بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

2022.10.14 16:17     كەلۋ قاينارى : حالىق تورابى

  ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

  پارتيا 20 – قۇرىلتايىنىڭ بايانداماسىنا پىكىر الدى

  شي جينپيڭ ءماجىلىستى باسقاردى ءارى ماڭىزدى ءسوز سويلەدى

  ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى

  ■ جاڭا ءداۋىردىڭ جاڭا ساپارىنداعى جاڭا مىندەت، جاڭا تالاپ الدىندا جۇڭگو كوممۋنيستىك پارتياسى مەن ءارقايسى دەموكراتيالىق پارتيا - توپتار سەلبەسە ورتاق جۇمىس جۇرگىزۋدى كۇشەيتىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، ءار جىكتەگىلەردىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا ۇيىستىرىپ، بۇكىل قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا بىرگە كۇرەس جۇرگىزۋى كەرەك

  ■ دەموكراتيالىق پارتيا - توپتاردىڭ ورتالىق كوميتەتتەرىنەن، مەملەكەتتىك ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن يدەيا مەن ارەكەتتى ج ك پ ورتالىق كوميتەتىنىڭ شەشىم - ورنالاستىرۋلارىمەن بىرلىككە كەلتىرىپ، جۇڭگو كوممۋنيستىك پارتياسىمەن ىنتىماقتاسا سەلبەسۋدەگى ساياسي جاۋاپكەرلىك سەزىمدى جانە تاريحي بورىشتىلىق سەزىمدى كۇشەيتىپ، ج ك پ - نىڭ 20 - قۇرىلتايىندا جاسالاتىن ايبىندى جوبا، تۇراقتاندىرىلاتىن كۇرەس نىساناسى جانە ورتاعا قويىلاتىن ستراتەگيالىق ورنالاستىرۋلار توڭىرەگىندە ءبىر نيەت، ءبىر تىلەكپەن جۇمىلا كىرىسەتىن جاندى دا جالىندى جاعداي قالىپتاستىرۋدى؛ دۇرىس ساياسي بەتالىستان اۋىتقىماي، يدەيادا، ساياسيدا، ارەكەتتە ج ك پ ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، تومەنگى شەكتە ويلاۋدا تاباندى بولىپ، كۇرەسشەڭدىك رۋحتى ساۋلەلەندىرىپ، قوعامدىق قاتىناستى سايكەستىرۋ، قوعامدىق قايشىلىقتى شەشۋ، قوعام ورنىقتىلىعىن قورعاۋ بارىسىنداعى بەلسەندى رولدارىن ساۋلەلەندىرۋدى؛ ساياسي توعىسۋدى تەرەڭدەتىپ، ساياسيدى، مۇراگەرلىك ەتۋدى، باعىتتامالىلىقتى جانە ناقتى ونىمدىلىكتى كورنەكتىلەندىرىپ، پارتيامەن ءبىر نيەت، ءبىر تىلەكتە بولاتىن، وتاندى ءسۇيىپ، حالىق ءۇشىن قىزمەت ىستەيتىن، شىنايى سەلبەستىك جاسايتىن، كاسىپتى ءسۇيىپ، ۇلەس قوساتىن كوپ پارتيا سەلبەستىگىنىڭ تاڭداۋلى داستۇرىنە مۇراگەرلىك ەتۋدى ءۇمىت ەتتى

  شينحۋا اگەنتتىگى، 10 – ايدىڭ 13 – كۇنى، بەيجيڭ. ج ك پ ورتالىق كوميتەتى 8 - ايدىڭ 31 - كۇنى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، ج ك پ مەملەكەتتىك 20 - قۇرىلتايى بايانداماسىنىڭ پىكىر الۋ نۇسقاسى جونىندە دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىر - ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ مىنالاردى دارىپتەدى: جاڭا ءداۋىردىڭ جاڭا ساپارىنداعى جاڭا مىندەت، جاڭا تالاپ الدىندا جۇڭگو كوممۋنيستىك پارتياسى مەن ءارقايسى دەموكراتيالىق پارتيا - توپتار سەلبەسە ورتاق جۇمىس جۇرگىزۋدى كۇشەيتىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، ءار جىكتەگىلەردىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا ۇيىستىرىپ، بۇكىل قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا بىرگە كۇرەس جۇرگىزۋى كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ ياڭ، ۋاڭ حۋنيڭ، جاۋ لىجي، حان جىڭ اڭگىمە ماجىلىسىنە قاتىناستى.

  اڭگىمە ماجىلىسىندە شي جينپيڭ ج ك پ 20 - قۇرىلتايىنىڭ بايانداماسىنا پىكىر الۋ نۇسقاسىنىڭ جازىلۋ بارىسىن تانىستىردى، ول پارتيا سىرتىنداعى قايراتكەرلەردەن بۇكپەسىز اقتارىلا سويلەپ، دۇرىس تۇسىنىكتەرىن پايىمداپ، ج ك پ 20 - قۇرىلتايى بايانداماسىنىڭ پىكىر الۋ نۇسقاسىنا پىكىر - ۇسىنىس بەرۋلەرىن ءۇمىت ەتتى.

  اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتى ءتوراعاسىنىڭ ۇنەمىلىك ىستەرگە جاۋاپتى ورىنباسارى چىن شياۋگۋاڭ، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى گاۋ حۇڭجۇن ىلگەرىندى - كەيىندى ءسوز سويلەدى. ولار بىلاي دەپ قارادى: ج ك پ - نىڭ 19 - قۇرىلتايىنان بەرگى 5 جىل جانە جاڭا داۋىردەگى 10 جىل وتە ەرەكشە، توتەنشە وزگەشە بولدى. شي جينپيڭ جولداستى ۇيىتقى ەتكەن ج ك پ ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستەردى كوزدە ۇستاي وتىرىپ ءبىر تۇتاس جوسپارلاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاتاڭ دا كۇردەلى ەل ءىشى - سىرتى جاعدايىنا، ارت - ارتىنان تۋىلعان وراسان زور حاۋىپ - قاتەر مەن سىن - سايىسقا ءونىمدى توتەپ بەرىپ، قايراتتانا العا ۇمتىلۋ رۋحىمەن جاڭا داۋىردەگى جۇڭگوشا سوتسياليزمدى جەبەپ، جالپى بەتتىك دوڭگەلەك داۋلەتتى قوعامدى ۋاعىندا قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىردى، پارتيا مەن مەملەكەت ىستەرىندە تاريحي تابىستارعا قول جەتكىزىلىپ، تاريحي وزگەرىستەر تۋىلىپ، شۇعىلالى تاريحي داستان جازىلدى. ج ك پ 20 - قۇرىلتايى بايانداماسىنىڭ نۇسقاسى ۇلتتىڭ گۇلدەنۋى مەن 100 جىلدىق وزگەرىستىڭ بيىك تۇرعىسىندا جازىلدى، الداعى 5 جىلداعى، ءتىپتى، ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى جانە كەلەلى باعىت - ساياساتتارى عىلمي جوسپارلانىپ، ءبىرسىپىرا جاڭا وي جەلىسى، تىڭ ستراتەگيا، جاڭا شارالار العا قويىلدى، بۇل — ءبىزدىڭ جاپپاي سوتسياليستىك وسىزاماندانعان مەملەكەت قۇرۋىمىزعا، ەكىنشى 100 جىلدىق كۇرەس نىساناسىنا قاراي جورىق جاساۋىمىزعا جەتەكشىلىك ەتەتىن باعدارلامالىق قۇجات. ولار تاعى جۇڭحۋا ۇلتىنىڭ ۇلى گۇلدەنۋى جونىندەگى ورتاق تانىمدى كۇشەيتۋ، حالىقارالىق ادامدىق ۇقىق ءسوز - پىكىر جۇيەسىن ورناتۋ، قوس اينالىم جۇيەسىندە سىرتقا ەسىك اشۋدى جوعارى دەڭگەيدە ىلگەرىلەتۋ، شىعىس سولتۇستىكتىڭ گۇلدەنۋىن جەبەۋ، بىرلىكساپ پەن جاڭاشا ساياسي پارتيا ءتۇزىمى قۇرىلىسىن كۇشەيتۋ، پارتيا سىرتىنداعى زيالىلارعا يدەيالىق - ساياسي قىزمەتتى ويداعىداي ىستەۋ، دەربەس جاڭالىق اشۋ قابىلەتىن جوعارىلاتۋ، جاڭاشىل كاسىپورىنشىلاردى جەتىلدىرۋ، جوعارى مەكتەپتەردى باسقارۋ جۇيەسىن كەمەلدەندىرۋ، دەنساۋلىق ساقتاۋ ىستەرىنە ورنىقتى قارجى قوسۋ مەحانيزمىن ورناتۋ سياقتىلار جونىندە پىكىر - ۇسىنىستار بەردى.

  كوپشىلىكتىڭ پىكىر - ۇسىنىستارىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: ج ك پ 20 - قۇرىلتايىنىڭ بايانداماسىن دايىنداۋ قىزمەتى — ج ك پ 20 - قۇرىلتايى دايىندىق قىزمەتىنىڭ ماڭىزدى قۇرامداس بولەگى. بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق تىلەگىنە ۇيلەسەتىن، جاڭا داۋىردەگى جۇڭگوشا سوتسياليزمنىڭ دامۋ تالابىنا ساي كەلەتىن، پارتيا مەن مەملەكەت قىزمەتىنىڭ جاڭا جاعدايىنا، جاڭا مىندەتىنە ۇيلەسەتىن قۇرىلتاي بايانداماسىن دايىنداۋ ءۇشىن ءبىز دەموكراتيانى تولىق ساۋلەلەندىرىپ، تەكسەرۋ - زەرتتەۋدى كۇشەيتىپ، كەڭ كولەمدە پىكىر قابىلداپ، ءار جاقتىڭ اقىل - پاراساتىن شوعىرلاندىردىق. پارتيا سىرتىنداعى قايراتكەرلەردىڭ ج ك پ 20 - قۇرىلتايى بايانداماسى جونىندەگى پىكىر - ۇسىنىستارىن تىڭداۋ — ءارى ساياسي ءماسليحاتتىڭ ماڭىزدى مازمۇنى، ءارى پارتيا سىرتىنداعى قايراتكەرلەردىڭ مەملەكەتتىڭ دامۋى، ۇلتتىڭ گۇلدەنۋى ءۇشىن اقىل - كەڭەس بەرۋىندەگى ءونىمدى ءتاسىل.

  شي جينپيڭ مىنالاردى دارىپتەدى: بيىل 2 - ايدىڭ اياق شەنىندە ج ك پ ورتالىق كوميتەتىنىڭ تاپسىرۋىمەن ورتالىق بىرلىكساپ ءبولىمى پارتيا سىرتىنداعى قايراتكەرلەردەن ج ك پ 20 - قۇرىلتايىنداعى قاتىستى كەڭەس تاقىرىپتارى جونىندە ارنايى پىكىر - ۇسىنىستار قابىلدادى، كوپشىلىك كوپتەگەن قۇندى پىكىر - ۇسىنىستارىن ورتاعا قويدى. بيىل الدىڭعى جارىم جىلدان بەرى ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ءتۇرلى فورمالارمەن تەكسەرۋ - زەرتتەۋ ورىستەتىپ، ءبىرسىپىرا جوعارى ساپالى تەكسەرۋ - زەرتتەۋ جەتىستىكتەرىنە قول جەتكىزىپ، قىرۋار قۇندى پىكىر - ۇسىنىستارىن ورتاعا قويدى. جاڭا كوپشىلىك سوزدەرىندە تاماشا ۇسىنىستارىن ىشكەرىلەي ورتاعا قويدى، ءبىز مۇقيات زەرتتەيمىز جانە قابىلدايمىز. شي جينپيڭ ج ك پ ورتالىق كوميتەتى اتىنان كوپشىلىككە العىس ايتتى.

  شي جينپيڭ بىلاي دەپ اتاپ كورسەتتى: بىرلىكساپ شەبىندە تاباندى بولۋ — جۇڭگو كوممۋنيستىك پارتياسىنىڭ عاسىرلىق كۇرەستە قورىتىندىلاعان ماڭىزدى تاريحي تاجىريبەسى. جاڭا داۋىردەگى 10 جىلدان بەرى پارتيا مەن مەملەكەت ىستەرىندە قولعا كەلگەن تاريحي جەتىستىكتەر، بولىپ وتكەن تاريحي وزگەرىستەر — جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدەگى ءار ۇلت حالقىنىڭ قاجىرلىلىقپەن كۇرەس جۇرگىزۋىنىڭ ناتيجەسى، سونداي - اق ءارقايسى دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بىرلىكساپ شەبىندەگى قالىڭ مۇشەلەردىڭ ورتاق قۇلشىنۋىنىڭ ناتيجەسى.

  شي جينپيڭ دەموكراتيالىق پارتيا - توپتاردىڭ ورتالىق كوميتەتتەرىنەن، مەملەكەتتىك ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن يدەيا مەن ارەكەتتى ج ك پ ورتالىق كوميتەتىنىڭ شەشىم - ورنالاستىرۋلارىمەن بىرلىككە كەلتىرىپ، جۇڭگو كوممۋنيستىك پارتياسىمەن ىنتىماقتاسا سەلبەسۋدەگى ساياسي جاۋاپكەرلىك سەزىمدى جانە تاريحي بورىشتىلىق سەزىمدى كۇشەيتىپ، ج ك پ - نىڭ 20 - قۇرىلتايىندا جاسالاتىن ايبىندى جوبا، تۇراقتاندىرىلاتىن كۇرەس نىساناسى جانە ورتاعا قويىلاتىن ستراتەگيالىق ورنالاستىرۋلار توڭىرەگىندە ءبىر نيەت، ءبىر تىلەكپەن جۇمىلا كىرىسەتىن جاندى دا جالىندى جاعداي قالىپتاستىرۋدى؛ دۇرىس ساياسي بەتالىستان اۋىتقىماي، يدەيادا، ساياسيدا، ارەكەتتە ج ك پ ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، تومەنگى شەكتە ويلاۋدا تاباندى بولىپ، كۇرەسشەڭدىك رۋحتى ساۋلەلەندىرىپ، قوعامدىق قاتىناستى سايكەستىرۋ، قوعامدىق قايشىلىقتى شەشۋ، قوعام ورنىقتىلىعىن قورعاۋ بارىسىنداعى بەلسەندى رولدارىن ساۋلەلەندىرۋدى؛ ساياسي توعىسۋدى تەرەڭدەتىپ، ساياسيدى، مۇراگەرلىك ەتۋدى، باعىتتامالىلىقتى جانە ناقتى ونىمدىلىكتى كورنەكتىلەندىرىپ، پارتيامەن ءبىر نيەت، ءبىر تىلەكتە بولاتىن، وتاندى ءسۇيىپ، حالىق ءۇشىن قىزمەت ىستەيتىن، شىنايى سەلبەستىك جاسايتىن، كاسىپتى ءسۇيىپ، ۇلەس قوساتىن كوپ پارتيا سەلبەستىگىنىڭ تاڭداۋلى داستۇرىنە مۇراگەرلىك ەتۋدى ءۇمىت ەتتى.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، ياڭ شياۋدۋ، چىن شي، حۋ چۇنحۋا، گو شىڭكۇن، حۋاڭ كۇنميڭ، يوۋ چۋان، ۋاڭ ي، شياۋ جيە، جاڭ چيڭلي، شيا باۋلۇڭ، حى ليفىڭ جانە ورتالىقتاعى قاتىستى تاراۋلاردىڭ جاۋاپتىلارى اڭگىمە ماجىلىسىنە قاتىناستى.

  اڭگىمە ماجىلىسىنە پارتيا سىرتىنداعى قايراتكەرلەردەن تاعى جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ جانە جياڭ زوجۇن، لي يۋەفىڭ، حۋاڭ يۇيگۋاڭ قاتارلىلار قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار