مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، ەكپىندەي ىلگەرىلەۋدىڭ تەلەگەي كۇشىن ۇيىستىرامىز
□ انار بۇلت \ شينجياڭ گازەتىنىڭ ءتىلشىسى ليۋ شياڭ
2022.10.23 13:24 كەلۋ قاينارى : شينجياڭ گازەتى
ادامدا رۋح بولماسا ەڭسە كوتەرىپ تۇرا المايدى، مەملەكەتتە رۋح بولماسا قۇدىرەتتەنە المايدى. ءبىر ۇلتتىڭ گۇلدەنۋى قۇدىرەتتى زاتتىق كۇشتى قاجەت ەتۋمەن بىرگە، قۇدىرەتتى رۋحاني كۇشتى دە قاجەت ەتەدى.
”مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ كەرەك“، 20 - قۇرىلتايدىڭ بايانداماسى جۇڭگوشا سوتسياليستىك مادەنيەتتىڭ شىت جاڭا جوباسىن كەسكىندەپ، جاڭا تاريحي ورىندا شينجياڭنىڭ مادەنيەت قۇرىلىسىنا ايقىن العا باسۋ بەتالىسىن كورسەتتى.
ارقاۋىن تارتسا اۋ جايىلادى. پارتيانىڭ 20 - قۇرىلتايىنا قاتىناسقان شينجياڭ ۋاكىلدەرى مىنانى ءبىلدىردى: داۋىرلىك بورىشتى ارقالاپ، مادەنيەت سانالىلىعىن نىعايتىپ، مادەنيەت جاعىندا جاۋاپكەرشىلىك ارقالاۋدى كۇشەيتىپ، جۇڭگوشا سوتسياليستىك مادەنيەتتى دامىتۋ جولىمەن ويداعىداي ءجۇرۋ بارىسىندا مادەنيەت جاعىندا وزىنە سەنۋدىڭ مايەكتى كۇشىن ۇزدىكسىز قاۋلاتامىز.
سوتسياليستىك وزەكتى قۇن كوزقاراسىن جەتىلدىرەمىز، امالياتتا ايگىلەيمىز
”بيڭتۋاندىقتار وتاندى قىزۋ سۇيەتىن، قالتقىسىز ۇلەس قوساتىن، قاجىرلىلىقپەن شارۋاشىلىق قۇراتىن، ءورىس اشا العا ىلگەرىلەيتىن بيڭتۋان رۋحىن سومدادى، بۇل جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولىگى، وسى باعالى بايلىقتان ويداعىداي پايدالانۋ كەرەك“. بيىل 7 - ايدىڭ 13 - كۇنى تۇستەن كەيىن باس شۋجي شي جينپيڭنىڭ شينجياڭ بيڭتۋان اسكەري تىڭ يگەرۋ مۇراجايىنا كەلىپ كوزدەن كەشىرگەندە سويلەگەن ءسوزى ۋاكىل كوۋ شياۋياننىڭ كوڭىلىنەن تەرەڭ ورىن الدى.
”پارتيا 20 - قۇرىلتايىنىڭ بايانداماسى سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەۋدى العا قويدى. قىزىل گەن سوتسياليستىك وزەكتى قۇن كوزقاراسىن جەتىلدىرۋدىڭ قۇنارلى توپىراعى، شينجياڭ سىندى توپىراققا قويۋ قىزىل مادەنيەت تۇندى. ءبىز ۇيرەنۋ تاربيەسى ارقىلى ادامداردىڭ سوتسياليستىك وزەكتى قۇن كوزقاراسىنىڭ باي مازمۇنىن ءدال يگەرىپ، وزەكتى ءمانىن ىشكەرىلەي ءتۇسىنىپ، شىن كوڭىلدەرىمەن شىنايى مويىنداۋىنا مۇمكىندىك جاسايمىز“، - دەدى ۋاكىل كوۋ شياۋيان.
كوۋ شياۋيان بىلاي دەپ قارادى: قىزىل ەسكى جۇرتتاردىڭ، كورمە سارايلارى مەن بولمەلەرىنىڭ قاتتى بولشەك قۇرىلىسىن، جۇمساق بولشەگىنىڭ دەڭگەيىن كوتەرۋدى ۇزدىكسىز كۇشەيتىپ، قىزىل بايلىققا ”جان ءبىتىرىپ“، قىزىل بازالاردى ”جانداندىرىپ“، بۇكىل قوعامدا العا ۇمتىلاتىن، ىزگىلىككە تالپىناتىن راي قالىپتاستىرىپ، كوپشىلىكتىڭ ىنتىماقتاسا ەكپىندەي ىلگەرىلەيتىن قايراتىن تاسقىنداتۋ كەرەك. ادام تاربيەلەۋدى سالتقا اينالدىرىپ، زەيىن - زەردەنى، كۇش - قۋاتتى ۇيىستىرۋ كەرەك.
حالىق وقىتۋشىسى رەتىندە، ۋاكىل ءراھيما اۋۇت تۇرمىس امالياتى بارىسىندا جاستار مەن وسپىرىمدەردىڭ سوتسياليستىك وزەكتى قۇن كوزقاراسىن جەتىلدىرۋىنە باسا ءمان بەردى. ول: سوتسياليستىك وزەكتى قۇن كوزقاراسى قۇرىلىسى، تۇپتەپ كەلگەندە، يدەيالىق قۇرىلىس، جان دۇنيە قۇرىلىسى، ۇلتتى گۇلدەندىرۋ ۇلى مىندەتىن ارقالاي الاتىن ءداۋىر جاڭا ادامدارىن كۇش سالا تاربيەلەۋ دەپ قارادى، ”جاستار مەن وسپىرىمدەردىڭ قۇن كوزقاراسى قالىپتاساتىن شەشۋشى مەزگىلدى يگەرىپ، ءىس تىندىرىپ، يگىلىك قۇراتىن جاۋاپكەرشىلىك ارقالاۋدى، ادامگەرشىلىك پەن ءىس ىستەۋدىڭ نەگىزگى قيسىنىن مەكتەپ تاربيەسىنىڭ، قوعام تاربيەسىنىڭ، وتباسى تاربيەسىنىڭ ءارقايسى بۋىندارىنا ءسىڭىرىپ، قالىڭ جاستاردى ءومىردىڭ ءبىرىنشى تۇيمەسىن جاقسى تۇيمەلەۋگە باستاۋ كەرەك“.
ءراھيما اۋۇت بىلاي دەپ قارادى: كورنەكتى تاربيە مەن كومەسكى تاربيە، ساباقحانا وقىتۋى مەن ساباقتان سىرتقى وقىتۋ سياقتىلاردى ۇشتاستىرىپ، سوتسياليستىك وزەكتى قۇن كوزقاراسى تاربيەسىنىڭ مازمۇنىن اڭگىمە ايتۋ، مەرەكە تويلاۋ، ويىن ويناۋ سياقتى ءار ءتۇرلى كورىنىستەرگە ءسىڭىرىپ، ورەلى ونەگە ارقىلى ءۇنسىز نارلەندىرۋ رولىن اتقارۋ كەرەك.
جۇڭحۋانىڭ تاڭداۋلى ءداستۇرلى مادەنيەتىن جالعاستىرامىز، اسقاقتاتامىز
تاڭداۋلى ءداستۇرلى مادەنيەت − جۇڭحۋا ۇلتىنىڭ كۇش - قۋات قاينارى، رۋح قاينارى. دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋدا مادەنيەت ارقىلى يلاندىرىپ، مادەنيەت ارقىلى سومداۋ كەرەك.
جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ ماڭىزدى قۇرامداس بولىگى رەتىندە، شينجياڭدى مادەنيەتپەن نارلەندىرۋ نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماڭىزدى قىزمەتتى ىلگەرىلەتۋ بولىپ تابىلادى.
”شينجياڭدى مادەنيەتپەن نارلەندىرۋ قىزمەتىندە جۇڭحۋانىڭ تاڭداۋلى ءداستۇرلى مادەنيەتى ارقىلى ءار ۇلت بۇقاراسىنىڭ رۋحاني دۇنيەسىن مايەكتەندىرۋ، نارلەندىرۋ كەرەك“. ۋاكىل گۇلامبەر راۋشان تاشقورعان تاجىك اۆتونوميالى اۋدانى تاجىكابات قالاشىعى پارتكومىنىڭ مۇشەسى، ۇگىت مۇشەسى، ول بىلاي دەدى: ”سوڭعى جىلدارى ءبىز ۇلتتار ىنتىماعى مادەنيەت الاڭىن، جاڭا ءداۋىر وركەنيەت اماليات ورنىن، مادەنيەت كىتاپ وتاۋىن سالىپ، مادەنيەت ۇلكەن ساحناسى كونسەرتىن، جۇڭحۋا مادەنيەتىن سانسىزداعان وتباسىلارىنا جەتكىزۋ قيمىلدارىن وتكىزدىك... كەلەسى باسقىشتا ءبىز تاڭداۋلى ءداستۇرلى مادەنيەت پەن وسى زامانعى قوعامدىق تۇرمىستىڭ ۇشتاسۋ ءتۇيىنىن ونان ارى يگەرىپ، بۇقارا قۋانا قابىلدايتىن امالياتتىق قيمىلداردى جاسامپازدىقپەن ورىستەتىپ، مادەنيەت ارقىلى ادام باۋلىپ، ءۇنسىز نارلەندىرەمىز“.
”جۇڭحۋا وركەنيەتى شۇعىلالى، تەلەگەي وركەنيەت، مادەنيەتتى شىنايى مويىنداۋ − ەڭ تەرەڭ قاباتتاعى شىنايى مويىنداۋ“. گۇلامبەر راۋشان بىلاي دەدى: ”بۇل كۇندەرى كوپشىلىك جۇڭحۋانىڭ تاڭداۋلى ءداستۇرلى مادەنيەتىن شىن كوڭىلدەرىمەن شىنايى مويىنداپ، شىن پەيىلدەرىمەن ۇناتىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ ارەكەتى اناعۇرلىم سانالى بولىپ، جۇڭحۋا ۇلتى ورتاق تۇلعا تانىمى ءاربىر ادامنىڭ كوڭىل تۇكپىرىنە تامىر تارتتى“.
قازىر مادەنيەتتى شىنايى مويىنداۋدى كۇشەيتۋدە مادەنيەت جاعىندا وزىنە سەنۋدى بەكەمدەۋ توتەنشە ماڭىزدى. ”بۇگىنگى تاڭدا، ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى. جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، دامىتۋ، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتۋ، بۇل ءارى تاريحي سوزسىزدىك، ءارى ءداۋىر قاجەتى“، - دەدى ۋاكىل رىزۋانگۇل ساۋۇت.
رىزۋانگۇل ساۋۇت مىنانى ءبىلدىردى: الەۋمەتتىك اۋماق كادرى رەتىندە، الەۋمەتتىك اۋماقتىڭ ”ميكرو كلەتكا“ رولىن تولىق ساۋلەلەندىرىپ، تاڭداۋلى ءداستۇرلى مادەنيەتتى اسقاقتاتۋدى، جالعاستىرۋدى تۇرعىنداردىڭ كۇندەلىكتى تۇرمىسىمەن ۇشتاستىرىپ، ەگجەي - تەگجەيلى، كىشكەنە ىستەردەن تارتىپ، ناقتى تياناقتاندىرۋعا دەيىن كۇش سالىپ، تۇرعىنداردىڭ ۇيىسۋ قۋاتىن ۇزدىكسىز كۇشەيتىپ، كورىكتى مەكەندى بىرگە قۇرىپ، كوركەم بولاشاقتى بىرگە اشامىز.
جاڭا داۋىردەگى جۇڭگو شينجياڭىنىڭ حيكاياسىن ويداعىداي باياندايمىز
7 - ايدىڭ 14 - كۇنى تۇستەن كەيىن باس شۋجي شي جينپيڭ تۇرپان قالاسىنا كەلىپ، يارعول بايىرعى قالاسىن كوزدەن كەشىرىپ، مادەنيەت مۇرالارىن قورعاۋ، پايدالانۋ سياقتى احۋالداردى ۇعىستى.
يارعول بايىرعى قالاسى ەجەلگى جىبەك جولىنداعى دۇنيە جۇزىلىك مادەنيەت مۇراسى، جۇڭحۋا ۇلتىنىڭ قىمباتتى بايلىعى. تۇرپان − بايىرعى جىبەك جولىنداعى ماڭىزدى قالاشىق، اسا قۇرعاق ىستىق كليمات سان مىڭداعان مادەني ەسكەرتكىشتەردىڭ مىڭ جىل وتسە دە بۇلىنبەۋىنە مۇمكىندىك بەردى، 1400دەن استام جەردە جىلجىمايتىن مادەني ەسكەرتكىش ەسكى جۇرتتارى بار، تۇرپان مۇراجايىندا 20 مىڭ نۇسقادان (دانا) استام ساقتاۋلى زات ساقتاۋلى تۇر.
”وسى ساقتاۋلى زاتتار كوپشىلىككە شينجياڭداعى ۇلتتاردىڭ تامىرلاس، بەينەت پەن زەينەتتى بىرگە وتكەرگەن، وتانىمىز شەكاراسىن بىرگە گۇلدەندىرىپ قۇرعان تاريحىن بايانداپ تۇر“. ۋاكىل قايسار قيۇم بىلاي دەدى: يارعول بايىرعى قالاسى، ەدىقۇت بايىرعى قالاسى، سۇلەيمەن ۋاڭ مۇناراسى سياقتى مايەكتى تاريحي مادەنيەت بايلىعىنا سۇيەنىپ، مادەنيەت ەسكەرتكىشتەردى قورعاۋ، پايدالانۋ جاعىندا بەينەلەۋ فورماسىن ۇزدىكسىز جاڭالاپ، مادەني ەسكەرتكىشتەردى سويلەتىپ، تاريحقا ءتىل ءبىتىرىپ، مادەنيەت ىستەرى مەن مادەنيەت كاسىپ سالاسىنىڭ گۇلدەنىپ دامۋىن بەلسەنە ىلگەرىلەتىپ، جاڭا داۋىردەگى جۇڭگو شينجياڭىنىڭ حيكاياسىن ويداعىداي بايانداپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ ءۇشىن كۇش - قۋات قوسۋعا قۇلشىنامىز“.
ءبىر تاماشا حيكايا ءبىر قاعيدادان اسىپ تۇسەدى. وسى جىلداردا ۋاكىل زۇلايات سىمايىل بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ ماجىلىسىنە قاتىناسقاندا جانە ەل ءىشى - سىرتىنداعى مەديالاردىڭ تىلشىلىگىن قابىلداعاندا، ءتول كەشىرمەسىمەن جانە تياناقتى زەرتتەۋ جەتىستىكتەرىمەن ۇشتاستىرىپ، شينجياڭنىڭ ۇلتتاردىڭ ەڭبەك ۇقىق - مۇددەسىن قامتاماسىزداندىرۋ، ايەلدەر مەن بالالاردىڭ ۇقىق - مۇددەسىن قورعاۋ جاقتارىندا جاساعان قۇلشىنىستارى مەن قول جەتكىزگەن تابىستارىن تانىستىرىپ، سانسىز ”جان كۇيەر“ جينادى.
20 - قۇرىلتايدىڭ العاشقى ”پارتيا ۋاكىلدەرى ارناسىندا“ ول شينجياڭدا تۇرمىس كەشىرۋ، قىزمەت ىستەۋ بارىسىندا كورگەن - بىلگەندەرىن قويۋ سۇيىسپەنشىلىكپەن بايانداپ، كوپشىلىكتىڭ جاپپاي نازارىن اۋداردى.
”جۇڭگو شينجياڭىنىڭ حيكاياسى ابستراكت ەمەس، قايتا ناقتى، كەڭ بايتاق دالادا ءار كۇنى تۋىلعان جاڭا وزگەرىستەر ءار ۇلت بۇقاراسىنىڭ مەملەكەتتىڭ بايىپ قۇدىرەتتەنۋىنە، ۇلتتىڭ گۇلدەنۋىنە، باقىتتى تۇرمىسقا تالپىنۋ ءۇشىن قايراتتانا العا ىلگەرىلەگەن قادامىن شىنايى ەستەلىككە الىپ، تيانشان ۇلاندارىنىڭ ارمانعا قانات قاعۋ، ارمانعا جەتۋ سىندى ومىرلىك بەتالىسىن باياندايدى“. زۇلايات سىمايىل بىلاي دەدى: ءبىز تاراتۋ قوسىنىن ۇزدىكسىز ۇلعايتىپ، تاراتۋ ءۇنىن زورايتىپ، كوپ ساتىلى، جان - جاقتىلى، ستەرەولدى تاراتۋ ارقىلى جۇڭگو شينجياڭىنىڭ حيكاياسىن، جۇڭگو شينجياڭىنىڭ ءۇنىن ”كەڭىنەن تاراتىپ“، ”شىعانداتا ءتۇسىپ“، جاڭا جورىقتا ەكپىندەي ىلگەرىلەۋدىڭ تەلەگەي كۇشىن ۇيىستىرامىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
