وزىندىك قۇنى تومەن دەنساۋلىق ساقتاۋ بۇيىمدارىن «حيكىمەت ءدارى» دەپ ساتقان الدامكوستەر 2770 قارتتان ون ميلليون يۋان اقشا الداپ اكەتكەن
حىنان ولكەسى ۋىنشيان اۋداندىق حالىق سوتى تەلەكوم الدامكوستىگى توبىنىڭ 13 ادامىن قىلمىستىق ىستەر بويىنشا جازالادى
2022.11.01 15:47 كەلۋ قاينارى : حالىق تورابى
حالىق سوتى گازەتىنىڭ تىلشىلەرى جاۋ دۇڭلياڭ، ەرىكتى ءتىلشىسى لي رۇڭ حابارلايدى. قارتتاردى كۇتىمدەۋ سالاسىنىڭ دامۋىنا بايلانىستى، ءىشىنارا زاڭسىز ەلەمەنتتەر قارتتاردىڭ دەنساۋلىعىنىڭ جاقسى بولۋىن تىلەيتىن، شيپاگەرگە كورىنۋگە اسىعىپ تۇراتىن كوڭىل – كۇيىنەن پايدالانىپ، دەنساۋلىق ساقتاۋ بۇيىمدارىن ساۋدالاۋ دەگەن جەلەۋمەن قارتتارعا الدامكوستىك ىستەپ، ولاردىڭ مال – مۇلىك ۇقىعىنا قول سۇعىپ، ولاردىڭ كوڭىل – كۇيى مەن دەنساۋلىعىنىڭ اقاۋسىزدىعىنا زيان جەتكىزەدى. جۋىردا حىنان ولكەسى ۋىنشيان اۋداندىق حالىق سوتى قارتتاردى كۇتىمدەۋگە ساياتىن الدامكوستىك دەلوسىن انىقتادى. ايىپكەر ياڭ X، سۇن X، ۋاڭ X قاتارلى 13 ادامنان ۇيىمداسقان تەلەكوم الدامكوستىگى توبى قارتتارعا دەنساۋلىق ساقتاۋ بۇيىمدارىن ساۋدالاۋ دەگەندى جەلەۋ ەتىپ، تەلەكوم الدامكوستىگىمەن شۇعىلدانىپ، 2770 قارتتى الداعان، ەكونوميكالىق زيان 10 ميلليون 380 مىڭ يۋاننان اسقان.
سوت مەكەمەسى تەرگەۋ ارقىلى مىنالاردى انىقتاعان: 2020 – جىلى 4 – ايدا، ايىپكەر ياڭ X پەن سۇن X شىڭيوۋ تيانچىڭ ساۋدا شەكتى سەرىكتەستىگىن (تومەندە قىسقارتىلىپ شىڭيوۋ تيانچىڭ سەرىكتەستىگى دەپ الىنادى) تىركەۋگە الدىرعان، ياڭ X اتقارۋشى القا، زاڭدى ۋاكىل بولعان، سۇن X باقىلاۋشى مىندەتىن اتقاراتىن بولعان. 2021 – جىلى 3 – ايدا، ايىپكەر ۋاڭ X پەن لي X (باسقا دەلو بويىنشا ءبىرجاقتى ەتىلگەن) اتالعان سەرىكتەستىككە قوسىلىپ، ياڭ X، سۇن X ءىس جۇزىندە مەڭگەرەتىن، بىرگە تيجارات جۇرگىزەتىن، تورتەۋى جارنانى تەڭ بولەتىن بولعان.
2020 – جىلى 9 – ايدان بەرى، ياڭ X، سۇن X قاتارلىلار شىڭيوۋ تيانچىڭ سەرىكتەستىگىنىڭ تيجاراتىن جەلەۋ ەتىپ، شيپاگەرلىك، دارىگەرلىك سالاۋاتى نەمەسە ءدارى – دارمەككە قاتىستى تەحنيكاسى جوق ايىپكەر شاۋ X، ۋاڭ Xجيا قاتارلى 10 ادامدى قىزمەتكە قابىلداپ، ۇيىمداستىرىپ، تۇراقتى تەلەكوم الدامكوستىگى قىلمىستىق توبىن قۇرىپ، جالعاننان مەديتسينا مامانى بولىپ الىپ، ءونىمنىڭ ەمدىك رولىن اسىرەلەۋ قاتارلى الدامكوستىك تاسىلدەردەن پايدالانىپ، ايرىقشا بەلگىلەنبەگەن قارتتاردىڭ تەلەفونىنا توپتىق تۇردە نەمەسە جەكە تۇردە تەلەفون سوعىپ، نەشە ون يۋانعا ساتىپ العان دەنساۋلىق ساقتاۋ بۇيىمى، ءدارى – دارمەك قاتارلىلاردى نەشە ءجۇز يۋاندىق باعامەن قارتتارعا ساتىپ بەرىپ، وسى ارقىلى زاڭسىز پايداعا كەنەلگەن. دەلو انىقتالعانعا دەيىن، اتالعان الدامكوستىك توبى زياندالعان 2770 قارتتان جيىنى 10 ميلليون 380 مىڭ يۋاننان استام اقشا الداپ العان.
سوت مەكەمەسى تاعى مىنالاردى تەكسەرىپ انىقتاعان: 2021 – جىلى 3 – ايدان باستاپ، الدامكوستىكتىڭ وزىندىك قۇنىن تومەندەتۋ ءۇشىن، ياڭ X، سۇن X، ۋاڭ X اقىلداسىپ العان سوڭ، سۇن X زات اينالىمىمەن شۇعىلداناتىن نيە X تەن (باسقا دەلو بويىنشا ءبىرجاقتى ەتىلگەن) ءاربىر ينفورماتسيانى 0.5 يۋاننان 0.8 يۋانعا دەيىنگى باعادا زاڭسىز تۇردە ارناۋلى بەلگىلەگەن قارتتاردىڭ ازاماتتىق ينفورماتسيالارىن ساتىپ الىپ، جيىنى 47840 يۋان اقى تولەگەن، ساتىپ العان ينفورماتسيالاردى A9CRM جۇيەسىنە ەنگىزىپ، تەلەكوم الدامكوستىگىمەن شۇعىلدانۋعا پايدالانعان.
سوت مەكەمەسى تەرگەۋ جۇرگىزگەن سوڭ، بىلاي دەپ قاراعان: ايىپكەر ياڭ X قاتارلى 13 ادام زاڭسىز يەلەپ الۋ ماقساتىندا، تەلەكوم مەن ينتەرنەتتەن پايدالانۋ، جالعاننان قۇراستىرۋ ارقىلى باسقالاردىڭ مال – مۇلكىن ۇرلاپ العان، ولاردىڭ ارەكەتى تۇگەلدەي الدامكوستىك قىلمىسىن قالىپتاستىرعان؛ ايىپكەر ياڭ X، سۇن X، ۋاڭ X ۇشەۋى ازاماتتاردىڭ جەكەلىك ينفورماتسياسىنا زاڭسىز تۇردە قول جەتكىزگەن، زاردابى اۋىر، ولاردىڭ ارەكەتى تۇگەلدەي ازاماتتاردىڭ جەكەلىك ينفورماتسياسىنا قول سۇعۋ قىلمىسىن قالىپتاستىرعان. ايىپكەرلەردىڭ قىلمىستىق توپتاعى ورنى مەن رولىنا ساي، جەكە – جەكە ايىپكەر ياڭ X، سۇن X، ۋاڭ X تەردى الدامكوستىك قىلمىسى، ازاماتتاردىڭ جەكەلىك ينفورماتسياسىنا قول سۇعۋ قىلمىسى بويىنشا 12 جىلدان 12 جىل التى ايعا دەيىنگى ارالىقتا مەرزىمدى قاماق جازاسىنا ۇكىم ەتتى ءارى ءار بىرىنە 350 مىڭ يۋاننان اقشالاي ايىپ سالدى؛ باسقا ون ايىپكەردى الدامكوستىك قىلمىسى بويىنشا جەكە – جەكە ەكى جىلدان بەس جىل بەس ايعا دەيىنگى ارالىقتا مەرزىمدى قاماق جازاسىنا ۇكىم ەتتى ءارى ولارعا ءتۇرلى سومادا اقشالاي ايىپ سالدى. ايىپكەرلەردىڭ زاڭعا قايشى تۇردە قولعا كەلتىرگەن تابىستارىن قايتارىپ الىپ، زياندالعاندارعا قايتارىپ بەردى، ايىپكەرلەردى قايتارىپ بەرە الماعان بولىگىن تولىق تولەپ بەرۋگە بۇيىردى. ۇكىم جاريالانعان سوڭ، 4 ايىپكەر ۇكىمگە مويىنسال بولماي، جوعارىلاپ ارىزداندى، جياۋزو قالالىق ورتا دارەجەلى حالىق سوتى تەرگەۋ جۇرگىزىپ، جوعارىلاپ ارىزدانعانداردىڭ تالابىن تويتارۋ سىندى كەسىم جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
