گۇلدەنۋ جولىندا تاباندىلىقپەن العا باسايىق
− «گۇلدەنۋ قۇجات قويماسىنا» العى ءسوز
(2022 – جىلى 9 - ايدىڭ 20 - كۇنى)
2022.09.27 16:27 كەلۋ قاينارى : حالىق تورابى
شي جينپيڭ
تاريحتى تاڭبالاپ، كلاسسيكالىق ۇلگى ورناتۋ، تاريحتى ەستە ساقتاپ، وي - سانانى اشۋ، مادەنيەت ارقىلى ادام تاربيەلەۋ − جۇڭحۋا ۇلتىنىڭ نەشە مىڭ جىلعا جالعاسقان ءداستۇرى. «گۇلدەنۋ قۇجات قويماسىن» قۇراستىرۋ − پارتيا ورتالىق كوميتەتى بەكىتىپ اتقارعان كەلەلى مادەنيەت ينجەنەرياسى. پارتيامىز حالىقتى باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان ساتتە وسى كلاسسيكالىق كىتاپتىڭ باسپادان شىعۋى ءبىزدىڭ تاريحي سەنىمدى بەكەمدەپ، ءداۋىر اۋقىمىن يگەرىپ، جۇڭگو جولىمەن ويداعىداي ءجۇرىپ، جۇڭحۋا ۇلتىنىڭ ۇلى گۇلدەنۋىن جۇڭگوشا وسىزامانداندىرۋ ارقىلى ىلگەرىلەتۋىمىز جونىنەن توتەنشە ماڭىزدى مانگە يە.
جۇڭحۋا ۇلتى − دۇنيە جۇزىندەگى ۇلى ۇلت، ادامزات وركەنيەتىنىڭ العا باسۋىنا وشپەس ۇلەس قوستى. تاياۋ زاماننان كەيىن جۇڭحۋا ۇلتى بۇرىن بولىپ كورمەگەن تاۋقىمەتتى باستان كەشىردى. سول كەزدەن باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭگو حالقى مەن جۇڭحۋا ۇلتىنىڭ ەڭ ۇلى ارمانىنا اينالدى. سانسىز ارداگەرلەر العان بەتىنەن قايتپاي، جوعارىدان تومەنگە دەيىن جۇمىلا ىزدەنىس جاساپ، ءتورت توڭىرەككە اتتان سالىپ، ەرلىكپەن قارسىلىق كورسەتتى. جۇڭگو كوممۋنيستىك پارتياسى قۇرىلعاننان كەيىن حالىقتى ىنتىماقتاستىرىپ جانە باستاپ، الدىڭعىلارى جىعىلسا، سوڭعىلارى ءىزىن باسىپ، ماشاقاتتى كۇرەستەر جۇرگىزىپ، ماركسيزمنىڭ جەتەكشىلىك ورنىندا تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن تاۋىپ، توڭكەرىستىڭ، قۇرىلىستىڭ، رەفورمانىڭ ءارقايسى تاريحي كەزەڭىندەگى قاجىماي - تالماي قۇلشىنۋ ارقىلى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ دامۋ بارىسىنداعى ەڭ ايبىندى تاريحي داستاندى جازدى، جۇڭحۋا ۇلتىنىڭ ۇلى گۇلدەنۋىندە بۇرىن - سوڭدى بولماعان نۇرلى بولاشاق جارىققا شىقتى. تاريح جۇڭگو كوممۋنيستىك پارتياسىنىڭ پارمەندى باسشىلىعىندا، عىلمي نازاريانىڭ جەتەكشىلىگى مەن دۇرىس جولدىڭ جەتەكشىلىگىندە تاباندى بولىپ، سان ميلليونداعان حالىقتىڭ ىنتىماقتاسا كۇرەس جاساۋ قۇدىرەتتى كۇشىن ۇيىستىرعاندا، جۇڭگو حالقىنىڭ جۇڭگونىڭ دامۋ، العا باسۋ تىزگىنىن ءوز قولىندا بەرىك ۇستاي الاتىنىن دالەلدەدى ءارى ۇزدىكسىز دالەلدەي بەرەدى!
ۇلى گۇلدەنۋدى جۇزەگە اسىرۋدىڭ تاريحي ۇردىسىندە ۇرپاقتان - ۇرپاققا جالعاسقان جۇڭحۋا ۇلتىنىڭ العاباسار مۇشەلەرى مەن تاڭداۋلى پەرزەنتتەرى ىزدەنىس جاساپ، كۇرەس جۇرگىزىپ، قۇربان بەرىپ، جاسامپازدىق جاراتىپ، ماڭىزدى تاريحي قۇنعا جانە داۋىرلىك مانگە يە قىرۋار باعالى قۇجات قالدىردى. «گۇلدەنۋ قۇجات قويماسى» اتتى كولەمدى تاريحي قۇجاتتار جيناعىن قۇراستىرۋ، باسپادان شىعارۋ تاياۋ زاماننان بەرگى ماڭىزدى يدەيالىق قۇجاتتاردان تاڭدامالىلاردى سۇرىپتاپ، بۇرىنعىلار ءورىس اشا جاراتقان جاسامپازدىق كلاسسيكتەردى تاڭداپ ەنگىزۋ ارقىلى كەيىنگىلەردى كۇرەسكەرلىككە تاربيەلەۋ ءۇشىن بولىپ تابىلادى.
تاريح − ەڭ جاقسى وقۋلىق، بارلىق ىستە العا ىلگەرىلەگەندە، باسىپ وتكەن جولدى ۇمىتۋىمىزعا بولمايدى؛ قانشا الىس جۇرسەك تە، قانشا شۇعىلالى بولاشاققا جەتسەك تە، وتكەندى ۇمىتۋىمىزعا بولمايدى. قازىر دۇنيە جۇزىندە ءجۇز جىلدان بەرى بولماعان زور وزگەرىس جەدەل قۇبىلۋدا، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ءبىز تاريحتى اينا ەتىپ، وتكەنگە كوز جىبەرىپ، بولاشاقتى بىلۋگە ءتىپتى دە مۇقتاجبىز.
ءبىز پارتيا تاريحىن جاقسى ۇيرەنۋ نەگىزىندە، جۇڭگونىڭ تاياۋ زامان تاريحىن، جۇڭگو تاريحىن جاقسى ۇيرەنىپ، ءبىزدىڭ قايدان كەلگەنىمىزدى، قايدا باراتىنىمىزدى، جۇڭگو كوممۋنيستەرىنىڭ نە ىستەيتىنىن، نە ىستەگەنىن، تاعى نەلەردى ىستەيتىنىن ايقىن ءبىلىپ الۋىمىز، وتكەندە نە ءۇشىن تابىسقا جەتە الماعانىمىزدى، بولاشاقتا قالاي ىستەگەندە ۇزدىكسىز تابىسقا جەتەتىنىمىزدى ايقىن ءبىلىپ الۋىمىز كەرەك. مادەنيەت سەنىمىن بەكەمدەپ، مادەنيەت سانالىلىعىن كۇشەيتىپ، توڭكەرىستىك مادەنيەتكە مۇراگەرلىك ەتىپ، سوتسياليستىك وزىق مادەنيەتتى دامىتىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. تاريحي جاۋھاردى سۇرىپتاپ الىپ، نازاريادا جاڭالىق اشۋدى ىلگەرىلەتىپ، جۇڭگو ءىلىمىن اناعۇرلىم ويداعىداي گۇلدەندىرىپ، جۇڭگو نازارياسىن دامىتىپ، جۇڭگو يدەياسىن تاراتىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋ كەرەك. مۇرات - سەنىمدى بەكەمدەپ، رۋحاني كۇش ۇيىستىرىپ، جاڭا داۋىردە جۇڭگوشا سوتسياليزمدە اناعۇرلىم ويداعىداي تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا داۋىرىمىزدەگى ادامداردىڭ اقىل - پاراساتى بەن كۇش - قۋاتىن ارناپ، وسى بۋىنعا ءتان ناتيجە جانە داڭق جاراتۋىمىز كەرەك
(شينحۋا اگەنتتىگى، 9 - ايدىڭ 26 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
