ۇلانمۇچىر پارتيانىڭ ءۇنى مەن قامقورلىعىن جەتكىزدى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى چىن فەييۇي، ۋ يۇڭ
2022.10.08 16:44 كەلۋ قاينارى : حالىق تورابى
ىشكى موڭعۇل اۆتونوميالى رايونى تۋچۋان اۋدانى تۋچۋان قالاشىعىنىڭ ورتالىق الاڭىندا «كوڭىلىمىزدەگى ماداقتى پارتياعا ارنايمىز» دەگەن انگە ناق مايدانداعى كورەرمەندەر قىزۋ قول سوقتى. ىلە – شالا «شاعىن قىستاقتاعى ۇلى ماحاببات»، «ەرتەڭىمىز ءتىپتى دە باقىتتى» دەگەن نومىرلەر ورىندالىپ، كورەرمەندەر شاتتىققا شومدى.
«تاماشا ورىندادى، تاعى دا قويىڭىزدار!» ءاربىر ءنومىر اياقتالعاندا، مالشى جاۋ جينپيڭ قول سوعىپ العىس ءبىلدىردى، ول: «پارتيانىڭ ساياساتى جاقسى، قازىر تۇرمىسىمىز جاقساردى، مىنە، قازىر كونسەرت كورىپ رۋحاني جاقتان جەلپىنىپ وتىرمىز!» دەدى.
بۇل — تۋچۋان اۋدانىنداعى ۇلانمۇچىر اترەتىنىڭ نەگىزگى ساتىدا ويىن قويۋ قيمىلىنىڭ ءبىر قيىعى. وسى جىلدىڭ باسىندا ىشكى موڭعۇلدىڭ جەر – جەرىندەگى ۇلانمۇچىر اترەتتەرى دەن قويا ازىرلىك جاساپ، «پارتيانىڭ 20 – قۇرىلتايىن شات مەرەيمەن قارسى الامىز» دەگەندى نەگىزگى تاقىرىپ ەتىپ، مازمۇنى تاڭداۋلى، نەگىزگى ساتىعا ەتەنە ءبىر توپ مادەنيەت – كوركەمونەر ءنومىرىن ازىرلەدى.
«ءبىز ‹ۇلانمۇچىر +› تاسىلىمەن اۆتونوميالى رايون، ايماق – قالا، اۋدان 3 دارەجەلى ‹شاتتىق سيلاۋ، مادەنيەت جەتكىزۋ› نەگىزگى ساتىعا قىزمەت وتەۋ شاعىن اترەتتەرىن ۇيىمداستىردىق، ءاربىر شاعىن اترەتتىڭ قىزمەت وتەۋى كەم دەگەندە 10 قىستاقتى (الەۋمەتتىك اۋماق) شارپۋى، ءاربىر تۇيىندەگى ويىن قويۋ ۋاقىتى ءبىر كۇننەن كەم بولماۋى كەرەك». ىشكى موڭعۇل اۆتونوميالى رايوندىق پارتكوم ۇگىت بولىمىندەگى قاتىستى جاۋاپتى قىزمەتكەر تانىستىرىپ بىلاي دەدى: ادەبيەت – كوركەمونەر كونسەرتىنەن تىس، نازاريالىق ۇگىت – لەكسيا جاساۋ، كينو قويۋ، زاڭنان كەڭەس بەرۋ سياقتى قيمىلداردى ورىستەتىپ، شارۋالاردى قولدانىلمالى، جالپىلىق ەرىكتى قىزمەت وتەۋمەن قامدايمىز.
قازىرگە دەيىن ىشكى موڭعۇلدىڭ جەر – جەرىندە 75 ۇلانمۇچىر اترەتى قىزمەتتى دابىرالى ورىستەتۋدە، مۇشەلەرى كوبەيىپ 3 مىڭ 500 دەن استى، قىزمەت سيپاتى باستاپتاعى «ۇگىتتەۋ، كونسەرت قويۋ، جەتەكشىلىك ەتۋ، قىزمەت وتەۋدەن» «جاسامپازدىق جاراتۋ، كونسەرت قويۋ، ۇگىت جۇرگىزۋ، جەتەكشىلىك ەتۋ، قىزمەت وتەۋ، مۇراگەرلىك ەتۋ، جاڭالىق جاراتۋ جانە سىرتپەن مادەنيەت اۋىس – كۇيىسىن جاساۋعا» كەڭەيىپ، اۋىل – قىستاققا، مال شارۋاشىلىق رايوندارىنا تامىر تارتقان وزگەشە مادەنيەت – كوركەمونەر ۇيىرمەلەرىنە جانە ىشكى موڭعۇلدىڭ ۋاكىلدىك ۇلتتىق مادەنيەت بوگەنايىنا اينالدى. مۇنىڭ ىشىندە 90 – جىلداردىڭ تۇلەكتەرى %38.7 تى ۇستايدى، داشۋەدەن جوعارى ماعلۇماتى بارلار %64.2 كە جەتتى.
جاس كۇشتەردىڭ قوسىلۋى ۇلانمۇچىر اترەتىنىڭ ۇگىت فورماسىندا جاڭالىق جاراتۋىن تەزدەتتى. جۋىردا شينبارحۋ سول حوشۇنى ۇلانمۇچىر اترەتى جەلىدەگى تىكە تاراتۋ ارناۋلى كونسەرت قيمىلىن وتكىزدى، ۇزىن ىرعاقتى حالىق اندەرى، جەكە ءبي، ات باس قوبىزدى توپتى ادام شەرتۋ، بايىرعى كۇي ساندىق سياقتى نومىرلەر تارتىمدى ورىندالىپ، كورەرمەندەردى وتە تەز باۋرادى. تىكە تاراتۋ اياقتالعان سوڭ ورىندالعان تارتىمدى كونسەرتتەردىڭ ۇزىكتەرى ينتەرنەتتە كەڭ كولەمدە جوتكەپ تاراتىلدى ءارى قۇپتاۋشىلارى دا مول بولدى.
بيىل جىل باسىنان بەرى ىشكى موڭعۇلدىڭ جەر – جەرىندەگى ۇلانمۇچىر اترەتتەرى ءار تۇردەگى جاڭا مەديا تۇعىرلارىنا سۇيەنىپ، ءار تۇردەگى ادەبيەت – كوركەمونەر كونسەرت قيمىلدارىن تاباندىلىقپەن ورىستەتىپ، نەگىزگى ساتىداعى شارۋالاردى مادەنيەت قىزمەت وتەۋىمەن قامدادى. اترەت مۇشەلەرى نە بولماسا توپتىق سەلبەسىپ، نە بولماسا ءوز ونەرلەرىن جەكە – دارا ايگىلەپ، سوتكە بويى ءۇزىلىسسىز قىزمەت وتەيتىن «سيفرلى ۇلانمۇچىر» اترەتىن سومداپ شىعىپ، سول جەرلەردەگى بۇقارانىڭ رۋحاني مادەنيەت تۇرمىسىن بايىتۋدا.
«جوسپار بويىنشا، بيىل تۇتاس جىلدا اۆتونوميالى رايونىمىزداعى ۇلانمۇچىر اترەتتەرى نەگىزگى ساتىلارعا ءتۇسىپ 8 مىڭ مايداننان استام كونسەرت قويادى، ءاربىر ۇلانمۇچىر اترەتىنىڭ اۋىلعا ءتۇسىپ كونسەرت قويۋ مولشەرى از دەگەندە 100 رەت بولادى» دەدى ىشكى موڭعۇل اۆتونوميالى رايوندىق مادەنيەت جانە ساياحات مەڭگەرمەسى كوركەمونەر باسقارماسىنىڭ (ۇلانمۇچىر باسقارماسى) باستىعى سىچيندالا.
سونيت وڭ حوشۇنى ۇلانمۇچىر اترەتىنىڭ باستىعى جانا مىنانى ءبىلدىردى: «باس شۋجي ءبىزدى ماڭگى ساحارانىڭ ‹قىزىل ءتۇستى ادەبيەت – كوركەمونەر جەڭىل اتتى اسكەرلەرى› بولۋعا شابىتتاندىردى، ءبىز ءومىردىڭ قۇنارلى القابىنا تامىر تارتىپ، مالشى بۇقاراسىنا قىزمەت وتەپ، ادەبيەت – كوركەمونەردە جاڭالىق جاراتۋدى ىلگەرىلەتىپ، بۇقارامەن جاناساتىن، بۇقارانىڭ القاۋىنا بولەنەتىن ءتىپتى دە كوپ تاڭداۋلى شىعارمالاردى قۇلشىنا جاراتىپ، پارتيانىڭ ءۇنى مەن قامقورلىعىن جەتكىزەمىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
