەكەمەسى پارتيا باسشىلىق گرۋپپاسىنىڭ مۇشەسى، قاشقار ەكونوميكالىق اشۋ رايونى پارتيا قىزمەتى كوميتەتىنىڭ شۋجيى چۇي لياندۇڭ بىلاي دەدى: الدىڭعى جەردە، قۇتتىقتاۋ حاتتىڭ رۋحىن جەتەكشى ەتىپ، جىبەك جولى رۋحىن اسقاقتاتىپ، ورتا ازياعا، باتىس ازياعا، وڭتۇستىك ازياعا جانە ەۆروپاعا باعىتتالعان ەرەكشە كاسىپ سالاسى شوعىرىن بەلسەنە قۇرىپ، شينجياڭنىڭ ىشكى قۇرلىقتىق ەسىك اشۋىنىڭ جانە شەكارا بويىنداعى ەسىك اشۋىنىڭ بيىك بەلەسىن سومداۋداعى باستاماشى بولۋعا قۇلشىنامىز.
”سوڭعى جىلدارى، اۋىلىمىز ەرەكشە ەگىمشىلىك كاسىبى مەن باعىمشىلىق كاسىبىن زور كۇشپەن دامىتتى، 2021 - جىلى بۇكىل اۋىلداعى ەگىنشىلەردىڭ جان باسىندىق تازا كىرىسى 11 مىڭ 986 يۋانعا جەتتى“. حوتان اۋدانى ءىسلامابات اۋىلدىق پارتكومنىڭ ورىنباسار شۋجيى، اۋىل باستىعى ابدۇحالىق ابىلا بىلاي دەدى: پارتيانىڭ 20 - قۇرىلتايى اشىلۋ الدىندا تۇر، ءبىز قاباعات تەبىرەنۋدەمىز، جىگەر - قايراتىمىز تاسقىنداپ تۇر. اۋىلدا پارتيا قۇرىلىسىنىڭ جەتەكشىلىك رولىن تولىق ساۋلەلەندىرىپ، ەرەكشە، باسىمدىققا يە ەگىمشىلىك، باعىمشىلىق كاسىبىن بەكەمدەۋ، دەڭگەيىن ءوسىرۋ ارەكەتىن اتقارىپ، قىستاق تۇرعىندارىنىڭ قالتاسىن ءتىپتى دە قامپيتىپ، تۇرمىسىن ءتىپتى دە جاقسارتامىز.
”ءبىز ءتۇرلى قىزمەتتەردى وسكەلەڭ جاۋاپكەرشىلىك سەزىممەن جانە بورىشتىلىق سەزىممەن ەگجەي - تەگجەيلى يگەرىپ، ناقتى يگەرىپ، جىلدىق مىندەتتەردى ءساتتى ورىنداۋعا شىنايى كەپىلدىك ەتەمىز. رەفورما جاساۋ مەن باسقارۋدا جاڭالىق اشۋدى ۇزدىكسىز تەرەڭدەتىپ، سەرىكتەستىكتىڭ تيبىن وزگەرتىپ، دارەجەسىن ءوسىرىپ، جوعارى ساپالى دامۋدىڭ جاڭا جاعدايىن قۇلشىنا اشىپ، دۇنيە جۇزىندەگى وزىق، وسىزاماندانعان’100 جىلدىق ەرەكشە مۇناي ايىرۋ زاۆودىن‘ قۇرۋ اياق الىسىن جەدەل ىلگەرىلەتىپ، ۇزدىك ناتيجەمەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز“، - دەدى جۇڭگو مۇنايى قارامايلى مۇناي حيميا شەكتى جاۋاپكەرشىلىك سەرىكتەستىگىنىڭ باس ديرەكتورى سۇڭ بياۋ.
”پارتيانىڭ 20 - قۇرىلتايىن اشۋ − بۇكىل ەل حالقى اسىعا كۇتىپ وتىرعان ءىرى ءىس. نەگىزگى ساتى كادرى رەتىندە، مەن قىزمەت ورنىمداعى ءىس جۇزىندىكتى تياناق ەتىپ، تۇرعىنداردىڭ ويلاعان، ارمانداعان، الاڭداعان ىستەرىن قاداعالاي وتىرىپ، ءتۇرلى قىزمەتتەردى ىرىقتىلىقپەن ويداعىداي ورىستەتىپ، تۇرعىنداردىڭ جان اشىر جاقىنى بولىپ، ءىس جۇزىندىك ارەكەتىم ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الامىن“، - دەدى بۇراتالا قالاسى كىرگىنجو ءمالى باسقارماسى شۋاڭحۋ الەۋمەتتىك اۋماعى پارتيا باس ياچەيكاسىنىڭ شۋجيى بۇيىنبات.
”پارتيا 18 - قۇرىلتايىنان بەرى، قۇمىل قالاسى وقۋ - اعارتۋ ىستەرىن دامىتۋدا بۇرىن بولماعان ناتيجەگە قول جەتكىزدى، مەيلى نەگىزدىك قۇرىلعىلار قۇرىلىسى بولسىن، الدە وقۋ - وقىتۋ ساپاسىندا بولسىن، تۇگەلدەي جاڭا جەتىستىككە جانە دامۋعا قول جەتتى“. قۇمىل قالالىق 6 - ورتا مەكتەپ پارتيا باس ياچەيكاسىنىڭ ورىنباسار شۋجيى، مەكتەپ باستىعى جاڭ چۇن بىلاي دەدى: ءبىز وقۋ - اعارتۋ قىزمەتكەرلەرى قىزمەت ورنىمىزدى تياناق ەتىپ، شىنايى يگەرىپ، ناقتى ىستەپ، ءمورال ارقىلى ادام تاربيەلەۋ اۋەلگى ماقساتى مەن بورىشىن ەستە بەرىك ساقتاپ، جۇڭحۋا ۇلتى ورتاق تۇلعا تانىمىن بەرىك ورناتۋدى ارقاۋ ەتىپ، رايونىمىزدىڭ وقۋ - اعارتۋ ىستەرىن جوعارى ساپالى دامىتۋدى ىلگەرىلەتەمىز.
”كوشى - قون مەكەمەسىنىڭ حالىق ساقشىسى رەتىندە، وتانىمىزدىڭ شەكاراسىن ويداعىداي كۇزەتىپ، شەكارا ساۋداسىن دامىتۋدى ىلگەرىلەتۋ − مەن ءۇشىن داڭق“. قىزىلسۋ قىرعىز اۆتونوميالى وبلىسى شەكارا باسقارۋ تارماق اترەتى كەڭسۋ شەكارالىق تەكسەرۋ پۋنكتىنىڭ حالىق ساقشىسى يۇسكۇن ابدوللا شەكارا الدىڭعى شەپتە 20 جىل قىزمەت ىستەدى، ول بىلاي دەدى: شەكارا باسقارۋ قىزمەتىن شىن نيەتپەن، شىنايى سۇيىسپەنشىلىكپەن ويداعىداي ىستەپ، بۇقاراعا جاقسى قىزمەت ەتەمىن.
جەمەنەي اۋدانىنداعى نەگىزگى ساتى ۇگىت لەكسيا قىزمەتكەرى نيۋ حۋاجۇڭ بىلاي دەدى: ”مەن تۇرعان اۋدان بۇرىن مەملەكەت دارەجەلى كەدەي اۋدان بولاتىن، سوڭعى 10 جىلدان بەرى، مەكەنىمىزدە زور وزگەرىستەر تۋىلىپ، كوپشىلىكتىڭ تۇرمىس ساپاسى كورنەكتى جوعارىلاپ، باقىت كورسەتكىشى جىل سايىن ارتتى. پارتيانىڭ 20 - قۇرىلتايى جۋىقتا اشىلادى، نەگىزگى ساتىداعى ۇگىت لەكسيا قىزمەتكەرى رەتىندە، مەن ماڭايىمداعى ادامدارمەن، ماڭايىمداعى ىستەرمەن بىرلەستىرىپ پارتيانىڭ حالىققا ءتيىمدى ساياساتتارىن ويداعىداي اڭگىمەلەپ، مەكەنىمىزدى ءتىپتى دە جاقسى قۇرۋعا قۇلشىنامىن“.
(ءتىلشى شيا چيڭ، قاتىناسقان تىلشىلەر حان چين - يان، سۇڭ ۋيگو، ءپاريزات ابدۇل، جازيرا نەسىپبەك، ءرايدا، ەرىكتى تىلشىلەر ساۋ يگۋاڭ، ياڭ لياڭجۇن، چاڭ يرۋ، ما جىجۋان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
