پارتيا 20 - قۇرىلتايىنىڭ ۋاكىلدەرى قىزۋ تالقى جۇرگىزدى −
جاڭا داۋىردەگى 10 جىلداعى ۇلى وزگەرىس بەلەستىك مانگە يە
2022.10.20 16:16 كەلۋ قاينارى : حالىق تورابى
جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى الدى؛ جۇڭگوشا سوتسياليزم جاڭا داۋىرگە ءوتتى؛ كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام قۇرۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردى... پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، بىلەك سىبانا قايراتتانا ىستەپ، بوگەتتەردى بۇزىپ العا ىلگەرىلەپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتتى.
باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا: «جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساپ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە» دەپ اتاپ كورسەتتى.
باياندامانى تىڭداپ، تۇسىنىكتەرىن اڭگىمەلەپ، تياناقتاندىرۋدى ءسوز ەتىپ، بولاشاق جونىندە كەڭەستى، پارتيا 20 - قۇرىلتايىنىڭ ۋاكىلدەرى تولىق سەنىممەن، اسقاق سەزىممەن جابال مىنانى ءبىلدىردى: «100 جىلدىق كۇرەس بارىسىن باسىپ وتكەن جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم پارمەندى، قۋاتتى بولدى، جۇڭگو حالقى اناعۇرلىم كۇشتى تاريحي سانالىلىق پەن ىرىقتىلىق رۋحىن تاسقىنداتتى، جۇڭحۋا ۇلتىنىڭ ۇلى گۇلدەنۋى بوگەۋ بەرمەس تاريحي اياق الىسقا قادام تاستادى، عىلمي سوتسياليزم 21 - عاسىرداعى جۇڭگودا جاڭا جالىنداعان ومىرشەڭدىك قۋاتىن قاۋلاتتى»، «جاڭا داۋىردە ۇلى وزگەرىستى جۇزەگە اسىرۋداعى ەڭ ءتۇبىرلى سەبەپ باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىك ەتۋىنەن بولدى»، «وتكەن 5 جىلداعى قىزمەت پەن جاڭا داۋىردەگى 10 جىلداعى ۇلى وزگەرىستىڭ كەلەلى ءمانىن مىقتاپ يگەرىپ، جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ جەلكەن جايىپ، تولقىن جارىپ شالعايعا بەت تۇزەۋىن ىلگەرىلەتۋگە ۇلەس قوسۋىمىز كەرەك»...
ۇدەرە العا تارتىپ، ءداۋىردىڭ شۇعىلالى داستانىن جازامىز
«جاڭا ءداۋىردىڭ ۇلى تابىستارىن پارتيا مەن حالىق بىرگە قۇلشىنىپ، بىرگە ىستەپ، بىرگە كۇرەس جۇرگىزىپ جاراتقان!» 10 – ايدىڭ 16 - كۇنى تۇستەن بۇرىن باس شۋجي شي جينپيڭنىڭ پارتيانىڭ 20 - قۇرىلتايىنا جاساعان بايانداماسى جۇڭگونىڭ بايتاق دالاسىنا تارالىپ، ميلليارد حالىققا شابىت بەردى. جاڭا داۋىردەگى 10 جىلدىق ۇلى وزگەرىس قىزۋ تالقىلاندى، ۋاكىلدەر جابال جۇرەك ۇندەرىن ءبىلدىردى، ماقتانىش سەزىمدەرى سوزدەرىنەن مەن مۇندالايدى.
وسى 10 جىلدا ءبىز قايراتتانا العا ۇمتىلىپ، قيىندىقتاردان قامال الىپ، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەنى شەشتىك.
«پارتيا ءبىزدى باستاپ اۋىر كەدەيلىك قامالىن الىپ، ادامزات تاريحىنداعى كولەمى ەڭ ۇلكەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، اۋىل - قىستاقتاعى 100 ميلليونعا جۋىق كەدەي حالىقتىڭ كەدەيلىكتەن ارىلۋىن ىلگەرىلەتىپ، تاريحتا ماڭگى وشپەيتىن كەرەمەتتەر جاراتتى». سانشي ولكەسى ليڭچيۋ اۋدانى حۇڭشىلىڭ اۋىلى شياچىحى قىستاعى پارتيا ياچەيكاسىنىڭ شۋجيى، ۋاكىل ۋاڭ چۇن بىلاي دەدى: وسى 10 جىلدا شياچىحى قىستاعىندا وراسان زور وزگەرىستەر تۋىلدى، قىستاق تۇرعىندارىنىڭ تۇرمىسى بارعان سايىن جاقساردى.
«رەفورما حالىقتىڭ ارمان - تىلەگىنە ءۇن قاتتى. حالىقتى وزەك ەتۋدە تاباندى بولىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتاپ يگەرىپ، حالىق تۇرمىسىنا تيىمدىلىك جاسايتىن، حالىق جۇرەگىن جىلىتاتىن ءبىرقىدىرۋ شارالار ىركەس - تىركەس شىعارىلىپ، بۇقارانىڭ تۇرمىسى جان - جاقتى جاقسارىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايىپ، اناعۇرلىم قامتاماسىز ەتىلىپ، اناعۇرلىم باياندى بولدى» دەدى جياڭسۋ ولكەسى نانجيڭ قالاسى شيشيا رايونى شيانلين ءمالى باسقارماسى پارتيا قىزمەتى كوميتەتىنىڭ شۋجيى، ۋاكىل سۇن جيندي.
وسى 10 جىلدا ءبىز ءوزىمىزدى قۇدىرەتتەندىرىپ، تۋراشىلدىقتان تايماي، جاڭالىق اشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىردىق.
تيانجين كەمەجاي توبىنىڭ پارتكوم شۋجيى، باس جوراسى، ۋاكىل چۋ بين بىلاي دەدى: تيانجين كەمەجايىنىڭ دۇنيە جۇزىندەگى 200 دەن استام مەملەكەت پەن رايونداعى 800 دەن استام كەمەجايمەن ساۋدا بارىس - كەلىسى بار، سىرتقى ساۋدا كەمە جەلىسىنىڭ ونىمدىلىگى دۇنيە ءجۇزى بويىنشا الدىڭعى قاتاردا تۇرادى، «پورت اۋەجايىنان، ەنەرگيا، سۋ يگىلىگىنەن جوعارى قارقىندىق تەمىر جولعا، جوعارى قارقىندىق تاس جولعا دەيىن، كۇن سايىن كەمەلدەنىپ كەلە جاتقان وسىزاماندانعان نەگىزدىك قۇرىلعىلار − ەلىمىزدىڭ ەكونوميكالىق قۋاتىنىڭ تاريحي سيپاتتى جوعارىلاعانىنىڭ جاندى مىسالى».
«‹تۇنىق سۋ، جاسىل تاۋ − باعالى بايلىق›. مەن اسپاننىڭ اناعۇرلىم اشىق، تاۋدىڭ اناعۇرلىم جاسىل، سۋدىڭ اناعۇرلىم تۇنىق بولىپ جاتقانىن شىنايى سەزىندىم» دەدى سىچۋان جەڭىل حيميا ونەركاسىپ داشۋەسى حيميا جانە ورتا ينجەنەرياسى شۋەيۋانى باستىعىنىڭ ورىنباسارى، ۋاكىل فۋ يۇيحاڭ.
وسى 10 جىلدا ءبىز ەرلىكپەن العا باسىپ، ارت - ارتىنان كەلگەن وراسان زور حاۋىپ - قاتەر مەن سىن - سايىسقا توتەپ بەردىك.
«جاڭا تيپتى ايدارشا ۆيرۋس وكپە قابىنۋ ىندەتى الدىندا ءبىز كۇشتى شوعىرلاندىرىپ ءىرى ءىس تىندىرۋ تۇزىمدىك ابزالدىعىمىزعا سۇيەنىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعاپ، ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ كەلەلى بەلسەندى جەتىستىكتەرگە قول جەتكىزدىك». نيڭشيا 4 - حالىق شيپاحاناسى كۇتىمدەۋ ءبولىمى مەڭگەرۋشىسىنىڭ ورىنباسارى، ۋاكىل گۋ چۇن - ى بىلاي دەدى: ءوز قىزمەتىمدى، ءسوز جوق، جاقسى ىستەپ، سالاماتتى جۇڭگو قۇرىلىسىنا ۇلەس قوسامىن.
ۇدەرە العا تارتىپ، ءداۋىردىڭ شۇعىلالى داستانىن جازدى. شىعىستاعى بايىرعى ءىرى ەل داۋىرگە ىلەسۋدەن داۋىرگە جەتەكشىلىك ەتۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى بۇرىن بولىپ كورمەگەن نۇرلى بولاشاقتى ايگىلەدى.
10 جىلدىق ۇلى وزگەرىس تاريحتىڭ ەسكەرتكىشىن جاراتتى
باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا بىلاي دەپ اتاپ كورسەتتى: «10 جىلدان بەرى ءبىز ءبىرقىدىرۋ ستراتەگيالىق شارا قولدانىپ، ءبىرقىدىرۋ وزگەرىس سيپاتتى امالياتتى ىلگەرىلەتىپ، ءبىرقىدىرۋ شەشۋشى ىلگەرىلەۋشىلىكتى جۇزەگە اسىرىپ، ءبىرقىدىرۋ بوگەنايلىق جەتىستىككە قول جەتكىزىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ءوتىپ، پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر جاساپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن جەدەلدەتتىك».
بۇل − تاۋ - وزەندەردىڭ كوركەم كارتيناسى، ايبىندى دا سالتاناتتى داستان. وتە ەرەكشە، توتەنشە وزگەشە 10 جىل تاريحقا ويىپ جازىلادى.
ەرەكشە 10 جىلدى باستان كەشىرگەن پارتيا شىڭدالۋ بارىسىندا اناعۇرلىم قۇدىرەتتى، پارمەندى بولدى.
«پارتيانىڭ بارلىق قىزمەتكە باسشىلىق ەتۋىندە تاباندى بولۋدان جانە ونى كۇشەيتۋدەن <8 ءتۇرلى بەلگىلەمەنىڭ> جاماندىقتى الاستاپ، ءىرىپ - شىرۋگە قارسى تۇرۋ كۇرەسىندە ۇستەم جەڭىسكە قول جەتكىزۋگە جانە تابىستى جاپپاي بەكەمدەۋگە دەيىن، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارانى ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى» دەدى شاندۇڭ ولكەسى باستىعىنىڭ ورىنباسارى، ۋاكىل فان بو.
ەرەكشە 10 جىلدى باسىپ وتكەن جۇڭگو حالقىنىڭ العا باسۋ قوزعاۋشى كۇشى اناعۇرلىم قۇدىرەتتەندى، كۇرەس جۇرگىزۋ رۋحى اناعۇرلىم اسقاقتادى، جەڭىسكە جەتۋ سەنىمى اناعۇرلىم نىعايدى.
«وليمپيادا سپورت جارىسىنىڭ ەڭ جوعارى سيلىق مىنبەسىنە شىعىپ، مەملەكەت ءانىنىڭ اسقاقتاتا ورىندالعانىن ەستىگەندە ەرەكشە داڭق سەزىندىم». حىبەي ولكەلىك دەنەتاربيە مەكەمەسى جەڭىل اتلەتيكا ورتالىعىنان كەلگەن ۋاكىل گۇڭ ليجياۋ مىنانى ءبىلدىردى: 10 جىلدا ەلىمىزدىڭ باسەكەلىك ونەر دەنەتاربيەسى جاپپاي دامىدى، جالپى حالىق دەنە شىنىقتىرۋ تۇقىمى وتانىمىزدىڭ بايتاق جەرىندە تامىر تارتتى.
«جوعارى مەكتەپتە ىستەيتىن مەن وسى جىلداردا ءبىر توپ كەلەلى عىلمي زەرتتەۋ ناتيجەسى ارت – ارتىنان جارىققا شىققانىن، قىرۋار ۇزدىك دارىندى جەتىلىپ شىققانىن، جوعارى دەڭگەيدەگى عىلىم – تەحنيكادا ءوز كۇشىنە سۇيەنىپ، ءوزىن الۋەتتەندىرۋدە بەلسەندى ىلگەرىلەۋشىلىك بولعانىن شىنايى سەزىندىم». جۇڭگو ينجەنەريا اكادەمياسىنىڭ اكادەميگى، نانچاڭ داشۋەسى ازىق – تۇلىك عىلىم – تەحنيكاسى مەملەكەتتىك ءتۇيىندى تاجىريبەحاناسىنىڭ مەڭگەرۋشىسى، ۋاكىل شيە ميڭيۇڭ بىلاي دەدى: عىلمي زەرتتەۋ قىزمەتكەرلەرى ءتىپتى دە كۇشتى تاريحي سانالىلىق پەن ىرىقتىلىق رۋحىن قاۋلاتتى.
ەرەكشە 10 جىلدى باسىپ وتكەن ەلىمىزدىڭ دامۋى اناعۇرلىم بەرىك زاتتىق نەگىزگە، اناعۇرلىم كەمەلدى تۇزىمدىك كەپىلدىككە يە بولدى.
«وسى 10 جىلدا رەفورما جاساپ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسى ىشكەرىلەي ىلگەرىلەتىلىپ، ەلىمىزدىڭ دامۋىنا اناعۇرلىم بەرىك زاتتىق نەگىز، اناعۇرلىم كەمەلدى تۇزىمدىك كەپىل ازىرلەندى». گۋاڭدۇڭ ولكەسى لۇڭچۋان ۋەيدا يزولياتورلىق ماتەريالدار شەكتى سەرىكتەستىگى پارتيا ياچەيكاسىنىڭ شۋجيى، ۋاكىل حۋاڭ دۇڭيۇن بىلاي دەدى: «ءبىز ورايدى يگەرىپ، كۇش ۇستىنە كۇش قوسىپ، كاسىپورىننىڭ اناعۇرلىم جاقسى دامۋىن جۇزەگە اسىرۋمەن بىرگە، جاڭا دامۋ ارناسىن قالىپتاستىرۋعا بەلسەندى ۇلەس قوسامىز».
ەرەكشە 10 جىلدى باستان وتكەرگەن عىلمي سوتسياليزم 21 - عاسىرداعى جۇڭگودا جاڭا قۋاتتى ومىرشەڭدىگىن قاۋلاتتى.
«سوتسياليزم − بۇرىنعىلار ىستەپ كورمەگەن ءىس، باستان - اياق ءورىس اشا ىزدەنىس جاساۋ بارىسىندا العا ىلگەرىلەيمىز. جاڭا داۋىردەگى جۇڭگوشا سوتسياليزمنىڭ قارىشتاپ دامۋى سوتسياليستىك ءتۇزىمنىڭ ابزالدىعى مەن قۇدىرەتتى ومىرشەڭدىك كۇشىن اناعۇرلىم تولىق ايگىلەدى». سۋجوۋ داشۋەسى پارتكومىنىڭ شۋجيى، ۋاكىل جياڭ يۇڭ بىلاي دەدى: وسى جىلدارى جۇڭگوشا وسىزامانداندىرۋ جولى بارعان سايىن كەڭەيىپ، ءوزىن دامىتتى ءارى دۇنيە جۇزىنە باقىت جاراتتى.
10 جىلدىق ۇلى وزگەرىس تاريحتىڭ ەسكەرتكىشىن سومدادى. تاريح جۇڭگو كوممۋنيستىك پارتياسىنىڭ پارمەندى باسشىلىعىندا، عىلمي نازاريانىڭ جەتەكشىلىگى مەن دۇرىس جولدىڭ جەتەكشىلىگىندە تاباندى بولىپ، ءجۇز ميلليونداعان حالىقتىڭ ىنتىماقتاسا كۇرەس جاسايتىن قۇدىرەتتى كۇشىن ۇيىستىرعاندا عانا، جۇڭگو حالقىنىڭ جۇڭگونىڭ دامۋ، العا باسۋ تاعدىرىن ءوز قولىندا مىقتاپ يگەرە الاتىنىن دالەلدەدى ءارى ۇزدىكسىز دالەلدەي بەرمەك!
ءسوزسىز باسىپ وتەتىن جولدى جاقسى باسىپ، جاڭا ۇلى ىستەر جاراتامىز
باس شۋجي شي جينپيڭ بىلاي دەپ دارىپتەدى: «بۇكىل پارتيا پارتيانىڭ جالپى بەتتىك باسشىلىعىندا تاباندى بولۋ − جۇڭگوشا سوتسياليزمدە تاباندى بولۋدا جانە ونى دامىتۋدا، ءسوزسىز، باسىپ وتەتىن جول ەكەنىن، جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول ەكەنىن، ىنتىماقتاسا كۇرەس جۇرگىزۋ − جۇڭگو حالقى تاريحي ۇلى ىستەردى جاراتۋدا، ءسوزسىز، باسىپ وتەتىن جول ەكەنىن، جاڭا دامۋ ۇستانىمىن دايەكتىلەندىرۋ − جاڭا داۋىردە ەلىمىزدىڭ دامىپ زورايۋىندا، ءسوزسىز، باسىپ وتەتىن جول ەكەنىن، پارتيانى جاپپاي قاتاڭ باسقارۋ − پارتيانىڭ ومىرشەڭدىگىن ماڭگى ساقتاۋدا، جاڭا ەمتيحان تاپسىرۋ جولىمەن ويداعىداي جۇرۋدە، ءسوزسىز، باسىپ وتەتىن جول ەكەنىن، ءسوز جوق، ەستە بەرىك ساقتاۋى كەرەك».
جاڭا داۋىرگە، جاڭا ساپارعا كوز جىبەرگەندە، ۋاكىلدەر جابال مىنانى ءبىلدىردى: «بەس ءسوزسىز باسىپ وتەتىن جول» سىندى كەلەلى تۇجىرىم − ۇزاق ۋاقىتتىق اماليات بارىسىندا قورىتىندىلاعان زاڭدىلىق تانىمىمىز، ونى بارىنشا قاستەرلەپ، وندا باستان - اياق تاباندى بولۋىمىز كەرەك.
جاڭا جورىقتا ءبىز پارتيانىڭ جاپپاي باسشىلىعىندا بۇلجىماي تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋىمىز كەرەك.
«جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىعى − جۇڭگو كوممۋنيستىك پارتياسىنىڭ باسشىلىعى». لياۋنيڭ ولكەسى تيەليڭ قالالىق پارتكومنىڭ شۋجيى، ۋاكىل سۇڭ چىڭ مىنانى ءبىلدىردى: ءبىز پارتيا تۋى استىندا «قۇرىش بولات» سومداپ، ءبىر جاعادان باس، ءبىر جەڭنەن قول شىعارىپ، جاپپاي سوتسياليستىك وسىزاماندانعان مەملەكەت قۇرۋعا كۇش قوسۋىمىز كەرەك.
جاڭا جورىقتا ءبىز جۇڭگوشا سوتسياليزم جولىنان استە اۋىتقىماۋىمىز كەرەك.
«وزگەشە 10 جىلدىق ۇلى اماليات پارتيانىڭ 18 - قۇرىلتايىنان بەرگى پارتيا ورتالىق كوميتەتىنىڭ كەلەلى باعىت - ساياساتتارى مەن قىزمەت ورنالاستىرۋلارىنىڭ بۇكىلدەي دۇرىس ەكەنىن دالەلدەدى». گۋاڭدۇڭ ولكەسى جۋحاي قالاسى شياڭجوۋ رايونى گۇڭبەي ءمالى باسقارماسى ماۋشىڭ الەۋمەتتىك اۋماعى پارتكومىنىڭ شۋجيى، ۋاكىل ياڭ بين بىلاي دەپ قارادى: ءبىز، ءسوز جوق، قىزمەت وتەۋدى دەن قويا، سۇيىسپەنشىلىكپەن، كۇش سالا جاقسى ىستەپ، بۇقارانىڭ الاڭسىز تىرشىلىك ەتۋىنە مۇمكىندىك جاساپ، قوعامنىڭ تىنىش، ءتارتىپتى بولۋىنا دەم بەرۋىمىز كەرەك.
جاڭا جورىقتا ءبىز ءبىر نيەتپەن ىنتىماقتاسىپ، جۇدىرىقتاي جۇمىلىپ، باتىلدىقپەن كۇرەس جۇرگىزۋىمىز، شەبەرلىكپەن كۇرەس جۇرگىزۋىمىز كەرەك.
«10 جىلدان بەرى پارتيا حالىقتى باستاپ تالاي قيىن وتكەلدەر مەن كەدەرگىلەردى جەڭىپ، تالاي - تالاي كەرەمەتتەر جاراتتى». گۇيجوۋ ولكەسى چيانشي قالاسى شينرىن مياۋزۋ ۇلتتىق اۋىلى حۋا - ۋ قىستاعى پارتيا ياچەيكاسىنىڭ شۋجيى، ۋاكىل شۇي لەي بىلاي دەدى: «ءبىز باس شۋجيدىڭ تاپسىرماسىن، ءسوز جوق، ەستە بەرىك ساقتاپ، كەدەيلىكتەن ارىلتۋدان قامال الۋدىڭ تابىستارىن بەكەمدەپ، اۋىل - قىستاقتى گۇلدەندىرۋدى ۇزدىكسىز ىلگەرىلەتەمىز».
جاڭا جورىقتا ءبىز جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ جاعدايىن جەدەل ورناتىپ، ساپالى دامۋدى ىلگەرىلەتۋىمىز كەرەك.
«جاڭا دامۋ ۇستانىمىن دايەكتىلەندىرۋ − ەلىمىز دامۋىنىڭ جالپى جاعدايىنا ساياتىن تەرەڭ وزگەرىس، جاڭا دامۋ ۇستانىمىن دامۋدىڭ جالپى بارىسىمەن جانە ءار سالاسىمەن ساباقتاستىرۋ كەرەك». شاڭحاي لينگاڭ شينپيانچۇي قارجى قوسۋ، جارنا مەڭگەرۋ (توبى) شەكتى سەرىكتەستىگىنىڭ پارتكوم شۋجيى، القا باستىعى، ۋاكىل لۋ يىڭچيڭ بىلاي دەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن، ءسوز جوق، قاتاڭ دايەكتىلەندىرىپ، تياناقتاندىرىپ، ەلىمىز دامۋىنىڭ باسەكەلىك قۋاتى مەن باياندى قۋاتىن ۇزدىكسىز جوعارىلاتامىز.
جاڭا جورىقتا ءبىز پارتيا قۇرۋ ۇلى رۋحىن بارىنشا ساۋلەلەندىرىپ، اۋەلگى ماقساتتى، بورىشتى ۇمىتپاي، وزىنە توڭكەرىس جاساۋعا باتىل بولۋىمىز كەرەك.
«جاپپاي سوتسياليستىك وسىزاماندانعان مەملەكەت قۇرۋدىڭ، جاڭا ءداۋىر، جاڭا ساپاردىڭ ءتۇرلى نىسانا - مىندەتتەرىن جۇزەگە اسىرۋدىڭ تەتىگى پارتيادا». حۋبەي ولكەسى حۋاڭشى قالالىق باقىلاۋ مەكەمەسى ساياسي ءبولىمى مەڭگەرۋشىسىنىڭ ورىنباسارى، ۋاكىل ليۋ لياڭ مىنانى ءبىلدىردى: جاڭا ساپارعا شىققاندا، پارتيانىڭ وزىقتىعى مەن كىرشىكسىزدىگىنە زيان جەتكىزەتىن زياندى فاكتورلاردى، پارتيانىڭ اقاۋسىزدىعىنا زيان جەتكىزەتىن اۋرۋ قوزدىرعىشتى ۇزدىكسىز تازالاۋ كەرەك، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، ءتۇرلى سىنداردان سۇرىنبەي وتەتىن، جالىندى دا ومىرشەڭ ماركسيزمدىك بيلىكتى پارتيا ەتىپ قۇرىپ شىعۋ كەرەك.
باسىپ وتكەن جولىمىزعا قايىرىلا قاراساق، ءبىز ىنتىماقتاسا كۇرەس جۇرگىزۋ ارقىلى شۇعىلالى تاريح جاراتتىق. الدىڭعى جولعا كوز جىبەرسەك، ءبىز ىنتىماقتاسا كۇرەس جۇرگىزۋ ارقىلى كوركەم بولاشاق جاراتۋىمىز كەرەك.
سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزسەك، جۇڭگوشا سوتسياليزم ۇلى كەمەسى، ءسوز جوق، تولقىن جارا العا ىلگەرىلەپ، نىق قاداممەن الىسقا جول تارتادى، ميلليارد جۇڭگو حالقى، ءسوز جوق، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريحي ۋاقىتىن جاراتا الادى!
(«حالىق گازەتىنىڭ» تىلشىلەرى ۋاڭ حاۋنان، داي لينفىڭ، جين جىڭبو، ياڭ يانفان، جين بو، مىڭ شياڭفۋ، چي جىميڭ، ۋاڭ جين، ۋاڭ جوۋ، سۇن لۇڭفي)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
