توعىز ادام جارىسقا قاتىناسىپ، 8 التىن، 4 كۇمىس مەدال الدى
2022.10.25 14:53 كەلۋ قاينارى : حالىق تورابى
بەيجيڭ ۋاقىتى بويىنشا 10 – ايدىڭ 23 – كۇنى كەشتە، سۋعا سەكىرۋ سپورتىنان 2022 – جىلعى الەم چەمپيوناتىنىڭ ەڭ سوڭعى كۇنگى جارىسى اياقتادى، چاڭ ياني مەن ياڭ جيان جۇڭگو كومانداسىنا تاعى 2 التىن مەدال الىپ بەردى. سونىمەن، جۇڭگونىڭ سۋعا سەكىرۋ سپورتى كومانداسى وسى رەتكى جارىستا 8 سپورت تۇرىنەن 8 التىن مەدال الىپ، بارلىق التىن مەدالعا يە بولۋدى ىسكە اسىردى.
سول كۇنى كەشتە وتكىزىلگەن ايەلدەردىڭ ءبىر كىسىلىك 3 مەترلىك تۇعىردان سەكىرۋ جارىسى مەن ەرلەردىڭ ءبىر كىسىلىك 10 مەترلىك تۇعىردان سەكىرۋ جارىسى، سونداي – اق، ەرلەر مەن ايەلدەر ارالاس توپتىق ءتۇر بويىنشا 3 ءتۇرلى جارىس وتكىزىلدى. جۇڭگو كومانداسى وسى رەت ارالاس توپتىق جارىس تۇرىنە قاتىناسقان جوق. ەڭ الدىمەن وتكىزىلگەن ايەلدەردىڭ ءبىر كىسىلىك 3 مەترلىك تۇعىردان سەكىرۋ سپورتىنىڭ شەشۋشى جارىسىندا، وسىنىڭ الدىندا ايەلدەردىڭ قوس كىسىلىك 3 مەترلىك تۇعىردان سەكىرۋ سپورتىندا التىن مەدال العان چاڭ ياني مەن چىن ي – ۋىن جەكە – جەكە جارىسقا قاتىناستى. شەشۋشى جارىستا، چاڭ ياني ىرىكتەۋ جارىسىنداعى ۇزدىك بەينەسىن ساقتاپ، ەڭ سوڭىندا 363.75 نومىرمەن اعا جۇلدەگەر بولدى، جۇڭگولىق تاعى ءبىر سپورتشى چىن ي – ۋىن 346.95 نومىرمەن ەكىنشى ورىنعا يە بولدى، جاپونيالىق سپورتشى 3 – ورىنعا يە بولدى.
ىلە – شالا، ەرلەردىڭ جەكە كىسىلىك 10 مەترلىك تۇعىردان سەكىرۋ سپورتىنىڭ شەشۋشى جارىسى قيان – كەسكى وتكىزىلدى، جۇڭگولىق سپورتشىلار ياڭ حاۋ مەن ياڭ جيان بىرگە جارىسقا قاتىناستى. ەڭ سوڭىندا، اناعۇرلىم ۇزدىك ونەر كورسەتكەن ياڭ جيان 537.70 نومىرمەن التىن مەدالعا يە بولدى، ونىڭ العان ءنومىرى دە بيىل دۇنيە جۇزىلىك جۇلدەلى جارىسقا قاتىناسىپ، اعا جۇلدەگەر بولعان كەزدەگى ءوز ناتيجەسىنەن اسىپ ءتۇستى، جۇڭگولىق تاعى ءبىر سپورتشى ياڭ حاۋ 472.20 نومىرمەن ەكىنشى ورىنعا يە بولدى، ا ق ش سپورتشىسى 3 – ورىنعا يە بولدى.
سونىمەن، جۇڭگو سۋعا سەكىرۋ سپورتى كومانداسى وسى رەتكى الەم چەمپيوناتىنداعى ساپارىن اياقتاتتى، وليمپيادا سپورت تۇرلەرىنەن 8 ءتۇر بويىنشا جيىنى 8 التىن، 4 كۇمىس مەدال الۋدى ىسكە اسىردى، بۇل رەت الەم چەمپيوناتىنا قاتىناسقان 9 سپورتشىنىڭ بارلىعى التىن مەدالعا يە بولدى، مۇندا، چىن يۇيشي مەن ۋاڭ زۇڭيۋان جانە چاڭ ياني «قوس اعا جۇلدەگەر» بولدى، 15 جاستاعى چۋان حۇڭچان مەن 17 جاستاعى چىن يۇيشي ايەلدەردىڭ قوس كىسىلىك 10 مەترلىك تۇعىردان سەكىرۋ سپورتىندا دۇنيە جۇزىندەگى ءۇش ءىرى جارىستىڭ (وليمپيادا، دۇنيە جۇزىلىك جۇلدەلى جارىس، الەم چەمپيوناتى) التىن مەدالىنا قول جەتكىزۋ سىندى ناتيجەنى ىسكە اسىردى.
جۇڭگو كومانداسىنا قۇتتى بولسىن ايتامىز!
كەلۋ قاينارى: حالىق تورابى
 |
سۋرەتتە: ايەلدەردىڭ جەكە كىسىلىك 3 مەترلىك تۇعىردان سەكىرۋ جارىسىنىڭ سيلىق تاراتۋ سالتى. سۋرەتتىڭ كەلۋ قاينارى: FINA حالىقارالىق ءجۇزۋ سپورتى بىرلەستىگى
|
 |
سۋرەتتە: ەرلەردىڭ جەكە كىسىلىك 10 مەترلىك تۇعىردان سەكىرۋ سپورتىنىڭ سيلىق تاراتۋ سالتى. سۋرەتتىڭ كەلۋ قاينارى: FINA حالىقارالىق ءجۇزۋ سپورتى بىرلەستىگى
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
