شي جينپيڭ مەن ارگەنتينانىڭ زۇڭتۇڭى فەرناندەس جۇڭگو مەن ارگەنتينانىڭ گۋمانيتارلىق اۋىس - كۇيىس جوعارى دەڭگەيلى تالقى مىنبەرىنە جەكە - جەكە قۇتتىقتاۋ حاتىن جولدادى
2022.09.29 16:36 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 28 - كۇنى، بەيجيڭ. 9 - ايدىڭ 28 - كۇنى مەملەكەت ءتوراعاسى شي جينپيڭ مەن ارگەنتينانىڭ زۇڭتۇڭى فەرناندەس جۇڭگو مەن ارگەنتينانىڭ گۋمانيتارلىق اۋىس - كۇيىس جوعارى دەڭگەيلى تالقى مىنبەرىنە جەكە - جەكە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جۇڭگو مەن ارگەنتينا − ابزال دوستار، سەنىمدى سەرىكتەر. بيىل − جۇڭگو مەن ارگەنتينانىڭ ديپلوماتيالىق قارىم - قاتىناس ورناتقانىنىڭ 50 جىلدىعى، سونداي - اق جۇڭگو مەن ارگەنتينانىڭ دوستىق سەلبەستىك جىلى. جارتى عاسىردان بەرى ەكى ەل قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتاسا سەلبەسۋىنىڭ، بىرگە دامۋىنىڭ ۇلگىسىنە اينالدى. جۇڭگو - ارگەنتينا قاتىناسىنىڭ جاپپاي، جەدەل دامۋى − جۇڭگو - لاتىن امەريكاسى قاتىناسىنىڭ قارىشتاپ دامۋىنىڭ ىقشام كورىنىسى. تالقى مىنبەرىنە قاتىناسقان سيلى قوناقتاردىڭ كوپتىڭ اقىل - پاراساتىن شوعىرلاندىرىپ، ورتاق تانىمدى ۇيىستىرىپ، جۇڭگو مەن ارگەنتينانىڭ جالپى بەتتىك ستراتەگيالىق سەرىكتەستىك قاتىناسىندا تىڭ داستان جازۋعا دەم بەرىپ، جاڭا داۋىردەگى جۇڭگو - لاتىن امەريكاسى تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋىن ءۇمىت ەتەمىن.
فەرناندەس قۇتتىقتاۋ حاتىندا مىنانى ءبىلدىردى: ارگەنتينا مەن جۇڭگو جارتى عاسىردى قول ۇستاسا باسىپ ءوتتى، ەكى جاقتىڭ اناعۇرلىم جوعارى دامۋ دەڭگەيىندەگى تاعدىرلاس ورتاق تۇلعانى قارسى الاتىنىنا كامىل سەنەمىن. ەكى ەل مەديالارىنىڭ ءونىمدى سەلبەستىگى ەكى ەل حالىقتارىنىڭ ءوزارا ءتۇسىنىسۋىن جەبەدى. ەكى جاقتىڭ سەلبەستىكتى تەرەڭدەتىپ، ارگەنتينا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا كەرپىش بولىپ قالانىپ، ەكى ەل حالىقتارىنىڭ قۇت - ىرىسى مەن دۇنيە ءجۇزىنىڭ بەيبىت دامۋىنا اناعۇرلىم زور ۇلەس قوسۋىن ءۇمىت ەتەمىن.
جۇڭگو مەن ارگەنتينانىڭ گۋمانيتارلىق اۋىس - كۇيىس جوعارى دەڭگەيلى تالقى مىنبەرى سول كۇنى بەيجيڭدە وتكىزىلدى، نەگىزگى تاقىرىبى «مەديالاردىڭ اۋىس - كۇيىسىن تەرەڭدەتىپ، حالىقتى باقىتقا كەنەلتۋ» بولدى، جۇڭگو ورتالىق راديو - تەلەۆيزيا باس ستانسياسى مەن ارگەنتينا الەۋمەتتىك مەديا مەملەكەت ىستەرى حاتشىسى كەڭسەسى بىرلەسىپ وتكىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
