شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى
2022.11.01 16:05 كەلۋ قاينارى : حالىق تورابى
 |
10 - ايدىڭ 31 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. سۋرەتتە: كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا رۋان فۋجۇڭعا ارناپ قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
«حالىق گازەتى»، 10 - ايدىڭ 31 - كۇنى، بەيجيڭ (ءتىلشى جاڭ يۋاننان). 10 - ايدىڭ 31 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. ەكى جاق ءبىر اۋىزدان مىنانى ءبىلدىردى: «16 ارىپتىك» باعىت پەن «تورتتە جاقسى بولۋ» رۋحىن ۇستانىپ، ءداستۇرلى دوستىقتى بەكەمدەپ، ستراتەگيالىق پىكىرلەسۋدى كۇشەيتىپ، ساياسي سەنىمدىلىكتى نىعايتىپ، الاۋىزدىقتاردى ۇيلەسىمدى ءبىر جاقتى ەتىپ، جاڭا داۋىردەگى جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز تىڭ ساتىعا كوتەرۋ كەرەك.
شي جينپيڭ رۋان فۋجۇڭنىڭ ج ك پ -نىڭ 20 – قۇرىلتايى اشىلا سالىپ جۇڭگودا رەسمي ساپاردا بولعانىن قىزۋ قارسى الدى. شي جينپيڭ مىنالاردى ءبىلدىردى: تاياۋ جىلداردان بەرى مەن باس شۋجي رۋان فۋجۇڭ جولداسپەن كوپ ءتۇرلى تاسىلدەر ارقىلى تىعىز بايلانىستى جالعاستىردىم، جۇڭگو - ۆيەتنام قارىم - قاتىناسىنىڭ دامۋىنا جەتەكشىلىك ەتۋ جونىندە كوپتەگەن ماڭىزدى ورتاق تانىمعا كەلدىك، وسى ورتاق تانىمدار جاپپاي تياناقتاندىرىلىپ، كورنەكتى ونىمدىلىككە قول جەتكىزدى.
شي جينپيڭ ج ك پ 20 - قۇرىلتايىنىڭ باستى جاعدايلارىن تانىستىرا كەلىپ، مىنالاردى ءبىلدىردى: جاڭا داۋىردەگى جۇڭگونىڭ پارتيا مەن مەملەكەت ىستەرىندە قول جەتكىزگەن تاريحي تابىستارى جۇڭگوشا سوتسياليزم جولىنىڭ جۇڭگونىڭ ءىس جۇزىنىنە سايكەسەتىنىن، جۇڭگو حالقىنىڭ تىلەگىن بەينەلەيتىنىن، ءداۋىردىڭ دامۋ تالابىنا ۇيلەسەتىنىن، دۇرىس، ىركىلىسسىز بولۋمەن بىرگە، ورنىقتى، جاقسى جۇرىلگەنىن تولىق دالەلدەدى. جاڭا ۇلى جورىقتا تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ج ك پ 20 - قۇرىلتايىنىڭ رۋحىن جەتەكشى ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتىپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە تىڭ دا اناعۇرلىم زور ۇلەس قوسامىز. ءبىز سونداي - اق ۆەتنام كوممۋنيستىك پارتياسىنىڭ 13 - قۇرىلتايىنان بەرى ۆەتنام كوممۋنيستىك پارتياسىنىڭ بۇكىل ۆەتنام حالقىن ىنتىماقتاستىرىپ جانە باستاپ، سوتسياليستىك قۇرىلىس پەن جاڭالىق جاراتۋ ىستەرىندە ۇزدىكسىز تىڭ تابىسقا قول جەتكىزگەنىن قۋانا كورىپ وتىرمىز. باس شۋجي رۋان فۋجۇڭ جولداس باس بولعان ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنامنىڭ پارتياسى مەن ۇكىمەتىنىڭ، ءسوز جوق، ۆيەتنام كوممۋنيستىك پارتياسىنىڭ 13 - قۇرىلتايىندا العا قويىلعان ءتۇرلى نىسانالار مەن مىندەتتەردى ءساتتى ورىنداپ، ۆەتنامنىڭ پارتيا قۇرىلعانى مەن مەملەكەت قۇرىلعانىنىڭ 100 جىلدىعى نىساناسىن جۇزەگە اسىرۋعا بەرىك نەگىز قالايتىنىنا سەنەمىن.
شي جينپيڭ بىلاي دەپ دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى اۋمالى - توكپەلى وزگەرىس مەزگىلىنە ءوتتى. جۇڭگو، ۆيەتنام قاتارلى سوتسياليستىك ەلدەر ءوز ەلىنىڭ ءىس جۇزىندىگىن تياناق ەتىپ، ءداۋىر اعىمىنا سايكەسىپ، ءوز ەلىنىڭ مەملەكەت جاعدايىنا ۇيلەسەتىن وسىزامانداندىرۋ جولىن ءساتتى قاراستىرىپ، سوتسياليزمنىڭ ومىرشەڭدىك كۇشىن كۇن سايىن تاسقىنداتتى. سونىمەن بىرگە، ادامزاتتىڭ العا باسۋ ىستەرىنىڭ دامۋى ۇزاق ءارى بۇراڭ بارىس، سوتسياليستىك ەلدەردىڭ دامۋى توتەنشە كۇردەلى حالىقارالىق ورتاعا جانە اۋىر حاۋىپ - قاتەر مەن سىن - سىناققا ءدوپ كەلۋدە. جۇڭگو، ۆيەتنام ەكى ەلدىڭ پارتيالارى حالىقتىڭ باقىتىن كوزدەۋدە، ادامزاتتىڭ العا باسۋىن كوزدەۋدە تاباندى بولىپ، سوتسياليستىك وسىزامانداندىرۋ قۇرىلىسىن بار كۇشپەن ىلگەرىلەتىپ، ءارقانداي بىرەۋدىڭ ءبىزدىڭ العا باسۋ قادامىمىزعا كەدەرگىلىك جاساۋىنا، ءارقانداي كۇشتىڭ ءبىزدىڭ دامۋىمىزدىڭ تۇزىمدىك نەگىزىن شايقالتۋىنا استە جول بەرمەۋى كەرەك.
جۇڭگو مەن ۆيەتنام قارىم - قاتىناسىن ونان ارى دامىتۋ جونىندە شي جينپيڭ مىنالاردى اتاپ كورسەتتى: ەكى جاق سوتسياليزمنىڭ العا باسۋ بەتالىسىندا تاباندى بولۋى كەرەك. سوتسياليزم ىستەرى مەن جۇڭگو - ۆيەتنام قارىم - قاتىناسى جونىنەن العاندا، دۇرىس ساياسي بەتالىستا تاباندى بولۋ ءبىرىنشى ورىندا تۇرادى. ەكى پارتيانىڭ ورتالىق كوميتەت باسشىلىق كوللەكتيۆتەرى پىكىرلەسۋدى، بارىس - كەلىستى كۇشەيتىپ، ەكى جاقتى قاتىناستاعى كەلەلى ماسەلەلەر جونىندە دەر كەزىندە پىكىر اۋىستىرىپ وتىرۋى كەرەك. ەكى پارتيانىڭ ورتالىق كوميتەتتەرى جانە جەرگىلىكتى ورىندار، تاراۋلار ەكى جاق جوعارى جىكتەگىلەرىنىڭ ورتاق تانىمىن دايەكتى تياناقتاندىرىپ، اۋىس - كۇيىستى، ءوزارا ۇلگى الۋدى كۇشەيتىپ، سەلبەستىك ونىمدىلىگىن جوعارىلاتۋى كەرەك. جاڭا جاعدايدا جۇڭگو - ۆيەتنام پارتيالارى پارتيانى باسقارۋ، ەل باسقارۋ تاجىريبەلەرى جونىندە اۋىس - كۇيىس جاساۋدى، ءوزارا ۇلگى الۋدى كۇشەيتىپ، ەكى ارميانىڭ جوعارى جىكتەگىلەرىنىڭ پىكىرلەسۋى مەن ستراتەگيالىق سۇحپاتىن جالعاستىرىپ، زاڭ اتقارۋ حاۋىپسىزدىك سەلبەستىگى جەتىستىكتەرىن كەڭەيتىپ، ءوز ەلدەرىنىڭ ساياسي حاۋىپسىزدىگى مەن قوعام ورنىقتىلىعىن ويداعىداي قورعاۋلارى كەرەك. ەكى جاق سوتسياليستىك ەكونوميكانىڭ نەگىزىن بەكەمدەۋى كەرەك. جۇڭگو جاق ۆيەتنام جاقپەن دامۋ ستراتەگياسىن ۇشتاستىرۋدى جەدەلدەتىپ، ەكى ەلدىڭ ءوزارا بايلانىسىن ىلگەرىلەتىپ، كاسىپ تىزبەگى مەن قامداۋ تىزبەگىنىڭ ورنىقتى جۇيەسىن بىرگە قۇرىپ، قۋاتى مىعىم، سەنىمدى، تەحنيكا شوعىرلانعان كاسىپورىنداردى ۆيەتنامعا بارىپ قارجى قوسۋعا شابىتتاندىرىپ، ەكى ەلدىڭ ەمدەۋ، دەنساۋلىق ساقتاۋ، جاسىل دامۋ، سيفرلى ەكونوميكا، كليمات وزگەرىسىنە توتەپ بەرۋ سياقتى سالالارداعى سەلبەستىگىن تەرەڭدەتۋدى قالايدى. ەكى جاق ءداستۇرلى دوستىقتى ساۋلەلەندىرۋى كەرەك. جاڭا جاعدايدا ەكى جاق بولاشاقتى كوزدە ۇستاپ، ۇزدىكسىز قاجىماي كۇش سالىپ، اعا بۋىن باسشىلار دەن قويا جەتىلدىرگەن «جولداستىققا قوسا باۋىرلاستىعى بار» ءداستۇرلى دوستىققا مۇراگەرلىك ەتىپ جانە ونى ساۋلەلەندىرىپ، حالىقتار اراسىنداعى دوستىق بارىس - كەلىستى كۇشەيتىپ، ەكى ەلدىڭ جاس ۇرپاقتارىنىڭ ءوزارا تانىسۋىن، ءبىرىن - ءبىرى ءتۇسىنۋىن، ەتەنە بولۋىن نىعايتىپ، اقپارات - ۇگىت سالاسىنداعى سەلبەستىكتى تەرەڭدەتىپ، ەكى جاقتى قاتىناسقا تاماشا قوعامدىق پىكىر رايىن ازىرلەۋ كەرەك.
شي جينپيڭ بىلاي دەپ دارىپتەدى: جۇڭگو جاق شىعىس وڭتۇستىك ازيا ەلدەرى وداعىن توڭىرەكتىك ديپلوماتيانىڭ الدىمەن ەسكەرىلەتىن بەتالىسى جانە «ءبىر بەلدەۋ، ءبىر جولدى» جوعارى ساپامەن بىرگە قۇرۋدىڭ ءتۇيىندى ءوڭىرى سانايدى، ۆيەتنامنىڭ شىعىس وڭتۇستىك ازيا ەلدەرى وداعىنداعى ورنى مەن رولىنا باسا ءمان بەرەدى، ۆيەتناممەن قول ۇستاسا وتىرىپ «بەيبىت، تىنىش، گۇلدەنگەن، كورىكتى، دوس مەكەن» قۇرىلىسىن جەدەلدەتىپ، شىعىس ازيا ءوڭىرىنىڭ ەكونوميكاسىن ءبىر تۇلعالاندىرۋدى ءۇمىت ەتەدى. جۇڭگو شىعىس وڭتۇستىك ازيا ەلدەرى وداعىمەن بىرگە ناعىز كوپ جاقتىلىقتى امالياتتا ايگىلەپ، ءوڭىردى اشىق ۇستاۋدا تاباندى بولىپ، وڭىرلىك جاعداي مەن حالىقارالىق ءتارتىپتىڭ بەيبىت، ورنىقتى، ءادىل، ۇيلەسىمدى باعىتقا قاراي دامۋىن بىرگە جەبەپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتۋدى قالايدى.
رۋان فۋجۇڭ مىنالاردى ءبىلدىردى: باس شۋجي شي جينپيڭنىڭ مەنى ۆيەتنامنىڭ باسشىلارىن باستاپ، ج ك پ - نىڭ 20 - قۇرىلتايىنان كەيىنگى العاشقى مەملەكەت باسشىسى دارەجەلى ۋاكىلدەر ۇيىرمەسى رەتىندە جۇڭگوعا ساپارلاي كەلۋگە ۇسىنىس ەتكەنىنە ەرەكشە العىس ايتامىن، مەن دە باس شۋجي شي جينپيڭ جولداسقا بەرگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا تاعايىندالعاننان كەيىن تۇڭعىش رەت جۇڭگوعا ساپارلاي بارامىن دەگەن ۋادەمدى ورىندادىم. مەن ۆيەتنام پارتياسى، ۇكىمەتى جانە حالقى اتىنان ج ك پ 20 - قۇرىلتايىنىڭ ءساتتى وتكىزىلۋىنە بايلانىستى جۇڭگو پارتياسىن، ۇكىمەتىن جانە حالقىن قىزۋ قۇتتىقتايمىن، باس شۋجي شي جينپيڭ جولداستىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعانىن قىزۋ قۇتتىقتايمىن، بۇل جۇڭگو پارتياسى مەن حالقىنىڭ وتكەن 10 جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگونىڭ قول جەتكىزگەن وراسان زور دامۋ تابىستارى مەن وسكەلەڭ حالىقارالىق بەدەلىن بارىنشا مويىندايتىنىن جانە وعان سەنەتىنىن تولىق ايگىلەدى. جۇڭگو كوممۋنيستىك پارتياسى قول جەتكىزگەن تابىستار دۇنيە جۇزىندەگى وركەندەپ كەلە جاتقان ەلدەردى، اسىرەسە، سوتسياليزم جولىمەن جۇرگەن ەلدەردى قۇندى تاجىريبەلەرمەن قامدادى. ءبىز شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا، جۇڭگونىڭ جۇڭگو كوممۋنيستىك پارتياسىنىڭ 20 - قۇرىلتايىندا بەلگىلەنگەن نىسانالار مەن مىندەتتەردى، ءسوز جوق، جۇزەگە اسىرىپ، ءوڭىر مەن دۇنيە جۇزىنە تىڭ دا بەلسەندى ۇلەستەر قوساتىنىنا كامىل سەنەمىز.
رۋان فۋجۇڭ بىلاي دەدى: مەن باس شۋجي شي جينپيڭنىڭ ەكى پارتيانىڭ، ەكى ەلدىڭ قارىم - قاتىناسىن دامىتۋ جونىندە العا قويعان ماڭىزدى ۇسىنىستارىن بۇكىلدەي قۇپتايمىن. ۆيەتنام جۇڭگومەن بولعان قارىم - قاتىناسىن ايرىقشا قاستەرلەيدى جانە وعان باسا ءمان بەرەدى، جۇڭگومەن دوستىق سەلبەستىكتى دامىتۋدى سىرتقى ساياساتتا ماڭداي الدى ورىنعا قويادى، ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن «16 ارىپتىك» باعىت جانە «تورتتە جاقسى بولۋ» رۋحى بويىنشا تەرەڭدەتۋدە تاباندى بولادى، ءبىر جۇڭگو ساياساتىن تاباندىلىقپەن ۇستانادى، ءارقانداي فورماداعى «تايۋاندى دەربەستىگى» بولشەكتەۋ ارەكەتتەرىنە باتىل قارسى تۇرادى، تايۋانمەن ەشقانداي ۇكىمەتتىك قاتىناسىن دامىتپايدى. ۆيەتنام ءارقانداي ءبىر ەلدىڭ ۆيەتنامدا اسكەري بازا قۇرۋىنا جول بەرمەيدى، ءارقانداي اسكەري وداققا قاتىناسپايدى، ءارقانداي ءبىر ەلگە قارۋ جۇمسامايدى، ءبىر ەلمەن بىرلەسىپ ەندى ءبىر ەلگە قارسى تۇرمايدى. ۆيەتنام جۇڭگومەن بىرگە جوعارى جىكتەگىلەردىڭ بارىس - كەلىسىن جالعاستىرۋ ارقىلى ءوزارا ءتۇسىنىسۋدى كۇشەيتىپ، ساياسي سەنىمدىلىكتى بەكەمدەۋدى قالايدى. پارتيالار قارىم - قاتىناسىنىڭ ستراتەگيالىق جەتەكشىلىك رولىن ساۋلەلەندىرىپ، ەكى پارتيانىڭ نازاريالىق اۋىس - كۇيىسىن تەرەڭدەتۋ كەرەك. ەكى ەلدىڭ قازىرگى سەلبەستىك مەحانيزمىنىڭ ونىمدىلىگىن، اسىرەسە، ۆيەتنام - جۇڭگو ەكى جاقتى سەلبەستىككە جەتەكشىلىك ەتۋ كوميتەتىنىڭ رولىن ساۋلەلەندىرىپ جانە جوعارىلاتىپ، «ەكى ءدالىز، ءبىر شەڭبەر» مەن «ءبىر بەلدەۋ، ءبىر جول» باستاماسىنىڭ ىشكەرىلەي ۇشتاسۋىن ىلگەرىلەتۋ كەرەك. ەكى ەلدىڭ ەكونوميكالىق سەلبەستىك ونىمدىلىگىن جوعارىلاتۋدى ونان ارى جەبەپ، ءار سالادا تىڭ كورىنەۋ تۇيىندەر جاراتۋ كەرەك. حالىقتىق اۋىس - كۇيىستى قورعاپ، ۆيەتنام - جۇڭگو قارىم - قاتىناسىنىڭ حالىق رايى نەگىزىن تەرەڭدەتۋ ءارى باياندى قوزعاۋشى كۇش قالىپتاستىرۋ كەرەك. قۇرلىقتاعى شەكارانىڭ بەيبىتشىلىگىن، تىنىشتىعىن ساقتاپ، تەڭىزدەگى بەيبىتشىلىكتى، ورنىقتىلىقتى قورعاپ، تەڭىز ىستەرى ماسەلەسىنىڭ ەكى ەلدىڭ جالپى تۇلعالىق قارىم - قاتىناسىنىڭ دامۋىنا ىقپال جاساۋىنا جول بەرمەۋ كەرەك. ۆيەتنام كوممۋنيستىك پارتياسىنىڭ 13 - قۇرىلتايى مەن ج ك پ - نىڭ 20 - قۇرىلتايىن بەلگى ەتىپ، ۆيەتنام مەن جۇڭگونىڭ قارىم - قاتىناسى شەشۋشى سيپاتتى جاڭا كەزەڭگە ءوتتى، ۆيەتنام جاق جۇڭگو جاقپەن بىرگە ۆيەتنام، جۇڭگو ەلدەرىنىڭ تاتۋ كورشىلىك، دوستىق جانە جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تىڭ دەڭگەيگە كوتەرۋگە پەيىل.
كەڭەستەن كەيىن شي جينپيڭ مەن رۋان فۋجۇڭ ەكى جاق قول قويعان ساياسي پارتيا، ەكونوميكا - ساۋدا، ورتانى قورعاۋ، مادەنيەت - ساياحات، ءادىليا، كەدەن، جەرگىلىكتى ورىندار سياقتى سالالارداعى سەلبەستىك قۇجاتتارعا قول قويۋعا كۋا بولدى.
كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا رۋان فۋجۇڭعا ارناپ قارسى الۋ سالتىن وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتىستى قيمىلدارعا قاتىناستى.
سول كۇنى كەشتە شي جينپيڭ رۋان فۋجۇڭعا ارناپ قارسى الۋ قوناعاسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قوناعاسىعا قاتىناستى. شي جينپيڭ رۋان فۋجۇڭعا ساياسي بيۋرونىڭ تۇراقتى مۇشەلىگىنە جاڭادان وسىرىلگەن جولداستاردى ءبىر - بىردەن تانىستىردى. رۋان فۋجۇڭ ساياسي بيۋرونىڭ تۇراقتى مۇشەلەرىن شىن جۇرەكتەن قۇتتىقتاپ، ۆيەتنام كوممۋنيستىك پارتياسى ورتالىق كوميتەتىنىڭ ج ك پ ورتالىق كوميتەتىنىڭ جاڭا كەزەكتى باسشىلىق كوللەكتيۆىمەن قول ۇستاسا قۇلشىنىپ، ەكى پارتيانىڭ، ەكى ەلدىڭ دوستىق سەلبەستىگىنىڭ تىڭ جەتىستىكتەرگە قول جەتكىزۋىن، تىڭ بيىككە كوتەرىلۋىن ىلگەرىلەتۋدى قالايتىنىن ءبىلدىردى.
كەلۋ قاينارى: حالىق تورابى
 |
10 - ايدىڭ 31 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن كەڭەس وتكىزدى. سۋرەتتە: كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا رۋان فۋجۇڭعا ارناپ قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
