پارتيا 20 - قۇرىلتايىنىڭ ءتوراعالار القاسى 3 - جيىنىن وتكىزدى
ورتالىق كوميتەت مۇشەلەرىنىڭ، ورتالىق كوميتەتتىڭ كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلدادى
شي جينپيڭ جيىندى باسقاردى
2022.10.22 15:35 كەلۋ قاينارى : حالىق تورابى
 |
10 - ايدىڭ 21 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى بەيجيڭدەگى حالىق سارايىندا 3 - جيىنىن وتكىزدى. شي جينپيڭ جولداس جيىندى باسقاردى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شينحۋا اگەنتتىگى، 10 - ايدىڭ 21 – كۇنى، بەيجيڭ. جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى 10 - ايدىڭ 21 - كۇنى تۇستەن بۇرىن حالىق سارايىندا 3 - جيىنىن وتكىزىپ، 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلداپ، ۋاكىلدەر ۇيىرمەلەرىنىڭ اقىلداسۋىنا تاپسىردى.
شي جينپيڭ جولداس جيىندى باسقاردى.
جيىن ۋاكىلدەر ۇيىرمەلەرى پارىقتى سانمەن سايلاعان 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتارىنىڭ ەسىمدىگىن (جوبا) ماقۇلدادى، ەسىمدىكتى ۋاكىلدەر ۇيىرمەلەرىنىڭ اقىلداسۋىنا تاپسىرۋدى ۇيعاردى.
ۇعىسۋعا قاراعاندا، 10 - ايدىڭ 19 - كۇنىنەن باستاپ، ۋاكىلدەر ۇيىرمەلەرى پارتيا 19 - كەزەكتى ورتالىق كوميتەتى ساياسي بيۋروسى العا قويعان ءارى قۇرىلتاي ءتوراعالار القاسى ماقۇلداعان 20 - كەزەكتى ورتالىق كوميتەت مۇشەلەرىنىڭ، كانديدات مۇشەلەرىنىڭ جانە ورتالىق ءتارتىپ تەكسەرۋ كوميتەتى مۇشەلەرىنىڭ كانديداتتىعىنا كورسەتىلگەندەردىڭ ەسىمدىگىن مۇقيات تالقىلاعان. ۋاكىلدەر بىلاي دەپ قاراعان: ەسىمدىكتە قاتاڭ ۇيىمدىق ءتارتىپ ارقىلى، پارتيا ىشىندەگى دەموكراتيا تولىق ساۋلەلەندىرىلىپ، جەر - جەردەگى، تاراۋلارداعى، ءار شەپتەگى، ءار كاسىپتەگى پارتيانىڭ بيلىك باسىنداعى تىرەكتىلەرى مەن ۇزدىك ۋاكىلدەرى شوعىرلانعان، جالپى تۇلعالىق ساپاسى تاماشا، قۇرىلىمى ءبىرشاما ۇيلەسىمدى، قامتىمى ءبىرشاما بىركەلكى، بۇقارالىق نەگىزى ءبىرشاما جاقسى، ءبىرشاما جان - جاقتى ويلاستىرىلعان جوبا.
10 - ايدىڭ 20 - كۇنى تۇستەن كەيىن جانە 21 - كۇنى تۇستەن بۇرىن قۇرىلتاي ۋاكىلدەر ۇيىرمەلەرىنىڭ جالپى جيىنىن اشىپ، ورتالىق كوميتەتتىڭ مۇشەلەرىن، ورتالىق ءتارتىپ تەكسەرۋ كوميتەتىنىڭ مۇشەلەرىن جانە ورتالىق كوميتەتتىڭ كانديدات مۇشەلەرىن الدىن الا سايلادى. قۇرىلتايدىڭ سايلاۋ ادىسىندەگى بەلگىلەمە بويىنشا، دايىندىق سايلاۋدا پارىقتى سانمەن سايلاۋ ءادىسى قولدانىلىپ، پارىقتى سان سالىستىرماسى %8 تەن جوعارى بولدى. جالپى دايىندىق سايلاۋ قىزمەتى قۇرىلتاي ءتورالقاسىنىڭ باسشىلىعىندا، بەلەت باقىلاۋشىلاردىڭ باقىلاۋىندا قۇرىلتايدىڭ سايلاۋ ءادىسى بويىنشا قاتاڭ جۇرگىزىلدى، الدىن الا سايلاۋ ناتيجەسى زاڭدى، كۇشكە يە.
قۇرىلتايدىڭ سايلاۋ ادىسىندەگى بەلگىلەمە مەن كۇن ءتارتىپ ورنالاستىرۋىنا ساي، 10 - ايدىڭ 21 - كۇنى تۇستەن كەيىن قۇرىلتاي ۋاكىلدەر ۇيىرمەلەرىنىڭ گرۋپپالار ءماجىلىسىن وتكىزىپ، ءتوراعالار القاسىنىڭ 3 - جيىنىندا ماقۇلدانعان ورتالىق كوميتەت مۇشەلەرى، ورتالىق كوميتەتتىڭ كانديدات مۇشەلەرى، ورتالىق ءتارتىپ تەكسەرۋ كوميتەتى مۇشەلەرى كانديداتتارىنىڭ ەسىمدىگىن اقىلداستى.
10 - ايدىڭ 22 - كۇنى تۇستەن بۇرىن قۇرىلتاي رەسمي سايلاۋ وتكىزەدى.
كەلۋ قاينارى: حالىق تورابى
 |
10 - ايدىڭ 21 - كۇنى جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى بەيجيڭدەگى حالىق سارايىندا 3 - جيىنىن وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار جيىنعا قاتىناستى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
