قورەكتىكتى جاقسارتۋ جوسپارى اۋىل – قىستاقتاعى وقۋشىلارعا 350 ميلليون ادام – رەت تيىمدىلىك جەتكىزدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ» ءتىلشىسى ۋ يۋە
2022.10.09 16:40 كەلۋ قاينارى : حالىق تورابى
«بۇرىن كەيبىر وقۋشىلار مەكتەپكە بارۋدا 3 – 4 كيلومەتر تاۋ جولىن جاياۋ باساتىن، تۇستە تاماقتانۋ وتە قولايسىز ەدى. اۋىل – قىستاق مىندەتتى وقۋ – اعارتۋىنداعى وقۋشىلاردىڭ قورەكتىگىن جاقسارتۋ جوسپارى اتقارىلعاننان بەرى مەكتەپتەگى تاماقتانۋ جاعدايى بارعان سايىن جاقساردى، وقۋشىلاردىڭ بويلارى ءتىپتى دە ءوسىپ، دەنەلەرى شىمىر بولا ءتۇستى!» نيڭشيا حۇيزۋ اۆتونوميالى رايونى گۋيۋان قالاسى شيجي اۋدانى ماجيان اۋىلى داپيڭ باستاۋىش مەكتەبىنىڭ مەڭگەرۋشىسى لي ميڭ قۋانىشپەن وسىلاي دەدى.
ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 2021 – جىلدىڭ سوڭىنا دەيىن، اۋىل – قىستاق مىندەتتى وقۋ – اعارتۋىنداعى وقۋشىلاردىڭ قورەكتىگىن جاقسارتۋ جوسپارى (تومەندە قىسقاشا «قورەكتىكتى جاقسارتۋ جوسپارى» دەلىنەدى) وقۋشىلارعا 350 ميلليون ادام – رەت تيىمدىلىك جەتكىزگەن. پارتيانىڭ 18 – قۇرىلتايىنان بەرى ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، 2021 – جىلدىڭ سوڭىنا دەيىن اۋىل – قىستاق مىندەتتى وقۋ – اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىنان (تومەندە قىسقاشا «قورەكتىگىن جاقسارتۋ جوسپارى» دەلىنەدى) 350 ميلليون ادام – رەت يگىلىكتەنگەن. پارتيانىڭ 18 - قۇرىلتايىنان بەرى وقۋ - اعارتۋ مينيسترلىگى قازىنا مينيسترلىگى، مەملەكەتتىك دامۋ - رەفورما كوميتەتى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك بازار باقىلاۋ - باسقارۋ باس مەكەمەسى سياقتى قاتىستى تاراۋلارمەن بىرگە قورەكتىكتى جاقسارتۋ جوسپارىنىڭ ءتۇرلى قىزمەتتەرىن ىشكەرىلەي ىلگەرىلەتكەن، سىناق ءتۇيىنى وڭىرىندەگى وقۋشىلاردىڭ قورەكتىك، سالاماتتىق جاعدايى كورنەكتى جاقسارىپ، دەنساۋلىق ساپاسى كورنەكتى جوعارىلاعان.
قورەكتىككە بەرىلەتىن قوسىمشا قاراجات ولشەمى جوعارىلاپ، تاماقپەن قامداۋ ساپاسى جوعارىلادى.
لوبى، سيىر ەتى قۋىرماشى، قۋىرىلعان كوك اسقاباق، قۋىرىلعان بۇيرا كوكونىس، ەت سورپاسى، الما، سيىر ءسۇتى... گۇيجوۋ ولكەسى تۇڭرىن قالالىق 11 - باستاۋىش مەكتەپتىڭ اشىق جاريالاۋ تاقتاسىندا ءار كۇنگى ءنارلى تۇسكى تاماق كەستەسى كوزگە بىردەن تۇسەدى. 5 - جىلدىق 4 - كلاسىنىڭ وقۋشىسى چىن شي مەكتەپتىڭ تۇسكى تاماعىن وتە جاقسى كورەدى، ول: «مەكتەپتىڭ تۇسكى تاماعىنىڭ قورەكتىگى مول، ءدامى وتە جاقسى!» دەدى. ۇعىسۋعا قاراعاندا، گۇيجوۋ ولكەسى 2021 - جىلى قورەكتىكتى جاقسارتۋ جوسپارىنىڭ «ساپانى جوعارىلاتۋ ارەكەتىن» باستاپ، تاماق كەستەسىنىڭ عىلميلىق دەڭگەيىن جوعارىلاتىپ، تاماقپەن قامداۋ ساپاسى ولشەمىن جوعارىلاتىپ، وقۋشىلاردىڭ تويا تاماقتانۋىنا مۇمكىندىك جاساپ قالماستان، ونان دا ماڭىزدىسى، ءنارلى، عىلمي ازىقتانۋىنا مۇمكىندىك جاساعان.
بۇل − جەر - جەردىڭ تاماقپەن قامداۋ ساپاسىن جوعارىلاتىپ، وقۋشىلاردىڭ قورەكتىك، سالاماتتىق جاعدايىن ۇزدىكسىز جاقسارتۋىنىڭ ىقشام كورىنىسى. پارتيانىڭ 18 – قۇرىلتايىنان بەرى ەلىمىز اۋىل – قىستاقتاعى مىندەتتى وقۋ – اعارتۋ ساتىسىنداعى وقۋشىلاردىڭ ازىقتانۋ قوسىمشا قاراجات ولشەمىن ەكى رەت جوعارىلاتتى، ءار وقۋشىعا كۇنىنە بەرىلەتىن 3 يۋاندى 5 يۋانعا جوعارىلاتىپ، «تويا تاماقتانۋدان» «جاقسى تاماقتانۋعا» قاراي بۇرىلىس جاساۋدى بىرتىندەپ جۇزەگە اسىردى.
تاماقتانۋ شارت - جاعدايى جاقسارىپ، مەكتەپ اسحاناسىنىڭ تاماقپەن قامداۋ شاماسى جوعارىلادى.
چيڭحاي ولكەسىندە ءار دارەجەلى وقۋ - اعارتۋ اكىمشىلىك تاراۋلارى قازىنا سياقتى تاراۋلارمەن بىرلەسىپ قورەكتىكتى جاقسارتۋ جوسپارى قىزمەتىنە باسشىلىق ەتۋ گرۋپپاسىن قۇرىپ، قورەكتىكتى جاقسارتۋ جوسپارىن اتقارۋ جوباسى، قارجىنى باسقارۋ ءادىسى، ءنارلى تاماق بەرۋ سىلتەمەسى سياقتى قاتىستى تۇزىمدەردى بەلگىلەدى. سونىمەن بىرگە، مەكتەپ اسحاناسىن جاڭادان سالۋدى، وزگەرتىپ سالۋدى، كەڭەيتىپ سالۋدى جانە جوندەپ جاڭالاۋدى زور كۇشپەن ىلگەرىلەتىپ، «جاريالى اسحانا»، «اسىل اسحانا» قۇرۋ قيمىلدارىن ۇيىمداستىرىپ ورىستەتىپ، چيڭحايدىڭ جاتاقتى مەكتەپتەرىن اسحانامەن جاپپاي قامتۋدىڭ نەگىزىنەن جۇزەگە اسىرىلۋىن ىلگەرىلەتتى.
ۇعىسۋعا قاراعاندا، تاماقتانۋ شارت - جاعدايىن ونان ارى جاقسارتىپ، مەكتەپ اسحاناسىنىڭ تاماقپەن قامداۋ شاماسىن جوعارىلاتۋ ءۇشىن، ورتالىق قازىنا اۋىل - قىستاق مىندەتتى وقۋ - اعارتۋىنداعى ءالسىز مەكتەپتەردىڭ اسحانانى جاڭالاۋ ارناۋلى قارجىسىن ورنالاستىرىپ، سىناق ءتۇيىنى ەتىلگەن رايونداردىڭ اسحانا قۇرىلىسىنا قولداۋ كورسەتكەن. سونىمەن بىرگە، جەر - جەردى نىساندار مەن قارجىنى ءبىر تۇتاس جوسپارلاپ، اسحانا قۇرىلىسى تەبىنىن ونان ارى ارتتىرۋعا جەتەكتەگەن. 2021 – جىلدىڭ سوڭىنا دەيىن قورەكتىكتى جاقسارتۋ جوسپارىن اتقارعان رايونداردا مەكتەپ اسحاناسى تاماقپەن قامدايتىن مەكتەپتەر %76 تى ۇستاعان، مۇنىڭ ىشىندە مەملەكەت بويىنشا سىناق ءتۇيىنى ەتىلگەن اۋدانداردىڭ مەكتەپ اسحاناسىنىڭ تاماقپەن قامداۋ شاماسى %90 كە تاياعان.
قىزمەت مەحانيزمىن ورناتىپ جانە كەمەلدەندىرىپ، ازىق - تۇلىك جانە قارجى حاۋىپسىزدىگىن شىنايى قامتاماسىزداندىردى.
يۇننان ولكەسى ۋىنشان جۋاڭزۋ، مياۋزۋ اۆتونوميالى وبلىسى چيۋبەي اۋدانىندا «باستاۋىش، ورتا مەكتەپتەر اسحانالارىن جالپىلىق باسقارۋ تۇعىرى» مەكتەپ اسحانالارىن ينفورماتسيالاندىرىپ باسقارۋدا اسا زور رول اتقاردى. وقۋ – اعارتۋ، دەنەتاربيە مەكەمەسى، مەكتەپ، جەتكىزۋ كاسىپورنى سىندى ءۇش جاقتىڭ تۇعىرى ارقىلى قاتىستى باسقارۋشىلاردىڭ زاتپەن قامدايتىن كاسىپورىنداردىڭ تولىمدىلىعى، ازىق - تۇلىك ساتىپ الۋ، قامبالاۋ، ازىق - تۇلىك حاۋىپسىزدىگى، قازىنا باسقارۋ سياقتى بۋىنداردى ينفورماتسيالاندىرىپ باسقارۋىنا بولادى. قازىر يۇنناننىڭ جەر - جەرى جالپى بارىستىق باقىلاۋ - باسقارۋ ينفورماتسيا جۇيەسىن بىرتىندەپ ورناتۋ جونىندە ىزدەنىس جاساپ، ەلەكتروندىق تارازى، بەت تانىتۋ جابدىعى، ەگىس دارىلەرىنىڭ زيانداۋىن تەكسەرۋ اسپابى سياقتىلاردى ەنگىزىپ، زات تورابى، ءىرى ساندى مالىمەت سياقتى تەحنيكالىق تاسىلدەردەن تولىق پايدالانىپ، قورەكتىكتى جاقسارتۋ جوسپارىن ەگجەي - تەگجەيلى باسقارۋدى اناعۇرلىم ارناعا ءتۇسىردى.
تاياۋ جىلداردان بەرى وقۋ - اعارتۋ مينيسترلىگى سىناق ءتۇيىنى ەتىلگەن رايوندارعا جەتەكشىلىك جانە قۋزاۋشىلىق ەتۋدى ماڭىزدى ءتۇيىن ەتىپ، تاماقپەن قامداۋ بازارىنا كىرۋگە رۇقسات ەتۋ، شەگىنىپ شىعۋ مەحانيزمىن ورناتىپ جانە كەمەلدەندىرىپ، ازىق - تۇلىك ماتەريالدارى مەن شيكىزات - ماتەريالداردى شوعىرلى ءبىر تۇتاس ساتىپ الۋ ءتۇزىمى، جەتكىزۋ ءتۇزىمى، بىرگە تاماقتانۋ ءتۇزىمى سياقتىلاردى كەمەلدەندىردى، ءار دارەجەلى وقۋ - اعارتۋ اكىمشىلىك تاراۋلارى مەرزىم بويىنشا ارناۋلى قۋزاۋ - جەتەكشىلىك ەتۋ، ارناۋلى جونگە سالۋ، قىزمەت ناتيجەسىن باعالاۋ قىزمەتىن ۇيىمداستىردى. بۇدان سىرت، جەر - جەر الۋان ءتۇرلى فورماداعى قورەكتىك عىلمي بىلىمدەرىن جالپىلاستىرۋ قيمىلىن ورىستەتىپ، وقىتۋشى – وقۋشىلاردىڭ عىلمي قورەكتىك كوزقاراسى مەن ازىقتانۋ ادەتىن جەتىلدىردى. وقۋ – اعارتۋ مينيسترلىگى مەملەكەتتىك دەنساۋلىق ساقتاۋ، سالاماتتىق كوميتەتىمەن بىرگە قورەكتىكتى جاقسارتۋ جوسپارىن باسقارۋ جانە باقىلاۋ – تەكسەرۋ، تاربيەلەۋ، ەلەكتروندىق قورەكتەندىرۋشى جۇيەسىن اشۋ سياقتىلاردى وتكىزىپ، نەگىزگى ساتى قىزمەتكەرلەرىنىڭ قورەكتىكتى جاقسارتۋ قۋاتىن ءونىمدى جوعارىلاتتى.
وقۋشىلاردىڭ قورەكتىك جاعدايى كورنەكتى جاقسارىپ، دەنساۋلىق ساپاسى كورنەكتى جوعارىلادى.
تۇسكى مەزگىلدە گۋاڭشي جۋاڭزۋ اۆتونوميالى رايونى ليۋجوۋ قالاسى رۇڭشۇي مياۋزۋ اۆتونوميالى اۋدانى دانجياڭ ورتا مەكتەبى اسحاناسىنىڭ ەرىكتى تاڭداپ جەيتىن تاماعى دايىن بولدى، وقۋشىلار تارتىپپەن تاماق الدى. وسى مەكتەپتىڭ وقىتۋشىسى بىلاي دەپ تانىستىردى: مەكتەپتىڭ ءنارلى تاعامدارىندا ەرىكتى تاڭداپ جەۋ ۇلگىسى قولدانىلعاننان بەرى كوكونىس ونىمدەرىنىڭ ءتۇرى اناعۇرلىم مولايىپ، وقۋشىلاردىڭ ءار الۋان قاجەتىن قاناعاتتاندىرۋمەن بىرگە، قورەكتىكتىڭ بويعا جۇعۋىن دا جاقسارتتى، بۇل وقۋشىلاردىڭ اقاۋسىز ەسەيىپ - ەرجەتۋىنە ءتىپتى دە ءتيىمدى بولدى.
جۇڭگو اۋرۋدان ساقتانۋ - تىزگىندەۋ ورتالىعىنىڭ باقىلاۋ ساندى مالىمەتىنە نەگىزدەلگەندە، 2012 - جىلدان 2021 - جىلعا دەيىن قورەكتىكتى جاقسارتۋ جوسپارى اتقارىلعان وڭىرلەردەگى ۇل، قىز وقۋشىلاردىڭ بويى ورتا ەسەپپەن 4.2 سانتيمەتر جانە 4.1 سانتيمەتر ءوسىپ، سالماعى ورتا ەسەپپەن 3.5 كيلوگرام جانە 3.3 كيلوگرام ارتىپ، بۇكىل ەلدەگى اۋىل - قىستاق وقۋشىلارىنىڭ ورتاشا ارتۋ قارقىنىنان جوعارى بولعان. 2021 – جىلى ورتا، باتىس بولەكتەگى اۋىل – قىستاق وقۋشىلارىنىڭ ءوسىپ – جەتىلۋىنىڭ كەشەۋىلدەۋ شاماسى %2.5 بولىپ، 2012 – جىلداعىدان 5.5 پايىز تومەندەگەن.
ۇعىسۋعا قاراعاندا، قورەكتىكتى جاقسارتۋ جوسپارىنىڭ اتقارىلۋى وقۋشىلاردىڭ قورەكتىك، سالاماتتىق جاعدايىن ءونىمدى جاقسارتىپ، وقۋدان قول ءۇزۋدى تەجەۋ سياقتى جاقتاردا بەلسەندى رول اتقارىپ، وقۋشىلاردىڭ قورەكتىك تاپشى بولۋ سەبەبىنەن ءبىلىم الۋ ۇقىعى مەن ونىمدىلىگىنە ىقپال جاسالماۋىن پارمەندى قامتاماسىزداندىرعان. بۇدان سىرت، اتقارۋ بارىسىندا جەر - جەر جاقىن ماڭنان ازىق - تۇلىك ماتەريالدارىن ساتىپ الۋ، ءوندىرۋ - جەتكىزۋ بازاسىن قۇرۋ سياقتى تاسىلدەردى قولدانىپ، مەكتەپتىڭ اۋىل شارۋاشىلىق ونىمدەرى سۇرانىسى مەن اۋىل - قىستاق كاسىبىنىڭ دامۋىن دالمە - ءدال ۇشتاستىرۋدى ىلگەرىلەتكەن، سونداي - اق قىرۋار قىزمەت ورنىن ازىرلەپ، جەرگىلىكتى ورىننىڭ ەكونوميكالىق دامۋى مەن شارۋالاردىڭ كىرىسىن ارتتىرۋدى پارمەندى جەبەگەن.
ءتىلشىنىڭ ۇعىسۋىنا قاراعاندا، قورەكتىكتى جاقسارتۋ جوسپارى حالىقارانىڭ القاۋىنا دا يە بولعان. دۇنيە جۇزىلىك استىق جوسپارلاۋ مەكەمەسىنىڭ 169 مەملەكەتكە جۇرگىزگەن تەكسەرۋىندە كورسەتىلۋىنشە، ەلىمىز دۇنيە ءجۇزى بويىنشا باستاۋىش، ورتا مەكتەپ ساتىسىندا ءنارلى تاعاممەن قامدايتىن از ساندى مەملەكەتتىڭ ءبىرى ەكەن، مەكتەپتەردىڭ تاماقپەن قامداۋ كولەمى الدىڭعى قاتاردا تۇرعان.
وقۋ – اعارتۋ مينيسترلىگىنىڭ قاتىستى جاۋاپتىسى مىنانى ءبىلدىردى: «قورەكتىكتى جاقسارتۋ جوسپارىنىڭ اتقارىلۋى وقۋ - اعارتۋدىڭ ادىلدىگىن جەبەۋگە، كەدەيلىكتەن ارىلتۋدان قامال الۋدى ىلگەرىلەتۋگە، اۋىل - قىستاقتى گۇلدەندىرۋ ستراتەگياسىن اتقارۋعا قۋاتتى قوزعاۋشى كۇش ۇستەدى، ۇلتتىڭ ساپاسىن جوعارىلاتۋعا، وقۋ - اعارتۋدا قۋاتتى ەل جانە سالاماتتى جۇڭگو قۇرۋعا بەرىك نەگىز قالادى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
