لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.09.23 16:56 كەلۋ قاينارى : حالىق تورابى
مەملەكەتتىك كەڭەستىڭ 9 - رەتكى قاۋىرت باقىلاۋ - تەكسەرۋ جاعدايى جونىندەگى مالىمەتتى تىڭداپ، ساياساتتىڭ تياناقتانۋىن مىقتى يگەرىپ، ەكونوميكانىڭ قالپىنا كەلۋىن، العا باسۋىن ىلگەرىلەتۋدى تالاپ ەتتى؛ «ءبىر ءىستى ءبىر جولدا ءبىتىرۋ» رەفورما شاراسىن ىشكەرىلەي ىلگەرىلەتىپ، كاسىپورىندار مەن بۇقاراعا قولايلىلىق جاراتۋدى بەلگىلەدى؛ قاتىناس، زات اينالىمىن قامتاماسىز ەتۋ، ىركىلىسسىزدەندىرۋ جانە قاتىستى بازار تۇلعالارىنىڭ قيىنشىلىعىن شەشۋ ساياساتىن كۇشەيتىپ، ەكونوميكانىڭ ورنىقتى اينالىمىنا تىرەك بولۋدى تۇراقتاندىردى؛ «جۇڭحۋا حالىق رەسپۋبليكاسىنىڭ اكىمشىلىك قايتا قاراۋ زاڭىن (وزگەرىس ەنگىزىلگەن جوبا نۇسقاسى)» ماقۇلدادى
شينحۋا اگەنتتىگى، 9 - ايدىڭ 22 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 9 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، مەملەكەتتىك كەڭەستىڭ 9 - رەتكى قاۋىرت باقىلاۋ - تەكسەرۋ جاعدايى جونىندەگى مالىمەتتى تىڭداپ، ساياساتتىڭ تياناقتانۋىن مىقتى يگەرىپ، ەكونوميكانىڭ قالپىنا كەلۋىن، العا باسۋىن ىلگەرىلەتۋدى تالاپ ەتتى؛ «ءبىر ءىستى ءبىر جولدا ءبىتىرۋ» رەفورما شاراسىن ىشكەرىلەي ىلگەرىلەتىپ، كاسىپورىندار مەن بۇقاراعا قولايلىلىق جاراتۋدى بەلگىلەدى؛ قاتىناس، زات اينالىمىن قامتاماسىز ەتۋ، ىركىلىسسىزدەندىرۋ جانە قاتىستى بازار تۇلعالارىنىڭ قيىنشىلىعىن شەشۋ ساياساتىن كۇشەيتىپ، ەكونوميكانىڭ ورنىقتى اينالىمىنا تىرەك بولۋدى تۇراقتاندىردى؛ «جۇڭحۋا حالىق رەسپۋبليكاسىنىڭ اكىمشىلىك قايتا قاراۋ زاڭىن (وزگەرىس ەنگىزىلگەن جوبا نۇسقاسى)» ماقۇلدادى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرۋدى توڭىرەكتەي وتىرىپ، تاياۋدا مەملەكەتتىك كەڭەس ءىشىنارا رايونداردا 9 – رەت قاۋىرت باقىلاۋ – تەكسەرۋ جۇرگىزدى. جەرگىلىكتى ورىنداردىڭ ەكونوميكانى ورنىقتىرۋىنا، حالىق تۇرمىسىنا كەپىلدىك ەتۋىنە كۇش سالا جەتەكشىلىك ەتىپ جانە ونى تەكسەرىپ، جەرگىلىكتى ورىندار اڭىس ەتكەن ءبىر توپ ءىس جۇزىندىك قيىنشىلىقتىڭ شەشىلۋىن ىلگەرىلەتتى؛ مۇندا باستىسى جاسىرىن تەكسەرۋ سياقتى تاسىلدەردى قولدانىپ، باقىلاۋ - تەكسەرۋدىڭ ناقتى ونىمدىلىگىن جوعارىلاتىپ، نەگىزگى ساتىنىڭ اۋىرتپالىعىن جەڭىلدەتتى. كەلەسى قادامدا ماسەلە ءتىزىمىن جەرگىلىكتى ورىندار مەن تاراۋلارعا جەتكىزىپ، بىرەۋى ارقىلى وزگەسىن تۇسپالداپ، رەتتەۋ - تۇزەتۋ كەرەك. ەكونوميكانىڭ نەگىزگى جاعدايىن ورنىقتىرۋ بويىنشا قۋزاۋشىلىق - جەتەكشىلىك ەتەتىن مەن قىزمەت وتەيتىن قىزمەت گرۋپپالارى «جەلىدە» بولۋ كۇيىن ساقتاپ، باقىلاۋ - تەكسەرۋ، رەتتەۋ - تۇزەتۋمەن ۇشتاستىرىپ، ماسەلەلەردى ۇزدىكسىز سايكەستىرىپ شەشىپ، قازىنا - سالىق، فينانس جاقتارىنان نەگىزدىك قۇرىلعى ءتۇيىندى نىسان قۇرىلىسىن، جابدىقتاردى جاڭالاۋدى، قايتا قۇرۋدى قولداۋ سياقتى قارجى قوسۋ كولەمىن كەڭەيتىپ، تۇتىنۋدى جەبەۋ ساياسات - شارالارىنىڭ تياناقتانۋىن ءتۇيىندى تۇردە ىلگەرىلەتۋ كەرەك. جەر - جەر ەكونوميكانى ورنىقتىرۋ، حالىق تۇرمىسىن قامتاماسىز ەتۋ جاۋاپكەرلىگىن ارقالاپ، ەكونوميكالىق قۋاتى زور ولكەلەر مىعىم تىرەك بولىپ، ەكونوميكانى ورنىقتىرۋ نەگىزىن بىرگە بەكەمدەۋ، قايتا قالپىنا كەلىپ، ىلگەرىلەۋدى جەبەۋگە بىرگە قۇلشىنۋ كەرەك.
«تومەنگە بەرۋ، باسقارۋ، قىزمەت وتەۋ» رەفورماسىن تەرەڭدەتۋ، اكىمشىلىك قىزمەت وتەۋ ونىمدىلىگى مەن ورەسىن جوعارىلاتۋ ءۇشىن، ءماجىلىس مىنانى ۇيعاردى: نازاردى كاسىپورىندار مەن بۇقارانىڭ ءىس جۇزىندىك قاجەتىنە شوعىرلاندىرىپ، كاسىپورىننىڭ قۇرىلۋىنان تىزىمنەن وشىرىلۋىنە دەيىنگى، جەكە ادامنىڭ تۋىلۋدان دۇنيە سالۋعا دەيىنگى ماڭىزدى ساتىلارىن توڭىرەكتەي وتىرىپ، شارپيتىن كولەمى كەڭ، ءبىر جاقتى ەتۋ مولشەرى كوپ، ءبىر جاقتى ەتۋ ۋاقىتى سالىستىرمالى شوعىرلانعان اكىمشىلىك قىزمەت وتەۋلەرگە قاراتا تىزىمدىك ورناتىپ، جۇمىستى ءبىر ورىندا، ءبىر رەتتە بىتىرۋگە كەپىلدىك ەتىپ، كاسىپورىندار مەن بۇقارانى قاجەتسىز اۋرەدەن ارىلتۋ كەرەك. بازار تۇلعالارىنا قاراتا كاسىپورىن اشۋ، كاسىپورىن قۇرۋعا رۇقسات ەتۋ، جۇمىسشى - قىزمەتكەرلەردى قابىلداۋ، كاسىپورىندارعا ساياتىن جىلجىمايتىن مۇلىكتى تىزىمدەۋ، كاسىپورىنداردى تىزىمنەن ءوشىرۋ سىندى 5 ءتۇرلى اكىمشىلىك قىزمەت وتەۋدى ءبىر جولدا ءبىتىرۋدى جۇزەگە اسىرىپ، تۇزىمدىك ساۋدا وزىندىك قۇنىن تومەندەتىپ، بازار تۇلعالارىن جەتىلدىرۋ، زورايتۋ كەرەك، بۇل دا وندىرگىش كۇشتەردى ازات ەتۋگە جانە دامىتۋعا، جاڭا كەزەكتى ەكونوميكانىڭ باسەڭدەۋ قىسىمىنا توتەپ بەرۋگە ءتيىمدى. جەكەلەرگە قاراتا جاڭا تۋعان نارەستەلەردىڭ دۇنيەگە كەلۋى، يكەمدى جۇمىستانۋ، ازاماتتاردىڭ ۇيلەنىپ، بالالى بولۋى، مۇگەدەكتەردى سۇيەمەلدەۋ، قيىنشىلىعى بارلارعا كومەكتەسۋ، اسكەريلەردىڭ قوسىننان شەگىنۋى، ەكىنشى قول ءۇيدى وتكەرىپ تىزىمگە الدىرۋ، سونداي - اق سۋ، ەلەكتر، گاز كارتوچكالارىن بىرگە وتكەرۋ، كاسىپورىن جۇمىسشى - قىزمەتكەرلەرىنىڭ زەينەتكە شىعۋى، ازاماتتاردىڭ دۇنيە سالعاننان كەيىنگى سوڭعى ىستەرى سىندى 8 ءتۇرلى اكىمشىلىك قىزمەت وتەۋدى ءبىر رەت ءبىتىرىپ، بۇقارانىڭ تىلەگىن اناعۇرلىم ويداعىداي قاناعاتتاندىرىپ، بۇقاراعا قولايلىلىق جاراتۋ كەرەك. جىل سوڭىنان بۇرىن جەر - جەر تۇگەل ىسكە اسىرۋى كەرەك، تولىق تياناقتاندىرماعاندارىن حابارلاندىرۋ، شەكتى مەرزىمدە رەتتەۋ - تۇزەتۋ كەرەك.
ءماجىلىس مىنالاردى اتاپ كورسەتتى: قاتىناس، زات اينالىمى − بازار شارۋاشىلىعىنىڭ جان تامىرى، قاتىناستىڭ ىركىلىسسىزدىگىنە كەپىلدىك ەتۋدى ۇزدىكسىز جاقسى ىستەۋ ءارى ساياساتتىق قولداۋدى كۇشەيتۋ كەرەك. ءبىرىنشى، پورت، زات پۋنكتى سياقتىلاردىڭ قالىپتى اينالىمى مەن نەگىزگى جولدىڭ، ميكرو اينالىمنىڭ ىركىلىسسىزدىگىنە بار كۇشپەن كەپىلدىك ەتىپ، ءار ساتى ءوز الدىنا بەلگىلەمە شىعارۋدان، ءبارىن ءبىر شىبىقپەن ايداۋدان ساقتانۋ كەرەك. ەكىنشى، 4 - توقساندا اقى الىناتىن تاس جولدا جۇك اۆتوموبيلدەرىنىڭ قاتىناۋ اقىسىن %10 كەمەيتۋ، سونىمەن بىرگە، اقى الىناتىن تاس جول تيجارات تۇلعالارىنا فينانس ساياساتى جاعىنان باعىتتامالى جاعىنان قولداۋ كورسەتىپ، قارجى قۇراۋدىڭ وزىندىك قۇنىن لايىقتى تومەندەتۋ كەرەك. ءۇشىنشى، 4 – توقساندا ۇكىمەت بەلگىلەگەن زات، پورت ىستەرى قاراجاتىنىڭ ولشەمىن %20 تومەندەتۋ كەرەك. ءتورتىنشى، 100 ميلليارد يۋان قاتىناس، زات اينالىمى ارناۋلى قايتالاي قارىز اقشاسىنان ويداعىداي پايدالانىپ، جۇك تاسىمال كاسىپورىندارى مەن شوفەرلەردىڭ قيىنشىلىق قىسپاعىنان قۇتىلۋىنا قولداۋ كورسەتۋ كەرەك.
ءماجىلىس مىنانى اتاپ كورسەتتى: اكىمشىلىكتى زاڭ بويىنشا جۇرگىزۋدە تاباندى بولىپ، زاڭمەن باسقارىلاتىن ۇكىمەت قۇرىلىسىن كۇشەيتۋ كەرەك، ۇقىق بار ەكەن دەپ بەتىمەن كەتۋگە بولمايدى. اكىمشىلىك قايتا قاراۋ − ۇكىمەت جۇيەسىنىڭ ءوزىن - ءوزى تۇزەتۋىندەگى باقىلاۋ ءتۇزىمى، زاڭعا قايشى نەمەسە ورىنسىز اكىمشىلىك ارەكەتتەردەن ساقتانۋعا جانە ونى تۇزەتۋگە ءتيىمدى، «حالىقتىڭ ءمانساپتىلاردىڭ ۇستىنەن ارىز بەرۋى» سىندى اكىمشىلىك تالاس - تارتىستى شەشۋدەگى قۇتقارۋ ءتۇزىمى، ول ازاماتتار، زاڭدىق يەلەر قاتارلىلاردىڭ زاڭدى ۇقىق - مۇددەسىن قورعاۋعا ءتيىمدى. ءماجىلىس «جۇڭحۋا حالىق رەسپۋبليكاسىنىڭ اكىمشىلىك قايتا قاراۋ زاڭىن (وزگەرىس ەنگىزىلگەن جوبا نۇسقاسى)» ماقۇلدادى. جوبا نۇسقادا قايتا قاراۋ حالىق ءۇشىن بولۋدا تاباندى بولىنىپ، دەلو قابىلداۋ كولەمىن كەڭەيتۋ، اكىمشىلىك قايتا قاراۋدا اكىمشىلىك زاڭ اتقارۋ باقىلاۋىن كۇشەيتۋ سياقتىلار جونىندە اناعۇرلىم ايقىن بەلگىلەمەلەر جاسالدى، اكىمشىلىك قايتا قاراۋدىڭ الەۋمەتتىك سەنىمدىلىگى جوعارىلاتىلىپ، اكىمشىلىك تالاس - تارتىستى شەشۋدىڭ نەگىزگى ارناسىنا اينالدى. ءماجىلىس جوبا نۇسقانى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
