جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدە جابىلدى
2022.10.23 15:55 كەلۋ قاينارى : حالىق تورابى
 |
10 – ايدىڭ 22 – كۇنى جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدەگى حالىق سارايىندا جەڭىسپەن جابىلدى. شي جينپيڭ جولداس ءماجىلىستى باسقاردى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتى سايلانىپ شىقتى
19 - كەزەكتى ورتالىق كوميتەتتىڭ بايانداماسى جونىندەگى قاۋلى، 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاۋلى ماقۇلداندى
شي جينپيڭ ءماجىلىستى باسقاردى ءارى ماڭىزدى ءسوز سويلەدى
شي جينپيڭ مىنالاردى دارىپتەدى: جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتىپ، تاعى دا جاڭا ەمتيحان تاپسىرۋ جولىنا ءتۇستى. 100 جىلدان بەرى پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەڭىسىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. عاسىرلىق تابىس تەڭدەسسىز شۇعىلالى، عاسىرلىق ۇلى پارتيا بارعان سايىن تولىسا ءتۇستى. جاڭا داۋىردەگى جاڭا جورىقتا دۇنيە ءجۇزىن جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، كۇرەس جاساۋعا، جەڭىسكە جەتۋگە باتىل بولىپ، قاجىرلىلىقپەن ىستەپ، قايراتتانا العا ۇمتىلىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ 20 - قۇرىلتايىندا بەلگىلەنگەن نىسانالار مەن مىندەتتەردى جۇزەگە اسىرۋ جولىندا كۇرەس جۇرگىزۋى كەرەك
ءماجىلىس بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بوس ءسوزدىڭ ەلدى توزدىراتىنىن، ىسكەرلىك ەلدى كوركەيتەتىنىن ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى
شينحۋا اگەنتتىگى، 10 – ايدىڭ 22 – كۇنى، بەيجيڭ. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىعىپ، 19 - كەزەكتى ورتالىق كوميتەتتىڭ بايانداماسى جونىندەگى قاۋلىنى، 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاۋلىنى ماقۇلداعاننان كەيىن، 10 - ايدىڭ 22 - كۇنى تۇستەن بۇرىن حالىق سارايىندا جەڭىسپەن جابىلدى.
ءماجىلىس بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بوس ءسوزدىڭ ەلدى توزدىراتىنىن، ىسكەرلىك ەلدى كوركەيتەتىنىن ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى
ءماجىلىستى شي جينپيڭ جولداس باسقاردى.
قۇرىلتاي ءتوراعالار القاسى تۇراقتى كوميتەتىنىڭ قۇرامىنداعىلاردان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، جاڭ چيڭلي قاتارلىلار ءتوراعالار مىنبەسىنىڭ الدىڭعى قاتارىنان ورىن الدى.
تۇستەن بۇرىن ساعات 9 دا جابىلۋ ءماجىلىسى باستالدى.
بۇگىنگى ماجىلىسكە قاتىناسۋعا ءتيىستى ۋاكىل جانە ۇسىنىس ەتىلگەن ۋاكىل 2 مىڭ 378 ادام، ناقتى قاتىناسقانى 2 مىڭ 338 ادام. ناقتى قاتىناسقان ۋاكىل سانى قاتىناسۋعا ءتيىستى ۋاكىل سانىنىڭ جارىمىنان استى، بۇل قۇرىلتايدىڭ سايلاۋ ادىسىندەگى بەلگىلەمەگە ۇيلەسەدى.
ءماجىلىس الدىمەن 2 باس بەلەت باقىلاۋشىنىڭ جانە 36 بەلەت باقىلاۋشىنىڭ ەسىمدىگىن ماقۇلدادى.
باس بەلەت باقىلاۋشىلار مەن بەلەت باقىلاۋشىلاردىڭ باقىلاۋىندا، ماجىلىسكە قاتىناسقان ۋاكىلدەر مەن ۇسىنىس ەتىلگەن ۋاكىلدەر جاسىرىن داۋىس بەرۋ تاسىلىمەن 205 مۇشەدەن، 171 كانديدات مۇشەدەن قۇرالعان 20 - كەزەكتى ورتالىق كوميتەتتى، 20 - كەزەكتى ورتالىق ءتارتىپ تەكسەرۋ كوميتەتىنىڭ 133 مۇشەسىن سايلاپ شىقتى.
ساعات 11 دەن 9 مينۋت وتكەندە شي جينپيڭ 20 - كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ پارتيانىڭ مەملەكەتتىك 20 - قۇرىلتايىندا سايلانىپ شىققانىن جاريالادى. بۇكىل زالدا ۇزاققا دەيىن شاتىرلاعان شاپالاق ءۇنى كوتەرىلدى.
وسىدان كەيىن ءماجىلىس پارتيا 19 - كەزەكتى ورتالىق كوميتەتىنىڭ بايانداماسى جونىندەگى قاۋلىنى ماقۇلدادى. ءماجىلىس شي جينپيڭ جولداستىڭ پارتيا 19 - كەزەكتى ورتالىق كوميتەتى اتىنان جاساعان بايانداماسىن بەكىتتى. قاۋلىدا مىنالار اتاپ كورسەتىلدى: ءماجىلىس ماقۇلداعان پارتيا 19 - كەزەكتى ورتالىق كوميتەتىنىڭ بايانداماسى − پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت باعدارناماسى، ماركسيزمدىك باعدارنامالىق قۇجات.
ءماجىلىس بىلاي دەپ قارادى: باياندامادا ايتىلعان قۇرىلتايدىڭ باستى تاقىرىبى − قۇرىلتايدىڭ جانى، پارتيا مەن مەملەكەت ىستەرى دامۋىنىڭ باس باعدارناماسى. بۇكىل پارتيا جۇڭگوشا سوتسياليزم ۇلى تۋىن بيىك ۇستاپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىندەگى ۇيىتقىلىق ورنىن، بۇكىل پارتياداعى ۇيىتقىلىق ورنىن باتىل قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، سەنىمدى، دەربەس بولىپ، ءتۇبىرلى پرينسيپتەن اينىماي، جاڭالىق اشىپ، جىگەرلەنە العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك.
ءماجىلىس پارتيا 19 - كەزەكتى ورتالىق كوميتەتىنىڭ قىزمەتىن جوعارى باعالادى. پارتيانىڭ 19 - قۇرىلتايىنان بەرگى 5 جىل وتە ەرەكشە، توتەنشە وزگەشە 5 جىل بولدى. 5 جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى اۋقىمدى باعامداپ، ءتۇبىرلى پرينسيپتەن اينىماي، جاڭالىق اشىپ، كۇرەس جۇرگىزۋگە باتىل بولىپ، شەبەرلىكپەن كۇرەس جۇرگىزىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاتاڭ دا كۇردەلى حالىقارالىق جاعدايعا جانە ىركەس - تىركەس تۋىلعان وراسان زور حاۋىپ - قاتەر مەن سىن - سايىسقا ءونىمدى توتەپ بەرىپ، قايراتتانا ۇمتىلۋ رۋحىمەن جاڭا داۋىردەگى جۇڭگوشا سوتسياليزمدى ۇزدىكسىز العا ىلگەرىلەتىپ، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەدەن قامال الدى، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى ورىنداپ، پارتيا مەن مەملەكەت ىستەرىندە دۇنيە ءجۇزىن جالت قاراتقان كەلەلى تابىستارعا قول جەتكىزۋدى ىلگەرىلەتتى.
ءماجىلىس مىنالاردى دارىپتەدى: پارتيانىڭ 18 - قۇرىلتايى اشىلعان 10 جىلدان بەرى ءبىز پارتيا مەن حالىقتىڭ ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە 3 ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساپ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم قۇدىرەتتى، پارمەندى بولا ءتۇستى، جۇڭگو حالقى اناعۇرلىم كۇشتى تاريحي سانالىلىق جانە ىرىقتىلىق رۋحىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي اياق الىسقا ءوتتى، عىلمي سوتسياليزم 21 - عاسىرداعى جۇڭگودا جالىنداعان جاڭا ومىرشەڭدىك كۇشىن تاسقىنداتتى.
ءماجىلىس مىنالاردى دارىپتەدى: جاڭا داۋىردەگى 10 جىلدىق ۇلى وزگەرىس شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىندا قولعا كەلدى. پارتيا شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى مانگە يە. جاڭا ءداۋىر جاڭا جورىقتا جۇڭگوشا سوتسياليزم ىستەرىن العا ىلگەرىلەتۋدە، ەڭ ماڭىزدىسى، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك.
ءماجىلىس مىنالاردى دارىپتەدى: پارتيانىڭ 18 - قۇرىلتايىنان بەرى پارتيامىز نازاريالىق ىزدەنىس جاساۋعا جانە جاڭالىق اشۋعا باتىل بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، كەلەلى نازاريالىق جاسامپازدىق جەتىستىكتەرىنە قول جەتكىزىپ، شي جينپيڭ جاڭا ءداۋىر جۇڭگوشا سوتسياليزم يدەياسى بولىپ شوعىرلى بەينەلەندى. پارتيا 19 - قۇرىلتايىندا، 19 - كەزەكتى التىنشى جالپى ماجىلىستە العا قويىلعان «وندى ايقىنداۋدا»، «ون تورتتە تاباندى بولۋدا»، «ون ءۇش جاقتاعى تابىستا» وسى يدەيانىڭ باستى مازمۇنى جيناقتالعان، ءسوز جوق، ۇزاق ۋاقىت تاباندى بولۋ ءارى ۇزدىكسىز بايىتۋ، دامىتۋ كەرەك.
ءماجىلىس مىنالاردى العا قويدى: قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ.
ءماجىلىس مىنالاردى اتاپ كورسەتتى: جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، ول ءار ەلدىڭ وسىزاماندانۋىنىڭ ورتاق ەرەكشەلىگىنە يە ءارى ءوز مەملەكەت جاعدايىن نەگىز ەتكەن جۇڭگوشا ەرەكشەلىككە يە. جۇڭگو ۇلگىسىندەگى وسىزامانداندىرۋ − حالىق سانى وراسان زور ەلدەگى وسىزامانداندىرۋ، جالپى حالىق بىرگە اۋقاتتاناتىن، زاتتىق وركەنيەت پەن رۋحاني وركەنيەت ءوزارا سايكەسكەن، ادام مەن تابيعات جاراسىمدى قاتار ءومىر سۇرگەن، بەيبىت دامۋ جولىمەن جۇرگەن وسىزامانداندىرۋ. جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىندا تاباندى بولۋ، جۇڭگوشا سوتسياليزمدە تاباندى بولۋ، ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني دۇنيەسىن بايىتۋ، جالپى حالىقتىڭ بىرگە اۋقاتتانۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر سۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ.
ءماجىلىس مىنالاردى اتاپ كورسەتتى: جاپپاي سوتسياليستىك وسىزاماندانعان قۇدىرەتتى ەل قۇرۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ جۇرگىزىلەدى: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. الداعى 5 جىل − جاپپاي سوتسياليستىك وسىزاماندانعان مەملەكەت قۇرۋ باستاماسى باستالاتىن شەشۋشى مەزگىل.
ءماجىلىس مىنالاردى دارىپتەدى: العا باسۋ جولىندا، ءسوز جوق، مىنا ماڭىزدى پرينسيپتەردى مىقتى يگەرۋ كەرەك: پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، جۇڭگوشا سوتسياليزم جولىندا تاباندى بولۋ، حالىقتى وزەك ەتكەن دامۋ يدەياسىندا تاباندى بولۋ، رەفورما جاساپ، ەسىك اشۋدى تەرەڭدەتۋدە تاباندى بولۋ، كۇرەس رۋحىن ساۋلەلەندىرۋدە تاباندى بولۋ.
ءماجىلىس باياندامادا الداعى ءبىر مەزگىلدەگى پارتيا مەن مەملەكەت ىستەرىنىڭ دامۋى جونىندە جاسالعان ستراتەگيالىق ورنالاستىرۋعا ماقۇل بولدى.
ءماجىلىس مىنالاردى دارىپتەدى: جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ بارلىق بارىسىنا ءسىڭىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتىپ، قوعامدىق باسقارۋ جۇيەسىن كەمەلدەندىرىپ، مەملەكەت حاۋىپسىزدىگى مەن قوعام ورنىقتىلىعىنا كەپىلدىك ەتۋ كەرەك.
ءماجىلىس مىنالاردى دارىپتەدى: ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ جەدەل قۇرىپ شىعۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. ءسوز جوق، شي جينپيڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، جاڭا داۋىردەگى حالىق ارمياسىنىڭ بورىشىن، مىندەتىن ءونىمدى اتقارۋ كەرەك.
ءماجىلىس مىنالاردى دارىپتەدى: «ءبىر ەل، ەكى ءتۇزىم» − جۇڭگوشا سوتسياليزمنىڭ ۇلى جاسامپازدىعى، شياڭگاڭ مەن اۋمىننىڭ وتان قۇشاعىنا ورالعاننان كەيىنگى ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاۋداعى ەڭ تاماشا تۇزىمدىك ورنالاستىرۋ، وندا، ءسوز جوق، ۇزاق ۋاقىت تاباندى بولۋ كەرەك. ءبىر جۇڭگو پرينسيبى مەن «92 - جىلعى ورتاق تانىمدا» تاباندى بولىپ، جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرۋدە تاباندى بولىپ، باتىلدىقپەن «تايۋاندى دەربەستەندىرۋگە» قارسى تۇرىپ، بىرلىككە كەلۋدى جەبەپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەرىپ، وتاندى بىرلىككە كەلتىرۋ ۇلى ءىسىن تاباندىلىقپەن ىلگەرىلەتۋ كەرەك.
ءماجىلىس باياندامانىڭ حالىقارالىق جاعداي جونىندەگى تالداۋى مەن ديپلوماتيالىق قىزمەت جونىندەگى ورنالاستىرۋىنا ماقۇل بولدى.
ءماجىلىس مىنالاردى دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. ءسوز جوق، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، جاڭا داۋىردەگى پارتيا قۇرىلىسىنىڭ باس تالابىن تياناقتاندىرىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭالاۋىن، ءوز دەڭگەيىن جوعارىلاتۋىن جاپپاي ىلگەرىلەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولۋ جانە ونى كۇشەيتۋ كەرەك، بۇلجىماستان شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرىپ، رۋحتى سومداپ، پارتيانىڭ وزىنە - ءوزى توڭكەرىس جاساۋىنىڭ ءتۇزىم جانە ارناعا ءتۇسىرۋ جۇيەسىن كەمەلدەندىرىپ، ۇلتتىڭ گۇلدەنۋى سىندى اۋىر مىندەتتى ارقالاي الاتىن ساپالى كادرلار قوسىنىن قۇرىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، قاتاڭ نەگىزگى اۋەنمەن ستيلدى دۇرىستاپ، ءتارتىپتى قاتايتۋدى كۇشەيتۋدەن جازباي، شىرىكتەسۋگە قارسى تۇرۋ كۇرەسى سىندى قامال الۋ شايقاسىنىڭ، ۇزاققا سوزىلاتىن شايقاستىڭ جەڭىسىنە باتىل قول جەتكىزۋ كەرەك.
ءماجىلىس 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلدادى. ءماجىلىس 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەتىن تولىق تۇراقتاندىردى.
ءماجىلىس «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاۋلىنى ماقۇلداپ، وسى وزگەرىس ەنگىزىلگەن جوبانىڭ ماقۇلدانعان كۇننەن باستاپ كۇشكە يە بولۋىن دەپ ۇيعاردى.
ءماجىلىس بىلاي دەپ قارادى: پارتيانىڭ 19 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ەل باسقارۋداعى ءبىرقىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز بايىتتى جانە دامىتتى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشتى. شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى. ءماجىلىس پارتيانىڭ 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋىن پارتيا ۋستاۆىنا ەنگىزىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارتيانىڭ نازاريادا، امالياتتا، تۇزىمدە جاڭالىق اشۋدى ىلگەرىلەتۋ جەتىستىكتەرىن اناعۇرلىم ويداعىداي بەينەلەۋگە ءبىر اۋىزدان ماقۇل بولدى.
ءماجىلىس بىلاي دەپ قارادى: 100 جىلدىق كۇرەس بارىسىندا پارتيا باستان - اياق پارتيانىڭ اۋەلگى ماقساتى مەن بورىشىن امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازىپ، ءبىرقىدىرۋ ۇلى تابىس جاراتىپ، باعالى تاريحي تاجىريبەلەر توپتادى. ءماجىلىس پارتيانىڭ اۋەلگى ماقساتى مەن بورىشىن، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىنىڭ مازمۇنىن پارتيا ۋستاۆىنا ەنگىزۋگە ماقۇل بولدى. ەرلىكپەن شايقاس جاساۋ، ەرلىكپەن جەڭىسكە جەتۋ − پارتيا مەن حالىقتىڭ جەڭىمپاز بولۋىنىڭ قۇدىرەتتى رۋحاني كۇشى. پارتيا مەن حالىق قول جەتكىزگەن بارلىق تابىس كۇرەس ارقىلى قولعا كەلگەن. ءماجىلىس كۇرەس رۋحىن ساۋلەلەندىرىپ، كۇرەس قابىلەتىن كۇشەيتۋ مازمۇنىن پارتيا ۋستاۆىنا ەنگىزۋگە ماقۇل بولدى.
ءماجىلىس بىلاي دەپ قارادى: شي جينپيڭ جولداس جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا: پارتيا مەن حالىق اتىنان ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي دوڭگەلەك داۋلەتتى قوعام ورناتتىق، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قادام تاستادىق، − دەپ سالتاناتپەن جاريالادى، پارتيا ۋستاۆىنا وسى نەگىزدە سايكەستى وزگەرىستەر ەنگىزىلدى.
ءماجىلىس بىلاي دەپ قارادى: پارتيانىڭ 20 - قۇرىلتايىندا جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ورتاعا قويىلدى ءارى مۇنى جاڭا ءداۋىر جاڭا جورىقتاعى جۇڭگو كوممۋنيستىك پارتياسىنىڭ وزەكتى مىندەتى ەتىپ بەلگىلەدى. جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى شارۋاشىلىقتى قاتار دامىتۋ، ەڭبەگىنە قاراي ءبولۋدى نەگىزگى تۇلعا ەتۋ، كوپ ءتۇرلى ءبولىس ءتاسىلى قاتار ءومىر ءسۇرۋ، سوتسياليستىك بازار شارۋاشىلىعى ءتۇزىلىسى قاتارلى سوتسياليستىك نەگىزگى ەكونوميكالىق ءتۇزىم − جۇڭگوشا سوتسياليستىك ءتۇزىمنىڭ ماڭىزدى تىرەگى. ءماجىلىس جوعارىداعى مازمۇنداردى پارتيا ۋستاۆىنا ەنگىزۋگە ماقۇل بولدى، جالپى حالىقتىڭ بىرگە بايۋىن بىرتىندەپ جۇزەگە اسىرىپ، جاڭا دامۋ كەزەڭىن يگەرىپ، جاڭالىق اشۋ، سايكەستى دامۋ، جاسىل، اشىق بولۋ، بىرگە يگىلىكتەنۋ سىندى جاڭا دامۋ ۇستانىمىن دايەكتىلەندىرىپ، ەل ىشىندەگى ۇلكەن اينالىمدى نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل ورناتىپ، ساپالى دامۋدى ىلگەرىلەتىپ، دارىندىلاردىڭ ءبىرىنشى بايلىق رەتىندەگى رولىن تولىق ساۋلەلەندىرىپ، حالىق شارۋاشىلىعىنىڭ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋىن جەبەۋ سياقتى مازمۇنداردى پارتيا ۋستاۆىنا ەنگىزۋگە ماقۇل بولدى.
ءماجىلىس بىلاي دەپ قارادى: جاپپاي سوتسياليستىك وسىزاماندانعان مەملەكەت قۇرۋ − ۇلى دا جاپالى ءىس، بولاشاق نۇرلى، مىندەت اۋىر، جول ۇزاق. جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ جۇرگىزىلەدى: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. پارتيا ۋستاۆىنا وسى نەگىزدە سايكەستى وزگەرىستەر ەنگىزىلدى.
ءماجىلىس جۇڭگوشا سوتسياليستىك زاڭمەن باسقارۋ جولىمەن ءجۇرىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن دامىتىپ، دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ ءتۇزىمى مەن ءتارتىبىن ورناتىپ جانە كەمەلدەندىرىپ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى مازمۇنداردى پارتيا ۋستاۆىنا ەنگىزۋگە ماقۇل بولدى.
ءماجىلىس ارميانى ساياسي جولمەن قۇرۋدا، رەفورما ارقىلى قۇدىرەتتەندىرۋدە، عىلىم - تەحنيكا ارقىلى قۇدىرەتتەندىرۋدە، دارىندىلارمەن قۇدىرەتتەندىرۋدە، زاڭمەن باسقارۋدا تاباندى بولىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ؛ «ءبىر ەل، ەكى ءتۇزىم» باعىتىن جاپپاي، دۇرىس، بۇلجىتپاي دايەكتىلەندىرىپ، «تايۋاندى دەربەستەندىرۋگە» باتىل قارسى تۇرۋ جانە ونى تەجەۋ؛ بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، باياندى، بەيبىت، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى دۇنيە ءجۇزىن قۇرۋدى ىلگەرىلەتۋ سياقتى مازمۇنداردى پارتيا ۋستاۆىنا ەنگىزۋگە ماقۇل بولدى.
ءماجىلىس اقيقاتتان جازباۋ، مۇراتتان اينىماۋ، اۋەلگى ماقساتتى امالياتتا ايگىلەۋ، بورىش ارقالاۋ، قۇربان بەرۋدەن قورىقپاۋ، ەرلىكپەن كۇرەس جۇرگىزۋ، پارتياعا ادال بولۋ، حالىقتىڭ ءۇمىتىن اقتاۋ سىندى پارتيا قۇرۋ ۇلى رۋحىن ساۋلەلەندىرىپ، ۇلى وزىندىك توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ سياقتى تالاپتاردى پارتيا ۋستاۆىنا ەنگىزۋگە؛ ساياسي تۇجىرىمداۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن، ءسوز جوق، جوعارىلاتىپ، پارتيانىڭ نازارياسى مەن لۋشيان، باعىت - ساياساتتارىن دايەكتىلەندىرۋ، تياناقتاندىرۋ سانالىلىعى مەن تاباندىلىعىن كۇشەيتىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتىپ، پارتيانىڭ وزىنە - ءوزى توڭكەرىس جاساۋىن ماڭگى جالعاستىرىپ، پارتيا ىشىندەگى زاڭ - ەرەجە جۇيەسىن ۇزدىكسىز اقاۋسىزداندىرىپ، پارتيانى جاپپاي قاتاڭ باسقارۋدىڭ تۇلعالىق جاۋاپكەرلىگى مەن باقىلاۋ جاۋاپكەرلىگىن كۇشەيتىپ، شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الماۋ سياقتى مازمۇنداردى پارتيا ۋستاۆىنا ەنگىزۋگە؛ جاڭا داۋىردەگى پارتيانىڭ ۇيىمدىق لۋشيانىندا تاباندى بولۋدى پارتيا قۇرىلىسىنىڭ نەگىزگى تالاپتارىنىڭ ءبىرى رەتىندە پارتيا ۋستاۆىنا ەنگىزگە ماقۇل بولدى.
ءماجىلىس بىلاي دەپ قارادى: جۇڭگو كوممۋنيستىك پارتياسى − ىستەرىمىزگە باسشىلىق ەتەتىن ۇيىتقى كۇش، پارتيانىڭ باسشىلىعى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. ءماجىلىس پارتيا − ەڭ جوعارى ساياسي باسشىلىق كۇش، پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ كەرەك دەگەن مازمۇنداردى پارتيا ۋستاۆىنا ەنگىزۋگە ماقۇل بولدى.
ءماجىلىس بىلاي دەپ قارادى: پارتيانىڭ 19 - قۇرىلتايىنان بەرگى پارتيا قىزمەتى مەن پارتيا قۇرىلىسىنىڭ تابىستى تاجىريبەلەرىن قورىتىندىلاۋ جانە قابىلداۋ، سونداي - اق ونى باس باعدارناماعا ەنگىزىلگەن ءىشىنارا وزگەرىستەرمەن ۇشتاستىرۋ، پارتيا ۋستاۆىنىڭ ءىشىنارا تارماقتارىنا لايىقتى وزگەرىس ەنگىزۋ وتە قاجەتتى.
ءماجىلىس بىلاي دەپ قارادى: جاڭا داۋىرگە وتكەندە، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى، شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنى تۇراقتاندىرىلعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان، پارتيامىز پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ىقپال جاسايتىن كورنەكتى قايشىلىقتار مەن ماسەلەلەردى پارمەندى تۇردە شەشىپ، پارتيانىڭ، مەملەكەتتىڭ، ارميانىڭ ىشكى بولەگىندە ءومىر ءسۇرىپ وتىرعان اۋىر كومەسكى قاتەرلەردى جويىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى بۇرۋعا بولمايتىن تاريحي بارىسقا وتۋىنە تۇبىرىنەن كەپىلدىك ەتتى. «ەكىنى تۇراقتاندىرۋ» − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور. بۇكىل پارتيا، ءسوز جوق، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىندەگى ۇيىتقىلىق ورنىن، بۇكىل پارتياداعى ۇيىتقىلىق ورنىن اناعۇرلىم سانالى تۇردە قورعاپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدا تاباندى بولۋى كەرەك.
ءماجىلىستىڭ كەڭەس تارتىپتەرى اياقتاعان سوڭ شي جينپيڭ قىزۋ قول شاپالاق ءۇنى ىشىندە ماڭىزدى ءسوز سويلەدى. ول مىنالاردى ءبىلدىردى: جالپى ۋاكىلدەردىڭ بىرگە قۇلشىنۋىندا، قۇرىلتاي تولىق تابىسقا جەتىپ، يدەيانى بىرلىككە كەلتىرۋ، سەنىمدى بەكەمدەۋ، بەتالىستى ايقىنداۋ، كۇرەس جىگەرىنە دەم بەرۋ ماقساتىنا جەتتى. قۇرىلتاي تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي بولدى. قۇرىلتاي ماقۇلداعان 19 - كەزەكتى ورتالىق كوميتەتتىڭ بايانداماسى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزم، ماۋ زىدۇڭ يدەياسىندا، دىڭ شياۋپيڭ نازارياسىندا، «ۇشكە ۋاكىلدىك ەتۋ» ماڭىزدى يدەياسىندا، عىلىمي دامۋ كوزقاراسىندا تاباندى بولىپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، حالىقارا، ەل ءىشى جاعدايىنا تالداۋ جاساپ، پارتيا 20 - قۇرىلتايىنىڭ نەگىزگى تاقىرىبىن العا قويدى، وتكەن 5 جىلداعى قىزمەتتەر مەن جاڭا داۋىردەگى 10 جىلداعى ۇلى وزگەرىستى ەسكە الىپ جانە قورىتىندىلاپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابىن اشۋ سياقتى كەلەلى ماسەلەلەردى پايىمداپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوبا جاسادى، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتى ورنالاستىرۋ جاساپ، جاڭا داۋىردەگى پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا العا باسۋ بەتالىسىن كورسەتتى، ارەكەت باعدارىن بەلگىلەدى. بۇل بايانداما − پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ جاڭا جەڭىسىنە قول جەتكىزۋىنىڭ ساياسي جارناماسى جانە ارەكەت باعدارناماسى، ماركسيزمدىك باعدارنامالىق قۇجات. ءماجىلىس ماقۇلداعان 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى پارتيا 19 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى ءتارتىپ تەكسەرۋ كوميتەتتەرىنىڭ پارتيانى جاپپاي قاتاڭ باسقارۋدى ىلگەرىلەتۋدەگى امالياتتىق ىزدەنىسى مەن ماڭىزدى ناتيجەلەرىن قورىتىندىلادى، پارتيانى جاپپاي قاتاڭ باسقارۋدى تەرەڭدەتۋدىڭ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋدىڭ جاپپاي سوتسياليستىك وسىزاماندانعان مەملەكەت قۇرۋداعى، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەگى توتەنشە ماڭىزدىلىعىن پايىمدادى، پارتيانىڭ وزىندىك توڭكەرىسىنىڭ قوعامدىق توڭكەرىسكە جەتەكشىلىك ەتۋدەگى كەلەلى ماڭىزىن ءتۇسىندىردى، پارتيانىڭ ماڭگى جالعاسا بەرەتىن سەرگەكتىگى مەن پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن باتىل ىلگەرىلەتۋدەگى بەرىك بەكىمىن ايگىلەدى. ءماجىلىس ماقۇلداعان پارتيا ۋستاۆىنىڭ وزگەرىس ەنگىزىلگەن جوباسى پارتيانىڭ 19 - قۇرىلتايىنان بەرگى پارتيانىڭ نازاريادا، امالياتتا، تۇزىمدە جاڭالىق اشۋ جەتىستىكتەرىن ايگىلەپ، پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ، پارتيا قۇرىلىسىندا تاباندى بولۋ جانە ونى كەمەلدەندىرۋ، پارتيانىڭ وزىندىك توڭكەرىسىن ىلگەرىلەتۋ جونىندە ايقىن تالاپتار قويدى. ءماجىلىس سايلاعان جاڭا كەزەكتى ورتالىق كوميتەتكە جەر - جەردەگى، تاراۋلارداعى، ءارقايسى شەپتەگى، ءارقايسى سالاداعى پارتيانىڭ تىرەكتىلەرى مەن تاڭداۋلى ۋاكىلدەرى شوعىرلانعان، ساپاسى جاقسى، ورنالاسۋى بىركەلكى، قۇرىلىمى ۇيلەسىمدى، پارتيا ورتالىق كوميتەتىنىڭ تالابىنا، كادرلار مەن بۇقارانىڭ تىلەگىنە، باسشىلىق القاسى مەن كادرلار قوسىنىنىڭ ءىس جۇزىندىگىنە ۇيلەسەدى، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى تاريحي اۋىر مىندەتتى، ءسوز جوق، ارقالاي الادى. ءماجىلىس تاعى جاڭا كەزەكتى ورتالىق ءتارتىپ تەكسەرۋ كوميتەتىن سايلاپ شىقتى. ءبىز مىناعان سەنەمىز: پارتيانىڭ 20 - قۇرىلتايى جاساعان ءتۇرلى شەشىم - ورنالاستىرۋلار، قول جەتكىزگەن ءتۇرلى تابىستار جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، جۇڭگوشا سوتسياليزمنىڭ تىڭ جەڭىستەرىنە قول جەتكىزۋدە، ءسوز جوق، توتەنشە ماڭىزدى جەتەكشىلىك جانە كەپىلدىك رولىن اتقارادى.
شي جينپيڭ بىلاي دەپ دارىپتەدى: پارتيانىڭ مەملەكەتتىك قۇرىلتايىنىڭ ۋاكىلى رەتىندە ءبىزدىڭ بورىشىمىز داڭقتى، جاۋاپكەرلىگىمىز اۋىر، پارتيانىڭ اۋەلگى ماقساتىن، بورىشىن، ءسوز جوق، ەستە بەرىك ساقتاپ، مۇرات - سەنىمدى بەكەمدەپ، پارتيا قۇرۋ ۇلى رۋحىن اسقاقتاتىپ، پارتيانىڭ نازارياسى مەن لۋشيان، باعىت - ساياساتتارىن مۇقيات ۇيرەنىپ، يگەرىپ، پارتيا ورتالىق كوميتەتىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندەگى ستراتەگيالىق ورنالاستىرۋىن دايەكتى تياناقتاندىرىپ، پارتيا ۋستاۆىن اناعۇرلىم سانالى تۇردە ۇيرەنۋىمىز، پارتيا ۋستاۆىنا بويسۇنۋىمىز، پارتيا ۋستاۆىن دايەكتىلەندىرۋىمىز، پارتيا ۋستاۆىن قورعاۋىمىز، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز؛ بيلىك دەگەنىمىز حالىق، حالىق دەگەنىمىز بيلىك ەكەنىن، ءسوز جوق، ەستە بەرىك ساقتاپ، بۇكىل ىنتا - پەيىلمەن حالىق ءۇشىن قىزمەت وتەۋ ءتۇبىرلى ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ساقتاپ، باستان - اياق حالىقپەن بىرگە تۇرىپ، بىرگە ويلاپ، بىرگە ىستەپ، قالىڭ پارتيا مۇشەلەرى مەن حالىق بۇقاراسىنىڭ ءۇنىن بەلسەنە اڭىس ەتىپ، ۋاكىلدىك مىندەتتى دۇرىس اتقارىپ، پارتيا مەن حالىقتىڭ باقىلاۋىن سانالىلىقپەن قابىلداۋىمىز؛ ءسوز جوق، «مەملەكەتتىڭ زور ىستەرىن» ەستە بەرىك ساقتاپ، ساياسي تۇجىرىمداۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن جوعارىلاتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باستاماشىلدىقپەن قورعاپ، ساياسي ءتارتىپ پەن ساياسي قاعيداعا باستاماشىلدىقپەن بويسۇنىپ، پارتيالىلىق ساپانى جوعارىلاتىپ، ساپا مەن قابىلەتتى جوعارىلاتپ، پارتيا مەن حالىق ىستەرى ءۇشىن ءوزىمىزدىڭ بارلىق اقىل - پاراساتىمىز بەن كۇش - قۋاتىمىزدى ارناپ، بارلىق پارتيا مۇشەسىنە ۇلگى كورسەتىپ، قالىڭ پارتيا مۇشەلەرىنىڭ سەنىمىن اقتاۋىمىز كەرەك.
شي جينپيڭ مىنالاردى ءبىلدىردى: قۇرىلتاي كەزىندە دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە ءار ۇلت، ءار سالا قايراتكەرلەرى قۇرىلتايدى قۇتتىقتادى، قالىڭ حالىق بۇقاراسى ءتۇرلى فورمالارمەن قۇرىلتايدى قۇتتىقتادى، كوپتەگەن ەلدىڭ ساياسي پارتيالارى مەن ۇيىمدارى قۇرىلتايعا تەلەگرامما، حات جولداپ قۇتتىقتادى، ءماجىلىس ءتوراعالار القاسى ولارعا شىن جۇرەكتەن العىس ايتادى.
شي جينپيڭ مىنالاردى دارىپتەدى: جۇڭگو كوممۋنيستىك پارتياسى 100 جىلدىق كۇرەس بارىسىن باسىپ ءوتىپ، تاعى دا جاڭا ەمتيحان تاپسىرۋ جولىنا ءتۇستى. 100 جىلدان بەرى پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى جەڭىسىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. عاسىرلىق تابىس تەڭدەسسىز شۇعىلالى، عاسىرلىق ۇلى پارتيا كەمەل شاعىنا كەلدى. جاڭا داۋىردەگى جاڭا جورىقتا دۇنيە ءجۇزىن جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ەرلىكپەن شايقاس جاساپ، ەرلىكپەن جەڭىسكە جەتىپ، قاجىرلىلىقپەن ىستەپ، قايراتتانا العا ۇمتىلىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، پارتيانىڭ 20 - قۇرىلتايىندا بەلگىلەنگەن نىسانالار مەن مىندەتتەردى جۇزەگە اسىرۋ جولىندا كۇرەس جۇرگىزۋى كەرەك.
ءماجىلىستىڭ سايلاۋىنان كەيىن مەملەكەتتىك حالىق قۇرىلتايى تۇراقتى كوميتەتى باستىعىنىڭ قازىرگى جانە بۇرىنعى ورىنباسارى، مەملەكەتتىك ساياسي كەڭەس ءتوراعاسىنىڭ قازىرگى جانە بۇرىنعى ورىنباسارى بولىپ مىندەت اتقارعان پارتيا سىرتىنداعى قايراتكەرلەر، بەيجيڭدەگى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسىنىڭ ورىنباسارلارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى ۋاكىل قايراتكەرلەر، بەيجيڭدە تۇراتىن مەملەكەتتىك حالىق قۇرىلتايى، مەملەكەتتىك ساياسي كەڭەس تۇراقتى مۇشەلەرىنىڭ اراسىنداعى دەموكراتيالىق پارتيا - توپ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قوناق رەتىندە ماجىلىسكە سىرتتاي قاتىناستى. پارتيا ىشىندەگى قاتىستى جاۋاپتى جولداستار دا ماجىلىسكە سىرتتاي قاتىناستى.
ءماجىلىس ايبىندى «ينتەرناتسيونال انىمەن» تابىستى اياقتالدى.
كەلۋ قاينارى: حالىق تورابى
 |
10 – ايدىڭ 22 – كۇنى جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدەگى حالىق سارايىندا جەڭىسپەن جابىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حۋ جينتاۋ ءتوراعالار مىنبەسىندە.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
