شەتەلدىك ماماننىڭ نازارىنداعى پارتيا 20 – قۇرىلتايىنىڭ بايانداماسى | ان يۇڭ: جۇڭگونىڭ دامۋى حالىقتى شىنايى يگىلىككە كەنەلتتى
2022.10.20 14:23 كەلۋ قاينارى : حالىق تورابى
يسپانيالىق ءتىل مامانى ان يۇڭنىڭ اۋدارما قىزمەتىمەن شۇعىلدانعانىنا 18 جىل بولعان، ءار جىلى مەملەكەتتىك ەكى ماجىلىستەگى ۇكىمەت قىزمەتىنەن باياندامانى اۋدارۋ قىزمەتىنە قاتىناسادى. بيىل ول پارتيا ۋاكىلدەر قۇرىلتايىنىڭ بايانداماسىن يسپان تىلىنە اۋدارۋ قىزمەتىنە تۇڭعىش رەت جاۋاپتى بولدى. ان يۇڭنىڭ قاراۋىنشا، جۇڭگو كوممۋنيستىك پارتياسىنىڭ ءبىرقىدىرۋ نازارياسى مۇراگەرلىك ەتۋ بارىسىندا جاڭالىق اشىپ، جۇڭگونىڭ دامۋى حالىقتى شىنايى يگىلىككە كەنەلتۋدە.
پارتيا 20 – قۇرىلتايىنىڭ بايانداماسىن يسپان تىلىنە اۋدارۋعا قاتىناسقان مامان ان يۇڭ: بۇل باياندامانىڭ ماعان بەرگەن ءبىرىنشى اسەرى —توتەنشە كۇشتى تاريحي ساباقتاستىعى بار. باياندامادا جۋىرداعى جىلداردان بەرى جۇڭگو كوممۋنيستىك پارتياسى باستان – اياق دارىپتەپ كەلە جاتقان ءبىرقىدىرۋ تاسىلدەر قامتىلعان، الايدا، ول اناعۇرلىم ءدال، اناعۇرلىم ەگجەي – تەگجەيلى فورما ارقىلى باياندالىپ، جۇڭگونىڭ الدا ىستەۋگە ءتيىستى ىستەرى ايقىندالعان.
«جاپپاي سوتسياليستىك وسىزاماندانعان مەملەكەت قۇرۋ»، «جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ»، ان يۇڭ پارتيا 20 – قۇرىلتايىنىڭ بايانداماسىندا ورتاعا قويىلعان مىندەت، نىسانالاردا دامۋدىڭ بىركەلكى بولۋىنا ءمان بەرىلگەن، مۇنىڭ استارىندا جۇڭگو كوممۋنيستىك پارتياسىنىڭ پاراساتى مەن حالىققا دەگەن قامقورلىعى قامتىلعان دەپ قارايدى.
پارتيا 20 – قۇرىلتايىنىڭ بايانداماسىن يسپان تىلىنە اۋدارۋعا قاتىناسقان مامان ان يۇڭ: باياندامادا حالىق سانى وراسان زور بولۋ سىندى وسى ءبىر ماڭىزدى ەرەكشەلىك تىلگە الىنعان، سوندىقتان، ۇكىمەت ماكرولىق ەكونوميكانى رەتتەۋ رولىن اتقارۋى، ەكونوميكالىق كۇش – قۋاتتىڭ تەك از سانداعى ادامدارعا عانا پايدا جەتكىزبەي، قايتا ءاربىر ادامدى يگىلىككە كەنەلتۋىنە شارت – جاعداي جاراتۋى كەرەك. ءتوراعا شي جينپيڭ قازىرگى وزگەشە تاريحي ورايدى قالاي مىقتى ۇستاپ، جۇڭگوعا جەتەكشىلىك ەتىپ، زور قاداممەن العا باسۋدى بىلەدى. مەنىڭشە، ءتوراعا شي جينپيڭ ۇلى كوسەمدە بولاتىن ۇزدىك قاسيەتكە يە، حالىقتى بىرگە قۇلشىنۋعا قالاي شابىتتاندىرۋدى جانە ۇندەۋدى، اناعۇرلىم جارقىن بولاشاقتى جاراتۋدى بىلەدى.
جۇڭگودا قىزمەت ىستەگەن، تۇرمىس كەشىرگەن 20 جىلدا ان يۇڭ جۇڭگونىڭ ەكونوميكاسىنىڭ ۇشقان قۇستاي تەز دامىعانىنا جانە حالىق تۇرمىسىنىڭ جان – جاقتى جاقسارعانىنا كۋا بولدى. ول جۇڭگونىڭ قول جەتكىزگەن جەتىستىكتەرى ايدان – ايقىن، ءار ەلدىڭ ۇلگى الۋىنا جانە ۇيرەنۋىنە تاتيدى دەپ قارايدى.
پارتيا 20 – قۇرىلتايىنىڭ بايانداماسىن يسپان تىلىنە اۋدارۋعا قاتىناسقان مامان ان يۇڭ: جۇرت نازارىن ەڭ اۋدارعانى جۇڭگونىڭ كەدەيلىكتەن ارىلتۋدان قامال الۋ شايقاسى، جۇڭگونىڭ وسى جاعىندا قول جەتكىزگەن وراسان زور جەتىستىگى ماڭىزدى مانگە يە. بىرلەسكەن مەملەكەتتەر ۇيىمىنىڭ دۇنيە ءجۇزى بويىنشا كەدەيلىكتى ازايتۋعا قاتىستى نىساناسى بار، جان سانى وسىنشاما كوپ جۇڭگونىڭ وسىنشالىق جەتىستىككە قول جەتكىزۋى بۇل نىساناعا قول جەتكىزۋ ءۇشىن كەلەلى ۇلەس قوسۋ بولىپ تابىلاتىنى ايقىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
