ىنتىماقتاسىپ، جۇمىلا ەكپىندەي ىلگەرىلەپ، جاڭا كارتينانى بىرگە سالامىز
− شينجياڭداعى كادرلار مەن بۇقارا زەيىن - زەردەنى، كۇش - قۋاتتى ۇيىستىرىپ، پارتيا 20 - قۇرىلتايىنىڭ جەڭىسپەن اشىلۋىن قارسى الدى
□ انار بۇلت \ شينجياڭ گازەتىنىڭ ءتىلشىسى رىن جياڭ
2022.09.27 17:35 كەلۋ قاينارى : شينجياڭ گازەتى
”ءار ۇلت قول ۇستاسىپ كوممۋنيستىك پارتيا نۇسقاعان دۇرىس جولمەن ءجۇرىپ كەلەدى، تاماشا تۇرمىسىمىزدى قاستەرلەپ، باقىتتى تۇرمىستى بىرگە كەشەمىز“... لوپنۇر اۋدانىنىڭ شيڭپيڭ قالاشىعى داشي قىستاعىندا تۇراتىن 75 جاستاعى ايسا ۇشۇر كاريا ءجۇزىم سورەسىنىڭ استىندا وتىرىپ، ءوزىنىڭ «پارتيانىڭ 20 - قۇرىلتايىن شاتتىقپەن قارسى الامىن» دەگەن ولەڭىن داۋىستاپ وقىدى، شاعىن اۋلاعا كۇننىڭ شۇلەن شۇعىلاسى توگىلىپ تۇر، قىستاق تۇرعىندارى قورالانا ولەڭ تىڭداپ وتىر.
نەگىزگى ساتىداعى ۇگىت لەكسياشى رەتىندە، 46 جىلدىق پارتيالىق ستاجى بار بۇل كاريا ءوزىنىڭ شاعىن اۋلاسىندا ميكرو ساباقحانا اشىپ، ۇنەمى قىستاق تۇرعىندارىنا پارتيانىڭ تاريحىن، ماڭايىنداعى ادامداردىڭ قول ۇستاسىپ بىرگە ىلگەرىلەپ، ىنتىماقتاسا العا باسقان حيكايالارىن اڭگىمەلەدى، ول: ”وتاننىڭ بارعان سايىن قۇدىرەتتەنىپ، حالىقتىڭ بارعان سايىن باقىتتى بولۋىن تىلەيمىن. ساقا پارتيا مۇشەسىندىك رولىمدى ويداعىداي ساۋلەلەندىرىپ، ۇلتتار ىنتىماعىن ونان ارى جاقسارتىپ، ۇلتتار ىنتىماعىنىڭ حيكاياسىن ءتىپتى دە كوپ ادامدارعا ايتىپ بەرەمىن“، - دەدى.
بۇگىنگى تيانشان الابىندا ءار ۇلت كادر - بۇقاراسى ءبىر ءۇيلى جانداي ەتەنە ءوتىپ، ىنتىماقتاسا ەكپىندەي ىلگەرىلەۋدە، ۇلتتار ىنتىماعى گۇلى شينجياڭنىڭ بايتاق دالاسىندا شەشەك اتىپ، جۇرت ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋدا.
بۇل كۇندەرى كوكتوعاي اۋدانىنداعى ماتىنبەك مۇراتقان جاڭا ۇگىت لەكسيا مازمۇنىن دايىنداۋمەن قاربالاس بولىپ جاتىر. 2014 - جىلى ول كوكتوعاي اۋداندىق پارتكوم ۇگىت ءبولىمىنىڭ جەتەكشىلىگىندە ”ماتىنبەك ۇگىت لەكسيا ۇيىرمەسىن“ قۇرعان بولاتىن. بۇل ۇگىت لەكسيا ۇيىرمەسىنىڭ مۇشەلەرى ۇلتتار ىنتىماعىنىڭ ۇلگىلەرى، مەيىربان جاندار، بايۋدىڭ باستاماشىلارى، مادەنيەت مايتالماندارى سياقتىلار بولىپ، ولار وزدەرىنىڭ شەبەرلىكتەرىن ساۋلەلەندىرىپ، پارتيانىڭ ءۇنىن ”ەڭ شالعايداعى وتباسىلارعا“ دەيىن جەتكىزدى. 8 جىلدان بەرى، ۇگىت لەكسيا ۇيىرمەسى جيىنى 400 مايداننان استام ۇگىت لەكسيا جاساپ، پارتيانىڭ تاماشا ساياساتتارىن، ۇلتتار ىنتىماعىنىڭ نەگىزگى اۋەنىن كوكتوعاي اۋدانىنىڭ تۇكپىر - تۇكپىرىنە تاراتىپ، ۇگىت لەكسيانىڭ قامتىعان كولەمى 100 مىڭ ادامنان (رەت) استى.
كۇمبىرلەگەن دومبىرا، سىلدىرلاعان جەلدىرمە، يۋمەرلى كومەديا دەيسىز بە... ”ماتىنبەك ۇگىت لەكسيا ۇيىرمەسى“ شوعىرلى ۇگىت لەكسيا جاساپ، قىستاقتاردى ارالاپ، وتباسىلارعا دەيىن بارىپ، اقىندار ايتىسى، وتانشىلدىق تاقىرىپتا ءان ايتۋ، ماڭايىنداعى ىستەردى اڭگىمەلەۋ سياقتى قۋانا تىڭداپ، كوڭىلدەنە كورەتىن ءتاسىل ارقىلى جاڭا يدەيا تاراتىپ، جاقسى ساياساتتاردى ءتۇسىندىرىپ، تىڭ تىرشىلىكتى ماداقتاپ، جاڭا ءداۋىردى جىرلادى. ”ءبىز الۋان ءتۇرلى ۇگىت لەكسيا جاساۋ ارقىلى ءار ۇلت بۇقاراسىنىڭ بۇدان كەيىنگى دامۋ مەن تاماشا تۇرمىسقا ءتىپتى دە تولىق سەنىممەن قاراپ، اناردىڭ دانىندەي تىعىز ۇيىسىپ، ورنىقتى قاداممەن العا باسۋىنا مۇمكىندىك جاراتامىز“، - دەدى ماتىنبەك.
”انار گۇلى اشىلعاندا حوش يىسپەن تولىسقان، قورجاداعى ءار ۇلت حالقى كوڭىلدەرى توعىسقان“. التاي قالاسى قىزىلتاس قالاشىعى ساياتەرەك قىستاعىنداعى ”قورجا“ مادەنيەت ۇلكەن اۋلاسىندا، قىستاق تۇرعىنى لي حۇڭشيۋ جەرگىلىكتەگى ءار ۇلت بۇقاراسىنىڭ ءبىر وتباسىنىڭ ادامىنداي ەتەنە اسەرلى حيكاياسىن مايىن تامىزا اڭگىمەلەدى. ”قورجا“ جەرگىلىكتەگىلەردىڭ ەرتەدەن وسى ارادا تۇرمىس كەشىرىپ جاتقان حانزۋ بۇقاراسىنا ارنايى قويعان اتى، ”قورجاداعىلاردىڭ“ ارعى اتالارى شانشي، سانشي، گانسۋ سياقتى جەرلەردەن كەلگەن، ەڭ العاشىندا 40 نەشە وتباسى عانا بار ەكەن. 100 جىلدان استام ۋاقىتتان بەرى، بۇل اراداعى حانزۋ، قازاق، ۇيعۇر، موڭعۇل، حۇيزۋ، دۇڭشياڭ سياقتى كوپتەگەن ۇلت بۇقاراسى ءوزارا كومەكتەسىپ، ءوزارا قارايلاسىپ، ءوسىپ - ءوربىپ، توعىسا داميتىن، جاراسىمدىلىقپەن بىرگە العا باساتىن ”قورجا مادەنيەتىن“ قالىپتاستىردى، ساياتەرەك قىستاعى دا جەرگىلىكتى ورىنداعى ۇلتتار ىنتىماعىنىڭ شاعىن كارتيناسىنا اينالدى.
”ءبىز ’قورجا‘ مادەنيەتى ۇلكەن اۋلاسىن ۇگىت تاربيە شەبى، ’ۇلتتار ىنتىماعىنىڭ بەرەكەلى شاڭىراعى‘ جانە ۇلتتار ىنتىماعى بىرلەسكەن دوستىق قيمىلىن دانەكەر ەتىپ، ۇلتتار ىنتىماعى، العاباسارلىعى قىزمەتىن ىشكەرىلەي ىلگەرىلەتىپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن اناعۇرلىم بەكەمدەيمىز“، - دەدى التاي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ساياتەرەك قىستاعىنا ءبىرىنشى شۋجي بولىپ تۇسكەن، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ليۋ شۋشيۋ.
بۇگىنگى شينجياڭدا، جۇڭحۋا ۇلتى ورتاق تۇلعا تانىمى تاربيەسى كادرلار تاربيەسىنىڭ، جاستار مەن وسپىرىمدەر تاربيەسىنىڭ، قوعامدىق تاربيەنىڭ تۇتاس بارىسىنا ەنگىزىلىپ، ورگاندارعا، كاسىپورىندارعا، الەۋمەتتىك اۋماقتارعا جەتكىزىلىپ، داشۋەلەرگە، ورتا - باستاۋىش مەكتەپتەردىڭ ساباقحانالارىنا ەنگىزىلىپ، شينجياڭداعى ءار ۇلت حالقىنىڭ كوڭىلىنە تەرەڭ تامىر تارتتى.
وتاندىق ءىلىم ساباق ارالىق گيمناستيكاسىن ويناپ، وتاندىق ءىلىم ساباقحاناسىن اشىپ، مەكتەپ اۋلاسىندا ىرحۋ، بەل بارابان، گۋجىڭ، قورشامالى دويبى، حاتكەرلىك سياقتى ءداستۇرلى مادەنيەت وقىتۋىن ورىستەتتى... ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن تىلدەگى باستاۋىش مەكتەپتىڭ بالالارى جۇڭحۋانىڭ قويۋ تاڭداۋلى ءداستۇرلى مادەنيەتىنەن ءنار الدى. ”ءبىر تامشى سۋ تەلەگەي تەڭىزگە قوسىلعاندا عانا ماڭگىلىك تىرشىلىككە يە بولادى، ۇلتتار وتان سىندى ۇلى شاڭىراقپەن توعىسقاندا عانا ۇزدىكسىز دامي الادى“، - دەدى وسى باستاۋىش مەكتەپتىڭ باستىعى قۇربان نياز.
بۇل مەكتەپ ”بالا قولىمەن“ ”اتا - انا قولىنان جەتەلەۋدىڭ“ ۇلگىسى. بۇل مەكتەپ كونە مەكتەپ رايونىن ”جۇڭحۋا مادەنيەتى ۇلكەن اۋلاسى“ ەتىپ قۇرىپ، بالالاردى دانەكەر ەتىپ، ءار ۇلت ەگىنشى - مالشىلارى وسى ارادا مەملەكەتتە ءبىر تۇتاس قولدانىلاتىن ءتىلدى جانە اۋىل شارۋاشىلىعى تەحنيكاسىن، مۋزيكا اسپاپتارى، دراما، حاتكەرلىك، شاي ونەرى، قولونەر بۇيىمدارىن جاساۋ سياقتىلاردى ۇيرەنەدى. قۇربان تاعى ءۇشتۇرپان اۋدانىنىڭ، شايار اۋدانىنىڭ كوپتەگەن اۋىل، قالاشىقتارىنداعى سىناق تۇيىندەرىندە ونىمدەردى زەرتتەپ اشۋ، كورمەلەۋ، سىناق ەتۋ، ساتۋ ءبىر تۇلعالانعان ”شينجياڭدى نارلەندىرۋدىڭ مادەنيەت، تۇرمىس ەرەنبازارىن“ اينالىمعا سالىپ، سول ارادا، ءار ۇلت بۇقاراسى كوڭىلدەرىنەن شىعاتىن تاۋارلاردى ساتىپ الۋمەن عانا قويماي، تاعى ءداستۇرلى مادەنيەتتەن سۋسىنداي الادى.
شاۋەشەك قالالىق 6 - باستاۋىش مەكتەپتىڭ مۋزيكا ساباقحاناسىنان تامىلجىعان اككوردەون ءۇنى كوتەرىلدى، وسى مەكتەپ پارتيا ياچەيكاسىنىڭ ۇيىمداستىرۋ مۇشەسى، مۋزيكا مۇعالىمى لۋ حۇڭ بالالارعا اككوردەون ساباعىن ءوتىپ جاتىر ەكەن. ”تالاي جىلدان بەرى، ءبىز ۇلتتار ىنتىماعى ’سۇيىسپەنشىلىگىن توعىستىرۋ تاربيەسى‘ نەگىزگى تاقىرىپتىق قيمىلىن تىڭعىلىقتى ورىستەتىپ، وتانشىلدىق جانە ۇلتتار ىنتىماعى تاربيەسىن وقۋلىققا ەنگىزۋدى، ساباقحانالارعا ەنگىزۋدى، وقۋشىلاردىڭ ساناسىنا ءسىڭىرۋدى ىلگەرىلەتىپ، ۇلتتار ىنتىماعى تاربيەسىنىڭ فورماسى مەن تاسىلىندە ۇزدىكسىز جاڭالىق اشتىق“، - دەدى لۋ حۇڭ.
شاۋەشەك قالاسى سىندى كوپ ۇلت ارالاس قونىستانعان شەكارالىق شاعىن قالادا، كوپتەگەن ۇلتتىڭ مۋزيكاسى، سالت - ساناسى، اس - سۋى سياقتىلار توعىسىپ كەتكەن. لۋ حۇڭنىڭ مۋزيكا ساباقحاناسى مەكتەپ اۋلاسىمەن عانا شەكتەلىپ قالماي، قايتا اككوردەون مۇراجايى، وتانشىلدىق تاربيە بازاسى سياقتى ورىندارعا كوشىرىلدى. ”ءبىز بالالاردىڭ وسىنداي ورتادا مۋزيكا ۇيرەنىپ، كلاسسيكانى سەزىنۋىنە مۇمكىندىك جاساپ، وتانشىلدىق، ۇلتتار ىنتىماعى سۇيىسپەنشىلىگىن توعىستىرۋ تاربيەسىن مۋزيكا اۋەنىمەن جالعاستىرامىز“، - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
