وزەكتى رايوننىڭ ەسىگىن بارعان سايىن ايقارا اشامىز
□ انار بۇلت \ شينجياڭ گازەتىنىڭ ءتىلشىسى ليۋ شياڭ
2022.10.20 14:47 كەلۋ قاينارى : شينجياڭ گازەتى
ەسىك اشۋ − زامانىمىزداعى جۇڭگونىڭ ايقىن بەلگىسى. ەسىك اشۋدىڭ الدىڭعى لەگى رەتىندە، جىبەك جولى ەكونوميكالىق بەلدەۋى وزەكتى رايونىن قۇرۋ شينجياڭنىڭ سىرتقا ەسىك اشۋداعى ماڭىزدى مىندەتى.
پارتيا 20 - قۇرىلتايىنىڭ بايانداماسىنىڭ كوپ جەرىندە ”ەسىك اشۋ“ تىلگە الىندى، بۇل ”وزەكتى رايوننان“ كەلگەن ۋاكىلدەردىڭ كوڭىلىن تولقىتتى.
سىرتقا ەسىك اشۋ جولىمەن ويداعىداي جۇرەمىز
”20 - قۇرىلتايدىڭ بايانداماسىندا جاڭا دامۋ ارناسىن جەدەل قۇرۋ، جوعارى ساپالى دامۋدى كۇش سالا ىلگەرىلەتۋ تىلگە الىنعان كەزدە، ’بىر بەلدەۋ، ءبىر جول‘ قۇرىلىسىنىڭ ءتۇيىندى قىزمەتى جونىندە ارناۋلى ورنالاستىرۋ جاسالعان. وسى سىرتقا ەسىك اشۋ جولىمەن ويداعىداي جۇرۋگە ءتىپتى دە سەنىمدىمىز“، - دەدى ۋاكىل ۋي جيانگو.
”جۇڭگونىڭ بازارى وسىنشاما ۇلكەن، شينجياڭ بازارىنىڭ كومەسكى كۇشى دە شەكسىز، كوپشىلىكتىڭ كەلىپ كورۋىن قارسى الامىز“. ۋاكىل كوۋ شياۋياننىڭ ارمانى بولسا، ءوزىنىڭ سەلبەستىك كووپەراتيۆىنىڭ، جىلىجايدىڭ جەمىس - جيدەگىن، كوكونىسىن شەتەلگە ساتۋ، ”دۇنيە ءجۇزىنىڭ جەر - جەرىندەگى دوستاردىڭ شينجياڭنىڭ جەمىسىنىڭ قانشالىقتى ءتاتتى ەكەنىن تاتىپ بىلۋىنە مۇمكىندىك جاساۋ“.
قازىر كوپتەگەن قۇرىش كەرۋەندەر جاڭا جىبەك جولىندا ارلى - بەرلى قايشالىسىپ، ءتىپتى دە مول شينجياڭ ونىمدەرىن كەڭ بازارعا بەت الدىردى.
”تاسىمالداۋ ونىمدىلىگىن ۇزدىكسىز جوعارىلاتۋ شينجياڭدى سىرتقا ەسىك اشۋدىڭ الدىڭعى شەبىنە اينالدىرۋعا دەم بەرۋدىڭ تىرەكتى كۇشىنە اينالدىردى“، - دەدى ۋاكىل گاۋ جين - ياڭ، شينجياڭ تەمىر جولىنىڭ جول تورابىنىڭ كولەمى، جابدىق دەڭگەيى جانە تاسىمالداۋ قابىلەتى ەلەۋلى سەكىرۋدى جۇزەگە اسىرىپ، ”جول تورىنىڭ ۇشى“ بولۋدان ”وڭىرلىك توراپ“ بولۋعا قاراي بۇرىلىس جاسادى. بارعان سايىن جيىلەگەن تەمىر جول تورى ازيا − ەۆروپا قۇرلىعى كوپىرىمەن ىشكەرىلەي تۇتاسىپ، جاڭا داۋىردەگى جۇڭگو مەن دۇنيە ءجۇزى ەكونوميكاسىنىڭ دامۋىنا ءتىپتى كوركەم جانە نۇرلى بولاشاق ازىرلەيدى.
سىرتقا ەسىك اشۋدىڭ فاكتور قامتاماسىزدىعىن كۇشەيتەمىز
شينجياڭنىڭ وڭتۇستىك بولىگىندەگى اشىق ەكونوميكانىڭ جاڭا بيىك بەلەسى رەتىندە، قاشقار كەشەندى باجىسىز اۋماعى − جىبەك جولى ەكونوميكالىق بەلدەۋى وزەكتى رايونىن ىلگەرىلەتۋدىڭ ارتۋ ۇيەگى، وڭىرلىك ورتالىق قۇرىلىسىنىڭ قۋاتتى قوزعالتقىشى جانە ماڭىزدى تۇعىرى.
”قازىر قاشقار كەشەندى باجىسىز اۋماقتاعى كاسىپ تۇرلەرى ەڭ العاشقى كەزدەگى باجىسىز زات اينالىمىنان باجىسىز مانەرلەۋ، باجىسىز كورمە، ساۋدا، شەكارا اتتاعان ەلەكتروندى ساۋدا سياقتىلارعا كەڭەيدى“، - دەدى ۋاكىل نيە جۋاڭ، قاشقار ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ناقتى ونىمدىلىك ارقىلى كاسىپورىنداردىڭ ىرگە تەۋىپ، تياناقتانۋىنا دەم بەرىپ، باسقارۋ مەحانيزمى، سالىق، اقى جاعىنان تيىمدىلىك جاساۋ، كاسىپورىننىڭ جەردەن پايدالانۋ سياقتى كوپتەگەن جاقتاردا كاسىپورىنعا قولداۋ كورسەتىپ، ”تەكسەرىپ بەكىتۋى ەڭ از، بارىسى ەڭ ساپالى، ءتۇزىلىسى ەڭ ۇتىمدى، مەحانيزمى ەڭ جاندى، ونىمدىلىگى ەڭ جوعارى، قىزمەت وتەۋى ەڭ جاقسى“ شارۋاشىلىق - ساۋدا ورتاسىن كۇش سالا تۇلعالادى.
ەسىك اشۋدىڭ، دامۋدىڭ ەڭ جاقسى ورايىن مىقتى يگەرۋ كەرەك، مۇندا، دارىندى ماڭىزدى بايلىق قاينارى. ۋاكىل فاڭ شيانجىن شينجياڭعا كومەككە كەلگەن كادر، ول ”شار تاراپتىڭ دارىندىلارىن جيناپ، پايدالانۋدىڭ“ وسى مەكەنگە بولعان ماڭىزىن قانىق بىلەدى.
”پارتيا 18 - قۇرىلتايىنان بەرى، شينجياڭ جاڭا داۋىردەگى دارىندىلاردا قۋاتتى رايون ستراتەگياسىن ىشكەرىلەي اتقاردى، قازىر ونىمدىلىگى اناعۇرلىم ايقىندالا ءتۇستى“، - دەدى ۋاكىل فاڭ شيانجىن، - ”دارىندى قانشا كوپ بولسا سونشا جاقسى، قابىلەتى قانشا كۇشتى بولسا سونشا جاقسى. جەر - جەر سىرتقا بولعان ەكونوميكا - ساۋدا، ادام كۇشى بايلىعىن اشۋ جانە دارىندىلار قوسىنى قۇرىلىسى جاعىندا اناعۇرلىم كۇش سالىپ، سونداي - اق دارىندىلاردى باۋلۋ، دامىتۋ ورتاسىن ۇزدىكسىز ساپالىلاندىرىپ، ءار سالانىڭ بىلىكتى، اقىلدى دارىندىلارىنىڭ شينجياڭنىڭ سىرتقا ەسىك اشۋدى ىلگەرىلەتۋ بارىسىنا جابال اعىلۋىنا مۇمكىندىك جاساۋ كەرەك“.
جوعارى دەڭگەيلى ەسىك اشۋ ارقىلى جوعارى ساپالى دامۋدى ىلگەرىلەتەمىز
تۇزىمدىك سيپاتتى ەسىك اشۋ ءتىپتى دە جوعارى دەڭگەيدە ەسىك اشۋدى جۇزەگە اسىرۋدىڭ وزەگى.
”جوعارى دەڭگەيدەگى سىرتقا ەسىك اشۋدى كەڭەيتۋگە تاباندى بولۋ، اسىرەسە، تۇزىمدىك سيپاتتى ەسىك اشۋدى ىلگەرىلەتىپ، جوعارى ساپالى دامۋعا جاڭا ومىرشەڭ كۇش ازىرلەۋ كەرەك“، - دەدى ۋاكىل جاۋ ۋىنچۋان.
9 جىلدان بەرى، ”ءبىر بەلدەۋ، ءبىر جول“ مەملەكەتتىك باستامادان دۇنيە ءجۇزىنىڭ ورتاق تانىمىنا اينالۋىندا، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبى ايرىقشا ماڭىزدى بولدى.
”’ءبىر بەلدەۋ، ءبىر جول‘ الەمنىڭ ماڭىزدى ەكونوميكا - ساۋدا سەلبەستىك تۇعىرىنا اينالۋىندا، ونىڭ اشىق، سيىسىمدى، ءوزارا پايدا جەتكىزىپ، تەڭ يگىلىككە كەنەلۋ سىندى سەلبەستىك جاساۋ ۇستانىمى قۋاتتى باۋراۋ كۇشىن ايگىلەدى“، - دەدى ۋاكىل ۋ گاڭ، بولاشاقتا تومەن كومىر قىشقىل گازدى بولۋ، جاسىل بولۋ، سيفرلى بولۋ، اشىق بولۋ سىندى دامۋ اۋقىمىنا ۇيلەسىپ، جىبەك جولى ەكونوميكالىق بەلدەۋى وزەكتى رايونى نىسان قۇرىلىسىنىڭ ساپاسىن ۇزدىكسىز جوعارىلاتىپ، ”ءبىر بەلدەۋ، ءبىر جولدىڭ“ ورنىقتى قاداممەن ۇزاققا جەتۋىنە تىرەك بولۋ كەرەك.
ۋاكىل رىزۋانگۇل ساۋۇت ءۇرىمجى حالىقارالىق قۇرلىقتىق پورت رايونى تۇرعان وڭىردە قىزمەت ىستەيدى، ول ءار كۇنى قۇرلىقتىق پورتتىڭ وزگەرىسىن كورە الادى. ”ءىس جۇزىندە، شينجياڭنىڭ باستان كەشىرگەن وزگەرىسى مەن دامۋى جۇڭگونىڭ جوعارى دەڭگەيدەگى سىرتقا ەسىك اشۋدى كەڭەيتۋىنىڭ ىقشام كورىنىسى“، - دەدى ۋاكىل رىزۋانگۇل ساۋۇت اسەرلەنە، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ءارقايسى ەلگە بىرگە كوركەيىپ - گۇلدەنۋگە باستاپ اپاراتىن وراي جولىن اشىپ قانا قالماستان، ونان دا ماڭىزدىسى، جۇڭگونىڭ ەسىك اشۋىنا، دامۋىنا شىت جاڭا ءورىس اشتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
