قوناق ۇيلەردىڭ ازامات جاسىنا تولماعانداردى قابىلداۋىنا قاتىستى «بەس شارت» سىندى بەلگىلەمە ناتيجەلى بولدى
2022.10.09 15:53 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيۇڭ فىڭ 10 – ايدىڭ 7 – كۇنى بەيجيڭنەن حابارلايدى. ءتىلشىنىڭ 10 – ايدىڭ 7 – كۇنى قوعام حاۋىپسىزدىگى مينيسترلىگىنەن ۇعىسۋىنشا، جىل باسىنان بەرى، قوعام حاۋىپسىزدىگى مينيسترلىگى قوناق ۇيلەردىڭ ازامات جاسىنا تولماعانداردى قابىلداۋىنا قاتىستى «بەس شارت» سىندى بەلگىلەمەنى تياناقتاندىرۋدى كۇش سالا ىلگەرىلەتۋ جونىندە ورنالاستىرۋ جاساعان. بيىل 7 – ايدان بەرى، جەر – جەردەگى اماندىق قورعاۋ تاراۋلارى ءبىر ميلليون 846 مىڭ قوناق ۇيگە (رەت) تەكسەرۋ جۇرگىزىپ، قوناق ۇيدە تۋىلۋى ىقتيمال بولعان ازامات جاسىنا تولماعاندارعا قاتىستى دەلولار مەن وقيعالاردان 849 دەلو – وقيعانىڭ الدىن الدى.
بىلتىر 6 – ايدىڭ 1 – كۇنى، قوعام حاۋىپسىزدىگى مينيسترلىگى جاڭادان وزگەرىس ەنگىزىلگەن ازامات جاسىنا تولماعانداردى قورعاۋ زاڭى قاتارلى زاڭ – تۇزىمدەرگە نەگىزدەلە وتىرىپ، قوناق ۇيلەردىڭ تيجاراتشىلارىنا ازامات جاسىنا تولماعانداردى قوناق ۇيگە قابىلداۋعا قاتىستى «بەس شارتتى» ورتاعا قويعان، اتاپ ايتقاندا: قوناق ۇيگە جاتقان ازامات جاسىنا تولماعانداردىڭ سالاۋاتىن، ءسوزسىز، تەكسەرۋ ءارى قاتىستى ينفورماتسيالاردى شىنايى تىزىمدەپ، جوعارىعا مالىمدەۋ؛ ءسوزسىز، ازامات جاسىنا تولماعانداردىڭ اتا – اناسىنىڭ نەمەسە باسقا قامقورشىسىنىڭ بايلانىس جاساۋ ءنومىرىن سۇراۋ ءارى ەستەلىككە الىپ، ساقتاپ قويۋ؛ ءسوزسىز، قوناق ۇيگە بىرگە جاتاتىن ادامنىڭ سالاۋاتى، بايلانىسى قاتارلى جاعدايلاردى سۇراۋ ءارى ەستەلىككە الىپ، ساقتاپ قويۋ؛ ءسوزسىز، حاۋىپسىزدىككە ساياتىن تەكسەرۋ - شارلاۋدى جانە قوناقتاردى باسقارۋدى كۇشەيتۋ، ازامات جاسىنا تولماعاندارعا ساياتىن زاڭسىز زالال جەتكىزۋ ءىسىنىڭ تۋىلۋىنان ساقتانۋ؛ ءسوزسىز، كۇماندى جاعدايلاردى قوعام حاۋىپسىزدىگى تاراۋلارىنا مالىمدەۋ ءارى ازامات جاسىنا تولماعانداردىڭ اتا – اناسىمەن نەمەسە باسقا قامقورشىسىمەن دەر كەزىندە حابارلاسۋ، سونىمەن بىرگە، حاۋىپسىزدىككە ساياتىن سايكەستى قورعاۋ شارالارىن اتقارىپ، قوناق ۇيدە ازامات جاسىنا تولماعانداردى زيانداۋ سىندى دەلونىڭ تۋىلۋىنان شىنايى ساقتانىپ، ازامات جاسىنا تولماعانداردىڭ دەنساۋلىعىنىڭ اقاۋسىزدىعىن قورعاۋى كەرەك.
جەر – جەردەگىلەر «بەس شارتتى» قوناق ءۇيدى كۇندەلىكتى تەكسەرۋدەگى «ءسوزسىز تەكسەرەتىن ءىس» رەتىندە قاراۋى كەرەك. قوناق ۇيدە ازامات جاسىنا تولماعاندارعا زيان جەتكىزۋ سىندى قىلمىستىق ىستەر دەلوسى تۋىلسا، قوعام حاۋىپسىزدىگى ورگاندارى دەلوعا قاتىستى تيجاراتشىلار مەن قاتىستى ادامداردىڭ نەگىزگى تۇلعالىق جاۋاپكەرشىلىگىن تەكسەرەدى، «بەس شارتتاعى» بەلگىلەمەلەردى تياناقتاندىرماعانداردى زاڭ بويىنشا قاتاڭ تەكسەرىپ ءبىرجاقتى ەتەدى.
قوعام حاۋىپسىزدىگى مينيسترلىگىنىڭ اماندىق قورعاۋدى باسقارۋ مەكەمەسىنىڭ قاتىستى جاۋاپتىسى مىنانى ءبىلدىردى: قوعام حاۋىپسىزدىگى ورگاندارى حالىق بۇقاراسىنىڭ حاۋىپسىزدىك سەزىمىنە نازاردى ۇزدىكسىز شوعىرلاندىرىپ، باقىلاۋ – باسقارۋ تەبىنىن ۇزدىكسىز ارتتىرىپ، قوناق ۇيلەردىڭ ازامات جاسىنا تولماعانداردى قابىلداۋىنا قاتىستى «بەس شارتتاعى» بەلگىلەمەلەردى تياناقتاندىرۋىن مىقتى ۇستاپ، ازامات جاسىنا تولماعانداردىڭ اقاۋسىز ەسەيىپ – ەرجەتۋىن كۇش سالا قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
