پارتيا 20 - قۇرىلتايى ۋاكىلدەرىنىڭ كەلبەتى | ما لي: بۇقارانىڭ ءىسىن باستان – اياق كوڭىلدە ساقتايمىز
2022.10.08 16:39 كەلۋ قاينارى : حالىق تورابى
ما ليدىڭ قىزمەت ۇستىندەگى سۋرەتى. سۋرەتتى ءوزى بەرگەن
9 - ايدىڭ 15 – كۇنى ساعات 5 تەن 30 مينۋت وتكەن شاق، تاڭ ءالى اتپاعان، شينجياڭ ءوندىرىس – قۇرىلىس بيڭتۋانى 12 – ديۆيزياسى شيشان اۋىل شارۋاشىلىعى جانە مال شارۋاشىلىعى انكاڭ الەۋمەتتىك اۋماعىندا، پارتيا باس ياچەيكاسىنىڭ شۋجيى ما لي جەل وتپەيتىن قورعانۋ كيىمىمەن قىمتانىپ، حىسۋان تەكسەرۋ قىزمەتىن جىنتىكتەي ورنالاستىردى.
«تۇرعىندارعا حاۋىپسىز ارالىق ساقتاۋدى، بوساڭسىماۋدى قايتا – قايتا ەسكەرتۋ كەرەك»، — دەيدى ول. كەي ىستەر قايتالاي كوپ رەت ەسكەرتىلگەن بولسا دا، ءار جولى حىسۋان تەكسەرگەن كەزدە، ول كوپشىلىككە تاعى دا بايىپتىلىقپەن ەسكەرتەدى.
2018 - جىلى، ما لي انكاڭ رايونىنا كەلىپ، تۇرعىندار كوميتەتىنىڭ ورىنباسار مەڭگەرۋشىسى بولادى، ونىڭ جانە الەۋمەتتىك اۋماقتاعى كادرلاردىڭ تىندىرىمدى قىزمەت ستيلى الەۋمەتتىك اۋماقتاعى تۇرعىنداردىڭ القاۋىنا بولەندى. 2020 – جىلى 11 – ايدا، ما لي پارتيا ياچەيكاسىنىڭ شۋجيى بولىپ سايلاندى.
ما ليدىڭ اتى اتالعاندا، انكاڭ الەۋمەتتىك اۋماعىنداعى كوپتەگەن تۇرعىندار باس بارماقتارىن كورسەتىپ: «ول بۇقارا ءۇشىن كوپتەگەن جاقسى ىستەردى ىستەدى»، — دەيدى. انكاڭ الەۋمەتتىك اۋماعىندا قىزمەت ىستەگەن 4 جىلدان استام ۋاقىتتان بەرى، ما لي وتباسىلارعا بارىپ، ءبىر – بىرلەپ تەكسەرۋ جۇرگىزىپ، قايشىلىقتاردى شەشىپ، داۋ - شارلارعا قاتىستى جاقتاردى راقايلاستىرىپ، 2462 تۇرعىننىڭ كەلەلى شارۋالارى مەن كىشى – گىرىم ىستەرىن تۇگەلدەي كوكەيىندە ساقتادى.
انكاڭ الەۋمەتتىك اۋماعىنا كەلىپ قىزمەت ىستەۋدەن بۇرىن، ما لي شيشان اۋىل شارۋاشىلىعى، مال شارۋاشىلىعى اترەتىندە قىزمەت ىستەگەن، باستىسى ايەلدەر مەن بالالاردىڭ ۇقىق – مۇددەسىنە كەپىلدىك ەتۋ قىزمەتىمەن شۇعىلدانعان. وسى سەبەپتەن، ما لي وتباسىلارعا بارعان كەزدە، قاراستىلىعىنداعى رايونداعى ايەلدەر مەن بالالاردىڭ تۇرمىس جاعدايىنا جانە ءىس جۇزىندىك قيىنشىلىعىنا اناعۇرلىم كوڭىل بولەدى.
ما ليدى تىلگە العاندا، اسقان ايجان ەسىمدى تۇرعىن العىسقا تولى سوزبەن: «بيىل ۇلىم 3 – جىلدىقتا وقيدى، ونىڭ مەكتەپكە ءساتتى تۇسۋىنە ما لي شۋجيدىڭ كوپ كومەگى ءتيدى»، — دەيدى.
اسقاننىڭ ۇلىنىڭ ەستۋ قۋاتىندا كىلتيپان بار بولاتىن، وتباسىندا ەكونوميكالىق قيىنشىلىق بار بولعاندىقتان، ۇيلەسىمدى تىڭداتقى جابدىعىن الۋعا جاعداي جار بەرمەي كەلگەن. 2019 – جىلى 8 – ايدا، ما لي اسقان مەن ونىڭ ۇلىن ەرتىپ، شىجىعان ىستىققا قاراماي، كوپ رەت مۇگەدەكتەر بىرلەستىگى، ەمحانا قاتارلى جەرلەرگە بارىپ، تەكسەرتۋ ، تاعىپ كورۋ، سىناپ كورۋ ارقىلى سوڭىندا اسقاننىڭ ۇلىنىڭ وزىنە ۇيلەسەتىن جاساندى تىڭداتقىنى تەگىن تاعۋىنا وراي جاراتتى. بالا تۇڭعىش رەت داۋىستى ەستىپ، اسەرلەنگەنىنەن: «ا، ا» دەپ داۋىستاعان كەزدە، جانىندا تۇرعان ما لي كوزىنىڭ جاسىن تيا المادى.
بۇل بالانىڭ باسقا بالالار سياقتى وقي الۋىنا وراي جاراتۋ ءۇشىن، ما لي سول ماڭايداعى مەكتەپتەرمەن جانە قاتىستى تاراۋلارمەن قايتا – قايتا حابارلاستى. «ول قالىپتى بالالار سياقتى مەكتەپكە بارىپ، ءبىلىم الىپ، وقۋ وقىسا عانا بولاشاقتا اناعۇرلىم ويداعىداي شىعار جول تابا الادى»، — دەيدى ول. بۇل بالانىڭ وقۋعا قابىلداناتىن بولعانىن ەستىگەن كەزدە، ما ليدىڭ كوڭىلى ورنىعادى.
ما لي ءوزىنىڭ قىزمەت بارىسىنداعى اسەرىمەن ۇشتاستىرا وتىرىپ: «ايەلدەر مەن بالالار، قارتتار سىندى توپتار اناعۇرلىم كوپ كوڭىل ءبولۋدى قاجەت ەتەدى»، — دەيدى، مىسالى، ايەلدەردىڭ كاسىپتەنۋى قيىنعا سوعادى، كەيبىر بالالار اتا – اناسىنىڭ اجىراسۋى سەبەپتى سەرىك بولاتىن ادامعا ءزارۋ بولادى ت.ب.
جيا يۋەشياڭ ەسىمدى تۇرعىن ەكى بالانى باعىپ – قاعۋدى جالعىز ءوزى ارقالاعان انا، تۇرمىستىق كۇيى ناشار ەدى. ما لي وسى جاعدايدى بىلگەن سوڭ، ىرىقتىلىقپەن وعان كومەكتەسۋدى ءوتىنىش ەتكەن، مەرەكە سايىن وعان حال سۇراۋ بۇيىمدارىن جەتكىزىپ بەرەدى. جالعىز ءوزى تۇراتىن حى جىيۇن ەسىمدى قارت بيىل 67 جاستا، زەردەلى قولفوندى پايدالانا المايدى، وسى جولى ىندەت مەزگىلىندە، ما لي وعان قاتتى كوڭىل ءبولدى، كۇن سايىن قولىنداعى جۇمىستاردى ىستەپ بولا سالىسىمەن قارتتىڭ ۇيىنە بارىپ، كوكونىستەر مەن جەمىستەردى جەپ بولعان – بولماعانىن، ۇدايى پايدالاناتىن دارىلەرىنىڭ جەتەتىن – جەتپەيتىنىن تەكسەرىپ كورەدى. حى جىيۇن شىنايى تەبىرەنگەن كوڭىل – كۇيمەن: «ما لي مەنىڭ ءوز قىزىم سياقتى»، — دەيدى.
2021 – جىلى ما لي «مەملەكەتتىك ايەلدەر مەن بالالاردىڭ ۇقىق – مۇددەسىن قورعاۋداعى وزات جەكە» دەگەن اتقا يە بولدى. ول مۇنداي داڭققا كوپشىلىكتىڭ كومەكتەسۋى مەن قولداۋى ارقاسىندا جەتكەنىن، داڭقتىڭ ۋاقىتتىق، كۇرەستىڭ ماڭگىلىك ەكەنىن ايتىپ، اعىنان اقتارىلدى.
4 جىل ۋاقىت ىشىندە، ما لي قارتتارعا قامقورلىق جاساۋ كۋالىگىن ءبىتىرىپ بەرۋ، مۇگەدەك تۇرعىنداردىڭ كاسىپتەنۋىنە كومەكتەسۋ، جالعىز تۇراتىن قارتتارعا، مۇگەدەك بالالارعا كوڭىل ءبولۋ جانە ولاردى ايالاۋ، ايەلدەردى كاسىپ كوزىن اشۋعا شابىتتاندىرۋ جانە ولارعا قولداۋ كورسەتۋدەي ىستەردى تىندىرىمدى ىستەي ءجۇرىپ، قاتىستى زاڭ – تۇزىمدەر مەن ساياساتتىق بىلىمدەردى بەلسەندى ۇيرەنىپ، الەۋمەتتىك اۋماقتاعى قىزمەت وتەۋ ادىسىندە جاڭالىق جاراتىپ، جۇمىسشى – قىزمەتكەر مەن بۇقارانىڭ تىلەكتەرىن جەتكىزەتىن ارنالاردى ىركىلىسسىزدەندىرىپ، قيىنشىلىعى بارلارعا كومەكتەسۋ مەحانيزمىن كەمەلدەندىرىپ، بۇقارانىڭ تىلەگىن دەر كەزىندە شەشىم ەتىپ، ءتۇرلى قايشىلىقتار مەن داۋ – شارلاردان 135 داۋ – شارعا قاتىستى ادامداردى راقايلاستىرىپ، قيىنشىلىعى بار بۇقارادان 56 وتباسىنا كومەكتەستى. انكاڭ الەۋمەتتىك اۋماعىنىڭ كادرى پان شۇييىڭ شىن جۇرەكتەن سۇيىنگەن بەينەدە: «ما لي شۋجي شىنايى ءىس تىندىراتىن ادام، ول تۇرعىنداردىڭ جۇمىسىن كوڭىلىندە ساقتاپ، ءبىر – بىرلەپ مۇقيات شەشتى، ول ءبىزدىڭ ۇيرەنۋ ۇلگىمىز»، — دەيدى.
بيىل 6 – ايدا، ءوزىنىڭ پارتيا 20 – قۇرىلتايىنىڭ ۋاكىلى بولىپ سايلانعانىن بىلگەن سوڭ، ما لي مىندەتىنىڭ اناعۇرلىم اۋىرلاعانىن سەزىندى. ما لي: «بۇل ءبىر جاعىنان داڭق، ونان دا ماڭىزدىسى، بۇل شابىتتاندىرۋ، مەن مىندەتتىك جاۋاپكەرشىلىگىمدى، ءسوزسىز، مۇقيات اتقارۋىم، پارتيا 20 – قۇرىلتايىنىڭ رۋحىن ويداعىداي ۇيرەنىپ، ويداعىداي يگەرىپ، ويداعىداي دايەكتىلەندىرۋىم، نەگىزگى ساتىداعىلارمەن بايلانىس جاساۋداعى كوپىرلىك رولىمدى كۇش سالا ساۋلەلەندىرۋىم، بۇقارانىڭ سەنىم ارتاتىن ادامى بولۋىم كەرەك»، — دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
