سورتاڭ جەردە التىن سارى كۇرىش جايقالدى
□ قۇلجا اۋدانى توعىسپالى مەديا ورتالىعى لو چۇنمەي
2022.09.26 16:20 كەلۋ قاينارى : شينجياڭ گازەتى
التىن كۇز، 9 - اي، ىلە وزەنىنىڭ بويىنداعى قۇلجا اۋدانى قاس قالاشىعى سەيپىل قىستاعىنداعى سورتاڭ جەرگە بارساڭىز، جايقالىپ تۇرعان التىن سارى كۇرىش اتىزى كوز الدىڭىزدا مەن مۇندالايدى، سورتاڭ جەردى قۇنارلاندىرۋدان كەلگەن 500 مۋ كۇرىش اتىزىندا كۇرىش ماساعى ساپ - سارى، ءدانى توق بولىپ ءوسىپ، ورىلۋ الدىندا تۇر، بۇل سورتاڭ جەرگە سىناق رەتىندە تابىستى ەگىلگەن كۇرىش سانالادى.
كەزىندەگى اۋىل شارۋاشىلىعىنداعى ”يەن جايىلما“ ءجۇز مۋلىق قۇنارلى ەگىستىككە اينالدى، قاس قالاشىعى بەسدوڭ قىستاعىنداعى ەگىنشى چيان شينجۇن كوز الدىنداعى ساپ - سارى كۇرىش ماساعىنا قاراپ تۇرىپ تەبىرەنە: ”ءبىزدىڭ ويىمىزداعىدان الدەقايدا جاقسى شىقتى، بۇل يەن جەر بولاتىن، وسىنداي وسكەنىنىڭ ءوزى وڭاي ەمەس“، - دەدى.
چيان شينجۇن ەككەن كۇرىش اتىزى قاس قالاشىعى سەيپىل قىستاعى مەن تورتون قىستاعى ەگىس اتىزىنىڭ تۇيىلىسكەن جەرىندە، جەرى ويپاڭ، سورتاڭدانۋى اۋىر وسى جەردە تىڭ يگەرىپ، ەگىس داقىلدارىن ەگۋدى ەشبىر قىستاق تۇرعىنى قالامايتىن. بيىل جىل باسىندا، جەرگىلىكتى ورىنداعى تۇڭعىش ”قىسقىش جەۋگە“ باتىلدىق ەتكەن ادام رەتىندە، چيان شينجۇن جەرگىلىكتى ۇكىمەتتىڭ قولداۋىندا 500 مۋ سورتاڭ يەن جەردى كوتەرمەگە الىپ قۇنارلاندىرماق بولدى ءارى كۇرىش ەگۋگە بەل بايلادى.
چيان شينجۇن: ”كۇرىش توپىراقتى ەڭ تەز قۇنارلاندىرادى، كۇرىش سوردان قورىقپايدى. ءبىزدىڭ بۇل جەر وزەن ارناسىنا ەداۋىر جاقىن، جەرى ويپاڭ بولعاندىقتان، قۋاڭشىلىق وڭاي جۇرمەيدى“، - دەدى.
سورتاڭ جەرگە كۇرىش ەككەندە چيان شينجۇن دە ءبىرتالاي قيىنشىلىققا ءدوپ كەلدى. ول: ”وسى جەردە تىڭ يگەرۋ ادامدى دا، كۇشتى دە ەرەكشە سارىپ ەتتى، اقشا ۇسىنىلىمى دا ەرەكشە كوپ بولدى“، - دەدى.
جەرگىلىكتى ۇكىمەت چيان شينجۇننىڭ قيىنشىلىعىنان حابار تاپقاننان كەيىن، ونىڭ بانكەدەن امانات - قارىز الۋىن بەلسەنە سايكەستىردى. قارجى قيىنشىلىعى شەشىلگەننەن كەيىن، چيان شينجۇن دەرەۋ ىسكە كىرىسىپ، جەردى تەگىستەدى، توعان قازىپ، سۋ اكەلدى، تىڭايتقىش بەرىپ، ەگىن سالدى، بىرنەشە اي ەڭبەكتەنگەننەن كەيىن، 500 مۋ جەردەگى كۇرىش تەز كوكتەپ، تۇپتەلىپ، بۋىن تارتىپ، ماساقتانىپ، ءتۇيىن تاستاۋ مەزگىلىنە ءوتتى. توق كۇرىش ماساقتارى جەلمەن ىرعالىپ، وسى سورتاڭ جەردىڭ ءبىرىنشى رەتكى مول ءونىمدى قارسى الاتىندىعىن اڭعارتتى.
چيان شينجۇن بىلاي دەدى: وسۋىنەن قاراعاندا، بيىل كۇرىشتىڭ مۋ باسىندىق ءونىم مولشەرىنىڭ 400 كيلوگرامنان اسۋىنان ءۇمىت بار. توپىراقتىڭ ۇزدىكسىز قۇنارلانۋىنا بايلانىستى، الدا مۋ باسىندىق ءونىم مولشەرى 600 نەشە كيلوگرامعا جەتەدى دەپ ۇمىتتەنىپ وتىرمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
