مەملەكەت ەنەرگيا توبى شينجياڭ سەرىكتەستىگى:
الدىڭعى ءۇش ماۋسىمدا كومىر ءوندىرۋ - ساتۋ سايكەس مەزگىلدەگىدەن تۇگەلدەي ％40كە تاياۋ ارتتى
2022.10.14 16:27 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ۋاڭ شياۋيان 10 - ايدىڭ 11 - كۇنى ۇرىمجىدەن حابارلايدى. الدىڭعى ءۇش ماۋسىمدا، مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ كومىر ءوندىرۋ جالپى مولشەرى 56 ميلليون 263 مىڭ توننا بولىپ، سايكەس مەزگىلدەگىدەن 15 ميلليون 138 مىڭ توننا ارتىپ، ارتۋ مولشەرى ％8. 36 بولعان؛ 57 ميلليون 676 مىڭ توننا كومىر ساتىلىپ، سايكەس مەزگىلدەگىدەن 15 ميلليون 452 مىڭ توننا ارتىپ، ارتۋ مولشەرى ％6. 36كە جەتىپ، تاريحتاعى سايكەس مەزگىلدەگى تىڭ ورەگە جەتكەن.
شينجياڭداعى ەڭ ءىرى كومىر ءوندىرۋ - ساتۋ كاسىپورنى رەتىندە، مەملەكەت ەنەرگيا توبى شينجياڭ سەرىكتەستىگى اۆتونوميالى رايونداعى 37 جانە شينجياڭ سىرتىنداعى 25 ءتۇيىندى كاسىپورىندى قامداۋمەن قامتاماسىز ەتۋ مىندەتىن ارقالاپ وتىر، ەلەكتر قۋاتى، حيميا ونەركاسىبى، جىلۋمەن قامداۋ سياقتى حالىق تۇرمىسى سالالارىن قامتيدى.
قازىرگى ۋاقىتتاعى ىندەتتەن ساقتانۋ - تىزگىندەۋ جاعدايىمەن ۇشتاستىرىپ، مەملەكەت ەنەرگيا توبى شينجياڭ سەرىكتەستىگى ينتەرنەت + ساتۋ ۇلگىسىن العا قويىپ، ينتەرنەت جەلىسىندە الدىن الا كەلىسۋ، ەلەكتروندى ساۋدا تۇعىرىندا دايىنداۋ، جىلجىمالى كليەنتتەر قول قويىسۋ سياقتى ادىستەردى قولدانىپ، جالپى بارىسى ينفورماتسيالاندىرىلعان ەنەرگيامەن قامداۋعا كەپىلدىك ەتۋدى جۇزەگە اسىردى. قازىر الىس ارالىقتا 150دەن استام توقتامعا قول قويىسىپ، ەنەرگيامەن قامداۋدىڭ ءتارتىپتى ۇشتاسۋىنا كەپىلدىك ەتتى.
اۋا تەمپەراتۋراسىنىڭ تومەندەۋىنە جانە جىلۋمەن قامداۋ مەرزىمىنىڭ جەتىپ كەلۋىنە ىلەسە، وسى سەرىكتەستىك بيىلعى قىستاعى، كەلەر جىلى كوكتەمدەگى جىلۋمەن قامداۋعا كومىر پايدالانۋ، جەتكىزۋ ارناسىن قالىپتاستىرۋدى الدىن الا ورنالاستىرىپ، الدىن الا ءارقايسى ايماق، وبلىس، قالالاردىڭ جىلۋ سەرىكتەستىكتەرىمەن قاشىقتان ۇشتاسىپ، جىلۋمەن قامداۋ توقتامىنا قول قويىستى، جىلۋمەن قامداۋ ءوڭىرى ءۇرىمجى قالاسى، سانجى حۇيزۋ اۆتونوميالى وبلىسى، بۇراتالا موڭعۇل اۆتونوميالى وبلىسى، قاشقار ايماعى سياقتى جەرلەردى قامتىدى.
ءارقايسى ەلەكتر تاراتۋ كاسىپورىندارىنىڭ كومىردەن پايدالانۋى، وڭتۇستىك شينجياڭنىڭ حالىق تۇرمىسىنا قاجەتتى كەسەك كومىر سياقتىلاردى قامداۋمەن قامتاماسىزداندىرۋ ءۇشىن، وسى سەرىكتەستىك ”ءبىر وتباسىنا ءبىر شارا“ تاكتيكاسىن قولدانىپ، كومىرمەن قامداۋدىڭ دالمە - ءدال، ەگجەي - تەگجەيلى بولۋىنا شىنايى كەپىلدىك ەتتى.
ءوندىرىس حاۋىپسىزدىگىن قامتاماسىزداندىرۋ العى شارتىندا، وسى سەرىكتەستىك ءوندىرىس جوباسىن الدىن الا جوسپارلاپ، كوپ تۇيىندە كۇش سالىپ، اشىق كومىر كەننىڭ ءونىم مولشەرىن جوعارىلاتتى. ءوندىرىستى عىلمي ورنالاستىرۋ ارقىلى جابدىقتاردىڭ ونىمدىلىگىن ارتتىرىپ، كۇنىنە 30 مىڭ توننادان استام كومىر ءوندىرۋدى جۇزەگە اسىردى.
كومىر وندىرىلگەن ەكەن، ونى تاسىپ اكەتۋ كەرەك. بيىل جىل باسىنان بەرى مەملەكەت ەنەرگيا توبى شينجياڭ سەرىكتەستىگى ”تاس جول، تەمىر جول + ءدالىز ارناسى“ سىندى تاسىمال ۇلگىسىن ۇزدىكسىز ساپالىلاندىرىپ، كومىردى جونەلتۋ قابىلەتىن جوعارىلاتىپ، شينجياڭ كومىرىنىڭ سىچۋانعا، گۇيجوۋعا، ىشكى موڭعۇلعا جەتكىزۋدى تۇڭعىش رەت جۇزەگە اسىرىپ، قامداۋعا كەپىلدىك ەتۋ كولەمى بۇكىل ەلدەگى 10 ولكە، اۆتونوميالى رايون، قالانى قامتىدى. 9 - ايدىڭ 1 - كۇنى وسى سەرىكتەستىك مەملەكەت ەنەرگياسى باۋشىن تەمىر جول توبى شەكتى جاۋاپكەرشىلىك سەرىكتەستىگىمەن بىرلەسىپ، ”شينجياڭنىڭ كومىرىن سىرتقا جەتكىزۋ“ بويىنشا كەمەجايعا باراتىن ارناۋلى پويەزدى ءساتتى جۇرگىزىپ، اۆتوكولىكپەن، پويەزبەن، كەمەمەن بىرلەسىپ تاسىمالداۋ ارقىلى شىعىس پەن باتىستى ساباقتاستىرىپ، كەمەجايعا توتە جەتكىزىپ، بۇكىل ەلدىڭ كومىرمەن قامداۋعا كەپىلدىك ەتۋ ۇلكەن اينالىمىمەن ءونىمدى توعىستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
