مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتامىز
− شينجياڭداعى ءار ۇلت كادرلارى مەن بۇقاراسى پارتيا 20 - قۇرىلتايىنىڭ بايانداماسىن قىزۋ تالقىلادى
□ انار بۇلت/ شينجياڭ گازەتىنىڭ تىلشىلەرى
2022.10.21 14:59 كەلۋ قاينارى : شينجياڭ گازەتى
جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، جۇڭگوشا سوتسياليستىك مادەنيەتتى دامىتۋ جولىنا تاباندى بولۋ كەرەك.
پارتيا 20 - قۇرىلتايىنىڭ بايانداماسىندا، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ العا قويىلدى. بىرنەشە كۇننەن بەرى رايونىمىزداعى ءار ۇلت كادرلارى مەن بۇقاراسى 20 - قۇرىلتاي بايانداماسىن ىشكەرىلەي ۇيرەندى، كوپشىلىك ءبىر اۋىزدان بىلاي دەپ قارادى: 10 جىلدان بەرى، توركىنىن تۇزەپ، قاينارىن تازالاۋ، تۋراشىلدىقتان اينىماي، جاڭالىق اشۋ بارىسىندا ەلىمىزدىڭ مادەنيەت قۇرىلىسىندا تاريحي تابىستارعا قول جەتىپ، تاريحي وزگەرىستەر تۋىلىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى اناعۇرلىم بەكەمدەلدى. بۇدان بىلاي تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبرازدى ايگىلەۋدى ارقاۋ ەتە وتىرىپ، سوتسياليستىك مادەنيەتتە قۋاتتى ەل قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتامىز.
سوتسياليستىك وزەكتى قۇن كوزقاراسىن امالياتتا كەڭىنەن ايگىلەيمىز
پارتيا 20 - قۇرىلتايىنىڭ بايانداماسىندا مىنالار العا قويىلدى: پارتيا قۇرۋ ۇلى رۋحىن باستاۋ ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، قىزىل بايلىقتان ويداعىداي پايدالانىپ، سوتسياليستىك وزەكتى قۇن كوزقاراسى ۇگىت - تاربيەسىن ىشكەرىلەي ورىستەتىپ، وتانشىلدىق، كوللەكتيۆشىلدىك، سوتسياليستىك تاربيەنى تەرەڭدەتىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ۇرپاقتارىن كۇش سالا جەتىلدىرۋ كەرەك.
10 - ايدىڭ باسىندا بيڭتۋان 1 - شى ارال قالاسىنا ورنالاسقان 359 - لۇي تىڭ يگەرۋ ەسكەرتكىش سارايىندا ينتەرنەت جەلىسىندە قىزىل فوتو سۋرەت باعالاۋ قيمىلى وتكىزىلىپ، بۇكىل ەلدەگى 100گە جۋىق ەكسكۋرسيالاۋشىنىڭ فوتو سۋرەت تۋىندىلارىن تاپسىرىپ الدى. ”بۇل تۋىندىلار كوپشىلىكتىڭ ەسكەرتكىش سارايىندا بولعان قىسقا ۋاقىتتارىن قايتا ەسكە الۋىنا، تۋىندى ورتاقتاسۋ بارىسىندا قىزىل تاريحتى ەستە بەرىك ساقتاۋىنا، قىزىل ەستەلىكتەردى جاڭعىرتۋىنا، قىزىل رۋحتى جالعاستىرۋىنا مۇمكىندىك جاسايدى“. 359 - لۇي تىڭ يگەرۋ ەسكەرتكىش سارايى زەرتتەۋ كەڭسەسىنىڭ جاۋاپتىسى تيان حۇيۋىننىڭ ايتۋىنشا، بۇدان كەيىن ەسكەرتكىش سارايى پارتيا 20 - قۇرىلتايىنا قاتىستى كورمە تىزبەلەرىن كوبەيتىپ، ەسكەرتكىش سارايىنىڭ قوعامدىق تاربيە فۋنكتسياسىن اناعۇرلىم ويداعىداي ساۋلەلەندىرمەك.
تولىقتاي جاڭارتىلىپ وزگەرتىلگەننەن كەيىنگى شينجياڭ ءوندىرىس - قۇرىلىس بيڭتۋانى اسكەري تىڭ يگەرۋ مۇراجايىنىڭ كۇندىك قابىلداۋ مولشەرى ەڭ جوعارى بولعاندا 8000 ادام - رەتكە جەتىپ، ەكسكۋرسيالاۋشىلاردىڭ 60 پايىزىن ورتا، باستاۋىش مەكتەپ وقۋشىلارى مەن اتا - انالار قۇراعان. ”بيڭتۋان رۋحى − جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى. ءبىز اسكەري تىڭ يگەرۋ مۇراجايىنىڭ مادەنيەتتى جالعاستىرۋ فۋنكتسياسىن ۇزدىكسىز ويداعىداي ساۋلەلەندىرىپ، بيڭتۋان رۋحىن اناعۇرلىم ويداعىداي جالعاستىرىپ، ساۋلەلەندىرىپ، حالىقتى تاريحتى ءبىلىپ، پارتيانى سۇيۋگە، تاريحتى ءبىلىپ، وتاندى سۇيۋگە جەتەكتەۋىمىز كەرەك“، - دەدى شىحىزى قالاسى مادەنيەت، دەنە تاربيە، راديو - تەلەۆيزيا، ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى جاڭ ۋىنشيڭ.
”ءبىزدىڭ الەۋمەتتىك اۋماقتاعى جاڭا ءداۋىر وركەنيەت امالياتى ورنى ءار ۇلت بۇقاراسىنىڭ ’تۇراقتى ورىن، كوڭىل تياناعى‘ بولۋىنا، كوزبەن كورىپ، قولمەن ۇستاۋعا بولاتىن باقىتتى سەزىنۋىنە مۇمكىندىك جاسادى“. اقسۋ قالاسى جاڭابازار ءمالى باسقارماسىنىڭ ورىنباسار مەڭگەرۋشىسى ليۋ جۇڭبين بىلاي دەدى: بۇقارا قاي جەردە بولسا، وركەنيەت امالياتى سول جەرگە جەتكىزىلدى، اقسۋ ايماعى 9 جاڭا ءداۋىر وركەنيەت امالياتى ورتالىعىن، 107 جاڭا ءداۋىر وركەنيەت امالياتى ورنىن، 1412 جاڭا ءداۋىر وركەنيەت امالياتى پۋنكتىن قۇردى. كەلەسى قادامدا بۇقارانىڭ مادەني تۇرمىسىنىڭ ”بۇقارالىق ساحناسىن“ ۇزدىكسىز بايىتىپ، جاڭا ءداۋىر وركەنيەت امالياتى ورىندارىنىڭ ءار ۇلت بۇقاراسىنىڭ تاماشا تياناعى بولۋىنا مۇمكىندىك جاسايدى.
8 - ارميانىڭ شينجياڭداعى ءىس باسقارماسى ەسكەرتكىش سارايىنىڭ جاڭا سارايى سالىنىپ ىسكە قوسىلعاننان كەيىن، ەكسكۋرسيالاۋشىلارعا قىزىل مادەنيەتتىڭ باي مازمۇنى مەن ۇلتاندى نەگىزىن اناعۇرلىم جاقسى سەزىندىردى؛ ءۇرىمجى قالالىق مۇراجايدىڭ جاڭا سارايى اشىلىپ، تۇرلىشە مەزگىلدەگى كورمە بۇيىمدارى ادامدارعا وسى قالا دامۋىنىڭ ارقاۋ - جۇلگەسىن كورسەتۋدە؛ ماۋ زىمين كونە تۇراعى ەسكەرتكىش سارايى، جۇڭگو جۇمىسشى - شارۋا قىزىل ارمياسى باتىس باعىت ارمياسى باس اترەتى ەسكەرتكىش سارايى ساپالىلانىپ، دارەجەسى جوعارىلاپ، ادامداردىڭ كورمە تاماشالاۋ اسەرلەرىن اناعۇرلىم جوعارىلاتتى... ءۇرىمجى قالالىق مۇراجايىنىڭ (ءۇرىمجى قالالىق توڭكەرىستىك تاريحي ەسكەرتكىش ورىنداردى باسقارۋ ورتالىعى) باستىعى تۇرسىن قىزىربەك شينجياڭ مادەني ەسكەرتكىشتەر جانە مۇراجاي ىستەرىنىڭ 10 جىلدان بەرگى دامۋ تابىستارىنا كۋا بولدى. ”ءبىز پارتيا قۇرۋ ۇلى رۋحىن باستاۋ ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، قىزىل بايلىقتان ويداعىداي پايدالانىپ، سوتسياليستىك وزەكتى قۇن كوزقاراسى ۇگىت - تاربيەسىن ىشكەرىلەي ورىستەتىپ، ءۇرىمجى قالالىق مۇراجايدىڭ، ەسكەرتكىش سارايلارىنىڭ الەۋمەتتىك مادەنيەتتىك قىزمەت وتەۋ دەڭگەيىن ۇزدىكسىز جوعارىلاتۋىمىز كەرەك“، - دەدى ول.
مادەنيەت ىستەرى مەن مادەنيەت شارۋاشىلىعىن گۇلدەندىرەمىز جانە دامىتامىز
پارتيا 20 - قۇرىلتاي بايانداماسىندا مىنالار العا قويىلدى: حالىقتى وزەك ەتكەن جاسامپازدىق باعداردان جازباي، حالىقتىڭ رۋحاني كۇش - قۋاتىن ارتتىراتىن اناعۇرلىم كوپ تاڭداۋلى تۋىندىنى جارىققا شىعارىپ، ءمورالدى دا ونەرلى ادەبيەت - كوركەمونەرشىلەردەن ءبىر توبىن جانە زور كولەمدەگى مادەنيەت، ادەبيەت - كوركەمونەر دارىندىلارى قوسىنىن باۋلۋ، جەتىلدىرۋ كەرەك.
اۆتونوميالى رايوندىق مادەنيەت جانە ساياحات مەڭگەرمەسى كوركەمونەر باسقارماسىنىڭ باستىعى ياۋ تاۋ بىلاي دەدى: ”حالىقتى وزەك ەتكەن جاسامپازدىق باعدارعا تاباندى بولعاندا عانا، وشپەي ماڭگى جالعاساتىن حالىق ەپوستارىن دەن قويا، سۇيىسپەنشىلىكپەن، كۇش سالا جازۋعا بولادى؛ مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتكەندە عانا تۋراشىلدىقتان اينىماي، جاڭالىق اشىپ، سارا، تارتىمدى تۋىندىلار جاراتۋعا بولادى. ءبىز حالىق ءومىرىن جازۋدى، حالىقتىڭ جۇرەك ءۇنىن جەتكىزۋدى، حالىقتىڭ تالپىنىسىن ايگىلەۋدى ارقاۋ ەتە وتىرىپ، ەرەكشەلىككە يە، دابىرالى، ىقپالدى نەگىزگى تاقىرىپتىق شىعارماشىلىقتى تىڭعىلىقتى ورىستەتىپ، ءبىر توپ تاڭداۋلى ادەبيەت - كوركەمونەر تۋىندىلارىن شوعىرلى تۇردە جارىققا شىعارامىز“.
”وسى زامانعى الەۋمەتتىك مادەنيەتتىك قىزمەت وتەۋ جۇيەسىن اقاۋسىزداندىرىپ، مادەنيەتتەن حالىقتى يگىلىكتەندىرۋ ينجەنەرياسىن جاڭالىق اشا اتقارۋ كەرەك“ − 20 - قۇرىلتاي بايانداماسىنداعى وسى ءسوز اۆتونوميالى رايوندىق مادەنيەت جانە ساياحات مەڭگەرمەسى الەۋمەتتىك قىزمەت وتەۋ باسقارماسىنىڭ باستىعى پۋ حۋايمينگە تەرەڭ اسەر سيلاپتى، ”وسى زامانعى الەۋمەتتىك مادەنيەتتىك قىزمەت وتەۋ جۇيەسى قۇرىلىسى − حالىق بۇقاراسىنىڭ نەگىزگى مادەنيەت ۇقىق - مۇددەسىنىڭ ماڭىزدى كەپىلى، حالىق بۇقاراسىنىڭ مادەنيەت جاعىنداعى تابىس سەزىمىن، باقىت سەزىمىن جوعارىلاتۋدىڭ ماڭىزدى ولشەمى، بىرگە بايۋدى جۇزەگە اسىرۋدىڭ مادەنيەت نەگىزى جانە حالىقتىڭ تاماشا تۇرمىسىنىڭ رۋحاني ىرگە تاسى. ءبىز بۇكىل شينجياڭداعى ءار دارەجەلى كىتاپحانالاردىڭ، مادەنيەت سارايلارىنىڭ، اسەمونەر سارايلارىنىڭ، مادەنيەت پۋنكتتەرىنىڭ ءوز فۋنكتسيالارىن ونان ارى ساۋلەلەندىرۋىنە جانە كەڭەيتۋىنە كومەكتەسىپ، مادەنيەت ارقىلى حالىققا تيىمدىلىك جاساۋ ينجەنەرياسىن ىشكەرىلەي اتقارىپ، سوتسياليستىك وزەكتى قۇن كوزقاراسىن امالياتتا كەڭىنەن ايگىلەپ، ءار ۇلت بۇقاراسىنىڭ مادەني تۇرمىسىن بايىتامىز؛ بۇكىل شينجياڭنىڭ الەۋمەتتىك مادەنيەتتىك قىزمەت وتەۋىن ولشەمدەندىرۋدى، بىركەلكىلەندىرۋدى ىلگەرىلەتىپ، مادەنيەت شەبى قۇرىلىسى مەن مادەنيەت ارقىلى حالىققا تيىمدىلىك جاساۋ قيمىلىنا تەڭ ءمان بەرۋدى جۇزەگە اسىرامىز“، - دەدى ول.
جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاپ، ويداعىداي جالعاستىرىپ، ويداعىداي ايگىلەپ، مادەنيەت مۇرالارىن جانداندىرۋ − ”مادەنيەت مۇرالارى مەن مادەني ەسكەرتكىشتەردى قورعاۋ سەرپىنىن ارتتىرىپ، قالا، اۋىل قۇرىلىسىنداعى تاريحي مادەنيەتتى قورعاۋدى، جالعاستىرۋدى كۇشەيتۋدىڭ ماڭىزدى جولى“، - دەدى شينجياڭ مۇراجايى پارتكومىنىڭ شۋجيى حى جيا، - ”كەلەسى قادامدا ءبىز گۋگۇڭ مۇراجايىنىڭ، مەملەكەتتىك مۇراجايدىڭ سارا تۋىندىلار كورمەسىن ەنگىزىپ، شينجياڭ مۇراجايىنىڭ كورمە مازمۇنىن بايىتۋدى جوسپارلاپ وتىرمىز؛ سونىمەن بىرگە ’شينجياڭ تاريحي مادەني ەسكەرتكىشتەر كورمەسىن‘ شانشي، گۋاڭدۇڭ سياقتى جەرلەرگە اپارىپ كورسەتىپ، شينجياڭنان شىققان مادەني ەسكەرتكىشتەردىڭ استارىنداعى تاريحي شىندىق پەن مادەنيەت ءمانىن كوپ تۇرعىدان، جان - جاقتى ايگىلەيمىز“.
اۆتونوميالى رايوندىق دەنە تاربيە مەكەمەسىنىڭ ورىنباسار باستىعى شاڭ حۇڭبو مىنالاردى ءبىلدىردى: دەنە تاربيەدە قۋاتتى رايون قۇرۋدى نىسانا ەتىپ، باسەكەلىك سپورتتىڭ جالپىلىق قۋاتىن جاپپاي جوعارىلاتامىز. قار - مۇز سپورت تۇرلەرىن الدىمەن، ءتۇيىندى تۇردە دامىتىپ، باسەكەلىك سپورت نىساندارىنىڭ ورنالاسىمىن ساپالىلاندىرىپ، ”ءۇش ۇلكەن دوپتى“ جاپپاي وركەندەتەمىز. 2025 - جىلعا بارعاندا جان باسىندىق ورتاشا الاڭ - ورىن كولەمىن 6. 2 شارشى مەترگە جەتكىزۋگە، ۇنەمى دەنە شىنىقتىراتىن ادام سانىنىڭ سالىستىرماسى ％5. 38تەن كەم بولماۋعا، قار - مۇز سپورتىنا قاتىناساتىن ادام سانىنىڭ سالىستىرماسىن ％5. 21كە جەتكىزۋگە، ءار مىڭ ادامعا تۋرا كەلەتىن قوعامدىق دەنە تاربيە جەتەكشىلەرىن 16. 2 ادامنان اسىرۋعا كۇش سالامىز.
جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتامىز
پارتيا 20 - قۇرىلتاي بايانداماسىندا مىنالار العا قويىلدى: جۇڭحۋا وركەنيەتىن تاراتۋ قۋاتىن، ىقپال كۇشىن نىعايتۋ كەرەك. جۇڭحۋا مادەنيەتى تۇرعىسىنا تاباندى بولىپ، جۇڭحۋا وركەنيەتىنىڭ رۋحاني بەلگىسى مەن مادەنيەت جاۋھارىن سۇرىپتاپ، ايگىلەپ، جۇڭگونىڭ ءسوز بيلىگى جۇيەسى مەن جۇڭگونىڭ بايانداۋ جۇيەسىن جەدەل ورناتىپ، جۇڭگو حيكاياسىن ويداعىداي بايانداپ، جۇڭگو ءۇنىن جاقسى تاراتىپ، سەنىمدى، ۇنامدى، قۇرمەتتى جۇڭگو وبرازىن ايگىلەۋ كەرەك.
”شينجياڭ − مادەنيەت - كوركەمونەر شىعارماشىلىعىنىڭ شۇرايلى كەنىشى، بايانداما شينجياڭداعى ادەبيەت - كوركەمونەر قىزمەتكەرلەرىنە ايقىن بەتالىس كورسەتىپ، ولاردىڭ سەنىمىن بەكەمدەدى. ءبىز تىڭعىلىقتى شىعارماشىلىق ارقىلى حالىقتىڭ رۋحاني كۇشىن نىعايتاتىن اناعۇرلىم كوپ تاڭداۋلى تۋىندىلاردى جازىپ، باي دا تارتىمدى شينجياڭ حيكايالارىنىڭ شينجياڭنان شىعىپ، بۇكىل ەلدى ارالاپ، دۇنيە جۇزىنە بەت الۋىنا مۇمكىندىك جاساپ، جۇڭحۋا وركەنيەتىنىڭ تاراتۋ قۋاتى مەن ىقپال كۇشىن نىعايتامىز“، - دەدى شينجياڭ كينوشىلار قوعامىنىڭ ورىنباسار ءتوراعاسى لي جيانچياڭ.
”ءبىز شينجياڭنىڭ ’ءان - ءبي مەكەنى‘ باسىمدىعىن ونان ارى ساۋلەلەندىرىپ، ’جۇڭگو شينجياڭ حالىقارالىق ۇلتتىق ءبي فەستيۆالى‘، ’جۇڭگو شينجياڭ حالىقارالىق كوركەمونەر قوس جىلدىق كورمەسى‘،’جۇڭگو − ازيا - ەۆروپا كورمەسى . جۇڭگو - شەتەل مادەنيەت كورمە اپتالىعى‘، ’جىبەك جولى مۋزيكا فەستيۆالى‘ سياقتى ايگىلى مادەنيەت قيمىلدارىن ويداعىداي وتكىزىپ، مادەني ەسكەرتكىشتەر، اسەمونەر، بەيزاتتىق مادەنيەت مۇرالارى، عىلىم سياقتى شەتەلدەرمەن مادەنيەت اۋىس - كۇيىس جەلىلەس قيمىلدارىن ۇيىمداستىرىپ جانە ورىستەتىپ، ’شينجياڭ − جاقسى جەردىڭ‘ ىقپال كۇشىن، داڭقىن جوعارىلاتامىز“، - دەدى شينجياڭ كوركەمونەر تەاترى پارتكومىنىڭ شۋجيى ساي شياۋرۇڭ.
”شينجياڭنىڭ بايتاق دالاسىندا ساقتالعان جازبا دەرەكتەر، ورتەڭدەر، بايىرعى قالالار سياقتى مادەنيەت مۇرالارى تەلە كوركەمونەر شىعارماشىلىعىنىڭ ماتەريال قامباسى سانالادى، ول ءبىزدىڭ تەلە كوركەمونەر قىزمەتكەرلەرىنىڭ توقتاۋسىز جاڭعىرتىپ، شىعارما تۋىنداتىپ، جاڭالىق اشىپ، اناعۇرلىم كوپ سەنىمدى، ۇنامدى، قۇرمەتتى جۇڭگو وبرازىن سومداپ، تاڭداۋلى تۋىندىلار ارقىلى حالىقتىڭ رۋحاني كۇشىن ارتتىرۋىمىزعا تاتيدى“، - دەدى شينجياڭ تەلە كوركەمونەرشىلەر قوعامىنىڭ ءتوراعاسى زىڭ جيان.
(ءتىلشى يىن لۋ، قاتىناسقان تىلشىلەر رىن جياڭ، ۋاڭ جيڭجيڭ، دۇڭ لياڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
