لي كىچياڭ ەكونوميكانىڭ جالپى جاعدايىن ورنىقتىرۋ بويىنشا 4 – توقسانداعى قىزمەتتى ىلگەرىلەتۋ ءماجىلىسىن باسقارىپ اشقاندا مىنانى دارىپتەدى
ءتۇيىندى قىزمەتتەردى ارقاۋ ەتىپ، ساياساتتاردى تياناقتاندىرۋدى مىقتى يگەرىپ، ەكونوميكانىڭ قالپىنا كەلۋىن، العا باسۋىن جەبەپ، اينالىمنىڭ ۇيلەسىمدى ارالىقتا بولۋىنا كەپىلدىك ەتۋ كەرەك
حان جىڭ ماجىلىسكە قاتىناستى
2022.09.29 16:40 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 28 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 9 - ايدىڭ 28 - كۇنى ءماجىلىستى باسقارىپ اشىپ، ەكونوميكانىڭ جالپى جاعدايىن ورنىقتىرۋ بويىنشا 4 – توقسانداعى قىزمەت جونىندە قايتالاي ورنالاستىرۋ جاساپ، تياناقتاندىرۋدى قايتالاي ىلگەرىلەتتى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ماجىلىسكە قاتىناستى.
دامۋ جانە رەفورما كوميتەتى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، ساۋدا مينيسترلىگى، حالىق بانكەسى جانە مەملەكەتتىك كەڭەستىڭ ەكونوميكانىڭ جالپى جاعدايىن ورنىقتىرۋعا قۋزاۋ - جەتەكشىلىك ەتۋ جانە قىزمەت وتەۋ قىزمەت گرۋپپاسى مالىمەت بەردى. لي كىچياڭ بىلاي دەدى: مەجەدەگىدەن اسىپ كەتكەن فاكتورلاردىڭ سوققىسىنان 2 - توقساننىڭ الدىڭعى مەزگىلىندە ەكونوميكا كورنەكتى تومەندەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار جاق پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، قىرۋار قىزمەت ىستەدى. ءبىز ماكرولىق ساياساتتى اتقارۋ تەبىنىن باتىل ارتتىرىپ، ەكونوميكانى ورنىقتىرۋدىڭ ءبىرقىدىرۋ ساياساتى مەن ۇلاسپالى ساياساتىن دەر كەزىندە شىعاردىق، الدىڭعى بىرنەشە جىلدا زاپاس ساقتالعان ساياساتتىق قۇرالداردى تولىق پايدالاندىق، ساياسات پارمەندى، كولەمى ۇيلەسىمدى بولدى. ارتۋدى ورنىقتىرۋدى اناعۇرلىم كورنەكتى ورىنعا قويىپ، بازار تۇلعالارىنىڭ جۇمىستاندىرۋدى، زات باعاسىن ورنىقتىرۋىنا كۇش سالا كەپىلدىك ەتىپ، ءونىمدى سۇرانىستى كەڭەيتىپ، رەفورما ارقىلى ومىرشەڭدىك كۇشتى تاسقىنداتتىق. جەرگىلىكتى ورىندارعا قۋزاۋ - جەتەكشىلىك ەتۋ جانە قىزمەت وتەۋ قىزمەتىن ورىستەتىپ، ساياسات پەن نىسانداردى تياناقتاندىرۋ بارىسىنداعى قيىنشىلىقتاردى سايكەستىرىپ شەشتىك. قاجىرلىلىقپەن قۇلشىنۋ ارقىلى ەكونوميكانىڭ قۇلدىراۋ جاعدايى وڭالىپ، 3 - توقساندا ەكونوميكا جالپى جاقتان قالپىنا كەلدى.
لي كىچياڭ بىلاي دەدى: ەكونوميكانى ورنىقتىرۋ جۇمىستاندىرۋ مەن حالىق تۇرمىسى جونىنەن توتەنشە ماڭىزدى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرىپ، ەكونوميكانىڭ ورنىعۋ نەگىزىن بەكەمدەپ، ورنىقتى قاداممەن العا باسۋدى جەبەۋ كەرەك. 4 - توقسانداعى ەكونوميكانىڭ تۇتاس جىلداعى سالماعى ەڭ اۋىر، كوپتەگەن ساياسات 4 - توقساندا اناعۇرلىم زور ونىمدىلىككە قول جەتكىزەدى، سەنىمدى كۇشەيتىپ، ۋاقىت تەرەزەسى مەن ۋاقىت ءتۇيىنىن مىقتى يگەرىپ، بازار مەجەسىن ورنىقتىرىپ، ساياسات - شارالاردىڭ جاپپاي تياناقتانۋىن، تولىق ونىمدىلىك كورسەتۋىن ىلگەرىلەتىپ، ەكونوميكالىق اينالىمنىڭ ۇيلەسىمدى ارالىقتا بولۋىنا كەپىلدىك ەتۋ كەرەك.
لي كىچياڭ بىلاي دەدى: ءتۇيىندى قىزمەتتەردى ويداعىداي يگەرۋ كەرەك. سۇرانىستىڭ ءالسىز بولۋ سىندى كورنەكتى قايشىلىقتارعا باعىتتاي وتىرىپ، ۇتىمدى قارجى قوسۋدى امالدىڭ بارىنشا كەڭەيتىپ جانە تۇتىنۋدى جەبەپ، بازار تۇلعالارى مەن قوعامدىق كاپيتالدىڭ بەلسەندىلىگىن جۇمىلدىرىپ، ەكونوميكانى ورنىقتىرۋ جونىندەگى ءبىرقىدىرۋ ساياسات پەن ۇلاسپالى ساياساتتاردى ۇزدىكسىز ويداعىداي اتقارىپ، تاياۋدا شىعارىلعان ەكى ماڭىزدى ساياساتتىق قۇرالدان ويداعىداي پايدالانۋعا ءمان بەرۋ كەرەك. ءبىرىنشى، ساياساتتىق اشۋ سيپاتىنداعى فينانس قۇرالدارىنان ويداعىداي پايدالانىپ، جەرگىلىكتى نىسانداردىڭ قاجەتىنە ساي، نورما بەلگىلەپ، قارجىنى پايدالانۋ جانە نەگىزدىك قۇرىلعىلار نىسانى قۇرىلىسىن جەدەلدەتىپ، 4 - توقساندا اناعۇرلىم كوپ ناقتى قىزمەت مولشەرىن قالىپتاستىرۋ كەرەك. ەكىنشى، ارناۋلى قايتالاي قارىز اقشا بەرۋ، ءوسىمدى قازىنادان كوتەرۋ سياقتى ساياساتتاردان ويداعىداي پايدالانىپ، جاساۋ كاسىبى، قىزمەت وتەۋ كاسىبى، قوعامدىق قىزمەت وتەۋ سياقتى سالالارداعى جابدىقتاردى جاڭالاۋ، قايتا قۇرۋدى جەدەل ىلگەرىلەتىپ، رەال سۇرانىستى ەرتەرەك قالىپتاستىرۋ كەرەك. سونىمەن بىرگە، زاڭ، بەلگىلەمە بويىنشا كەلەر جىلعى ارناۋلى قارىزدىڭ ءبىر ءبولىم شەگىن الدىن الا ءتۇسىرۋ كەرەك. قالا جاعدايىنا قاراي شارا قولدانىپ، ساياساتتىق قۇرال - سايمان ساندىعىنداعى قۇرالداردى قولدانىپ، بۇلجىماس تۇرعىن ءۇي قاجەتىن قولداپ، تۇرعىن ءۇي قاجەتىن جاقسارتىپ، تۇرعىن ۇيگە كەپىلدىك ەتۋ ساياساتىن ويداعىداي اتقارۋ كەرەك. زات اينالىمىن قامتاماسىز ەتۋدى، ىركىلىسسىزدەندىرۋدى ويداعىداي ىستەۋ كەرەك. كومىر، ەلەكتر قۋاتى سياقتى ەنەرگيامەن ورنىقتى قامداۋدى قامتاماسىزداندىرۋ كەرەك. قۋزاۋ - جەتەكشىلىك ەتۋ جانە قىزمەت وتەۋ قىزمەت گرۋپپالارى قاتىستى ولكەلەرمەن «جەلىدە بولۋ» كۇيىن ساقتاپ، قيىنشىلىقتارعا دەر كەزىندە جەتەكشىلىك ەتۋى جانە ونى سايكەستىرىپ شەشۋى كەرەك. ۇتىمدى قارجى قوسۋداعى ماڭىزدى نىسانداردى سايكەستىرۋ مەحانيزمىن ۇزبەي، جوعارى ونىمدىلىكپەن جۇرگىزۋ كەرەك. تاراۋلار بەلگىلەنگەن ءبىرقانشا كەلەلى شارانى سايكەستى كەمەلدەندىرىپ، ناقتى ەرەجە شىعارۋدى مىقتى يگەرۋى ءارى نىسانداردى ۇشتاستىرۋدى ويداعىداي ىستەۋى كەرەك. جەر - جەر ءىس جۇزىندىك جاعدايمەن ۇشتاستىرىپ، ساياساتتى تياناقتاندىرۋ جانە سايكەستىرۋ تەبىنىن ارتتىرىپ، نىسان قۇرىلىسى ينجەنەرياسىنىڭ ساپاسىنا كەپىلدىك ەتۋى كەرەك. ەكونوميكاداعى ءىرى ولكەلەر ەكونوميكانى ورنىقتىرۋداعى تىرەكتىك رولىن ساۋلەلەندىرۋى كەرەك.
لي كىچياڭ بىلاي دەدى: قازىر قيىنشىلىعى بار بۇقارا كوبەيۋدە، حالىق تۇرمىسىنا تىڭعىلىقتى كەپىلدىك ەتىپ، ەڭ تومەنگى شەكتەن تۇسىرمەي سۇيەمەلدەۋ كەرەك. 4 - توقساندا ەڭ تومەنگى تۇرمىستى قامتاماسىز ەتۋدىڭ قامتۋ كولەمى كەزەڭدىك كەڭەيتىلىپ، ەڭ تومەنگى تۇرمىستى قامتاماسىز ەتۋ جيەگىندەگى وتباسىلار ەڭ تومەنگى تۇرمىستى قامتاماسىز ەتۋ قوسىمشا قاراجاتىنا ەنگىزىلەدى، جەر - جەر تىڭعىلىقتى، ءادىل بولۋ، قامتاماسىز ەتۋگە تيىستىلەرىن مۇمكىندىگىنشە قامتاماسىزداندىرۋ، ورتالىق قازىنا جەرگىلىكتى ورىننىڭ جاڭادان ارتقان شىعىسىنا %70 قوسىمشا قاراجات بەرۋ كەرەك. جۇمىسسىزدىقتى قامتاماسىزداندىرۋ، كومەك بەرۋ كولەمىن كەڭەيتۋ ساياساتى تياناقتاندىرىلىپ جانە كەمەلدەندىرىلىپ، اۋىلىنا قايتقان شارۋا جۇمىسكەرلەردىڭ دە كومەك قاراجات الۋىنا نەمەسە سۇيەمەلدەۋ قاراجاتىن الۋىنا مۇمكىندىك جاسالادى. تىزىمگە الىنعان، جۇمىسسىز قالعانىنا جارىم جىلدان اسقان ادامدار ءبىر رەتتىك جۇمىستانۋعا بەرىلەتىن قوسىمشا قاراجات كولەمىنە ەنگىزىلەدى. ءوندىرىس حاۋىپسىزدىگىن كۇشەيتۋ كەرەك. ءبىر جاعادان باس، ءبىر جەڭنەن قول شىعارىپ، ەكونوميكا مەن قوعامنىڭ باياندى، اقاۋسىز دامۋىن جەبەۋ كەرەك.
سۇن چۇنلان، حۋ چۇنحۋا، ليۋ حى، ۋاڭ يۇڭ، شياۋ جيە، جاۋ كىجى قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
