مەملەكەت بويىنشا اۋدان، اۋىل 2 دارەجەلى حالىق قۇرىلتايلارىنىڭ كەزەك اۋىستىرىپ سايلاۋ قىزمەتى جاپپاي اياقتالدى
2022.10.10 16:41 كەلۋ قاينارى : حالىق تورابى
«حالىق گازەتى»، 10 - ايدىڭ 9 - كۇنى، بەيجيڭ (ءتىلشى ۋاڭ بيشۋە). نەگىزگى زاڭ مەن زاڭدارداعى بەلگىلەمەلەرگە ساي، بۇكىل ەلدەگى اۋدان، اۋىل 2 دارەجەلى حالىق قۇرىلتايلارىنىڭ كەزەك اۋىستىرۋ سايلاۋى 2021 - جىلدىڭ العاشقى جارتىسىنان باستاپ ىركەس - تىركەس ورىستەتىلىپ، بيىل 6 - ايدىڭ سوڭىندا جاپپاي اياقتالدى. 31 ولكە، اۆتونوميالى رايون، توتە قاراستى قالا 2 ميلليون 629 مىڭ 447 اۋدان، اۋىل 2 دارەجەلى حالىق قۇرىلتايىنىڭ ۋاكىلىن تىكەلەي سايلاپ شىقتى، بۇل الدىڭعى كەزەكتەگىدەن 151 مىڭ 459 ادام كوبەيىپ، %6.11 ارتتى. وسى رەتكى بۇكىل ەل بويىنشا اۋدان، اۋىل 2 دارەجەلى حالىق قۇرىلتايلارىنىڭ كەزەك اۋىستىرۋ سايلاۋى زاڭ بويىنشا، حاۋىپسىز، ورنىقتى، ءتارتىپتى جۇرگىزىلدى، قالىڭ سايلاۋشىلاردىڭ ىنتاسى تاسقىنداپ، سايلاۋ ورتاسىنىڭ ستيلى پاك، سالتى دۇرىس بولدى، سايلاۋ ناتيجەسىنە حالىق رازى بولىپ، جۇڭگوشا سوتسياليستىك دەموكراتيالىق ساياسيدىڭ ەرەكشەلىگى مەن ابزالدىعىن ايگىلەدى.
پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ «نەگىزگى ساتى حالىق قۇرىلتايى ۋاكىلدەرىنىڭ سانىن لايىقتى ارتتىرۋ» تالابى دايەكتىلەندىرىلىپ، تياناقتاندىرىلىپ، مەملەكەتتىك حالىق قۇرىلتايى تۇراقتى كوميتەتى سايلاۋ زاڭىنا وزگەرىس ەنگىزىلىپ، اۋدان دارەجەلى حالىق قۇرىلتايى ۋاكىلدەرىنىڭ نەگىزدىك سانى 120 ادامنان 140 ادامعا، اۋىل - قالاشىق حالىق قۇرىلتايى ۋاكىلدەرىنىڭ نەگىزدىك سانى 40 ادامنان 45 ادامعا كوبەيتىلدى. وزگەرىس ەنگىزىلگەننەن كەيىنگى سايلاۋ زاڭىنا ساي، ءارقايسى ولكە دارەجەلى، اۋدان دارەجەلى حالىق قۇرىلتايلارىنىڭ تۇراقتى كوميتەتتەرى اۋدان، اۋىل 2 دارەجەلى حالىق قۇرىلتايى ۋاكىلدەرىنىڭ سانىن جەكە - جەكە قايتادان بەلگىلەدى. جەر - جەر جاڭادان قوسىلعان ۋاكىلدەر سانىن بولگەن كەزدە، نەگىزگى ساتىداعى بۇقارا، الەۋمەتتىك اۋماق قىزمەتكەرلەرى قاتارلىلارعا بەيىمدەلۋگە باسا ءمان بەردى، مۇنىڭ ىشىندە اۋدان دارەجەلى حالىق قۇرىلتايى ۋاكىلدەرى سانىنىڭ ماڭىزدى ءتۇيىنى اۋىل - قالاشىقتان ءمالى باسقارماسىنا بەيىمدەلىپ، اۋىل - قالاشىقتى ءمالى باسقارماسىنا وزگەرتكەننەن كەيىنگى نەگىزگى ساتىداعى بۇقارانىڭ ساياسي قاتىناسۋى جەتەرسىز بولۋ ماسەلەسى باعىتتامالى تۇردە شەشىلدى.
وسى رەتكى اۋداندىق، اۋىلدىق حالىق قۇرىلتايلارىنىڭ كەزەك اۋىستىرۋ سايلاۋى ءبىر ميلليارد 64 ميلليون سايلاۋشىعا سايدى، بۇل − جالپى بارىستىق حالىق دەموكراتياسىنىڭ ەڭ جاندى امالياتى. اۋدان دارەجەلى حالىق قۇرىلتايى ۋاكىلدەرىن سايلاۋعا داۋىس بەرگەن سايلاۋشىلار 921 ميلليون ادام بولىپ، تىزىمدەلگەن سايلاۋشىلاردىڭ %86.49 ىن ۇستادى؛ اۋىل دارەجەلى حالىق قۇرىلتايى ۋاكىلدەرىن سايلاۋعا داۋىس بەرگەن سايلاۋشىلار 623 ميلليون ادام بولىپ، تىزىمدەلگەن سايلاۋشىلاردىڭ %85.63 ىن ۇستادى. اۋدان، اۋىل 2 دارەجەلى سايلاۋدا ءبىر جولدا ءساتتى بولعان سايلاۋ رايوندارى سايلاۋ رايونى جالپى سانىنىڭ %99.80 ىن جانە %99.97 ىن ۇستادى.
وسى رەتكى كەزەك اۋىستىرۋ سايلاۋىندا اۋدان دارەجەلى حالىق قۇرىلتايىنا جيىنى 670 مىڭ 563 ۋاكىل، اۋىل دارەجەلى حالىق قۇرىلتايىنا ءبىر ميلليون 958 مىڭ 884 ۋاكىل سايلانىپ، ۋاكىلدەر قۇرىلىمى اناعۇرلىم ساپالىلانىپ، العاباسارلىق، كەڭ كولەمدىلىك جانە ۋاكىلدىك سيپاتى تولىق ايگىلەندى. اۋدان، اۋىل دارەجەلى حالىق قۇرىلتايلارىنا سايلانعان ۋاكىلدەردىڭ ىشىندە ءبىرىنشى شەپتەگى جۇمىسشى، شارۋا، كاسىپتىك تەحنيكالىق قىزمەتكەرلەر قاتارلى نەگىزگى ساتى ۋاكىلدەرىنىڭ سالىستىرماسى جەكە – جەكە %52.53 جانە %76.75 بولىپ، الدىڭعى كەزەكتەگىدەن جەكە – جەكە 1.47 پايىز جانە 0.21 پايىز جوعارىلاعان؛ ايەل ۋاكىلدەردىڭ سالىستىرماسى جەكە – جەكە %31.64 جانە %32.36 بولىپ، الدىڭعى كەزەكتەگىدەن جەكە - جەكە 3.23 پايىز جانە 4.34 پايىز جوعارىلاعان؛ از ۇلت ۋاكىلدەرىنىڭ سالىستىرماسى جەكە-جەكە %15.42 جانە %17.18 بولعان؛ وتانعا ورالعان مۇھاجىرلار ۋاكىلدەرىنە زاڭداعى بەلگىلەمە بويىنشا كەپىلدىك ەتىلدى.
جەر - جەر اۋدان، اۋىل 2 دارەجەلى حالىق قۇرىلتايىنىڭ ۋاكىلدەرىن زاڭ بويىنشا سايلاعاننان كەيىن، جاڭا كەزەكتى حالىق قۇرىلتايىنىڭ ءبىرىنشى ءماجىلىسىن دەر كەزىندە اشىپ، اۋدان، اۋىل 2 دارەجەلى مەملەكەت ورگاندارىنىڭ باسشىلارىن سايلاپ، نەگىزگى ساتى مەملەكەت اكىمياتى قۇرىلىسىن كۇشەيتۋدى، حالىقتىڭ وزىنە - ءوزى قوجا بولۋىنا كەپىلدىك ەتۋدى، پارتيانىڭ ۇزاق ۋاقىت بيلىك جۇرگىزۋ نەگىزىن بەكەمدەۋدى بەرىك ۇيىمدىق كەپىلمەن قامدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
