”اناردىڭ دانىندەي“ ۇيىسىپ، ىنتىماقتاسا كۇرەس جۇرگىزەمىز
□ انار بۇلت \ شينجياڭ گازەتىنىڭ ءتىلشىسى لي ياڭ
2022.10.21 15:00 كەلۋ قاينارى : شينجياڭ گازەتى
ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ تياناعى. ”ىنتىماق − كۇش، ىنتىماقتى بولعاندا عانا جەڭىسكە جەتۋگە بولادى“. ”بۇكىل مەملەكەتتەگى ءار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەلىمىزدىڭ ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، ءبىر نيەتتە بولىپ، جۇڭگو ارمانىن بىرگە ورىنداۋدىڭ قۇدىرەتتى بىرىككەن كۇشىن قالىپتاستىرۋىمىز كەرەك“. پارتيا 20 - قۇرىلتايىنىڭ بايانداماسى بىزگە ءار ۇلت حالقىنىڭ ءبىر نيەتپەن ىنتىماقتاسىپ، جاڭا ۇلى كۇرەس جۇرگىزۋ ارقىلى جاڭا ۇلى ىستەردى جاراتۋدىڭ تاماشا كارتيناسىن سالىپ بەردى.
”اناردىڭ دانىندەي“ ۇيىسىپ، ىنتىماقتاسا كۇرەس جۇرگىزەمىز، قادامىن نىق باسقان ۋاكىلدەردىڭ سەنىمى تاسقىندادى.
باس شۋجيدىڭ ىقىلاستى تاپسىرماسىن كوكەيىمىزدە بەرىك ساقتايمىز
”سول كورىنىس جۇرەگىمدە ماڭگى وشپەستەي بولىپ قالدى“! ۋاكىل زورىگۇل نياز مەملەكەت ەلەكتر تورى شينجياڭ ەلەكتر شەكتى سەرىكتەستىگى اسقىن جوعارى كەرنەۋلى ەلەكتر جەتكىزۋ بولىمشە سەرىكتەستىگى ەلەكتر كەرنەۋىن وزگەرتۋ اينالىم - قورعاۋ 2 - ورتالىعى تۇرپان ەلەكتر كەرنەۋىن وزگەرتۋ اينالىم - قورعاۋ ءبانىنىڭ بانجاڭى. ول ايتىپ وتىرعان ”سول كورىنىس“ ءاربىر شينجياڭدىقتىڭ جۇرەك قىلىن تەرەڭىنەن تەربەدى.
بيىل 7 - ايدا، باس شۋجي شي جينپيڭ شينجياڭدى كوزدەن كەشىردى، باس شۋجي شي جينپيڭ وقىتۋشى - وقۋشىلارعا، قىستاق تۇرعىندارىنا، الەۋمەتتىك اۋماق تۇرعىندارىنا: ”ءبىز اناردىڭ دانىندەي“ دەي بەرگەنىندە، سول اراداعى مىڭداعان ادام ۋادەلەسىپ العانداي - اق، بىركەلكى اشىق ۇنمەن: ”تىعىز ۇيىسامىز“ دەپ جاۋاپ قاتتى.
”ول كەزدە مەن سول ارادا بولماعانىممەن، ءبىراق ءار جولى سول كورىنىستىڭ ناقتى بەينە كەسكىنىن كورگەن كەزىمدە، ۇنەمى ەرىكسىزدەن كوزىمە ىستىق جاس تولادى“. ۋاكىل زورىگۇل نياز: مىڭداعان ادامنىڭ داۋىسى ءبىر اۋىزدان شىققانداي بىركەلكى بولىپ، ۇلتتار ىنتىماعىنىڭ ءار ۇلت بۇقاراسىنىڭ جۇرەگىندە تەرەڭ تامىر تارتقاندىعىن جەتە ايگىلەدى، - دەدى.
”لاچين بايەكە سۇيەكتى قارىعان مۇزداي سۋىق سۋدىڭ ىشىندە جانىن تىگىپ تاعى ءبىر ءومىردى قوس قولىمەن كوتەرىپ تۇردى؛ حوتاندىق بىلەگى ۇزىلگەن ۇل بالا ءار ۇلت كادر - بۇقاراسىنىڭ ءبىر نيەتپەن كومەكتەسۋىندە قايتادان سالاماتتىققا يە بولدى. شينجياڭدا ءومىر ءسۇرىپ جاتقان ءاربىر ادام باستان - اياق باس شۋجيدىڭ ىقىلاستى تاپسىرماسىن ەستە بەرىك ساقتاپ، ءىس جۇزىندىك ارەكەتتەرى ارقىلى ۇلتتار ىنتىماعىن امالياتتا ايگىلەپ، ۇلتتار ىنتىماعىنىڭ گۇلىن ۇنەمى جايناتىپ قۇلپىرتا بەرەدى“، - دەدى ۋاكىل ما لي.
ىنتىماعىمىز ”قۇرىشتاي بەرىك“
10 - ايدىڭ 17 - كۇنى تۇستەن بۇرىن، باس شۋجي شي جينپيڭ پارتيا 20 - قۇرىلتايىنداعى گۋاڭشي ۋاكىلدەر ۇيىرمەسىنىڭ تالقىسىنا قاتىناسقان كەزدە باسا دارىپتەپ بىلاي دەدى: ”بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ىنتىماقتاسا وتىرىپ’ قۇرىشتاي بەرىك‘ بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىس ساپار شەگۋىن ىلگەرىلەتۋ كەرەك“. باس شۋجيدىڭ شىنايى تاپسىرماسى ۋاكىلدەرگە العا باسۋ قوزعاۋشى كۇشىنىڭ اناعۇرلىم مىعىمدىعىن، ءسوزسىز جەڭىسكە جەتۋ بەكىمىنىڭ اناعۇرلىم بەكەمدىگىن، كۇرەس جۇرگىزۋ رۋحىنىڭ اناعۇرلىم اسقاقتىعىن سەزىندىردى.
”ەكونوميكانى ورنىقتىرۋ، دامۋدى جەبەۋ، كەدەيلىكتى جەڭۋ، دوڭگەلەك داۋلەتتى قوعام ورناتۋ، ىندەتتى تىزگىندەۋ، اۋىر اپاتقا قارسى اتتانۋ، وزگەرىس جاعدايىنا توتەپ بەرۋ، داعدارىستى شەشۋ... وسىناۋ جىلدارى ءبىزدىڭ قامال الىپ قيىندىقتاردى جەڭىپ، ۇزدىكسىز جەڭىسكە جەتۋىمىز پارتيانىڭ پارمەندى باسشىلىعى بولعاندىعىنىڭ، ءار ۇلت كادرلارى مەن بۇقاراسىنىڭ تىعىز ىنتىماقتاسا كۇرەس جۇرگىزۋىنىڭ ارقاسى“، - دەدى ۋاكىل كوۋ شياۋيان.
ۋاكىل زورىگۇل نيازدىڭ گرۋپپاسىندا حانزۋ، ۇيعۇر، قىرعىز، مانزۋ، حۇيزۋ سياقتى كوپ ۇلت قىزمەتتەستەرى بار، كوپشىلىك ءبىر وتباسىنىڭ ادامدارى سەكىلدى ءبىر - بىرىنە كوڭىل ءبولىپ، بىرگە العا باسۋدا. ”ىنتىماق − بارلىق ىستە جەڭىسكە جەتۋدىڭ نەگىزى. جۇدىرىقتاي جۇمىلساق بولعانى، جەڭبەس قيىنشىلىعىمىز بولمايدى، ءتىپتى دە كوپ مۇمكىن ەمەس ىستەردى مۇمكىندىككە اينالدىرا الامىز“، - دەدى ۋاكىل زورىگۇل نياز كەسەتىپ.
بارلىعىمىز ءبىر نيەتپەن بولاشاققا اتتانامىز
بۇگىنگى كۇندە، جۇڭحۋا ۇلتى ورتاق تۇلعا تانىمى شينجياڭداعى ءار ۇلت حالقىنىڭ جۇرەگىنە تەرەڭ تامىر تارتتى. انار گۇلى اشىلىپ، جۇزدەگەن ءداننىڭ نيەتتەس بولۋى شينجياڭنىڭ بايتاق دالاسىنداعى ەڭ كوركەم كورىنىس.
تارباعاتاي ايماعى ۇلتتار ىنتىماعىنىڭ قۇتتى مەكەنى، اسىرەسە، وسى 10 جىلدا تاعى دا ادامدار اسەرلەنە اڭگىمەلەيتىن ۇلتتار ىنتىماعىنىڭ تاعى ءبىر توپ تاماشا حيكاياسى جارىققا شىقتى. ۋاكىل ۋي جيانگو تارباعاتاي ايماقتىق پارتكومنىڭ شۋجيى، جاڭا جورىققا قادام باسقاندا، ول بەرىك سەنىممەن: ”ءبىز جۇڭحۋا ۇلتى ورتاق تۇلعا تانىمىن بەرىك ورناتۋعا كۇش سالىپ، شينجياڭدى مادەنيەتپەن نارلەندىرۋگە كۇش سالىپ، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋگە كۇش سالىپ، ۇلتتار ىنتىماعىندا، العاباسارلىعىندا وزاتتاردان بولۋعا كۇش سالىپ، جاڭا داۋىردەگى ۇلتتار ىنتىماعى، العاباسارلىعى قىزمەتىنىڭ ’دارەجەسى وسىرىلگەن نۇسقاسىن‘ سومداۋىمىز كەرەك“.
ۋاكىل ما لي تۇرعان الەۋمەتتىك اۋماق ءار ۇلت بۇقاراسى تاتۋ - ءتاتتى بىرگە تۇرىپ جاتقان باقىت اۋلاسى، ول تۇرلىشە ۇلت بۇقاراسىمەن تۋىستاستى، 2020 - جىلى داڭقپەن اۆتونوميالى رايوندىق ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات جەكە اتاعىنا يە بولدى. ”الەۋمەتتىك اۋماق ۇلتتار ىنتىماعى، العاباسارلىعى قىزمەتىن ويداعىداي جاقسى ىستەۋدەگى ’شاعىن بىرلىك‘“. ۋاكىل ما لي بىلاي دەدى: بۇدان بىلاي پارتيا قۇرىلىسىنىڭ جەتەكشىلىك رولىن تولىق ساۋلەلەندىرىپ، ءار ۇلت بۇقاراسىن ءبىر نيەتپەن ىنتىماقتاسۋعا، تىزە قوسا كۇرەس جۇرگىزۋگە باستاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا كۇش قوسامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
