وڭتۇستىك شينجياڭنىڭ شاعىن اۋدان قالاشىعىندا دەنە تاربيە بۇيىمدارى كاسىپ سالاسى شوعىرى قۇرىلدى
□ انار بۇلت \ شينجياڭ گازەتىنىڭ ءتىلشىسى حان چين - يان
2022.09.26 16:21 كەلۋ قاينارى : شينجياڭ گازەتى
8 - ايدىڭ سوڭى، جاڭاءشار اۋدانىنىڭ كاسىپ سالاسىن جەتىلدىرۋ باقشاسىنا ورنالاسقان شينجياڭ باۋفيلۇڭ دالالىق دەنە تاربيە بۇيىمدارى شەكتى سەرىكتەستىگىنە (تومەندە قىسقارتىلىپ ”شينجياڭ باۋفيلۇڭ“ دەلىنەدى) بارا قالساڭىز، ماشينانىڭ گۇرىلدەگەن داۋىسى قۇلاق تۇندىرادى.
ءوندىرىس سەحىنا كىرگەندە، ماسكا تاققان، ۇستىنە كوك ءتۇستى قىزمەت كيىمىن كيگەن جۇمىسشىلار ءوز جۇمىس ورىندارىندا قاربالاس جۇمىس ىستەپ جاتتى. ”الارماندار اسىقتىرىپ جاتىر، قارماق سابىن دەرەۋ ءوندىرىپ، جىبەرىپ بەرۋىمىز كەرەك“. شينجياڭ باۋفيلۇڭنىڭ باس ديرەكتورى يۇي ليحاي بىلاي دەدى: ”ءبىز وندىرگەن قارماق سابى وتە تانىمال، بۇكىل ەلدىڭ جەر - جەرىندە ارناۋلى ساتۋ دۇكەندەرىمىز بار“.
ۋيحاي باۋفيلۇڭ بالىق اۋلاۋ جابدىقتارى شەكتى سەرىكتەستىگى ەل ىشىندەگى 100 قۋاتتى كاسىپورىننىڭ ءبىرى، 2021 - جىلى 5 - ايدا سەرىكتەستىك جاڭاءشار اۋدانىنا ىرگە تەپكەن، سول جىلى 10 جوعارى سورتتى بالىق اۋلاۋ جابدىقتارى ءوندىرىس لەنياسى رەسمي وندىرىسكە قوسىلدى، ىلە - شالا الارمانداردان ءۇزىلىسسىز تاپسىرىس كەلىپ ءتۇستى. ”قازىرگى ايىنا 20 مىڭ تال قارماق سابىنىڭ ءونىم مولشەرى بويىنشا ەسەپتەگەندە، تاپسىرىس جىل سوڭىنا دەيىن تولىپ بولدى“، - دەدى يۇي ليحاي.
”بىلتىر 7 - ايدا توقتام جاساسىپ، 8 - ايدان باستاپ ماشينا ساتىپ الىپ، 11 - ايدىڭ ورتا شەنىندە رەسمي وندىرىسكە قوستىق“. يۇي ليحاي بىلاي دەدى: ”دايىندالۋدان وندىرىسكە قوسىلعانعا دەيىن نەبارى 3 جارىم اي ۋاقىت كەتتى، بۇل دۇڭيىڭ شينجياڭعا كومەكتەسۋ قولباسشىلىق شتابىنىڭ بار كۇشپەن قولداۋىنىڭ ارقاسى“.
”ءبىز جاڭاءشاردىڭ ادام كۇشى بايلىعى باسىمدىعىن تولىق ساۋلەلەندىرىپ، شىعىس بولىك تەڭىز جاعالاۋىنداعى وڭىرلەر مەن ىشكى قۇرلىقتىق وڭىرلەردىڭ كاسىپ سالاسىن ويىستىرۋعا كۇش سالىپ، جاڭاءشاردىڭ جاڭا كاسىپ سالاسى مەن جاڭا كاسىپ كۇيىنىڭ قۇنارلى توپىراعىن جەتىلدىردىك“، - دەدى دۇڭيىڭ شينجياڭعا كومەكتەسۋ قولباسشىلىق شتابىنىڭ ورىنباسار قولباسشىسى، جاڭاءشار اۋداندىق پارتكومنىڭ تۇراقتى مۇشەسى، ورىنباسار اكىمى ليۋ حايفىڭ.
دالالىق دەنە تاربيە بۇيىمدارى شينجياڭنىڭ جاڭادان گۇلدەنگەن كاسىپ سالاسى رەتىندە، دۇڭيىڭ شينجياڭعا كومەكتەسۋ قولباسشىلىق شتابىنىڭ بەلسەنە قۇلشىنۋىنىڭ ارقاسىندا اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى دالالىق دەنە تاربيە بۇيىمدارى نىساندارىن ەڭبەك شوعىرلانعان كاسىپورىندار تىزىمدىگىنە ەنگىزىپ، العاشقى توپتاعى 9 كاسىپورىندى اۆتونوميالى رايوننىڭ ساياساتتىق قولداۋىنان يگىلىكتەندىردى. سونىمەن بىرگە، جاڭاءشار اۋدانى كاسىپورىنداردى ءوسىمسىز قارىز اقشا، راسمياتتى ۋاكىلاتان ءبىتىرۋ، زاۆود ۇيلەرىن وزگەرتۋ، قىزمەتكەرلەردى تاربيەلەۋ، زات اينالىمى، شوعىرلى تاسۋ سياقتى ءوندىرىس الدىنداعى، ءوندىرىس بارىسىنداعى، وندىرىستەن كەيىنگى قىزمەت وتەۋمەن قامداپ، كاسىپورىنداردىڭ باقشا رايونىنان شىقپاي - اق بارلىق جۇمىستى ورىنداۋىنا مۇمكىندىك جاسادى.
دۇڭيىڭ شينجياڭعا كومەكتەسۋ قولباسشىلىق شتابى، جاڭاءشار اۋداندىق ۇكىمەت سياقتى ورىندار باس بولىپ 20 ميلليون يۋان قارجى توپتاپ، بازانىڭ شەكارا اتتاعان ەلەكتروندى ساۋدا تۇعىرى قۇرىلىسىن قولداپ، ونىمدەردى ساتۋ ارناسىن كەڭەيتىپ، كاسىپ سالاسىنىڭ باياندى دامۋىن جەبەدى.
”دۇڭيىڭ شينجياڭعا كومەكتەسۋ قولباسشىلىق شتابى كاسىپورىننىڭ دامۋىنا ’كۇتۋشى‘ ۇلگىسىندە قىزمەت وتەۋمەن قامداپ، راسميات بىتىرۋدەن زاۆود ءۇيىنىڭ ورنىن تاڭداۋعا دەيىن، جالپى بارىستا قاتىستى قىزمەتكەرلەر بىرگە ءجۇرىپ بىتىرەدى“. يۇي ليحاي بىلاي دەدى: تاماشا شارۋاشىلىق - ساۋدا ورتاسى كاسىپورىنداردى اناعۇرلىم الاڭسىز ەتتى، ءىستىڭ ءبىتۋىن اناعۇرلىم قولايلىلاستىردى.
شينجياڭ باۋفيلۇڭىنىڭ جەتەكشىلىگىندە، 13 بالىق اۋلاۋ جابدىعى كاسىپورنى جانە جوعارى، تومەنگى اعارداعى سايكەستى كاسىپورىندار جاڭاءشار اۋدانىنا ىرگە تەۋىپ، شينجياڭنىڭ دالالىق دەنە تاربيە بۇيىمدارى كاسىپ سالاسى اق تاڭداعىن تولتىرۋمەن بىرگە، جەرگىلىكتى ورىننىڭ كاسىپ سالاسى دامۋىنىڭ جاڭا باسىمدىعىن قالىپتاستىرۋىنا مۇمكىندىك جاسادى.
بۇگىنگى تاڭدا جاڭاءشار اۋدانىنىڭ دالالىق دەنە تاربيە بۇيىمدارىن ءوندىرۋ بازاسىنىڭ تۇراقتى مۇلكىنە جالپى 120 ميلليون يۋان قارجى قوسىلىپ، 60 مىڭ شارشى مەترلىك ولشەمدى زاۆود ءۇيى پايدالانىلىپ، جەرگىلىكتى ورىنداعى 2700دەن استام ەڭبەككۇشتىڭ جۇمىستانۋ ماسەلەسىن شەشتى. وندىرىلگەن جوعارى، ورتا سورتتى كومىرتەگى تالشىقتى قارماق سابى، كومىرتەگى تالشىقتى ۆەلوسيپەد، كومىرتەگى تالشىقتى قارماق تەكشەسى، تولقىن قۋۋ تاقتايى، رازىنكە قايىق، ۇشقىر قايىق سياقتى ونىمدەرى ەل ءىشى - سىرتىنا ساتىلىپ، جىلدىق ءونىم قۇنى ءبىر ميلليارد يۋانعا جەتتى. ءبىر جىلدان استام ۋاقىتتا، دۇڭيىڭ كاسىپ سالاسى ارقىلى شينجياڭعا كومەكتەسىپ، جاڭاءشار اۋدانىن شينجياڭداعى كولەمى ەڭ ۇلكەن، جۇمىسشىسى ەڭ كوپ، ءونىم قۇنى ەڭ جوعارى، ومىرشەڭدىگى ەڭ كۇشتى دالالىق دەنە تاربيە بۇيىمدارى كاسىپ سالاسى بازاسىنا اينالدىردى.
”ءبىز ساۋداگەر شاقىرىپ قارجى ەنگىزۋدىڭ سارقىلماس قاينار بۇلاعى رولىن ۇزدىكسىز ساۋلەلەندىرىپ، ’تىزبەك ورناتۋ، تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋدى‘ ارقاۋ ەتە وتىرىپ، دالمە - ءدال كۇش سالىپ، جاڭاءشار اۋدانىنىڭ ەكونوميكالىق دامۋىنىڭ قوزعاۋشى قۋاتىن كۇشەيتەمىز“، - دەدى ليۋ حايفىڭ كامىل سەنىممەن، - ”3 جىل ىشىندە دالالىق دەنە تاربيە بۇيىمدارى ءوندىرىس بازاسىن زەرتتەۋ - اشۋ، ءوندىرۋ، شەكارا اتتاعان ەلەكتروندى ساۋدا ءبىر تۇلعالانعان، ءونىم قۇنى 5 ميلليارد يۋاننان اسقان، جۇمىسشى ىستەتۋ كولەمى 20 مىڭ ادامنان اساتىن جاساۋ كاسىپ سالاسى شوعىرىنا اينالدىرۋعا قۇلشىنامىز“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
