ۋاكىل لي پيڭ:
”ساۋساق ۇشىنداعى ەكونوميكانى“ دامىتىپ، كوركەم بولاشاقتى ”كەستەلەيمىز“
□ انار بۇلت \ شينجياڭ گازەتىنىڭ ءتىلشىسى جاڭ يانفاڭ
2022.11.03 15:54 كەلۋ قاينارى : شينجياڭ گازەتى
”كوپشىلىكتىڭ تاپسىرماسىن ارقالاپ بەيجيڭگە بارىپ قۇرىلتايعا قاتىناسىپ، حالىق سارايىنا كىرىپ، سول جەردە باس شۋجي شي جينپيڭ جاساعان پارتيا 20 - قۇرىلتايىنىڭ بايانداماسىن تىڭداعانىمدى شەكسىز ماقتانىش سەزىنەمىن“! 10 - ايدىڭ 28 - كۇنى شاپشال سىبە اۆتونوميالى اۋدانى ناداچي نيۋلۋ اۋىلى ناداچي نيۋلۋ قىستاعىندا پارتيا 20 - قۇرىلتايىنىڭ ۋاكىلى لي پيڭ باياندامانى مۇقيات ۇيرەنىپ، ەندىگى جەردەگى ۇگىت لەكسياسىنا دايىندالدى، ول ءوزىنىڭ كورگەندەرىن، ەستىگەندەرىن، اسەرىن، پارتيا 20 - قۇرىلتايى جەتكىزگەن جاقسى حابارلاردى تۇگەلدەي اۋىلداستارعا ايتىپ بەرمەك.
55 جاستاعى لي پيڭ حالىق تۇرمىسى مەن اۋىل - قىستاقتى گۇلدەندىرۋ مازمۇنىنا ايرىقشا نازار اۋداردى. ”مەملەكەت دەگەنىمىز حالىق، حالىق دەگەنىمىز مەملەكەت. پارتيا 20 - قۇرىلتايىنىڭ بايانداماسىندا تۇرعىن ءۇي، قارتتاردى كۇتىمدەۋ، ەمدەۋ، جۇمىستانۋ سياقتى بۇقارا كوڭىل ءبولىپ وتىرعان ماسەلەلەرگە تۇگەلدەي ورنالاستىرۋ جاسالدى“. ول بىلاي دەدى: باياندامانىڭ ءاربىر ءسوز - سويلەمىندە پارتيامىزدىڭ حالىققا بولعان تەرەڭ ىنتا - ىقىلاسى مەن مۇندالاپ، كوپشىلىكتىڭ جۇرەگىنە وزگەشە جىلۋ ۇيالاتتى.
”اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ“، ”اۋىل - قىستاق ەرەكشە كاسىپ سالاسىن دامىتىپ، ديقانداردىڭ كىرىسىن ارتتىرىپ، بايۋ ارناسىن كەڭەيتۋ“... وسى مازمۇندار لي پيڭگە بولاشاقتا اۋىل - قىستاقتىڭ كەسەك تابىسقا جەتۋدەگى جاڭا ءورىس، وسىزاماندانعان مەملەكەت قۇرىلىسىن ىلگەرىلەتۋدەگى جاڭا شايقاس مايدانى ەكەنىن تەرەڭ سەزىندىردى. ”ءبىز جاقسى ورايعا ءدوپ كەلىپ وتىرمىز، دامۋعا بولعان سەنىمدى، ءسوز جوق، اۋىلداستارعا جەتكىزۋىمىز كەرەك“، - دەدى ول.
ناداچي نيۋلۋ اۋىلى سىبە ۇلتتىق كەستەشىلىك جانە قولونەر جاساۋ كاسىپتىك سەلبەستىك كووپەراتيۆىنىڭ القاسى رەتىندە، پارتيا 20 - قۇرىلتايىنىڭ بايانداماسىندا العا قويىلعان ”جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتىپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرۋ كەرەك“ دەگەن مازمۇن ونى ءتىپتى دە جەلپىندىردى.
لي پيڭ كىشكەنتايىنان ءداستۇرلى كەستەلى كيىم - كەشەككە توتەنشە قىزىعاتىن، ۇرىمجىدە ارناۋلى ۇيرەنىپ، اۋىلىنا قايتقان سوڭ قولونەر كەستەشىلىك شەبەرحاناسىن اشىپ، جەرگىلىكتى ورىندا وزىندىك اتاعى بار كەستەشى بويجەتكەنگە اينالادى. 2011 - جىلى سىبە ۇلتىنىڭ كەستەسى 3 - توپتاعى مەملەكەت دارەجەلى بەيزاتتىق مادەنيەت مۇرالارى تىزىمدىگىنە ەنىپ، ونىڭ دامۋ بەكىمىن ءتىپتى دە بەكەمدەي ءتۇستى. سەلبەستىك كووپەراتيۆىنە كىرگەن سوڭ، ول ءوزى ينتەرنەتتە جانە ينتەرنەتتەن تىس ءتۇرلى ارنالار ارقىلى كەستەشىلىك ونەرىن ارتتىرىپ قانا قالماستان، تاعى تۇتاس اۋىلداعى كەستەشى ايەلدەردى باستاپ ۇجىمداسا دامىپ، ”ساۋساق ۇشىنداعى ونەرلەرىن“ جالعاستىرىپ، كىرىستەرىن ارتتىرىپ، بايۋ جولىنا ءتۇستى.
”قازىر ءبىزدىڭ سەلبەستىك كووپەراتيۆىمىزدىڭ كيىم - كەشەك، اياق كيىم، باس كيىم، قول سومكە، قولونەر بۇيىمدارى سياقتى ءتۇرلى كەستە بۇيىمدارى بۇكىل مەملەكەتتىڭ جەر - جەرىنە ساتىلىپ، سەلبەستىك كووپەراتيۆىنىڭ جىلدىق ءونىم قۇنى العاشقى كەزدەگى 200 مىڭ يۋاننان 420 مىڭ يۋانعا ارتتى“، - دەدى لي پيڭ.
وسى رەتكى قۇرىلتايعا قاتىناسقاندا، لي پيڭ ارنايى تۇردە سىبە ۇلتىنىڭ ءبىر پار ادەمى كەستەلى كيىمىن كيىپ، قۇرىلتاي الاڭىنا ءسان قوستى. ”ءار جولى قۇرىلتاي الاڭىنا كىرگەنىمدە وسىنشاما ادەمى كيىمدى قايدان ساتىپ الدىڭ دەپ سۇراعاندارعا: ءبىزدىڭ كووپەراتيۆتەگى كەستەشى ايەلدەر تىككەن، مەن دە تىگە الامىن دەيمىن ماقتانىشپەن“، - دەدى لي پيڭ، وسى رەتكى قۇرىلتايعا قاتىناسۋ ارقىلى ول كەستە مادەنيەتىنىڭ مازمۇنىن بايىتۋ، ”ساۋساق ۇشىنداعى ونەردى“ قايتكەندە ”ساۋساق ۇشىنداعى ەكونوميكاعا“ اينالدىرۋ جونىنەن وزىندىك تىڭ وي قورىتىپ قايتتى.
لي پيڭ بىلاي دەدى: قازىر سەلبەستىك كووپەراتيۆىمىزدىڭ كەستە بۇيىمدارىن تۇتىنۋشىلار، نەگىزىنەن، ورتا جاستاعىلار مەن قارتتار، ەگەر ءداستۇرلى كەستەنىڭ تىڭ ومىرشەڭدىك كۇشىن قاۋلاتامىز دەسەك، وندا ۇزدىكسىز جاڭالىق اشىپ، جاستارعا ۇنايتىن ەلەمەنتتەر ەنگىزىپ، ءداستۇر مەن جاڭا ۇلگىنى توعىستىرۋىمىز كەرەك، وسىلاي بولعاندا كەستە بۇيىمدارىن جاستار ءتىپتى دە قۋانا قارسى الاتىن بولادى.
ەندى ءبىر جاعىنان، لي پيڭ كەستەشىلىك ونەردى جالعاستىرۋدان الاڭداپ تا وتىر. كەستەشىلىك ونەرى ۇيرەنۋگە وڭاي بولعانىمەن وعان ىسىلۋ قيىن، ۋاقىت جۇمساۋدى، ەڭبەكتەنۋدى، تاباندىلىقتى قاجەت ەتەدى، كوپتەگەن جاستار ىستەۋدى قالامايدى. لي پيڭ تۇرعان سەلبەستىك كووپەراتيۆىندەگى ەڭ جاس كەستەشىنىڭ ءوزى 40 جاستان اسقان. پارتيا 20 - قۇرىلتايىنىڭ اشىلۋى جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە جانە ونى اسقاقتاتۋعا ءمان بەرىلەتىندىگىن اڭعارتتى، بۇل وعان زور سەنىم سيلادى.
”كەلەسى قادامدا، وزگە كەستەشى ايەلدەرمەن بىرلەسىپ، اۋىلداعى جاستاردى بەلسەندى تۇردە سەلبەستىك كووپەراتيۆىنە كىرۋگە اتتانىسقا كەلتىرىپ، كوركەم بولاشاقتى كوپشىلىكپەن بىرگە ’كەستەلەيمىز‘“، - دەدى لي پيڭ، - سونىمەن بىرگە الەۋمەتتىك يگىلىك قيمىلدارىن كوبىرەك ورىستەتىپ، جاستار مەن جاس وسپىرىمدەرگە كەستەشىلىك ونەرىن كورسەتىپ، سىبە ۇلتىنىڭ كەستەسىن ۇرپاقتان - ۇرپاققا جالعايمىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
