شي جينپيڭ 20 - كەزەكتى ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە مىنانى دارىپتەدى
بارلىعىندا حالىق ءۇشىن بولۋدا، بارلىعىندا حالىققا سۇيەنۋدە باستان - اياق تاباندى بولىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ كەرەك
2022.10.24 16:16 كەلۋ قاينارى : حالىق تورابى
ەندى عانا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان ج ك پ ورتالىق كوميتەتىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي 10 - ايدىڭ 23 - كۇنى بەيجيڭدەگى حالىق سارايىندا ج ك پ 20 - قۇرىلتايىنا تىلشىلىك جاساعان جۇڭگولىق، شەتەلدىك تىلشىلەرمەن ىستىق ىقىلاسپەن كەزدەستى. سۋرەتتە: شي جينپيڭ ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، ءبىز دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىردىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەمىز.
جاڭا جورىقتا ءبىز قاي - قاشان دا ەكپىندەي ىلگەرىلەيتىن رۋحاني كۇيدى ساقتاۋىمىز كەرەك.
جاڭا جورىقتا ءبىز بارلىعىندا حالىق ءۇشىن بولۋدا، بارلىعىندا حالىققا سۇيەنۋدە باستان - اياق تاباندى بولۋىمىز كەرەك.
جاڭا جورىقتا ءبىز پارتيانىڭ وزىندىك توڭكەرىسىن باستان - اياق ىلگەرىلەتۋىمىز كەرەك.
جاڭا جورىقتا ءبىز باستان - اياق بۇكىل ادامزاتتىڭ ورتاق قۇنىن ساۋلەلەندىرۋىمىز كەرەك.
جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ دامۋى دا جۇڭگوعا مۇقتاج.
جاڭا جورىق − داڭق پەن ارمانعا تولى ۇزاق جورىق. جوبا جاسالدى، دابىل قاعىلدى. ءبىز اسقاق جىگەرمەن قايراتتانا ۇمتىلىپ، قايسارلىقپەن العا باسىپ، اناعۇرلىم شۇعىلالى بولاشاق جاراتۋعا قۇلشىنۋىمىز كەرەك.
«حالىق گازەتى»، 10 - ايدىڭ 23 - كۇنى، بەيجيڭ. ەندى عانا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سايلانعان ج ك پ ورتالىق كوميتەتىنىڭ باس شۋجيى شي جينپيڭ جانە ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي 10 - ايدىڭ 23 - كۇنى تۇستە حالىق سارايىندا جۇڭگو كوممۋنيستىك پارتياسىنىڭ 20 - قۇرىلتايىنا تىلشىلىك جاساعان جۇڭگولىق، شەتەلدىك تىلشىلەرمەن ىستىق ىقىلاسپەن كەزدەستى.
حالىق سارايىنىڭ التىن ءتۇستى زالىندا شىراقتار سامالاداي جارقىراپ، مەرەيلى، سالتاناتتى بەينەگە شومدى. 600 دەن استام جۇڭگولىق، شەتەلدىك ءتىلشى وسى اراعا كەلىپ، جاڭا كەزەكتى ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرىنىڭ تۇڭعىش رەت توپتىق بوي كورسەتكەنىن بۇكىل دۇنيە جۇزىنە حابارلادى.
ساعات 12 دەن 5 مينۋت وتكەندە شي جينپيڭ قاتارلىلار شاتىرلاعان شاپالاق ءۇنى ىشىندە زالعا كىرىپ، زالداعى جۇڭگولىق، شەتەلدىك تىلشىلەرگە قول بۇلعاپ قۇرمەت ءبىلدىردى.
ج ك پ 20 - قۇرىلتايىنىڭ اقپارات مالىمدەمەشىسى سۇن يەلي قىسقاشا تانىستىرعاننان كەيىن شي جينپيڭ ماڭىزدى ءسوز سويلەدى. شي جينپيڭ اۋەلى مىنانى ءبىلدىردى: ءتىلشى دوستارمەن وسى ارادا كەزدەسكەنىمە وتە قۋانىشتىمىن. كەشە جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جەڭىسپەن جابىلدى. بۇل تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن ءماجىلىس بولدى. حالىقارالىق قوعام ج ك پ - نىڭ 20 - قۇرىلتايىنا ايرىقشا نازار اۋداردى. كوپتەگەن مەملەكەتتەگى ساياسي پارتيالار قۇتتىقتاۋ تەلەگرامماسىن، قۇتتىقتاۋ حاتىن جولدادى، مۇنىڭ كوبىن مەملەكەت باسشىلارى، ۇكىمەت باسشىلارى، ساياسي پارتيالار جانە ماڭىزدى ۇيىمدىق قۇرىلىمداردىڭ باسشىلارى جولدادى. وسى ورايدا مەن ج ك پ ورتالىق كوميتەتى اتىنان شىن جۇرەكتەن العىس ايتامىن.
شي جينپيڭ كوپشىلىككە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ باسقا مۇشەلەرىن تانىستىرعاننان كەيىن جاڭا كەزەكتى ج ك پ ورتالىق كوميتەتىنىڭ باسشىلىق قۇرامىنداعىلار اتىنان بۇكىل پارتياداعى جولداستاردىڭ سەنىمىنە شىن جۇرەكتەن العىس ايتىپ، ءسوزسىز، پارتيانىڭ سيپاتى مەن باستى ماقساتىن ەستە بەرىك ساقتاپ، وزدەرىنىڭ بورىشتارى مەن جاۋاپكەرلىكتەرىن ەستە بەرىك ساقتاپ، قىزمەت جاۋاپكەرلىگىن ىجداعاتپەن وتەپ، قىزمەتتى شوگەلدىكپەن ىستەپ، پارتيا مەن حالىقتىڭ ماڭىزدى تاپسىرماسىن استە جەردە قالدىرمايتىندارىن ءبىلدىردى.
شي جينپيڭ بىلاي دەپ اتاپ كورسەتتى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، ءبىز دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىردىق. قازىر ءبىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەمىز.
شي جينپيڭ مىنالاردى دارىپتەدى: جاڭا جورىقتا ءبىز قاي - قاشان دا ەكپىندەي ىلگەرىلەيتىن رۋحاني كۇيدى ساقتاۋىمىز كەرەك. جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى ءارى جاپالى ءىس. جاپا - ماشاقاتقا تولى بولعاندىقتان عانا ۇلى بولادى، جاپا - ماشاقاتقا تولى بولعاندىقتان عانا داڭقتى بولادى. وسى ءىس ءۇشىن سانسىز اعا بۋىندار قاجىرلىلىقپەن يگىلىك جاراتىپ، تار جول، تايعاق كەشۋدەن بىرگە ءوتىپ، قاجىرلىلىقپەن وزگەشە كۇرەس جۇرگىزدى، ءبىز ولاردىڭ ۇلەسى مەن قۇرباندىعىن ماڭگى ەستە ساقتايمىز. ءبىز قاجىرلىلىقپەن ىستەپ، جاۋاپكەرلىك ارقالاپ، ىسكەرلىك كورسەتىپ، اناعۇرلىم كۇشتى تاريحي ىرىقتىلىق رۋحىمەن ماركسيزمنىڭ جۇڭگوشالانۋىن، زامانالانۋىن ىلگەرىلەتىپ، جاڭا داۋىردەگى جۇڭگوشا سوتسياليزمنىڭ تىڭ داستانىن ۇزدىكسىز جازىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قۇلشىنا جۇزەگە اسىرۋىمىز كەرەك.
شي جينپيڭ بىلاي دەپ اتاپ كورسەتتى: جاڭا جورىقتا ءبىز بارلىعىندا حالىق ءۇشىن بولۋدا، بارلىعىندا حالىققا سۇيەنۋدە باستان - اياق تاباندى بولۋىمىز كەرەك. باسىپ وتكەن جولىمىزدا ءبىز حالىققا بەرىك سۇيەنە وتىرىپ تاريحتا قالاتىن جاۋاپتاردى ارت - ارتىنان جازدىق. بولاشاقتى بەتكە العاندا، ءبىز ءالى دە حالىققا سۇيەنىپ جاڭا تاريحي ۇلى ىستەر جاراتۋىمىز كەرەك. جولىمىزدا كەدەرگىلەر بار ءارى ۇزاق، جۇرە بەرسەك جەتەمىز. العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۇدىرەتتى جىگەرىمىز. ءبىز باستان - اياق حالىقپەن بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك.
شي جينپيڭ بىلاي دەپ دارىپتەدى: جاڭا جورىقتا ءبىز پارتيانىڭ وزىندىك توڭكەرىسىن باستان - اياق ىلگەرىلەتۋىمىز كەرەك. سان وزگەرىستى باستان كەشسە دە، اۋەلگى ماقساتتان اينىماعان پارتيا عانا نەگىزى ماڭگى ومىرشەڭدىك كۇشكە تولى بولادى؛ شۇعىلالى ناتيجە جاراتسا دا، وزىنە توڭكەرىس جاساۋعا باتىل پارتيانىڭ المايتىن قامالى بولمايدى. 100 جىلدىق بوران - شاشىندى باستان كەشىرىپ، قۇرىشقا اينالدى، اسىرەسە، جاڭا داۋىردەگى 10 جىلدىق توڭكەرىستىك شىڭدالۋ ارقىلى جۇڭگو كوممۋنيستىك پارتياسى اناعۇرلىم پارمەندى، اناعۇرلىم ومىرشەڭدىك كۇشكە يە بولدى. جاڭا جورىقتاعى جاڭا سىن - سىناق الدىندا ءبىز،ءسوز جوق، توتەنشە ساق بولىپ، ەمتيحان تاپسىرۋ سەرگەكتىگى مەن بايسالدىلىعىن ماڭگى ساقتاپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، عاسىرلىق ۇلكەن پارتيانى وزىندىك توڭكەرىس بارىسىندا ۇزدىكسىز تاسقىنداعان ومىرشەڭدىك قۋاتقا يە ەتىپ، جۇڭگو حالقىنىڭ ەڭ سەنىمدى، ەڭ بەرىك تىرەگىنە اينالدىرۋىمىز كەرەك.
شي جينپيڭ مىنالاردى اتاپ كورسەتتى: جاڭا جورىقتا ءبىز باستان - اياق بۇكىل ادامزاتتىڭ ورتاق قۇنىن ساۋلەلەندىرۋىمىز كەرەك. قازىرگى دۇنيە ءجۇزى بۇرىن بولىپ كورىلمەگەن سايىسقا ءدوپ كەلىپ وتىر. ءبىز ادامزاتتىڭ بولاشاعى مەن تاعدىرىن دۇنيە جۇزىندەگى ءار ەل حالقى مەڭگەرۋى جانە بەلگىلەۋى كەرەك دەگەندى ەجەلدەن دارىپتەپ كەلەمىز. الەمنىڭ داڭعىل جولىن بىرگە اشساق بولعانى، ءار ەل تاتۋ - ءتاتتى ءوتىپ، سەلبەسىپ تەڭ يگىلىككە كەنەلىپ، دۇنيە ءجۇزىنىڭ كوركەم بولاشاعىن قول ۇستاسا جاراتا الادى. ءبىز ءار ەل حالقىمەن بىرگە بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، دۇنيە ءجۇزىنىڭ بەيبىتشىلىگىن قورعاپ، دۇنيە ءجۇزىنىڭ دامۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتەمىز.
شي جينپيڭ بىلاي دەپ دارىپتەدى: جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ دامۋى دا جۇڭگوعا مۇقتاج. رەفورما جاساپ، ەسىك اشقان 40 نەشە جىلدان بەرى ءبىز ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتىق. قازىر جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، اينالىمى كەڭ، ۇزاق ۋاقىت جاقسارۋ نەگىزگى جاعدايى وزگەرمەيدى. جۇڭگونىڭ اشىق ەسىگى تەك بارعان سايىن كەڭ اشىلادى. ءبىز رەفورما جاساپ، ەسىك اشۋدى تاباندىلىقپەن جاپپاي تەرەڭدەتىپ، ساپالى دامۋدى تاباندىلىقپەن ىلگەرىلەتىپ، ءوزىمىزدىڭ دامۋىمىز ارقىلى دۇنيە جۇزىنە اناعۇرلىم كوپ وراي جاراتامىز.
شي جينپيڭ مىنالاردى اتاپ كورسەتتى: جاڭا جورىق − داڭق پەن ارمانعا تولى ۇزاق جورىق. جوبا جاسالدى، دابىل قاعىلدى. ءبىز اسقاق جىگەرمەن قايراتتانا ۇمتىلىپ، قايسارلىقپەن العا باسىپ، اناعۇرلىم شۇعىلالى بولاشاق جاراتۋعا قۇلشىنۋىمىز كەرەك.
شي جينپيڭ سوڭىندا بىلاي دەدى: بىرنەشە كۇننەن بەرى ءتىلشى دوستار قۇرىلتايدى جان - جاقتى حابارلاپ، بۇكىل دۇنيە جۇزىنە جۇڭگو ءۇنىن جەتكىزىپ، جۇڭگو كوممۋنيستىك پارتياسىنىڭ دارىپتەمەسىن تاراتىپ، دۇنيە ءجۇزىنىڭ جۇڭگوعا نازار اۋدارۋىنا مۇمكىندىك جاسادى. سىزدەردىڭ قاجىرلىلىقپەن قىزمەت ىستەگەندەرىڭىزگە العىس ايتامىن، كوپشىلىك، جاپا شەكتىڭىزدەر. كوپشىلىكتىڭ جۇڭگونىڭ جەر - جەرىنە كوبىرەك بارىپ كورۋىن، وبيەكتيۆ، شىنايى تۇردە دۇنيە جۇزىنە جۇڭگو حيكاياسىن جاقسى بايانداۋىن، جۇڭگو كوممۋنيستىك پارتياسىنىڭ حيكاياسىن جاقسى بايانداۋىن، ءبىز باستان كەشىرىپ جاتقان جاڭا ءداۋىر حيكاياسىن جاقسى بايانداۋىن قارسى الامىز.
ساعات 12دەن 30 مينۋت وتكەندە كەزدەسۋ جينالىسى اياقتادى. شي جينپيڭ قاتارلىلار جۇڭگولىق، شەتەلدىك تىلشىلەرمەن قول بۇلعاپ قوشتاستى. زالدان تاعى دا قىزۋ قول شاپالاق ءۇنى كوتەرىلدى.
ورتالىق راديو - تەلەۆيزيا باس ستانسياسى مەن شينحۋا سايتى ۇستىنەن تىكە تاراتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
