شانشي ولكەسى جاڭا ەنەرگيالى اۆتوموبيل كاسىبىن جەدەل دامىتتى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى ۋاڭ لىۋىن، گۇڭ شىجيان
2022.10.09 16:42 كەلۋ قاينارى : حالىق تورابى
بولشەكتەر تولتىرا تيەلگەن تىركەمە ارلى - بەرلى قايشالىسادى، زەردەلى قۇلتەمىر ۇلاسپالى جەلىدە جۇمىس ىستەۋدە... التىن كۇز كەزىندە شانشي ولكەسى شي - ان جوعارى، جاڭا تەحنيكا رايونى بييادي اۆتوموبيل شەكتى سەرىكتەستىگىنىڭ زاۆود رايونىندا تاپتاۋ، دانەكەرلەۋ، بوياۋ، جالپى قۇراستىرۋ سياقتى تەحنولوگيالىق بارىستاردان وتكەننەن كەيىن، جاڭا ەنەرگيالى اۆتوموبيلدەر ىركەس - تىركەس جەلىدەن شىعارىلىپ جاتتى.
«پارتيانىڭ 20 - قۇرىلتايىن شات مەرەيمەن قارسى الامىز، ءبىز قىزمەت ورنىمىزدى تياناق ەتىپ، كوبىرەك ۇلەس قوسۋىمىز كەرەك». بييادي شي - ان رايونىنىڭ باس ديرەكتورى ليۋ جىنيۇي بىلاي دەپ تانىستىردى: قازىر بييادي شانشيدە ءبىر توپ جاڭا ەنەرگيالى اۆتوموبيل ءتۇيىندى نىسانىن اتقارۋدا، بۇل تۇتاس اۆتوموبيل، باتەريا، ەلەكتر ماشيناسى، ەلەكترمەن مەڭگەرۋ سياقتى تۇتاس كاسىپ تىزبەگىنە سايادى.
نازاردى جاڭا ەنەرگيالى اۆتوموبيلدەردىڭ ءتۇيىندى كاسىپ تىزبەگىنە شوعىرلاندىردى، شانشي ولكەسى ءمىنىس اۆتوموبيلى (جاڭا ەنەرگيا) كاسىپ تىزبەگىنىڭ 3 جىلدىق ارەكەت جوسپارىن (2021 - جىلدان 2023 - جىلعا دەيىن) جاساپ، تيجارات - ساۋدا ورتاسىن ۇزدىكسىز ساپالىلاندىردى. بيياديدان سىرت، شانشي ولكەسى تاعى شانشي اۆتوموبيل زاۆودى، شي - ان جيلي قاتارلى جاڭا ەنەرگيالى اۆتوموبيل كاسىپورىندارى مەن سانشيڭ حۋانشين، جۇڭدي ليتي باتەرياسى قاتارلى ءبىر توپ ءتۇيىندى كاسىپورىندى شوعىرلاندىرىپ، جاڭا ەنەرگيالى اۆتوموبيل كاسىبىنىڭ شوعىرلى دامۋىنىڭ كۇشتى اۋقىمىن قالىپتاستىردى.
شانشي ولكەلىك ونەركاسىپ جانە ينفورماتسيالاندىرۋ مەڭگەرمەسى باستىعىنىڭ ورىنباسارى ليۋ بو بىلاي دەپ تانىستىردى: شانشي ولكەسى جاڭا ەنەرگيالى اۆتوموبيل بولشەكتەرىنىڭ كاسىپ تىزبەگى قۋاتىن جەدەل جوعارىلاتىپ، شي - ان چيڭتايكى جاڭا ەنەرگيا تەحنيكا شەكتى سەرىكتەستىگى سياقتى ءبىر توپ كاسىپ تىزبەگىنىڭ جوعارى، تومەنگى اعارىنداعى سايكەستى كاسىپورىنداردى ىرگە تەبۋگە باۋراپ، زەرتتەۋ - اشۋ، جوبالاۋ، شەشۋشى ۇساق بولشەكتەر جانە تۇتاس اۆتوموبيل جاساۋ، بازار قىزمەت وتەۋى سياقتى بۋىنداردى قامتىعان كەمەلدى كاسىپ تىزبەگىن قالىپتاستىردى.
«سول جىلدارى شي - ان جوعارى، جاڭا تەحنيكا رايونىنا ىرگە تەپكەندە، باستىسى بۇل ارانىڭ تاماشا يگىلىك جاراتۋ ورتاسىنا ءمان بەردىك. قازىر كاسىپورنىمىزدىڭ دامۋ اياق الىسىنىڭ تەزدەۋى شانشيدىڭ كۇن سايىن كەمەلدەنگەن جاڭا ەنەرگيالى اۆتوموبيل كاسىپ تىزبەگىنىڭ ارقاسى» دەدى چيڭتايكى سەرىكتەستىگىنىڭ جاۋاپتىسى جاڭ لەي. 10 ادامدىق العاشقى جاڭالىق اشۋ توبىنان باستاپ، چيڭتايكى سەرىكتەستىگى قازىر 50 نەشە ءتۇرلى مەملەكەتتىك پاتەنت ۇقىعى بار ارنايىلانعان، سارالانعان، ەرەكشە، جاڭا كاسىپورىنعا اينالدى.
شيشيان جاڭا رايونى فىڭشي شينچىڭ اۆتوماتتى جۇرگىزۋ سىناق جول بولەگىندە اۆتوماتتى جۇرگىزىلەتىن 3 شاعىن اۆتوبۋز شامامەن 25 كيلومەتر كەلەتىن سىناق جول بولەگىنەن ءساتتى ءوتتى. شي - ان شاڭتاڭ زەردەلى عىلىم - تەحنيكا شەكتى سەرىكتەستىگى زەردەلى اۆتوكولىك ىستەرى ءبولىمىنىڭ ساۋدا باس باقىلاۋشىسىنىڭ ورىنباسارى ۋاڭ ۋەي بىلاي دەپ تانىستىردى: «اۆتوكولىككە ورناتىلعان لازەر نۇرلى رادار، ميلليمەتر دالدىكتەگى رادار جانە ەرەكشە تۇنىق كەسكىنگە الۋ اپپاراتى اۆتوكولىكتىڭ اينالاسىنداعى ءتۇرلى جول جاعدايىنىڭ وزگەرىسىن 360 گرادۋس شاماسىندا سەزە الادى». قازىر شانشي ولكەسى تۇڭعىش توپتاعى اۆتوماتتى جۇرگىزىلەتىن 5 اۆتوموبيلگە سىناق رەتىندەگى ءنومىر تاقتاسىن تاراتتى، بۇل اۆتوموبيلدەر زات اينالىمى سالاسى، دەمالىس ورنى جانە الەۋمەتتىك قاتىناس سالاسىنا پايدالانىلادى.
زەردەلى توراپپەن تۇتاسقان اۆتوموبيل، زەردەلى قاتىناس جۇيەسى جاڭا ەنەرگيالى اۆتوموبيل كاسىبى تىعىز بايلانىستى. شانشي ولكەسى چينچۋاڭ ءتول جاسامپازدىق جاڭالىق اشۋ ارقىلى قوزعاۋشىلىق ەتۋ تۇعىرىنا سۇيەنىپ، جاڭا ەنەرگيالى اۆتوموبيل كاسىپورىندارى شىعارعان شەشۋشى تەحنيكا تىزىمدىگىن ارقاۋ ەتىپ، جاڭالىق اشۋ كۇشتەرىن بىرىكتىرىپ، زەردەلى توراپپەن بىرلەسكەن اۆتوموبيل جاڭالىق اشۋ ورتالىعى سياقتى زەرتتەۋ - اشۋ تۇعىرىن قۇردى.
شانشي ولكەلىك ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتىندە كورسەتىلۋىنشە، بيىل 1 - ايدان 9 - ايعا دەيىن شانشي ولكەسىنىڭ جاڭا ەنەرگيالى اۆتوموبيل ءونىم مولشەرى 607 مىڭعا جەتىپ، وتكەن جىلدىڭ ۇقساس مەزگىلىندەگىدەن %324 ارتقان. «بولاشاقتا شانشي ولكەسى جاڭا ەنەرگيالى اۆتوكولىك كاسىبىن دامىتۋدى اناعۇرلىم جەدەلدەتىپ، زەردەلى ينتەرنەتپەن تۇتاسقان اۆتوكولىككە قاتىستى كەلەلى نىسانداردىڭ تياناقتانۋىن جەدەلدەتىپ، شەشۋشى تەحنيكالاردان قامال الۋ سياقتى جاقتاردا نەگىزدىك ابزالدىق قالىپتاستىرۋعا جانە جاڭالىق اشۋ بەلەسىن قالىپتاستىرۋعا كۇش سالادى» دەدى شانشي ولكەلىك ۇكىمەتتىڭ قاتىستى جاۋاپتىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
