ءداستۇرلى كاسىپ سالاسىنىڭ ساپاسىن جەدەل جوعارىلاتىپ، دارەجەسىن ءوسىرىپ، جاڭادان گۇلدەنگەن كاسىپ سالاسىن ۇزدىكسىز تولىستىرىپ جەتىلدىردى
وسىزامانعى كاسىپ جۇيەسىندە نىق قادام تاستالدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ» تىلشىلەرى ۋاڭ جىڭ، حان شين
2022.10.11 16:14 كەلۋ قاينارى : حالىق تورابى
ەكران الدىنداعى الىستان مەڭگەرۋ تەتىگىن باسسا بولعانى، سەح ىشىندەگى بولات سۋى كرانمەن دالمە - ءدال تاسىلادى. «5G + ونەركاسىپ ينتەرنەتىنىڭ» ارقاسىندا باۋگاڭ مەيگاڭ سىندى وسى كونە بولات زاۆودى جاڭا ومىرشەڭدىك كۇشىن قاۋلاتتى. زاۆود رايونىنىڭ جاۋاپتىسى تانىستىرىپ بىلاي دەدى: «5G مەن ۇلاستىرىپ دارەجەنى جوعارىلاتۋ زاۆودتىڭ جابدىق اينالىم ونىمدىلىگىن اناعۇرلىم جوعارىلاتىپ قانا قويماي، ءار جىلى شامامەن 7 ميلليون 400 مىڭ يۋان وزىندىك قۇندى ۇنەمدەپ قالادى».
ەسەپتەۋ قۋاتى بايلىعىن سايكەستى ورنالاستىرىپ، كوپ جاقتى اعىن مولشەرىن ۇلاستىرىپ، تۇتاستىردى. بيىل 6 - ايدا جۇڭگو ەسەپتەۋ تورابى − زەردەلى ەسەپتەۋ تورابىنىڭ 1 - مەرزىمدىك جوباسى رەسمي ىسكە قوسىلدى، شىنياڭ، فۋجوۋ، چاڭشا سياقتى 7 جەردىڭ ءتۇيىندى توراپقا جاڭادان جالعانۋىنا بايلانىستى، ەسەپتەۋ قۋاتىنىڭ بۇكىل ەل بويىنشا ءبىر توراپ ۇلگىسى قالىپتاستى.
ءداستۇرلى كاسىپتەردىڭ دارەجەسى جوعارىلاپ، جاڭادان گۇلدەنگەن كاسىپتەر ءۇرتىس نىعايدى، بۇل − ەلىمىزدىڭ وسى زامانعى كاسىپ جۇيەسىن جەدەل قۇرۋىنىڭ جاندى بەينەسى.
باس شۋجي شي جينپيڭ بىلاي دەپ دارىپتەگەن بولاتىن: «ساپالى دامۋدى بۇلجىماي ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتۋ سىندى ارقاۋدى مىقتاپ يگەرىپ، جاساۋ كاسىبىنىڭ ساپالى دامۋىن اناعۇرلىم كورنەكتى ورىنعا قويىپ، بازارداعى باسەكەلىك قۋاتى كۇشتى، باياندى وسى زامانعى كاسىپ سالاسى جۇيەسىن جەدەل ورناتۋ كەرەك».
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ناقتى ەكونوميكانىڭ، اسىرەسە، جاساۋ كاسىبىنىڭ دامۋىنا ايرىقشا ءمان بەرىپ، جاساۋ كاسىبىندە قۋاتتى ەل قۇرۋ، وسى زامانعى كاسىپ جۇيەسىن ورناتۋ سىندى كەلەلى ستراتەگيالىق شەشىم جاسادى. 10 جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىز ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋدا تاباندى بولىپ، كاسىپ سالاسى جۇيەسى اناعۇرلىم اقاۋسىزداندىرىلعان، كاسىپ سالاسى تىزبەگى اناعۇرلىم كەمەلدەندىرىلگەن، كاسىپ سالاسىنىڭ جالپى تۇلعالىق قۋاتى، ساپا ونىمدىلىگى، سونداي - اق جاڭالىق اشۋ قۋاتى، باسەكەلىك قۋاتى، حاۋىپ - قاتەرگە توتەپ بەرۋ قابىلەتى كورنەكتى جوعارىلاعان ساپالى دامۋ جولىنا ارشىندى قادام تاستادى، ناقتى ەكونوميكا، عىلىم - تەحنيكادا جاڭالىق اشۋ، وسى زامانعى فينانس، ادام كۇشى بايلىعى سايكەستى داميتىن وسى زامانعى كاسىپ جۇيەسى قۇرىلىسى جەدەلدەتىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك نەگىز قالاندى.
جاساۋ كاسىبىن كۇشەيتۋگە، ساپالىلاندىرۋعا، ۇلعايتۋعا كۇش سالىپ، جاساۋ كاسىبىندەگى قۇدىرەتتى ەل قۇرىلىسى تىڭ ساتىعا كوتەرىلدى.
كولەمى ءتىپتى دە زورايدى، نەگىزى ءتىپتى دە ورنىقتى بولدى. 2012 - جىلدان 2021 - جىلعا دەيىن ەلىمىزدىڭ جاساۋ كاسىبىنىڭ ارتقان قۇنى 16 تريلليون 980 ميلليارد يۋاننان 31 تريلليون 400 ميلليارد يۋانعا جەتىپ، دۇنيە جۇزىندەگى سالىستىرماسى %20 اينالاسىنان %30 كە جۋىق ورەگە كوتەرىلدى. ەلىمىزدە 41 ءىرى ونەركاسىپ ءتۇرى، 207 ونەركاسىپ ءتۇرى، 666 شاعىن ونەركاسىپ ءتۇرى بار، 500 نەگىزگى ونەركاسىپ ءونىمىنىڭ ىشىندە ەلىمىزدە %40 تەن استام ءونىمنىڭ ءونىم مولشەرى دۇنيە ءجۇزى بويىنشا ءبىرىنشى ورىندا تۇرادى، جاساۋ كاسىبىنىڭ جالپىلىق قۋاتى مەن حالىقارالىق ىقپالى زور دارەجەدە جوعارىلادى.
سەرپىمدىلىگى اناعۇرلىم كۇشەيدى، نەگىزى اناعۇرلىم بەكەمدەلدى. اتىزداعى شوفەرسىز ەلەكترلى تراكتوردى ءساتتى زەرتتەپ جاساۋدان شيپاحاناداعى سۇيەك وپەراتسياسى قۇلتەمىرىنىڭ كلينيكادا قولدانىلۋىنا، ونان ونەركاسىپ، كەن كاسىپورىندارىنىڭ 5 بىلىكتى بىرلەسىپ قيمىلداپ مانەرلەۋ ورتالىعىنىڭ بوستىعىن تولتىرۋعا دەيىن... ءبىر توپ كەلەلى جاڭالىق اشۋ جەتىستىگى جۇڭگونىڭ جاساۋ كاسىبىنىڭ ۇزدىكسىز تىڭ بەلەسكە كوتەرىلۋىنە جەتەكشىلىك ەتتى. ارتىقشىلىقتى سومداپ، ولقىلىقتاردى تولىقتاپ، بوستىقتى تولتىردى، 10 جىلدان بەرى كاسىپ سالاسىنىڭ نەگىزدىك قۋاتىن جوعارىلاتۋدا «ۇدەۋ تەتىگى» باسىلدى، رەليستى قاتىناس، ەلەكتر قۋاتى جابدىقتارى سياقتى ءبىر توپ شەشۋشى نەگىزدىك ونىمدەر مەن ماتەريالدار ەل ءىشى قاجەتىن نەگىزىنەن قاناعاتتاندىردى؛ ديناميكالىق باتەريا، سيفرلى تەحنيكا ماتەريالىن جاساۋ سياقتى جاساۋ كاسىبىندە جاڭالىق اشاتىن مەملەكەت دارەجەلى 22 ورتالىق ورنالاسىپ قۇرىلىس جۇرگىزدى.
قۇرىلىم اناعۇرلىم ساپالىلانىپ، قوزعاۋشى كۇش اناعۇرلىم نىعايدى. 140 ميلليون توننا «ساپاسىز بولات» تۇگەلدەي اداقتالدى، ەلەكتروليزدى اليۋمين، سەمەنت سياقتى كاسىپتەردىڭ مەشەۋ ءوندىرىس قۋاتى نەگىزىنەن اداقتالدى، كەلەلى تەحنيكالىق جاڭالاۋ، دارەجەسىن جوعارىلاتۋ ينجەنەرياسى جەدەل اتقارىلدى... 10 جىلدان بەرى ءداستۇرلى كاسىپتەردى جاڭالاۋ، دارەجەسىن جوعارىلاتۋ اياق الىسى نىق قاداممەن ىلگەرىلەپ، زەردەلىلەنۋ، جاسىلدانۋ، تيبىن وزگەرتۋ جاپپاي ىلگەرىلەتىلدى. 2012 – جىلدان بەرى تەحنيكالىق وزگەرىس جاساۋعا قوسىلعان قارجىنىڭ ونەركاسىپكە قوسىلعان قارجىداعى سالىستىرماسى ءۇرتىس %40 تەن استام بولىپ وتىردى، كولەمدەنگەن ونەركاسىپ ورىندارىنىڭ ارتقان قۇن ەنەرگيا قۇراۋى «13 – بەسجىلدىق» جوبادا %16 تومەندەۋ نەگىزىندە 2021 – جىلى %5.6 تومەندەدى.
جاڭادان گۇلدەنگەن كاسىپتەردىڭ دامۋى تەز، ورنىقتى بولدى، كاسىپتەگى ارتۋدىڭ جاڭا قوزعاۋشى كۇشى پارمەندى تاسقىندادى.
جاڭاشا تىرەكتى كاسىپتەر اقاۋسىز جەتىلدى. جاڭا ەنەرگيالى اۆتوكولىك، تۇتىنۋ دارەجەسىندەگى ۇشقىشسىز ۇشاق سياقتى ءتۇيىندى كاسىپتەر دۇنيە ءجۇزىنىڭ الدىڭعى قاتارىنا ءوتتى؛ زەردەلى تەرمينال، زەردەلى ءۇي ەلەكتر جابدىقتارى سياقتىلار ەل ىشىندەگى كوپ تۇرلىلەنگەن قاجەتتى قاناعاتتاندىرۋمەن بىرگە، شەتەلدەردە دە ءوتىمدى بولدى؛ قىزمەت وتەۋ قۇلتەمىرى وتباسىلىق قىزمەت وتەۋ، ەمدەۋ، ساۋىقتىرۋ سياقتى سالالاردا كەڭ كولەمدە قولدانىلدى، ونەركاسىپ قۇلتەمىرى قارىشتاپ دامىپ، دۇنيە ءجۇزى بويىنشا ءبىرىنشى ۇلكەن بازار بولۋ ورنىن ورنىقتىردى... 10 جىلدان بەرى جاڭادان گۇلدەنگەن كاسىپتەردى دامىتۋ پلانىن جاساپ اتقارۋ ارقىلى قامداۋ جۇيەسىنىڭ ساپاسىن جوعارىلاتۋعا كۇش سالىنىپ، جاڭادان گۇلدەنگەن كاسىپتەردىڭ جاساۋ كاسىبىندەگى تىرەكتىك رولى كورنەكتى كۇشەيدى.
قىزمەت وتەۋ كاسىبىنىڭ ءونىمدى قامداۋى ۇزدىكسىز جوعارىلادى، ساپالى، جوعارى ءونىمدى قىزمەت وتەۋ كاسىبىنىڭ جاڭا جۇيەسى جەدەل قۇرىلدى.
توعىسپالى دامۋدىڭ اياق الىسى تەزدەدى. 10 جىلدان بەرى قىزمەت وتەۋ كاسىبىنىڭ ساپاسى ۇزدىكسىز جوعارىلاتىلىپ، ارنايىلانعان سەلبەستىك سياقتى جاڭا كاسىپ فورماسى، جاڭا ۇلگىلەر ۇزدىكسىز جارىققا شىعىپ، وزىق جاساۋ كاسىبى مەن وسى زامانعى قىزمەت وتەۋ كاسىبى جەدەل توعىسىپ، 2021 - جىلى قىزمەت وتەۋ كاسىبىنىڭ ساۋدا قيمىلى كورسەتكىشىنىڭ جىلدىق ورتاشا قۇنى %55 تەن جوعارى بولۋ سىندى جاقسى دەڭگەيدە تۇردى؛ تۇرمىستىق قىزمەت وتەۋ كاسىبى ساپالى، الۋان ءتۇرلى بولۋعا بەت الدى، جەدەل جەتكىزۋ كاسىبىنىڭ مولشەرى ءۇرتىس 8 جىل دۇنيە ءجۇزى بويىنشا ءبىرىنشى ورىندا تۇرىپ، ءۇرتىس 9 جىل دۇنيە جۇزىندەگى ەڭ ۇلكەن توراپتىق بولشەك ساتۋ بازارىنا اينالىپ، ەلەكتروندىق ساۋدا مەن جىلجىمالى تولەۋ ساۋدا سوماسى دۇنيە ءجۇزى بويىنشا الدىڭعى ورىندى يەلەدى.
رەفورما جاساپ، ەسىك اشۋ ىشكەرىلەي ىلگەرىلەتىلدى. شەكارا اتتاعان ەلەكتروندى ساۋدا جۇيەسىندە ءدارى - دارمەك ونىمدەرىن تۇيىندە سىناق ەتىپ ساتۋ ورىستەتىلىپ، 60 نەشە ءتۇرلى يمپورت ەتىلگەن ءدارى - دارمەكتىڭ «ەكىنشى كۇنى جەتكىزىلۋى» جۇزەگە اسىرىلدى؛ مەملەكەت بويىنشا تۇڭعىش رەتكى «جۇڭگو پوچتا ءنومىرى» ارناۋلى پويەزى ىسكە قوسىلىپ، جۇڭگو - ەۆروپا كەزەكشى پويەزىنىڭ (چۇڭچيڭ - شينجياڭ - ەۆروپا) پوچتا تاسىمالىنىڭ ۇدايىلانۋى، كولەمدەنۋى ىلگەرىلەتىلدى... بەيجيڭ، تيانجين، شاڭحاي، حاينان، چۇڭچيڭ قىزمەت وتەۋ كاسىبىندە ەسىك اشۋدى كەڭەيتۋدەگى جالپىلىق سىناق ءتۇيىنى رايونىنا اينالدى، 5 ولكە، قالا وزدەرىنىڭ وڭىرلىك جانە كاسىپتىك ەرەكشەلىگىنە نەگىزدەلىپ، قىزمەت وتەۋ كاسىبىندە ەسىك اشۋ، جاڭالىق اشۋ ىزدەنىسىن جەدەل ورىستەتتى. ساندى مالىمەتتە كورسەتىلۋىنشە، 2021 – جىلى ەلىمىزدىڭ قىزمەت وتەۋ كاسىبى شەتەل قارجىسىن ارتتىرۋدىڭ «نەگىزگى قوزعالتقىشى» مىندەتىن ۇزدىكسىز ارقالاعان.
وتكەندەگى وزگەشە 10 جىلدى ەسكە الساق، ەلىمىز «جاساۋ كاسىبىندەگى ءىرى ەلدەن»، «ينتەرنەتتەگى ءىرى ەلدەن» «جاساۋ كاسىبىندەگى قۋاتتى ەلگە»، «ينتەرنەتتەگى قۋاتتى ەلگە» دەيىنگى تاريحي شارىقتاۋدى قارسى الدى. جاڭا باستامادا ەلىمىز جاساۋ كاسىبىندە قۋاتتى ەل بولۋ ستراتەگياسىن ىشكەرىلەي اتقارىپ، دەربەس مەڭگەرۋگە بولاتىن، حاۋىپسىز، جوعارى ءونىمدى كاسىپ تىزبەگى مەن قامداۋ تىزبەگىن قالىپتاستىرىپ، جاساۋ كاسىبىنىڭ ساپالى دامۋىن ىلگەرىلەتۋمەن بىرگە، ساپالى، جوعارى ءونىمدى، قۇرىلىمى ساپالى، باسەكەلىك قۋاتى كۇشتى قىزمەت وتەۋ كاسىبىنىڭ جاڭا جۇيەسىن ورناتىپ، جاڭا دامۋ جاعدايىن ورناتۋعا پارمەندى تىرەك ازىرلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
