جۇڭگو مۇناي حيميا توبىنىڭ جەڭىس مۇناي الابى باياندامانى ۇيرەنىپ، باعىتتى ايقىنداپ، جاۋاپكەرلىك ارقالاپ، ۇدەرە العا تارتىپ، تىڭ ۇلەس قوسپاق (20 - قۇرىلتاي شۋاعى)
لي رۇي («حالىق گازەتىنىڭ» ءتىلشىسى)
2022.10.20 16:18 كەلۋ قاينارى : حالىق تورابى
«بۇگىن ءبىز پارتيانىڭ 20 - قۇرىلتايىنىڭ بايانداماسىن ۇزدىكسىز ۇيرەنەمىز، كوپشىلىك، قانداي ويلارىڭىز بولسا دا، ايتىڭىزدار». لي يوۋچۋان توتەسىنەن وسىلاي ءسوز باستادى.
لي يوۋچۋان − جۇڭگو مۇناي حيميا جەڭىس مۇناي الابىن بارلاۋ - اشۋدى زەرتتەۋ ورنى گازبەن ىعىستىرۋدى سىناق ەتۋ كەڭسەسى پارتيا ياچەيكاسىنىڭ شۋجيى. 10 - ايدىڭ 16 - كۇنى پارتيا 20 - قۇرىلتايىنىڭ اشىلۋ جينالىسىنىڭ تىكە تاراتىلۋىن توپتىق كورگەننەن كەيىن، 10 - ايدىڭ 17 - كۇنى تۇستەن بۇرىن ول جاڭالىق اشۋ توبىنداعى پارتيا مۇشەلەرىن شاقىرىپ، ۇيرەنۋ اسەرلەرىن تاعى دا ىشكەرىلەي اۋىستىردى.
تالقى الاڭى گازبەن ىعىستىرۋ تاجىريبە بولمەسى پارتيا ياچەيكاسىنىڭ قىزمەت كەڭسەسىنە ورنالاستىرىلدى. بولمە ىشىندە 20 نەشە ادام وتىردى، ەلەكتروندى ەكراننان وسى رەتكى پارتيا ياچەيكاسى قيمىلىنىڭ نەگىزگى تاقىرىبى كورىنىپ تۇر: «باياندامانى ۇيرەنىپ، باعىتتى ايقىنداپ، جاۋاپكەرلىك ارقالاپ، ۇدەرە العا تارتىپ، تىڭ ۇلەس قوسايىق».
«باس شۋجي شي جينپيڭ بايانداماسىندا ‹ەنەرگيا ءوندىرۋ، قامداۋ، ساقتاۋ، ساتۋ جۇيەسى قۇرىلىسىن كۇشەيتىپ، ەنەرگيا حاۋىپسىزدىگىنە شىنايى كەپىلدىك ەتۋدى› العا قويدى. بۇل باس شۋجيدىڭ جەڭىس مۇناي الابىندا قىزمەت تەكسەرگەن كەزدەگى ‹بايلىقتى شوعىرلاندىرىپ، شەشۋشى، وزەكتى تەحنيكالاردان قامال الىپ، تازا، جوعارى ءونىمدى اشۋدى، پايدالانۋدى جەدەلدەتۋ كەرەك› دەگەن ىقىلاستى تاپسىرماسىن ەسىمە ءتۇسىردى. بارلاۋ - اشۋدى زەرتتەۋ ورنىنىڭ باس گەولوگى ساۋ شياۋپىڭ الدىمەن سوزگە شىقتى.
2021 - جىلى 10 - ايدىڭ 21 - كۇنى باس شۋجي شي جينپيڭ جەڭىس مۇناي الابىن بارلاۋ - اشۋدى زەرتتەۋ ورنىنا كەلىپ قىزمەت تەكسەرىپ، كوپشىلىكتى مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتۋ، ەكونوميكالىق، قوعامدىق دامۋدى قامتاماسىز ەتۋ جاعىندا تاعى دا تىڭ ۇلەس قوسىپ، تاعى دا تاماشا ناتيجە جاراتۋعا شابىتتاندىردى.
«ەنەرگيا ىدىسىن مىقتى يگەرۋ ءۇشىن، ءسوز جوق، تەحنيكانى دامىتۋ كەرەك». ساۋ شياۋپىڭ بىلاي دەدى: بارلاۋ، اشۋ، زەرتتەۋ ورنى ءتۇيىندى تۇردە قامال الاتىن سلانەتستى مۇنايدى بارلاۋ، اشۋ تەحنيكاسىندا كوپتەگەن تىڭ تابىستارعا قول جەتكىزدى. جەڭىس مۇناي الابىنىڭ جەر استى مۇناي قورى قۇرىلىمى كۇردەلى، سلانەتس مايى تاۋ جىنىستارىنىڭ ساڭلاۋلارىنا تەرەڭ شوككەن، مۇناي تابۋ قيىندىعى زور. سوڭعى جىلداردان بەرى، بارلاۋ، اشۋدى زەرتتەۋ اكادەمياسى تەحنيكالىق قامال الۋدى زور كۇشپەن ورىستەتىپ، ۇزىن قۇدىق بولەگى گوريزونتال قۇدىق جانە ستەرەولى قىسىممەن جارۋ تەحنيكاسىن قولدانىپ، سلانەتس مايىن نەشە مىڭ مەتر تەرەڭدىكتەگى جەر استىنان ءساتتى قازدى.
«پارتيا 20 - قۇرىلتايىنىڭ بايانداماسىندا <جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ> ورتاعا قويىلدى». بارلاۋ - اشۋدى زەرتتەۋ ورنىنىڭ باس مامانى جاڭ چۋانباۋ بىلاي دەدى: «ءبىز اناعۇرلىم كوپ جاسىل، تومەن كومىرتەكتى تەحنيكالاردى قولدانۋ جونىندە ۇزدىكسىز ىزدەنىس جاسايمىز».
تاياۋدا چيلۋ مۇناي حيميا توبى − جەڭىس مۇناي الابىنىڭ ميلليون توننالىق جاڭا نىسانى رەسمي ىسكە قوسىلدى، جىلىنا ءبىر ميلليون توننا كومىرتەگى قوس توتىعىن از ىعىستىرادى. «تەحنيكادا قامال الۋدى، قولدانۋدى جەدەلدەتىپ، اناعۇرلىم كوپ عىلىم - تەحنيكا زەرتتەۋىنەن كاسىپ تابىسىن جاراتۋعا مۇمكىندىك جاساۋ كەرەك» دەدى بارلاۋ - اشۋدى زەرتتەۋ ورنىنىڭ باستىعى جاڭ شىميڭ.
«جاسىل، تومەن كومىرتەكتى دامۋعا ۇلگى بولۋدا، ءسوز جوق، پارتيا ياچەيكاسىنىڭ پارمەندى جاۋىنگەر قورعاندىق رولىن تولىق ساۋلەلەندىرۋ كەرەك». لي يوۋچۋان بىلاي دەدى: «ءبىز قىزىل گەندى ويداعىداي جالعاستىرىپ، باستاماشىلدىقپەن قامال الىپ، قيىندىقتاردى جەڭىپ، عىلمي زەرتتەۋدەن قامال الۋ بارىسىنداعى ماشاقاتتى تۇيىندەردى شەشەمىز».
«مەن ەكى اۋىز ءسوز ايتايىن!» جاس پارتيا مۇشەسى ۋاڭ ميڭ ورنىنان تۇرىپ: «اعا بۋىن مۇنايشىلار مەملەكەتتىڭ ۇندەۋىنە ءۇن قوسىپ، تەڭىز جاعالاۋىنان مۇناي ىزدەپ، ءتۇن بويى قۇدىق قازىپ، سورتاڭ القاپتان ۇلكەن مۇناي الابىن قۇردى. جاس پارتيا مۇشەسى رەتىندە، ءسوز جوق، اعا بۋىن مۇنايشىلاردىڭ تاڭداۋلى ءداستۇرىن ساۋلەلەندىرىپ، مۇنايشىلاردىڭ توڭكەرىستىك نەگىزى مەن جاۋىنگەرلىك سۇيىسپەنشىلىگىن ساقتاپ، شوگەلدىكپەن ىستەپ، قاجىرلىلىقپەن ىستەپ، تەحنيكادا جاڭالىق اشۋدىڭ باستاماشىسى بولۋعا قۇلشىنامىن» دەدى.
ءبىر ساعاتتان استام ۋاقىتتاعى نەگىزگى تاقىرىپتىق قيمىل تەز ارادا اياقتادى، ءبىراق ۇيرەنۋ، تالقى ءالى دە جالعاسۋدا. «عىلمي زەرتتەۋ جەتىستىكتەرىن مۇناي ساقتاۋ رايونى بولىگىنە جازۋ كەرەك»، «ەنەرگيا ىدىسىن مىقتاپ ۇستاپ، جاستىق ورالدىڭ كۇش - قۋاتىن ارناۋ كەرەك»... بىرنەشە قىزمەتكەر ءبىر جەرگە جينالىپ، ءوز اسەرلەرىن اڭگىمەلەدى.
«ءبىز پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ تاپسىرماسىن ەستە بەرىك ساقتاپ، ‹مۇناي جۇمىسشىلارىنىڭ جۇرەگى پارتياعا تالپىنۋ› سەنىمىن ەنەرگيا، ازىق - تۇلىك جاعىنداعى بەرىك امالياتقا اينالدىرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ ءۇشىن قىزمەت جاۋاپكەرلىگىمىزدى ويداعىداي ارقالاپ، كۇش - قۋاتىمىزدى ارنايمىز» دەدى جەڭىس مۇناي باسقارۋ مەكەمەسى شەكتى سەرىكتەستىگى پارتكومى شۋجيىنىڭ ۇنەمىلىك ىستەرگە جاۋاپتى ورىنباسارى، جۇمىسشى ۇيىمىنىڭ ءتوراعاسى حان حۇي.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
