پارتيا 20 – قۇرىلتايىنىڭ ۋاكىلدەرى قىزۋ تالقى جۇرگىزدى
جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتەمىز
«حالىق گازەتىنىڭ» تىلشىلەرى ديڭ ي – تيڭ، ۋاڭ جوۋ، حۋان شياڭ، چي جىميڭ
2022.10.21 16:08 كەلۋ قاينارى : حالىق تورابى
ۇلى وزگەرىس جۇرتتى جىگەرلەندىرەدى، ۇلى جوبا ادامدى العا باسۋعا جەبەيدى.
باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا بىلاي دەپ دارىپتەدى: «قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ».
جاڭا جۇڭگو قۇرىلعاننان بەرگى، اسىرەسە، رەفورما جاساپ، ەسىك اشقاننان بەرگى ۇزاق ۋاقىتتىق ىزدەنىس پەن اماليات نەگىزىندە، پارتيانىڭ 18 - قۇرىلتايىنان بەرگى نازاريا مەن اماليات جاعىنداعى جاڭالىق اشۋ، قامال الۋ ارقىلى پارتيامىز جۇڭگو ۇلگىسىندەگى وسىزاماندانۋدى ءساتتى ىلگەرىلەتتى جانە كەڭەيتتى. جۇڭگو ۇلگىسىندەگى وسىزاماندانۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ، ول ءار ەلدىڭ وسىزاماندانۋىنىڭ ورتاق ەرەكشەلىگىنە يە، ونان دا ماڭىزدىسى، ءوز مەملەكەت جاعدايىن نەگىز ەتكەن جۇڭگوشا ەرەكشەلىككە يە. جۇڭگو ۇلگىسىندەگى وسىزاماندانۋ − حالىق سانى وراسان زور كولەمدەگى وسىزاماندانۋ، جالپى حالىق بىرگە باييتىن وسىزاماندانۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزاماندانۋ، ادام مەن تابيعات جاراسىمدى قاتار ءومىر سۇرەتىن وسىزاماندانۋ، بەيبىت دامۋ جولىمەن جۇرەتىن وسىزاماندانۋ.
باياندامانى تالقىلاپ، اسەرلەرىن اڭگىمەلەپ، تياناقتاندىرۋدى ءسوز ەتتى، پارتيا 20 - قۇرىلتايىنىڭ ۋاكىلدەرى جابال مىنانى ءبىلدىردى: جاڭا جورىقتا جۇڭگو ۇلگىسىندەگى وسىزاماندانۋدىڭ ىشكى ەرەكشەلىگىن، ماندىك تالابىن جانە جۇڭگو ۇلگىسىندەگى وسىزاماندانۋدىڭ كەلەلى پرينسيپتەرىن مىقتى يگەرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرىپ، وزىمىزگە سەنىپ، ءوزىمىزدى الۋەتتەندىرىپ، تۋراشىلدىقتان تايماي، جاڭالىق اشىپ، جىگەرلەنە العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك.
جۇڭگو ۇلگىسىندەگى وسىزاماندانۋ جۇڭگونىڭ بايتاق دالاسىنا تامىر تارتقان، جۇڭگونىڭ ءىس جۇزىندىك جاعدايىنا ۇيلەسەدى
وسىزامانداندىرۋدى جۇزەگە اسىرۋ − تاياۋ زاماننان بەرگى جۇڭگو حالقىنىڭ اڭساعان نىساناسى.
باس شۋجي شي جينپيڭ پارتيا 20 – قۇرىلتايىنىڭ بايانداماسىندا بىلاي دەپ اتاپ كورسەتتى: «عىلمي سوتسياليزم 21 - عاسىرداعى جۇڭگودا جاڭا دا جالىندى ومىرشەڭدىك قۋاتىن قاۋلاتتى، جۇڭگو ۇلگىسىندەگى وسىزاماندانۋ ادامزاتتىڭ وسىزاماندانۋىن جۇزەگە اسىرۋىنا جاڭا تالعام ازىرلەدى».
ۋاكىلدەر جابال مىنانى ءبىلدىردى: جۇڭگو ۇلگىسىندەگى وسىزاماندانۋ جۇڭگونىڭ بايتاق دالاسىنا تامىر تارتىپ، جۇڭگونىڭ ءىس جۇزىندىگىنە ۇيلەسىپ، سوتسياليستىك قۇرىلىستىڭ زاڭدىلىعىن ايگىلەدى ءارى ادامزات قوعامىنىڭ دامۋ زاڭدىلىعىن ايگىلەدى، ءبىز، ءسوز جوق، جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە تاباندى بولۋىمىز كەرەك.
«دۇنيە جۇزىندە قاتىپ - سەمگەن وسىزاماندانۋ ۇلگىسى دە، بارىنە ۇيلەسەتىن وسىزاماندانۋ ولشەمى دە جوق». ورتالىق پارتيا مەكتەبى (مەملەكەتتىك اكىمشىلىك شۋەيۋانى) كەڭسەسىنىڭ مەڭگەرۋشىسى، ۋاكىل جاڭ جۇڭجۇن بىلاي دەدى: وزگەشە مەملەكەت جاعدايى، مادەنيەت ءداستۇرى جانە تاريحي بارىسى جۇڭگونىڭ، ءسوز جوق، دەربەس، ءوز - وزىنە قوجايىن بولا وتىرىپ ءوز ەرەكشەلىگىنە ۇيلەسەتىن وسىزاماندانۋدى تاباندىلىقپەن ىلگەرىلەتۋىن بەلگىلەگەن.
− جۇڭگو ۇلگىسىندەگى وسىزاماندانۋ − حالىق سانى وراسان زور كولەمدەگى وسىزاماندانۋ.
«ءبىر ميلليارد 400 ميلليوننان استام ادام وسىزاماندانعان قوعامعا قادام تاستادى، مۇنىڭ كولەمى قازىرگى دامىعان ەلدەردىڭ حالىق سانىنىڭ جيىنتىعىنان اسىپ ءتۇستى، الدا وسىزاماندانعان دۇنيە ءجۇزىنىڭ كارتاسىن تۇبەگەيلى وزگەرتىپ جازادى». جاڭ جۇڭجۇن بىلاي دەپ قارادى: جۇڭگو ۇلگىسىندەگى وسىزاماندانۋدى ىلگەرىلەتۋدىڭ جانە كەڭەيتۋدىڭ جاپالىلىعى مەن كۇردەلىلىگى بۇرىن بولىپ كورمەگەن دارەجەدە بولىپ وتىر، مەملەكەت جاعدايىن تياناق ەتىپ، قول جەتپەسكە دە، كونەگە دە جارماسىپ الماي، ورنىقتىلىق بارىسىندا ىلگەرىلەۋدە، تارتىپپەن ىلگەرىلەۋدە، ۇزدىكسىز ىلگەرىلەتۋدە تاباندى بولۋ كەرەك.
وراسان زور حالىق سانى كولەمى اناعۇرلىم كەڭ بازار كەڭىستىگىنەن، اناعۇرلىم مول دارىندىلار بايلىعىنان دەرەك بەرەدى. «وسى 10 جىلدا شەبەر دارىندىلاردىڭ كاسىپتىك دامۋ ارناسى بارعان سايىن ىركىلىسسىزدەنىپ، كاسىپ جۇمىسشىلارىنىڭ ورنى مەن يگىلىگى كورنەكتى جوعارىلادى». جۇڭچى چيڭداۋ سىفاڭ پاراۆوز شەكتى جارنا سەرىكتەستىگىنىڭ تەمىرشىلىك اعا تەحنيگى، ۋاكىل گو رۇي بىلاي دەدى: جاڭا ءداۋىر ءجۇز ميلليونداعان حالىققا ارمانعا قۇلاش سەرمەۋ، ارماندى جۇزەگە اسىرۋ ورايىن بەردى، ءاربىر ادام قۇلشىنا كۇرەس جۇرگىزىپ، بەلسەنە ءىس تىندىرسا بولعانى، ۇلتتىڭ گۇلدەنۋىنىڭ ايبىندى كۇشىن ۇيىستىرىپ، جۇڭگو ۇلگىسىندەگى وسىزاماندانۋدىڭ ۇزدىكسىز العا دامۋىن ىلگەرىلەتۋگە بولادى.− جۇڭگو ۇلگىسىندەگى وسىزاماندانۋ − جالپى حالىق بىرگە باييتىن وسىزاماندانۋ.
جاپپاي دوڭگەلەك داۋلەتتى قوعام قۇرۋ جولىندا بىردە - ءبىر ادامنىڭ قاتاردان قالۋىنا جول بەرىلمەيدى. جاڭا داۋىردەگى 10 جىلدا ەلىمىزدىڭ اۋىل - قىستاعىنداعى 100 ميلليونعا جۋىق كەدەي حالىق كەدەيلىكتەن ارىلتىلىپ، مۇلدەم كەدەيلىك ماسەلەسى تاريحي سيپاتتى شەشىلىپ، تاريحتا وشپەس كەرەمەتتەر جاراتىلدى.
«بانان ەگىمشىلىگى، مال باعىمشىلىعى سياقتى كاسىپتەردى دامىتتىق، قىستاق تۇرعىندارىنىڭ كىرىسىن ارتتىرۋ، بايۋ ارناسى اناعۇرلىم كەڭەيدى». يۇننان ولكەسى جينپيڭ مياۋزۋ - ياۋزۋ - دايزۋ اۆتونوميالى اۋدانى جينشۇيحى قالاشىعى گىجيە قىستاعى مينشياۋ گرۋپپاسى پارتيا ياچەيكاسىنىڭ شۋجيى، ۋاكىل پۋ يۇيجۇڭ بىلاي دەدى: اۋىل - قىستاقتى گۇلدەندىرۋدى جاپپاي ىلگەرىلەتۋ جولىندا كۇرەس جۇرگىزىپ، اۋىلداستاردىڭ تۇرمىسىن ءتىپتى دە جاقسارتۋىمىز كەرەك.
«جۇڭگو ۇلگىسىندەگى وسىزاماندانۋ − سوتسياليستىك وسىزاماندانۋ، ءسوز جوق، سوتسياليزمنىڭ ماندىك تالابىن ايگىلەۋ، جالپى حالىقتىڭ بىرگە اۋقاتتانۋىن جەبەۋ كەرەك». گانسۋ ولكەلىك قوعامدىق عىلىمدار سالاسى بىرلەستىگى عىلىم ءبولىمى باستىعىنىڭ ورىنباسارى، ۋاكىل كاڭ جۇڭفاڭ بىلاي دەدى: قازىر ءبىز دامۋدىڭ بىركەلكى، تولىق بولماۋى سياقتى ماسەلەلەرگە ءالى دە ءدوپ كەلىپ وتىرمىز، «جاڭا جورىقتا حالىقتى وزەك ەتۋدە تاباندى بولىپ، ءوڭىر، قالا - اۋىل، كىرىس ءبولىسى پارقى سياقتى ماسەلەلەردى اناعۇرلىم ويداعىداي شەشىپ، قوعامنىڭ ادىلدىگىن، تۋراشىلدىعىن جەبەپ، جالپى حالىقتىڭ بىرگە بايۋىن بىرتىندەپ جۇزەگە اسىرۋىمىز كەرەك».
−جۇڭگو ۇلگىسىندەگى وسىزاماندانۋ − ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزاماندانۋ.
«ماتەريالدىق وركەنيەت بولماسا، وسىزاماندانۋدان اۋىز اشۋعا بولمايدى؛ ماتەريالدىق وركەنيەت قانا بولىپ، رۋحاني وركەنيەت بولماسا، كەمەلدى وسىزاماندانۋ بولمايدى». حۋنان داشۋەسى پارتكومىنىڭ شۋجيى، ۋاكىل دىڭ ۋەي بىلاي دەپ قارادى: ماتەريالدىق جاقتان باي، رۋحاني جاقتان باي بولۋ − سوتسياليستىك وسىزاماندانۋدىڭ ءتۇبىرلى تالابى، جاڭا جورىقتا رۋحاني وركەنيەت قۇرىلىسىن جۇڭگو ۇلگىسىندەگى وسىزاماندانۋدىڭ تۇتاس بارىسىنا ءسىڭىرىپ، زاتتىق ماتەريالدىڭ مولشىلىعى مەن ادامنىڭ جان - جاقتى دامۋىن جەبەۋ كەرەك.
«قىستاق جەر جاعدايىنا قاراي اپەلسين، مايلى شاي سياقتى كاسىپتەردى سۇيەمەلدەپ دامىتتى، سونداي - اق جاڭا ءداۋىر وركەنيەت امالياتى پۋنكتىن، قارتتارعا قامقورلىق جاساۋ اسحاناسىن قۇردى، قىستاق تۇرعىندارى قالتالارىن بايىتتى، ءبىلىم قورىن دا مولىقتىردى». جياڭشي ولكەسى گانجوۋ قالاسى شاڭيوۋ اۋدانى فۋۋان قىستاعى پارتيا ياچەيكاسىنىڭ شۋجيى، ۋاكىل كاڭ كۋانجۇن بىلاي دەدى: كەلەسى قادامدا اۋىل شارۋاشىلىعىن وسىزامانداندىرىپ دامىتۋدى جەدەلدەتىپ، شارۋالاردىڭ كىرىسىن ارتتىرۋ نەگىزىن بەكەمدەۋمەن بىرگە، وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن كۇش سالا جەتىلدىرىپ، اۋىل - قىستاق وركەنيەتىنىڭ ۇزدىكسىز جاڭا لەپ كورسەتۋىنە مۇمكىندىك جاسايمىز.
− جۇڭگو ۇلگىسىندەگى وسىزاماندانۋ − ادام مەن تابيعات جاراسىمدى قاتار ءومىر سۇرەتىن وسىزاماندانۋ.
GDP دىڭ بىرلىك ەنەرگيا قۇراۋى جيىنى %26.4 تومەندەدى، تازا ەنەرگيانىڭ تۇتىنۋ سالىستىرماسى %25.5 كە جوعارىلادى، ايماق دارەجەلى جانە ودان جوعارى دارەجەدەگى قالالارداعى قارا، ساسىق سۋلار نەگىزىنەن جويىلدى... وسى 10 جىلدا كورىكتى جۇڭگو قۇرىلىسىندا نىق قادام تاستالدى. ۋاكىلدەر بىلاي دەپ قارادى: كەلەسى قادامدا ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، جۇڭحۋا ۇلتىنىڭ ماڭگىلىك دامۋىن جۇزەگە اسىرۋ كەرەك.
«ادام مەن تابيعاتتىڭ جاراسىمدى قاتار ءومىر ءسۇرۋ ماسەلەسىن ويداعىداي شەشۋدە جاسىل دامۋدى جۇزەگە اسىرۋ كەرەك». مەملەكەتتىك ەلەكتر تورابى سىچۋان ولكەلىك ەلەكتر سەرىكتەستىگىنىڭ پارتكوم شۋجيى، باس القاسى، ۋاكىل تان حۇڭ - ىن بىلاي دەپ قارادى: «ەلىمىزدىڭ ەنەرگيا بايلىعى جاعىنداعى نەگىزگى مەملەكەت جاعدايى بىزدەن ەنەرگيادان پايدالانۋ ءتاسىلىنىڭ شوعىرلى، جوعارى ءونىمدى بولۋعا قاراي بۇرىلىس جاساۋىن جەبەۋدى تالاپ ەتەدى، سوندىقتان ءبىز ەنەرگيا توڭكەرىسىن بەلسەنە ىلگەرىلەتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن قۇلشىنا جۇزەگە اسىرۋىمىز كەرەك».
− جۇڭگو ۇلگىسىندەگى وسىزاماندانۋ − بەيبىت دامۋ جولىمەن جۇرەتىن وسىزاماندانۋ.
«وسى جىلدارى جۇڭگو - ەۆروپا كەزەكشى پويەزى ازيا - ەۆروپا قۇرلىعىنا قاتىنايتىن ‹قۇرىش كەرۋەنگە› اينالىپ، حالىقارالىق قوعامنىڭ جاپپاي القاۋىنا بولەندى». جۇڭگو تەمىر جولى جينان مەكەمەسى توبى شەكتى سەرىكتەستىگى پارتكومىنىڭ شۋجيى، باس القاسى، ۋاكىل ۋاڭ شينچۇن بىلاي دەپ قارادى: «ءبىر بەلدەۋ، ءبىر جولدى» جوعارى ساپامەن بىرگە قۇرۋ، ەركىن ساۋدا سىناق رايونىن جەدەل قۇرۋ سياقتى شارالار جۇڭگونىڭ «دوستار شەڭبەرىن» بارعان سايىن كەڭەيتتى، «اماليات جۇڭگونىڭ ءوزىن اناعۇرلىم جاقسى دامىتۋمەن بىرگە، دۇنيە جۇزىنە اناعۇرلىم پايدا جەتكىزگەنىن دالەلدەدى».
«كەيبىر ەلدەردىڭ سوعىس، وتارلاۋ، تالان - تاراجىلاۋ سياقتى تاسىلدەر ارقىلى وسىزاماندانۋدى جۇزەگە اسىرۋداعى كونە سۇردەگىنە ۇقسامايدى، جۇڭگو ۇلگىسىندەگى وسىزاماندانۋدا بەيبىت دامۋ جولىمەن جۇرۋدە تاباندى بولۋ كەرەك». مەملەكەت قورعانىسى داشۋەسى ساياسي شۋەيۋانى ماركسيزم نازارياسى فاكۋلتەتىنىڭ مەڭگەرۋشىسى، ۋاكىل جياڭ يانجۇن بىلاي دەپ قارادى: قازىر دۇنيە ءجۇزى اۋمالى - توكپەلى وزگەرىس مەزگىلىنە ءوتتى، ءار ەل حالقىنىڭ بەيبىتشىلىككە، تىنىشتىققا دەگەن تىلەگى اناعۇرلىم كوكەيتەستى بولا ءتۇستى، «ءبىز دۇنيە ءجۇزىنىڭ بەيبىتشىلىگى مەن دامۋىن باتىل قورعاۋ بارىسىندا وزىندىك دامۋعا تالپىنۋىمىز ءارى ءوزىمىزدىڭ دامۋىمىز ارقىلى دۇنيە ءجۇزىنىڭ بەيبىتشىلىگى مەن دامۋىن اناعۇرلىم جاقسى قورعاۋىمىز كەرەك».
ماندىك تالاپتى تەرەڭ ءتۇسىنىپ، بۇكىل پارتيانى، بۇكىل ەلدەگى ءار ۇلت حالقىن قايراتتانا العا ۇمتىلۋعا شابىتتاندىردى
باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا بىلاي دەپ دارىپتەدى: «جۇڭگو ۇلگىسىندەگى وسىزامانداندىرۋدىڭ ماندىك تالابى: جۇڭگو كوممۋنيستىك پارتياسىنىڭ باسشىلىعىندا تاباندى بولۋ، جۇڭگوشا سوتسياليزمدە تاباندى بولۋ، ساپالى دامۋدى جۇزەگە اسىرۋ، جالپى بارىستىق حالىق دەموكراتياسىن دامىتۋ، حالىقتىڭ رۋحاني الەمىن بايىتۋ، جالپى حالىقتىڭ بىرگە بايۋىن جۇزەگە اسىرۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ، ادامزات وركەنيەتىنىڭ جاڭا فورماتسياسىن جاراتۋ».
دىڭ ۋەي بىلاي دەپ قارادى: «پارتيانىڭ 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزاماندانۋدىڭ ماندىك تالابى جيناقتالدى، بۇل − جۇڭگوشا سوتسياليزم نازارياسىنداعى ءبىر رەتكى كەلەلى جاڭالىق». جياڭ يانجۇن بىلاي دەپ قارادى: «وسى ماندىك تالاپتار تىعىز بايلانىسىپ، ىشكى جاقتان ساباقتاسىپ، جاڭا داۋىردەگى پارتيانىڭ ەل باسقارۋداعى تابىستى تاجىريبەلەرىن قامتىپ، جۇڭگو ۇلگىسىندەگى وسىزاماندانۋدى ىلگەرىلەتۋگە ءتۇبىرلى بويسۇنۋ تياناعىن ازىرلەيدى».
الداعى 5 جىل − جاپپاي سوتسياليستىك وسىزاماندانعان مەملەكەت قۇرۋ باستاماسى باستالاتىن شەشۋشى مەزگىل. پارتيا 20 - قۇرىلتايىنىڭ بايانداماسىندا پارتيا مەن مەملەكەت ىستەرىن دامىتۋدىڭ الداعى 5 جىلدىق، ءتىپتى ونان دا ۇزاق ۋاقىتتىق نىسانالىق مىندەتتەرى مەن كەلەلى باعىت - ساياساتتارى عىلمي جوسپارلاندى. ۋاكىلدەر جابال مىنانى ءبىلدىردى: جۇڭگو ۇلگىسىندەگى وسىزاماندانۋدىڭ ۇلى جوباسى بۇكىل پارتيانى، بۇكىل ەلدەگى ءار ۇلت حالقىن قايراتتانا العا ۇمتىلىپ، ەرلىكپەن العا باسۋعا شابىتتاندىردى.
ۇلى نىسانانى جۇزەگە اسىرۋ ءۇشىن، قايراتتانا العا ۇمتىلىپ، بيىك شىڭعا شىعۋ كەرەك.
بەيجيڭ قالالىق عىلىم - تەحنيكا كوميتەتىنىڭ، جۇڭگۋانسۇن باسقارۋ كوميتەتىنىڭ مەڭگەرۋشىسى، ۋاكىل شۇي چياڭ تىلشىگە بىلاي دەدى: قازىر بەيجيڭ حالىقارالىق عىلىم - تەحنيكادا جاڭالىق اشۋ ورتالىعىن قۇرۋدى جەدەلدەتىپ، جاڭالىق اشۋ بايلىعى فاكتورلارىنىڭ كومەسكى كۇشىن كۇش سالا اشىپ، جاڭالىق اشۋ تۇلعالارىنىڭ ومىرشەڭدىك كۇشىن تاسقىنداتۋدا.
ج ك پ شاڭحاي قالالىق عىلىم - تەحنيكا قىزمەتى كوميتەتىنىڭ شۋجيى، ۋاكىل شۇي فىڭ بىلاي دەدى: تاياۋ جىلداردان بەرى شاڭحايدىڭ عىلىم - تەحنيكادا جاڭالىق اشۋ ىستەرى كورنەكتى ىلگەرىلەۋشىلىككە قول جەتكىزدى، كەلەسى قادامدا عىلمي زەرتتەۋ ءتۇزىلىس، مەحانيزمى رەفورماسىن جۇيەلى ىلگەرىلەتىپ، شەشۋشى، وزەكتى تەحنيكالاردا كۇش سالا جاڭالىق اشۋدى كوزدەي وتىرىپ قامال الۋ كەرەك.
جيلين داشۋەسى پارتكومىنىڭ شۋجيى، ۋاكىل جياڭ جىيىڭ بىلاي دەدى: وقۋ - اعارتۋ قىزمەتكەرلەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، مورالمەن ادام تاربيەلەپ، مادەنيەتپەن ادامدى اسەرلەندىرىپ، مۇراتپەن ادام سومداپ، ۇلتتىڭ گۇلدەنۋى ۇلى مىندەتىن ارقالايتىن ءداۋىردىڭ جاڭا ادامدارىن تاربيەلەپ، جۇڭگو ارمانىن جۇزەگە اسىرۋعا كۇش توپتاۋ كەرەك.
جۇڭگو تەڭىز – مۇحيت مۇنايى حۇيجوۋ مۇناي - حيميا شەكتى سەرىكتەستىگى مۇناي ايىرۋ 7 - ءبولىمىنىڭ ءوندىرىس باقىلاۋشىسى، ۋاكىل گاۋ دۇڭبين بىلاي دەدى: ماڭگى تاتتانبايتىن «بۇراندا» بولىپ، بار كۇشپەن ۇيرەتىپ، كومەكتەسىپ، جەتەكتەپ، مۇناي - حيميا سالاسىنىڭ ساپالى دامۋىنا اناعۇرلىم كوپ تەحنيكا دارىندىلارىن جەتىلدىرۋ كەرەك.
ۇلى نىسانانى جۇزەگە اسىرۋدا جۇدىرىقتاي جۇمىلىپ، ىنتىماقتاسا كۇرەس جۇرگىزۋ كەرەك.
ادەبيەت - كوركەمونەر شەبىنەن كەلگەن نيڭشيا ويىن - ساۋىق توبى چينچياڭ تەاترى پارتيا ياچەيكاسىنىڭ شۋجيى، تەاتر باستىعى، ۋاكىل حوۋ يان مىنالاردى ءبىلدىردى: «مادەنيەت − ءبىر مەملەكەتتىڭ، ءبىر ۇلتتىڭ جانى، ءبىز باتىس سولتۇستىك چينچياڭ كوركەمونەرىن جالعاستىرۋ، قورعاۋ بازاسىن قۇلشىنا قۇرىپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتىپ، بۇقارانىڭ رۋحاني مادەنيەتكە دەگەن قاجەتىن اناعۇرلىم ويداعىداي قاناعاتتاندىرامىز».
چىڭدۋ حۇڭچي جەلىلەس دۇكەندەرى شەكتى جارنا سەرىكتەستىگىنىڭ باس القاسى، ۋاكىل ساۋ شىرۋ مىنانى ءبىلدىردى: پارتيا قۇرىلىسى ارقىلى كاسىپورىنداردىڭ ساپالى دامۋىنا جەتەكشىلىك ەتۋدە تاباندى بولىپ، قوعامدىق جاۋاپكەرلىكتى بەلسەنە اتقارىپ، اناعۇرلىم كوپ جۇمىس ورنىن جاراتامىز.
حاينان ولكەلىك قوعام حاۋىپسىزدىگى مەڭگەرمەسى تەڭىز جاعالاۋى ساقشى باس اترەتى 1 - تارماق اترەتى حۇڭداۋ تەڭىز جاعالاۋى ساقشى بولىمشەسىنىڭ باستىعى، ۋاكىل ليۋ جى بىلاي دەدى: «تەڭىز جاعاسى جەلىسى بويىنداعى پورتتاردىڭ حاۋىپسىزدىگىن جونگە سالۋ، حاۋىپسىزدىگىن باسقارۋ - مەڭگەرۋ سياقتى مىندەتتەردى ارقالاپ وتىرمىز، ءبىز زاڭ اتقارۋدى باقىلاۋدى قاتايتىپ، زاڭ اتقارۋ ونىمدىلىگىن ۇزدىكسىز جوعارىلاتىپ، قوعامنىڭ جاراسىمدىلىعىنا، ورنىقتىلىعىنا بەلسەندى ۇلەس قوسامىز».
كەلەلى پرينسيپتەردى مىقتى يگەرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك
باس شۋجي شي جينپيڭ پارتيانىڭ 20 - قۇرىلتايىنا جاساعان بايانداماسىندا بىلاي دەپ اتاپ كورسەتتى: «ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن-سايىس قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءتۇرلى ‹قاراقۋ›، ‹سۇرى ءمۇيىزتۇمسىق› ۋاقيعالارى كەز كەلگەن ۋاقىتتا تۋىلۋى مۇمكىن. ءبىز، ءسوز جوق، تاۋقىمەت تانىمىن كۇشەيتىپ، سوڭعى شەكتىك وي جۇگىرتۋدە تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋىمىز كەرەك».باياندامادا العا باسۋ جولىندا پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ، جۇڭگوشا سوتسياليزم جولىندا، حالىقتى وزەك ەتكەن دامۋ يدەياسىندا، رەفورما جاساپ، ەسىك اشۋدى تەرەڭدەتۋدە، كۇرەس رۋحىن ساۋلەلەندىرۋدە تاباندى بولۋ سىندى كەلەلى پرينسيپتەر پايىمدالدى. ۋاكىلدەر جابال مىنانى ءبىلدىردى: كەلەلى پرينسيپتى مىقتى يگەرىپ، سەنىمدى بەكەمدەپ، قايراتتانا العا ۇمتىلىپ، وزگەرىستى ىرىقتىلىقپەن تانىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى شەشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزەمىز.
− پارتيانىڭ سوزىنە قۇلاق اسىپ، پارتياعا ىلەسىپ، پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ كەرەك.
«جاڭا داۋىردەگى 10 جىلداعى ۇلى وزگەرىس پارتيانىڭ بوران - شاشىن كەلگەندە جالپى حالىقتىڭ ەڭ سەنىمدى تىرەگى بولاتىنىن تولىق دالەلدەدى». حۋبەي ولكەسى حۋاڭشى قالالىق پارتكومنىڭ شۋجيى، ۋاكىل شي يىڭساي بىلاي دەدى: جاڭا ساپاردا پارتيانىڭ جالپى بەتتىك باسشىلىعىندا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانى باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسىنا اينالدىرۋ كەرەك.
− جولدى وزگەرتپەۋ، جىگەردەن تايماۋ، جۇڭگوشا سوتسياليزم جولىندا تاباندى بولۋ كەرەك.
«تۋ بەتالىستى، جول تاعدىردى بەلگىلەيدى. جاڭا داۋىردەگى 10 جىلداعى ۇلى وزگەرىس جۇڭگوشا سوتسياليزم جولىمىزدىڭ دۇرىس، اشىق بولىپ قانا قالماستان، ورنىقتى، جاقسى بولعانىن دا دالەلدەدى». انحۇي ولكەسى ۋحۋ قالالىق پارتكومنىڭ شۋجيى، ۋاكىل شان شياڭچيان بىلاي دەدى: جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول، «قازىر دۇنيە جۇزىندە 100 جىلدا بولماعان زور وزگەرىس جەدەل دامىپ، دۇنيە ءجۇزى وزگەرىسىنىڭ، ءداۋىر وزگەرىسىنىڭ، تاريح وزگەرىسىنىڭ ەرەكشەلىگى اناعۇرلىم كورنەكتىلەندى». جاڭا جورىقتا ءبىز جۇڭگوشا سوتسياليزم جولىندا وسىزامانداندىرۋدى جۇزەگە اسىرۋدا تاباندى بولىپ، مەملەكەت پەن ۇلتتىڭ دامۋىن ءوز كۇشىمىزدىڭ نەگىزگى تۇيىنىنە قويىپ، جۇڭگونىڭ دامۋ، العا باسۋ تاعدىرىن ءوز قولىمىزدا بەرىك ۇستاپ، جۇڭگوشا سوتسياليزم ۇلى ءىسىن ۇزدىكسىز العا ىلگەرىلەتۋىمىز كەرەك».
− حالىق تۇرمىسىنا تيىمدىلىك جاساپ، حالىق جۇرەگىن جىلىتىپ، حالىقتى وزەك ەتكەن دامۋ يدەياسىندا تاباندى بولۋ كەرەك.
«پارتيا 20 - قۇرىلتايىنىڭ بايانداماسىندا ‹حالىق ءۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى تەڭ يگىلىكتەندىرۋدى ۇزدىكسىز جۇزەگە اسىرىپ، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋ› ورتاعا قويىلدى، بل جۇرت كوڭىلىن جەلپىندىرىپ، جۇرت تىلەگىن ۇيىستىرادى». باياندامانى مۇقيات ۇيرەنگەن شانشي ولكەسى باۋجي قالاسى فىڭشياڭ رايونى چىنسۇن قالاشىعى حۋايبەي قىستاعى پارتيا ياچەيكاسىنىڭ شۋجيى، ۋاكىل جاڭ ليڭيۇن بىلاي دەدى: جاڭا جورىقتا جوعارى - تومەن ءبىر نيەتكە كەلىپ، بىرگە قۇلشىنىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن امالدىڭ بارىنشا ويداعىداي شەشىپ، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك.
− ومىرشەڭدىك كۇشتى ارتتىرىپ، كەڭىستىكتى كەڭەيتىپ، رەفورما جاساپ، ەسىك اشۋدى تەرەڭدەتۋدە تاباندى بولۋ كەرەك.
رەفورما جاساپ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا ءارى «ەكى 100 جىلدىق» كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بەلگىلەيتىن شەشۋشى شارا.
گۋاڭدۇڭ شينحۇي مەيدا جينلۇن جارنا شەكتى سەرىكتەستىگىنىڭ باس ينجەنەرى، ۋاكىل چىن شين بىلاي دەپ قارادى: وسى جىلداردا رەفورما جاساپ، ەسىك اشۋ قالىڭ حالىقتىق كاسىپورىنداردىڭ دامۋىنا اناعۇرلىم كوپ سەنىم جانە ومىرشەڭدىك كۇش ۇستەدى، «رەفورمانىڭ ۇزدىكسىز ىلگەرىلەۋىنە ىلەسە، قات - قابات تۇزىلىستىك، مەحانيزمدىك كەدەرگىلەر ونان ارى تالقانداپ، سوتسياليستىك بازار شارۋاشىلىعى ءتۇزىلىسى ونان ارى كەمەلدەنىپ، تۇلعالاندى، حالىقتىق شارۋاشىلىق ءتىپتى دە كەڭ ساحناعا بەت الادى».
«ەسىك اشۋدى تاباندىلىقپەن كەڭەيتسەك، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭدىك كۇشىن ۇزدىكسىز ارتتىرا الامىز». جۇڭگو سالىق كەشىرىم ەتىلگەن تاۋارلار توبى سانيا قالا ءىشى سالىق كەشىرىم ەتىلگەن دۇكەن شەكتى سەرىكتەستىگى ساتۋ ءبولىمى ساتۋ گرۋپپاسىنىڭ باستىعى، ۋاكىل ليۋ جىلي بىلاي دەپ قارادى: جوعارى دەڭگەيدە ەسىك اشۋدى ىلگەرىلەتىپ، ەسىك اشۋ ارقىلى رەفورمانى، دامۋدى، جاڭالىق اشۋدى جەبەۋ ەلىمىز ەكونوميكاسىنىڭ ومىرشەڭدىك كۇشىن، دامۋ كەڭىستىگىن ۇزدىكسىز كەڭەيتەدى.
− كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، كۇرەس رۋحىن ساۋلەلەندىرۋدە تاباندى بولۋ كەرەك.
جۇڭگو مۇناي حيميا ونەركاسىبى جەڭىس مۇناي باسقارۋ مەكەمەسى شەكتى سەرىكتىگىنىڭ القالار جوراسى، پارتكوم شۋجيى، ۋاكىل نيۋ شۋانۋىن مىنالاردى ءبىلدىردى: ەلىمىز دامۋ جولىنداعى ۇلكەن مەملەكەت تۇرعىسىنان ەنەرگيا، بايلىق، استىق قاتارلى حالىقاراداعى كوپ قولدى تاۋارلار بازارىنىڭ ورنقسىزدىعىنا ءونىمدى توتەپ بەردۋ ءۇشىن، امالدىڭ بارىنشا شارا قولدانىپ تومەنگى شەكتى ساقتاپ، دامۋدىڭ ىرىقتىلىق ۇقىعىن يگەرۋى كەرەك، «ەنەرگيا سالاسىندا تەحنيكادان قامال الۋدى كۇشەيتىپ، ەنەرگيا ىدىسىن ءوز قولىمىزدا مىقتاپ ۇستاۋىمىز كەرەك».
جاڭا ءداۋىر، جاڭا جورىق، جاڭا بورىش، جاڭا مىندەت.
بۇل − ۋاكىلدەردىڭ بەرىك سەنىمى: بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءتىپتى دە سەنىمدى جانە قابىلەتتى بولدىق، سونىمەن بىرگە، ءتىپتى دە جاپالى، ءتىپتى دە ماشاقاتتى قۇلشىنىستار جاساۋعا ساقاداي ساي تۇرۋىمىز كەرەك.
بۇل − ۋاكىلدەردىڭ اسقاق ءۇنى: ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جۇڭگو ۇلگىسىندەگى وسىزاماندانۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتىپ، جاڭا ۇلى كۇرەس ارقىلى جاڭا تاريحي ۇلى ءىس جاراتۋىمىز كەرەك!
(تىلشىلەرىمىز ليۋ جىچياڭ، جاڭ ياۋ، گۇڭ شىجيان، ۋاڭ حاۋنان، حۋاڭ فۋتى، لي گاڭ، ليۋ جۇنگو، ۋاڭ جينتاۋ، جاۋ بيڭ، جاڭ سۇڭ، لي ماۋيىڭ، سۇن جىن، جين جىڭبو، فان حاۋتيان، داي لينفىڭ حاباردى جازۋعا ات سالىستى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
