تاۋلى ءوڭىر ارالدارىنىڭ سەلبەستىگىن تەرەڭدەتىپ، بىرگە اۋقاتتانۋدى ىلگەرىلەتتى
جىجياڭ ولكەسى تاۋلى وڭىردەگى ارالداردى دامىتۋدىڭ جاڭا جولىن قاراستىردى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى جياڭ نان، دوۋ حاۋ
2022.09.26 17:00 كەلۋ قاينارى : حالىق تورابى
جاڭا اشىلعان تىكە تاراتۋ بولمەسىندە فارفور ونىمدەرىنىڭ ساتىلۋ مولشەرى بارعان سايىن جوعارىلادى؛ قىستاق جولىنىڭ ەكى جاعالاۋىنداعى ۇيلەردىڭ ستەرەولىق داۋالى كوپتەگەن ساياحاتشىنى سۋرەتكە ءتۇسىپ ەستەلىك قالدىرۋعا باۋرادى؛ ىستەن شىققان ماي تارتۋ زاۆودىنان وزگەرتىپ جاسالعان قىش بۇيىمدارىن زەرتتەۋ بازاسى كۇنىنە 4 – 5 ءجۇز ادام - رەت ساياحاتشى قابىلدادى.... اپتا سوڭىندا 400 جىلدان استام فارفور جاساۋ تاريحى بار جىجياڭ ولكەسى چۇيجوۋ قالاسى كىچىڭ رايونى ۋانياۋ قىستاعى ەرەكشە دۋمانعا بولەندى.
تاۋلى ءوڭىر ارالدارىنىڭ سەلبەستىگىن تەرەڭدەتۋگە سۇيەنگەن چۇيجوۋ قالاسىنىڭ كىچىڭ رايونى مەن حاڭجوۋ قالاسىنىڭ يۇيحاڭ رايونى «اۋىل - قىستاقتى گۇلدەندىرۋ ورتاق تۇلعاسىن» قۇرىپ، سايكەستى دامۋ، بىرگە اۋقاتتانۋ جولىن قاراستىرىپ، ۋانياۋ قىستاعىن اۋىل شارۋاشىلىعى، مادەنيەت، ساياحات ىستەرىن توعىسپالى دامىتۋدان ۇلگى كورسەتەتىن قىستاق ەتىپ قول ۇستاسا قۇردى. 2021 - جىلى يۇيحاڭ رايونى 8 ميلليون 100 مىڭ يۋان سۇيەمەلدەۋ قارجىسىن تياناقتاندىردى.
پارتيانىڭ 20 - قۇرىلتايىن قۋانا قارسى العان قىزۋ مەرەيلى ساتتە جىگەرى تاسقىنداعان قىستاق كادرلارى بىلەك سىبانىپ، قايراتتانا ىستەدى. ۋانياۋ قىستاعىنىڭ ءبىرىنشى شۋجيى لۋ يىڭ جياڭشي ولكەسى جيڭدى قالاشىعىندا تەكسەرۋ - زەرتتەۋ جۇرگىزىپ قايتىپ كەلىپ، فارفور شەبەرلەرىن قىستاقتا قىزمەت كەڭسەسىن قۇرۋعا ۇسىنىس ەتىپ، اۋىل - قىستاقتاعى جاڭالىق اشۋشىلاردى فارفور جاساۋ سياقتى جاڭا كاسىپ كۇيىن جەتىلدىرۋگە، دامىتۋعا باۋراپ، قىستاق تۇرعىندارىنىڭ جۇمىسقا ورنالاسىپ، كىرىسىن ارتتىرۋىنا جەتەكشىلىك ەتتى.
«فارفور ەرەكشە مادەنيەتىن نەگىز ەتكەن ۋانياۋ قىستاعىنىڭ بىلتىر كوللەكتيۆ شارۋاشىلىق تيجارات سيپاتتى كىرىسى 300 مىڭ يۋانعا جەتىپ، سايكەس مەزگىلدەگىدەن %150 ارتتى. قازىر يۇيحاڭ - كىچىڭ تاۋلى ءوڭىر ارالدارىنىڭ سەلبەستىگى ‹اۋىلداعى جاسامپازدىق ورتالىعى› جەدەل قۇرىلۋدا، جىل سوڭىندا سالىنىپ بولعاننان كەيىن، جاڭالىق اشۋشىلارعا ءتىپتى دە ۇلكەن ساحنا ازىرلەپ، اۋىل - قىستاقتىڭ گۇلدەنۋىنە تىڭ ومىرشەڭدىك كۇش قوسادى» دەدى لۋ يىڭ.
جىجياڭ ولكەلىك پارتكوم مەن ولكەلىك ۇكىمەت تاۋلى ءوڭىر ارالدارىنىڭ سەلبەستىگى ينجەنەرياسىن ىشكەرىلەي اتقارىپ، جىجياڭنىڭ وڭىرلىك سايكەستى دامۋعا قاراي نىق قاداممەن العا باسۋىن قۇلشىنا ىلگەرىلەتتى. جىجياڭ ولكەلىك پارتكومداعى نەگىزگى جاۋاپتى جولداس مىنانى ءبىلدىردى: «ءبىز باس شۋجي شي جينپيڭنىڭ بىرگە اۋقاتتانۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، تاۋلى وڭىرلەردەگى ارالداردى دامىتۋدىڭ جاڭا جولىن جەدەل قاراستىرىپ، بىرگە اۋقاتتانۋدان ۇلگى كورسەتۋ رايونى قۇرىلىسىن تەز، ورنىقتى ىلگەرىلەتىپ، كورنەكتى ماندىك ىلگەرىلەۋشىلىككە قول جەتكىزۋگە قۇلشىنىپ، ءىس جۇزىندىك ارەكەتىمىز ارقىلى پارتيانىڭ 20 - قۇرىلتايىنىڭ جەڭىسپەن اشىلۋىن قارسى الامىز».
ولكە ىشىندەگى دامىعان رايوندارمەن سالىستىرعاندا، تاۋلى وڭىردەگى 32 ارالدى اۋداننىڭ (قالا، رايون ) دامۋ ورەسى ءالى دە سالىستىرمالى تۇردە ارتتا. جىجياڭ ولكەسى جەرگىلىكتى جاعدايعا قاراي ىستەپ، تاۋلى وڭىردەگى ارالدى اۋدانداردىڭ (قالا، رايون) ەرەكشەلىگى مەن ابزالدىعىن تياناق ەتىپ، «ءبىر اۋداندا ءبىر شارا بولۋدى» تياناقتاندىرىپ، «ءبىر اۋداندا ءبىر كاسىپتى» جەتىلدىرىپ، تاۋلى ءوڭىر ارالدارىنىڭ سەلبەستىگى ينجەنەرياسىنىڭ دارەجەسىن جوعارىلاتىپ، تاۋلى وڭىردەگى ارالداردىڭ ىشكى دامۋ قوزعاۋشى كۇشىن تاسقىنداتتى.
تۇتىكشە جاساۋ، اينالما تۇتىكشە جاساۋ، كەسۋ ماشينالارى قاربالاس جۇمىس ىستەۋدە، ءوندىرىس سەحتارىندا تاتتانبايتىن بولات تۇتىك جەلىدەن شىعارىلىپ جاتىر؛ زاتتىق ماتەريالداردىڭ ىزىنە ءتۇسىپ ورنىن تۇراقتاندىرۋ جانە جالپىلىق باسقارۋ جۇيەسىنە سۇيەنىپ، ءاربىر جۇمىس تارتىبىندەگى بولات ترۋبانىڭ سانى، كۇيى سياقتى ينفورماتسيالاردى ءبىر - بىرلەپ تەكسەرۋگە مۇمكىندىك جاراتىلدى؛ دايىن ونىمدەر قامباسىنا قويىلعان تاتتانبايتىن تۇتاس بولات بۇيىمدار ارت - ارتىنان ماشيناعا تيەلىپ، بۇكىل ەلدىڭ جەر - جەرىنە جەتكىزىلۋدە.... ليشۇي قالاسى سۇڭياڭ - يۇيشان تاۋلى ءوڭىر ارالدارىنىڭ سەلبەستىگى كاسىپ باقشاسىنا كىرگەنىمىزدە باۋفىڭ بولات - تەمىر توبى شەكتى سەرىكتەستىگىندەگى قىزۋ ءوندىرىس جاعدايىن كوردىك.
«قازىر كاسىپ باقشاسىنا 60 تان استام كاسىپورىن ىرگە تەۋىپ، 20 دان استام قوعامدىق قارجى قوسۋ نىسانىن سالدى. جوعارى دەڭگەيدەگى تاتتانبايتىن بولات ونىمدەرىن جەتەكشى كاسىپ ەتەمىز، بيىل الدىڭعى جارتى جىلدا باقشا رايونىنىڭ كولەمدەنگەن ونەركاسىپ جالپى ءونىم قۇنى، ونەركاسىپتىڭ مۋ باسىندىق ورتاشا ارتقان قۇنى جەكە - جەكە بىلتىرعى سول تۇستاعىدان %81.9، %51.9 ارتىپ، مولشەرى بىركەلكى جوعارىلادى» دەدى سۇڭياڭ ەكونوميكالىق اشۋ رايونىن باسقارۋ كوميتەتى مەڭگەرۋشىسىنىڭ ورىنباسارى لو جيە. «كاسىپتى قاۋىرت گۇلدەندىرۋ» سياقتى دانەكەرلەر ارقىلى قازىر جىجياڭنىڭ باتىس وڭتۇستىك تاۋلى رايونىنداعى سۇڭياڭ اۋدانى يۇيياۋ قالاسى سياقتى ولكە ىشىندەگى دامىعان رايوندارمەن 32 كاسىپ سەلبەستىك نىسانىن ورىستەتتى، بۇلار سيفرلى ەكونوميكا، جوعارى دەڭگەيلى جابدىق سياقتى سالالارعا سايادى.
ۋىنجوۋدان كەلگەن تاتتانبايتىن بولات كاسىپورنى جىڭكاڭ ساۋدا - ونەركاسىپ شەكتى جارنا سەرىكتەستىگىمەن نىساننىڭ تياناقتانۋىنىڭ جاي - جاپسارىن اقىلداسقاننان كەيىن، لو جيە دارىندىلار جاتاقحاناسى، كورشىلەر ورتالىعى سياقتى نىسانداردىڭ جۇمىس ورىندارىنا بارىپ، قۇرىلىس قارقىنىن تەكسەردى، ول: «كاسىپ سالاسى مەن قالانى ءبىر تۇلعالاندىرىپ، كاسىپورىندار مەن دارىندىلاردىڭ ۋايىمىن شەشكەندە عانا، ءتىپتى دە كوپ كاسىپورىندار مەن دارىندىلاردى شوعىرلى دامۋعا باۋراي الامىز» دەدى.تاۋلى ءوڭىر ارالدارىنداعى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە نازار اۋدارعان جىجياڭ ولكەسى رايون اتتاعان وقۋ - اعارتۋدا جۇپ قۇراپ سۇيەمەلدەۋ، ەمدەۋ، دەنساۋلىق ساقتاۋ ورەسىن جوعارىلاتۋ ينجەنەرياسىن اتقارۋ سياقتى شارالار ارقىلى بۇقاراعا ناقتى تابىس سەزىمىن سيلادى.
«جوۋشان توپ ارالى توراپ شيپاحاناسىن» قۇرۋ ارقىلى جوۋشان قالاسى جەلىدەگى ارالداردىڭ ەمدەۋ قىزمەت وتەۋ بىرلەسكەن تۇلعاسىن قۇردى، قازىر 208 الىس ارالىقتى ەمدەۋ قىزمەت وتەۋ ورتالىعىن (پۋنكتى) قۇرىپ، بۇكىل قالاداعى بارلىق نەگىزگى ساتى ەمدەۋ، دەنساۋلىق ساقتاۋ قۇرىلىمدارىن قامتىدى؛ 21 ارال مەكتەبى نيڭبو قالاسىنداعى مەكتەپتەرمەن رايون اتتاپ جۇپ قۇرادى. جىجياڭ ولكەسىنىڭ باتىس وڭتۇستىك تاۋلى رايونىندا اكىمشىلىك قىزمەت وتەۋدە «ءبىر جەلىدە ءبىر تۇتاس ءبىتىرۋ» نەگىزگى ساتىعا قاراي ۇزدىكسىز كەڭەيۋدە، ليشۇي قالاسىنداعى ءبىر مىڭ 891 اكىمشىلىك قىستاق (الەۋمەتتىك اۋماق) «قىستاقتارعا دەيىن قىزمەت وتەۋدى، ءىس بىتىرگەندە قىستاقتان شىقپاۋدى» جۇزەگە اسىردى.
جىجياڭ ولكەلىك ساناق مەكەمەسى جاريالاعان ساندى مالىمەتتە كورسەتىلۋىنشە، بيىل الدىڭعى جارتى جىلدا جىجياڭ ولكەسىنىڭ تاۋلى رايونىنداعى 26 اۋداننىڭ (قالا، رايون) تۇراقتى مۇلىككە قوسقان قارجىسى سايكەس مەزگىلدەگىدەن %13.1 ارتىپ، ارتۋ قارقىنى بۇكىل ولكەنىڭ ورتاشا دەڭگەيىنەن 2.8 پايىز جوعارى بولعان؛ تاۋلى رايونداعى 26 اۋداننىڭ (قالا، رايون) بارلىق تۇرعىندارىنىڭ، قالا - قالاشىق تۇرعىندارىنىڭ جانە اۋىل - قىستاق تۇرعىندارىنىڭ جان باسىندىق يگەرىلمەلى كىرىسى سايكەس مەزگىلدەگىدەن جەكە - جەكە %5.7، %4.9 جانە %6.8 ارتىپ، بۇكىل ولكەنىڭ ورتاشا دەڭگەيىنەن جوعارى بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
